အမှားကြာလျှင် အမှန်ထင်မှာစိုးပါသည် - ကိုဉာဏ် (ပန်းလောင်မြေ)

အစကတော့ ဒီပို့စ်ကိုရေးဖို့ စိတ်ကူးမရှိပါဘူး။ ဒါပေမယ့် အခုတော့ မဖြစ်ဖြစ်အောင်ကို ရေးရပါပြီ။ ရေးဖို့အကြောင်းတွေကလည်း ဖန်လာတာကိုးခင်ဗျ။

ဒီလိုပါ။ တစ်နေ့က ကျွန်တော်တို့ရုံးမှာ လုပ်ဆောင်ရမယ့်လုပ်ငန်းတွေနဲ့ ပတ်သက်တဲ့ စီမံချက်စာအုပ်တစ်ခုကို စစ်ပေးဖို့ ကျွန်တော့်ကို တာဝန်ပေးပါတယ်။ ကျွန်တော်က သေချာအောင်ပြန်မေးပါတယ်။ ဘာစစ်ပေးရမှာလဲ။ အချက်အလက်ပိုင်းဆိုင်ရာ သီးသန့်လား၊ ဒါမှမဟုတ် Format မှန်၊ မမှန်လား၊ စာလုံးပေါင်းလားပေါ့။ အဲဒီတော့ အကုန်လုံးသာစစ်ပေးပါ။ အမှားမရှိရင်ပြီးတာပါပဲ။ ဘာအမှားမှ မပါစေချင်တာပါတဲ့။ ကျွန်တော်သိရသလောက်က အဲဒီစာအုပ်ကို ကျွန်တော့်ထက်ကြီးတဲ့လူတစ်ယောက်က အကြမ်းဖျင်းစစ်ဆေးပြီးသွားပါပြီ။ အခုဟာက ပိုပြီးသေချာသွားအောင် ပြောရရင် သူမမြင်လိုက်တဲ့ဟာတွေ ကျန်သွားရင် ပြန်ပြီးပြင်လို့ရအောင်ပါတဲ့။ ကျွန်တော်အတော်လေးကို စဉ်းစားရပါတယ်။ ခံခဲ့ရဖူးတာ များနေပြီကိုး။ အဲဒီတော့ ကြိုက်သည်ဖြစ်စေ၊ မကြိုက်သည်ဖြစ်စေ ကျွန်တော့်ကို တာဝန်ပေးတဲ့လူကို ကျွန်တော်ပြန်မေးရပါတယ်။ ကျွန်တော်က ဘာတွေမှားနေပါတယ်ဆိုတာကို ရှာပေးရင် တကယ်ပြင်မှာလား၊ ပြန်ပြီးပရင့်ထုတ်မှာလား ဆိုတာကိုပါ။ စစ်ပေးလိုက်တာပဲရှိတယ်။ ပြီးရင် ဒီအမှားကြီးအတိုင်းပဲ တင်မယ်ဆိုရင်တော့ ကျွန်တော့်ကို အချိန်ကုန်ခံ၊ အပင်ပန်းခံပြီး စစ်ခိုင်းမနေနဲ့လေ။ အဲဒီလိုမေးတော့ တစ်ဖက်လူ စဉ်းစားပါတယ်။ သူ့ရဲ့ ဇဝေဇ၀ါမျက်နှာနဲ့ စိတ်ထဲမှာတစ်မျိုးဖြစ်နေတာကို မြင်တဲ့အတွက် ကျွန်တော်က ဆက်ပြောလိုက်ပါတယ်။ ဒီစာအုပ်ကို ဘာမှ ကျွန်တော်မကြည့်ရသေးဘူးနော်၊ ဒါပေမယ့် ဘယ်နားမှာမှားနေတယ်ဆိုတာကို အခုချက်ချင်း တစ်ခုပြရင် ကျေနပ်မလားဆိုတော့ သူက အေး….. လုပ်စမ်းပါဦးတဲ့။ ဒါနဲ့ ကျွန်တော်လည်း နောက်ဆုံးစာမျက်နှာကိုလှန်ပြီး လက်မှတ်ထိုးမယ့်နေရာမှာ ရေးထားတဲ့ အမှားကို ပြလိုက်ပါတယ်။ သူကပြန်ကြည့်ပါတယ်။ ဘာမှားနေလို့လဲတဲ့။ ကောင်းရော…။ ကျွန်တော်လည်း ဘယ်ဟာကအမှန်ဆိုတာကို ရှင်းပြလိုက်တယ်။ သူက ဟုတ်လို့လားတဲ့။ ကျွန်တော်လည်း ရှိသမျှ စာလုံးသတ်ပုံကျမ်းတွေ၊ မြန်မာအဘိဓာန်တွေ ပြလိုက်ပါမှ ငြိမ်သွားတယ်။ အရင်ကတည်းက ဒီလိုပဲ ရိုက်နေကျဖြစ်နေပြီတဲ့။

ဟုတ်ပါတယ်။ အများအားဖြင့်က မြန်မာစာလုံးပေါင်းတွေကို အဆင်ပြေပြီးရော၊ ဖတ်လို့နားလည်ရင်ပြီးရော ရိုက်နေကြတာ ရုံးတွေမှ မဟုတ်ပါဘူး။ ဂျာနယ်တွေ၊ မဂ္ဂဇင်းတွေ၊ စာအုပ်တွေ၊ အခုနောက်ဆုံး ဘလော့ဂ်တွေပေါ်မှာထိ ရေးချင်သလိုကို ရေးနေကြတော့တာပါပဲ။ စာလုံးအဆင့်တွေဆိုရင် ပိုဆိုးပါတယ်။ နောက်ဆုံး ဘယ်လောက်အထိ ရေးကြသလဲဆိုရင် ကမ္ဘာကို-ကဘာတဲ့၊ ကျန်းမာရေးကို-ကျမ်းမာရေးတဲ့။ ကဲ… လုပ်ကြပါဦး။ စာလုံးအဆင့်တွေက ရေးလို့ခက်တယ်လို့ အကြောင်းပြကြပါတယ်။ စာရိုက်နေကျမဟုတ်တဲ့ လူတွေအတွက် အဲဒီဆင်ခြေကို လက်ခံပါတယ်။ ဒါပေမယ့် ဘယ်ဟာက အမှန်လဲဆိုတာတော့ သိထားဖို့လိုမယ်လို့ ထင်ပါတယ်။ ဒါမှသာ လုပ်ငန်းတွေနဲ့ဆိုင်တဲ့နေရာမှာ၊ ပညာရေးဆိုင်ရာ စာတမ်းတင်တဲ့နေရာတွေမှာ အမှန်အတိုင်း ရေးနိုင်မှာဖြစ်ပါတယ်။ ဒီလိုမှမဟုတ်ဘဲ… မြန်မာစကားကို ပေါ့ပေါ့လေးသဘောထားနေရင်တော့ အမှားကြာလာတဲ့အခါ အမှန်ထင်ဖြစ်သွားနိုင်ပါတယ်။

ဘလော့ဂ်ပေါ်မှာ ကျွန်တော်ရေးသမျှဟာ စာလုံးပေါင်းအမှန်တွေလို့ ကျွန်တော်မပြောပါဘူး။ အမှားတွေ အသေအချာကို ရှိမှာပါ။ ဒါပေမယ့် မမှားသင့်တဲ့ဟာတွေကိုတော့ မမှားအောင် ဂရုစိုက်ပါတယ်။ ရုံးလုပ်ငန်းနဲ့ ပတ်သက်ရင်တော့ မသေချာတဲ့ စာလုံးတစ်လုံးတွေ့တာနဲ့ စာလုံးပေါင်းသတ်ပုံကျမ်းကို လှန်ကြည့်လိုက်တာပါပဲ။ မြင်နေကျ၊ ရေးနေကျဆိုပြီး ဘယ်တော့မှ မလုပ်ပါဘူး။ ဘာကြောင့်လဲဆိုတော့ ကျွန်တော်တို့ ပတ်ဝန်းကျင်မှာ မြင်နေရတဲ့အများစုက အမှားတွေဖြစ်နေလို့ပါ။

အဲဒီအတွက် မှားတတ်တဲ့ စာလုံးပေါင်းသတ်ပုံလေးတွေကို ရေးပြီးတင်ပေးဖို့ စိတ်ကူးထားပါတယ်။ စိတ်ကူးထားတာတွေက များနေတော့ ရတဲ့အချိန်ကို လုနေရပါတယ်။ ဒါပေမယ့် မဖြစ်ဖြစ်အောင်တော့ တင်ပေးပါ့မယ်။ စာလုံးပေါင်းအမှန်နဲ့ မရေးနိုင်သေးဘူးဆိုရင်တောင်မှ ဘယ်ဟာက စာလုံးပေါင်းအမှန်လဲ ဆိုတာကို သိတယ်ဆိုရင်ကို အများကြီးအကျိုးရှိနေပြီလို့ ကျွန်တော်ယုံကြည်ပါတယ်။ အောက်မှာတော့ နမူနာအနေနဲ့ မှားတတ်တဲ့ စာလုံးပေါင်းလေးတွေကို ပြထားပါတယ်။

ကိုဉာဏ် (ပန်းလောင်မြေ)
၂၀၀၉ ခုနှစ် နိုဝင်ဘာလ ၂၉ ရက်၊ တနင်္ဂနွေနေ့။
နေ့လည် ၂ နာရီ ၁၀ မိနစ်။

အမှား	အမှန်
ဥက္ကဌ	ဥက္ကဋ္ဌ
အတ္ထုပတ္တိ	အတ္ထုပ္ပတ္ထိ
အညတြ	အညတရ
ငြီးညူ	ညည်းညူ
ခန့်ညား	ခံ့ညား
တဖြေးဖြေး	တဖြည်းဖြည်း
တစ်ချို့	တချို့
တစ်ခါတစ်လေ	တစ်ခါတလေ
ဇွဲနဘဲ	ဇွဲနပဲ
တယူသန်	တစ်ယူသန်

ကျမ်းကိုး
၁။ ခရီးဆောင်မြန်မာအဘိဓာန်၊ မြန်မာစာအဖွဲ့ဦးစီးဌာန။
၂။ မြန်မာစာလုံးပေါင်းသတ်ပုံကျမ်း၊ မြန်မာစာအဖွဲ့ဦးစီးဌာန။
၃။ မှားတတ်သော မြန်မာစာသတ်ပုံများ၊ ဖြိုးသာရ။