ထက်ထက်မိုးဦးသတင်း

ဒီနေ့အင်တာနက်သုံးနေတဲ့အချိန်မှာ လူပြောများတဲ့ သတင်းတစ်ခုကတော့ ရုပ်ရှင်မင်းသမီး ထက်ထက်မိုးဦးနဲ့ 7Day News ဂျာနယ်က သတင်းထောက်တစ်ဦး ပြဿနာဖြစ်တဲ့အကြောင်းပါ။ သူငယ်ချင်းအချို့က ကျွန်တော့်အမြင်ကို မေးကြပါတယ်။ အမှန်အတိုင်းပြောရရင် အဲဒီအကြောင်းကို ကျွန်တော်မသိသေးပါဘူး။ အဲဒါကြောင့်လည်း အင်တာနက်မှာ အဲဒီအကြောင်းကို လိုက်ရှာဖတ်ဖြစ်ပါတယ်။ အများစုက The VOICE ဂျာနယ်ကသတင်းကိုပဲ ပြန်တင်ပေးကြတာ များပါတယ်။ အင်တာနက် သတင်းစာမျက်နှာတစ်ခုမှာတော့ သူတို့ရဲ့အမြင် ခပ်တိုတိုလေး ရေးထားတာကို ဖတ်ရပါတယ်။ ဟိုဘက်မပါ၊ ဒီဘက်မပါပေါ့။ နှာစေးနေတဲ့ အရေးအသားဆိုပါတော့။

ကိုညီလင်းဆက်ရဲ့ ဘလော့ဂ်မှာတော့ ဘယ်သူမှားသလဲဆိုတဲ့ ခေါင်းစဉ်တပ်ပြီးတော့ ပွင့်ပွင့်လင်းလင်းပဲ ရေးထားပါတယ်။ အဲဒီပို့စ်ထဲမှာပဲ သင်္ကြန်တွင်း ရန်ကုန် X2O မဏ္ဍပ်အနီး ဗုံးပေါက်ကွဲမှုဖြစ်စဉ်မှာ သူကိုယ်တိုင် ရိုက်ကူးထားတဲ့ ဓာတ်ပုံတွေကို Myanmar Newsweek Journal က ခိုးယူသုံးစွဲမှုနဲ့ ပတ်သက်ပြီးတော့လည်း ပေါက်ကွဲထားပါသေးတယ်။ အဲဒီလိုပေါက်ကွဲတဲ့အကြောင်းကို ရှေ့ပိုင်းမှာ ရေးပြထားတာကလည်း အကြောင်းရှိပါတယ်။ အောက်မှာ သူရေးထားတဲ့စာတွေကို ဖတ်ကြည့်တဲ့အခါ သူဘာကြောင့် အဲဒီအချက်ကို တမင်ကို လူမုန်းခံပြီး ထည့်ရေးထားသလဲဆိုတာ နားလည်နိုင်ကြပါလိမ့်မယ်။ ကိုညီလင်းဆက်ကတော့ နှစ်ယောက်စလုံး မှားယွင်းတယ်လို့ သူ့အယူအဆကို ရေးပြထားပါတယ်။

အခြားနေရာတွေမှာ လိုက်ဖတ်တော့လည်း ထူးမခြားနား သတင်းတွေကိုပဲ ဖတ်ရတာပါပဲ။ အချို့သတင်းတွေဆိုရင် တခြားစာမျက်နှာကသတင်းကို ကော်ပီပေ့စ်လုပ်ထားသလားတောင် မှတ်ထင်ရတယ်။ တစ်ပုံစံတည်း ချွတ်စွတ်ဖြစ်နေပုံ ပြောပါတယ်။ အဲဒီလိုတင်ထားတာက ဘလော့ဂ်လို၊ Ning လို၊ ဆိုရှယ်နက်ဝက်(ခ)တွေလို နေရာမျိုးဆိုရင် ဘာမှမပြောလိုပါဘူး။ အခုဟာက မြန်မာပြည်ကို ကယ်တင်မယ့်အလုပ်တွေ လုပ်နေသလိုလို၊ သူတို့မှမကယ်ရင် မြန်မာပြည်သူတွေကပဲ နေ့ချင်းညချင်း သေကြတော့မလို ရေးနေ၊ ဖွနေ၊ မြှောက်ပေးနေတဲ့ သူတို့ကိုယ်သူတို့ အားကိုးအားထားပြုရာ သတင်းဌာနကြီးလို့ ပြောနေကြတဲ့ စာမျက်နှာတွေ ဖြစ်နေတာပါပဲ။

ထားလိုက်ပါတော့လေ။ မူရင်းပြောလိုတဲ့ ထက်ထက်မိုးဦးအကြောင်းကို ဆက်ပါမယ်။ စိတ်ဝင်စားစရာကောင်းတာက ထက်ထက်မိုးဦးနဲ့ 7Day News ဂျာနယ်က သတင်းထောက်တို့ အင်တာဗျူးမေးတဲ့ မေးခွန်းတွေပါ။ ကျွန်တော်ကတော့ မေးသင့်တယ်၊ မမေးသင့်ဘူးဆိုတာကို မပြောလိုပါဘူး။ ဆိုပါတော့၊ ဘာပြဿနာမှ မဖြစ်ခဲ့ဘဲ အခုသူမေးထားတဲ့ မေးခွန်းတွေ၊ ထက်ထက်မိုးဦးဖြေမယ့် အဖြေတွေကို သူတို့ဂျာနယ် စာမျက်နှာထက်မှာ ဖော်ပြလိုက်ပြီလို့ စဉ်းစားကြည့်ပါတယ်။ မေးတဲ့လူက ပရိသတ်တွေက ပြောကြတယ်တို့၊ ဘာတို့ဆိုပြီး ပရိသတ်ကို ခေါင်းတည်ပြီး မေးထားတာကို အောက်ဆုံးမေးခွန်းမှာ တွေ့ရမှာပါ။ အဲဒီလိုဆိုတော့ ဒီလို စဉ်းစားမိတယ်။ အခုအင်တာဗျူးဟာ ပရိသတ်တွေကို သိစေချင်၊ ဖတ်စေချင်တဲ့အတွက် ဗျူးတာဖြစ်တယ်လို့ ကောက်ချက်ချနိုင်တယ်။

ဘာကြောင့် ထက်ထက်မိုးဦးကို အင်တာဗျူးရသလဲ။
ရှင်းပါတယ်။ ပရိသတ်က ထက်ထက်မိုးဦးကို စိတ်ဝင်စားမှုရှိနေတယ်လို့ ဂျာနယ်က ယုံကြည်လို့ပေါ့။ ပရိသတ်က စိတ်မ၀င်စားတဲ့ လူတစ်ယောက်ကို ဘယ်သတင်းထောက်ကမှ အလုပ်ရှုပ်ခံပြီး အင်တာဗျူးမှာ မဟုတ်တာ သေချာပါတယ်ဗျာ။ ပရိသတ်အတွက်ဆိုပေမယ့် ပရိသတ်စိတ်ဝင်စားပါမှ သူတို့ဂျာနယ်မှာ ထည့်ရကျိုးနပ်မှာကိုး။

ဟုတ်ပြီ၊ အဲဒါဆိုရင် သူမေးခဲ့တဲ့ မေးခွန်းတွေဟာ ဖတ်မယ့်ပရိသတ်အတွက် တကယ်ပဲ အကျိုးရှိစေသလား၊ ပရိသတ်သိချင်တဲ့ အကြောင်းအရာရော တကယ်ပဲ ဖြစ်နိုင်ရဲ့လား။
စာဖတ်သူတစ်ယောက်အနေနဲ့ ကျွန်တော့်အမြင်ကို ပြောရမယ်ဆိုရင်တော့ ဘာတစ်ခုမှကို စိတ်ဝင်စားစရာ မပါဘူး။ ထားပါတော့... နှလုံးနဲ့ ပတ်သက်လို့ အနားယူနေတယ်ဆိုတဲ့ မေးခွန်းအတွက်တော့ ကြိုက်တဲ့ပရိသတ်တွေလည်း ရှိမှာပေါ့။ ကိုယ်ကြိုက်တဲ့ မင်းသမီးရဲ့ ကျန်းမာရေးအခြေအနေကို သိချင်ကြမှာပဲလေ။ အဲဒါကိုတော့ နားလည်ပေးလို့ ရပါတယ်။

အင်တာဗျူးကောင်းကောင်းလေး ထည့်ချင်လို့ပါ ဆိုတဲ့စကားကို ကျွန်တော်သေချာ နားမလည်ဘူး။
ဘယ်လိုဟာကို အင်တာဗျူးကောင်းလို့ သတ်မှတ်တာလဲ။ အင်တာဗျူးဆိုတာ အက်ဆေးရေးတာမဟုတ်ဘူး၊ ကိုယ်တိုင်ရေးအထ္တုပ္ပတ္တိ မဟုတ်ပါဘူး။ အဲဒီအတွက် အမေးခံရသူဟာ သူပြောချင်တာ၊ သူရေးချင်တာကို ရေးခွင့်၊ ပြောခွင့်မရှိပါဘူး။ ကျွန်တော့်အမြင်အရ ပြောရရင် အင်တာဗျူးကောင်းတယ်ဆိုတာ မေးတဲ့လူရဲ့ မေးခွန်းတွေ ကောင်းတာပါပဲ။ မေးတဲ့လူကသာ မေးခွန်းကောင်းကောင်း ပြင်ဆင်ထားတယ်ဆိုရင် ဖြေတဲ့လူက ဘယ်လိုပဲ လှည့်ပတ်ဖြေနေပါစေ၊ ဖတ်တဲ့လူအတွက် တွေးစရာတော့ ရမှာပါပဲ။ စာဖတ်တဲ့လူဆိုတာ မေးထားတဲ့မေးခွန်းနဲ့ ဖြေထားတဲ့ အဖြေတွေကိုဖတ်ပြီး မေးတဲ့လူက အဆင့်ရှိသလား၊ အပေါစားမေးခွန်းလား၊ ဖြေတဲ့လူကရော တကယ်ဖြေထားတာလား၊ အာဖျံကွီးလုပ်နေတာလား ဆိုတာကို နားလည်ကြပါတယ်။ အဲဒီအတွက် အင်တာဗျူးကောင်းတယ်၊ မကောင်းဘူးဆိုတာကို ဘာဖြစ်လို့ ပြဿနာဖြစ်ခဲ့တဲ့ သတင်းထောက်မက ဆုံးဖြတ်ရတာလဲ။ စာဖတ်ပရိသတ်က ဆုံးဖြတ်မှာပေါ့။ ထက်ထက်မိုးဦးက ဖြေချင်သလိုဖြေပါစေ၊ ကိုယ်ကလည်း ပြန်ထည့်ပေးလိုက်ပေါ့။ စာဖတ်တဲ့လူတွေက သိပါတယ်။

ထက်ထက်မိုးဦးအကြောင်းကို ကလေးကအစ ခွေးအဆုံး အကုန်သိတယ်။
ဒီလိုပြောရတာက အကြောင်းရှိပါတယ်။ ကျွန်တော်ကိုယ်ကျွန်တော်ပဲ ခိုင်းနှိုင်းပြီး ပြောပါ့မယ်။ ရုပ်ရှင်မင်းသား၊ မင်းသမီးတွေ တစ်ခုခု ထစ်ခနဲဖြစ်တိုင်း စိတ်ဝင်စားတဲ့အထဲမှာ ကျွန်တော်မပါ,ပါဘူး။ မဂ္ဂဇင်းဖတ်တဲ့အခါ မင်းသမီးငယ်ငယ်ချောချောလေးတွေ စတိုင်လ်လန်းလန်းနဲ့ ရိုက်ထားတဲ့ ဓာတ်ပုံတွေကို အားမနာတမ်းကြည့်ပါတယ်။ ဒါပေမယ့် သူတို့တွေရဲ့ ဆိုင်ဖွင့်တဲ့သတင်းတွေ၊ အကြိုက်ဆုံးဆိုတာတွေ၊ လတ်တလောနှလုံးသားရေးဆိုတာတွေ စတာတွေကို မဖတ်ပါဘူး။ (ဒါရိုက်တာတို့၊ စာရေးဆရာတို့၊ အဆိုတော်တို့ဆိုရင်တော့ တစ်ခါတလေ ကိုယ်ကြိုက်တဲ့လူဆိုရင် ဖတ်ဖြစ်ပါတယ်။ ဤကား စကားချပ်) ပြောချင်တာက အဲဒီလို မင်းသား၊ မင်းသမီးအရေးတွေကို စိတ်မ၀င်စားတဲ့ ကျွန်တော်လိုလူတစ်ယောက်တောင်မှ ထက်ထက်မိုးဦးအကြောင်းကို သူများသိသလောက်တော့ သိပါတယ်။ ထက်ထက်မိုးဦး အိမ်ထောင်ကွဲတာ၊ ဘယ်သူနဲ့ အိမ်ထောင်ကျတာ၊ ကိုယ်ဝန်အဖတ်မတင်တာ၊ နောက်ထပ်ကလေးယူဖို့ စီစဉ်နေတာ စသဖြင့်ပေါ့လေ။ တကူးတက လိုက်ဖတ်စရာမလိုဘဲ သူများပြောတာနဲ့ကို သိနိုင်တာတွေပါ။ အဲဒီတော့ ကျွန်တော်ပြောချင်တာက မေးတဲ့လူအနေနဲ့ စာဖတ်ပရိသတ်ဟာ ဘာတွေကို သိပြီးသားလဲ၊ ဘာတွေကို မသိသေးဘူးလဲဆိုတာ အရင်ဆုံး သိထားရပါမယ်။ အဲဒီအထဲကမှ မသိသေးတာကို မေးချင်တယ်ဆိုရင် ကိုယ်မေးမယ့် အကြောင်းအရာဟာ တစ်ဖက်လူအတွက် စိတ်အနှောင့်အယှက် ဖြစ်နိုင်မလား၊ ကိုယ်ရေးကိုယ်တာကို အတင်းစပ်စုသလို ဖြစ်နေမလား စတာတွေကိုလည်း စဉ်းစားသင့်ပါတယ်။ အစကတည်းကသာ အဲဒီလိုစဉ်းစားပြင်ဆင်ခဲ့ရင် အင်တာဗျူးကောင်းရဖို့အတွက် ဘာမှစိတ်ပူစရာ မရှိပါဘူး။

တစ်ချက်ကလေးတောင် ၀မ်းနည်းစကားမပြောဘူး။
ပြောခဲ့သလို ထက်ထက်မိုးဦးတစ်ယောက် ပထမကိုယ်ဝန်အဖတ်မတင်တာကို လူတိုင်းနီးနီး သိကြပါတယ်။ လူကြီးလူငယ်မရွေး ပရိသတ်တွေကလည်း စိတ်မကောင်းဖြစ်ကြပါတယ်။ ကျွန်တော်ကိုယ်တိုင်လည်း သူ့ရဲ့ ကြော်ငြာပရိသတ်ဖြစ်တဲ့အတွက် အဲဒီကိစ္စအတွက် စိတ်မကောင်းပါဘူး။ အင်တာဗျူးမေးတဲ့ မမသတင်းထောက်က အဲဒါနဲ့ပတ်သက်လို့ အစ်မအတွက် စိတ်မကောင်းပါဘူး။ ပရိသတ်တွေကလည်း အစ်မအတွက် စိတ်မကောင်းဖြစ်နေကြပါတယ် စသဖြင့် တစ်ခွန်းလေးမှ မပြောပါဘူး။ သားသမီးဆိုတာ မိသားစုအတွက်၊ အိမ်ထောင်တစ်ခုအတွက် ဘယ်လောက်အရေးပါသလဲဆိုတာကို အဲဒီအင်တာဗျူးမမ မသိလေရော့သလားလို့ ကျွန်တော်ကပဲ သူ့ကို မေးချင်မိတော့တာပါပဲ။

အံ့ဖွယ်မေးခွန်းပါပဲဗျာ။
ကလေးပျက်ကျပါတယ်ဆိုမှပဲ မေးတဲ့မေးခွန်းကိုဖတ်ကြည့်ဦး။ အဲလိုမျိုးဖြစ်သွားတာ အစ်မဘယ်လို ခံစားရသလဲတဲ့။ သေလိုက်ပါလားဗျာ။ ထက်ထက်မိုးဦး ပြန်ဖြေတာ အင်မတန်မှကို မှန်တဲ့အဖြေခင်ဗျ။ ဖြေသင့်တဲ့အဖြေပါ။ အဲဒီမေးခွန်းက မေးဖို့တောင် မသင့်ပါဘူးတဲ့။ တော်တော်လေးကို အလိုက်ကမ်းဆိုးမသိတဲ့ အင်တာဗျူးသူလို့ အဲဒီတစ်ချက်တည်းနဲ့ ကျွန်တော်က မှတ်ချက်ချလိုက်ပါတယ်။ "ကိုယ်ဝန်ပျက်ကျသွားတော့ ကျွန်မပျော်တာပေါ့ရှင်" ဆိုတဲ့ အဖြေကိုများ ကြားချင်နေရော့သလားလို့ တွေးနေမိတယ်။ အသုဘအိမ်မှာ နေကြာစေ့စား၊ ရေနွေးကြမ်းလေးသောက်၊ ဟာသတွေပြောပြီး ဟားတိုက်ရယ်နေတဲ့လူနဲ့ ဘာမှမခြားဘူးလို့ ကျွန်တော်မြင်မိတယ်။

တစ်ချိန်တုန်းက ထက်ထက်မိုးဦးကို သတိရမိသေးတော့တယ်။
ထက်ထက်မိုးဦးဆိုပြီး လျှမ်းလျှမ်းတောက်ဖြစ်ခဲ့တဲ့ ကာလတစ်ခုကို ပြန်သတိရမိတယ်။ တီဗီမှာလည်း သူ့မျက်နှာချည်းပဲ။ မုန့်ထုပ်တွေမှာလည်း သူ့ဓာတ်ပုံတွေချည်းပဲ။ မဂ္ဂဇင်း၊ ဂျာနယ်တွေမှာလည်း သူ့အကြောင်းတွေချည်းပဲ။ အဲဒီအချိန်တုန်းကတော့ စာနယ်ဇင်းကလူတွေဟာ ထက်ထက်မိုးဦးကို ရွှေဥ,ဥပေးနေတဲ့ ငန်းမလေးလိုမျိုး အရိပ်တကြည့်ကြည့် ရှိနေခဲ့ကြပြီးကာမှ အခုလို ပြဿနာဖြစ်တယ်ဆိုကာမှ စာနယ်ဇင်းသမားတွေအတွက်၊ ဘာအတွက်၊ ညာအတွက်ဆိုပြီး ပြောနေတာမျိုးကတော့ တစ်မျိုးဖြစ်နေသလားလို့ပါ။ မြန်မာတွေရဲ့ ယုံကြည်မှုတစ်ခု ရှိပါတယ်။ ဘယ်အရာပဲဖြစ်ဖြစ် အကြောင်းကြောင့် အကျိုးဖြစ်တယ်လို့ ပြောတတ်ကြတာပါ။ ဒါဆိုရင် အခုလိုဖြစ်သွားရခြင်းရဲ့ အဓိကအကြောင်းရင်းက ဘာလဲဆိုတာကို သေသေချာချာ သုံးသပ်ကြည့်ကြစေချင်ပါတယ်။

ကျွန်တော့်အမြင်ပြောရမှာကို နည်းနည်းဝန်လေးတယ်။
ဘာကြောင့်လဲဆိုတော့ ကျွန်တော့်အမြင်က နည်းနည်းလေး သူများနဲ့တူမှာမဟုတ်ဘူးဗျ။ နည်းနည်းလေး ဟုတ်ချင်မှလည်း ဟုတ်မှာပါလေ။ အများကြီးလည်း ဖြစ်ချင်ဖြစ်မှာပါ။ ရှင်းမပြတော့ဘူး။ ဥပမာလေးတွေနဲ့ ပြောပြပါ့မယ်။ မန်စီးတီးနဲ့ အာဆင်နယ်ပွဲမှာ အဒီဘာရောက ဂိုးသွင်းပြီးတဲ့အချိန်မှာ အာဆင်နယ်ပရိသတ်တွေရှေ့မှာ အောင်ပွဲခံလိုက်တယ်။ အဲဒီပွဲကို ကြည့်နေတဲ့အချိန် တစ်လျှောက်လုံးမှာ ကျွန်တော်တွေးနေခဲ့သလိုမျိုး တကယ်ဖြစ်လာတဲ့အတွက် အဒီဘာရော အောင်ပွဲခံတဲ့အချိန်မှာ ကျွန်တော်လက်သီးလက်မောင်းတန်းပြီးတော့ ထ,အော်ပါတယ်။ ဘေးကအတူကြည့်နေသူတွေ အားလုံးက ကျွန်တော့်ကို ၀ိုင်းကြည့်ကြပါတယ်။ အားလုံးနဲ့တစ်ယောက်ပါ။ တစ်ပွဲလုံး အာဆင်နယ်ပရိသတ်တွေက အဒီဘာယောကို ဖိအားပေးနေတာ၊ ဆဲဆိုနေကြတာကို အပြစ်မပြောကြဘူး။ ပရိသတ်ပဲတဲ့။ အဒီဘာယောကလည်း အဲဒီပွဲမှာ အတော်လေးကို အားကြိုးမာန်တက် လိုက်ကစားခဲ့ပါတယ်။ ကျွန်တော်ကိုယ်တိုင်လည်း ဘောလုံးကိုအရူးအမူး ကန်တဲ့လူဖြစ်တဲ့အတွက် သူ့ခံစားချက်ကို နားလည်ခဲ့ပါတယ်။ သူကြိုးစားခဲ့တဲ့အတိုင်း ဂိုးသွင်းနိုင်တဲ့အချိန်မှာ သူအောင်ပွဲခံပါတယ်။ ကျွန်တော်ကတော့ လုံးဝကို ကျေနပ်ပါတယ်။ ကျွန်တော်ဆိုရင်လည်း အဲဒီလို လုပ်မိမှာ အသေအချာပါပဲ။ ပရိသတ်မှာ အခွင့်အရေးရှိသလို ကစားသမားမှာလည်း အခွင့်အရေးရှိတာပါပဲ။ နောက်..ဒရော့ဘာကိစ္စ။ ဒရော့ဘာဆိုတာ ကျွန်တော်လုံးဝမကြိုက်တဲ့ ဘောလုံးသမားပါ။ ကျွန်တော်မုန်းတဲ့ ချဲလ်ဆီးအသင်းကမို့ပါ။ ဒါပေမယ့် သူ့ကိုပေါက်တဲ့ အကြွေစေ့နဲ့ ပရိသတ်ကို ပြန်ပစ်တဲ့အခါ ကျွန်တော်သူ့ကို ထောက်ခံမိတယ်။ အားလုံးက ဒရော့ဘာကို မလုပ်သင့်ဘူးတို့၊ စိတ်ဓာတ်မကောင်းဘူးတို့ ပြောနေကြပေမယ့် ကျွန်တော်ကတော့ အဲဒီလို မမြင်ပါဘူး။ ပရိသတ်ကပစ်တာက အပြစ်မဖြစ်ဘဲ ကစားသမားက ပြန်ပစ်တာကျမှ အပြစ်လို့ ယူဆတာကိုတော့ ကျွန်တော်လက်မခံပါဘူး။ နောက်တစ်ခုက မန်ယူက ကင်တိုနာကိစ္စပါ။ အားလုံးသိပြီးတဲ့အတိုင်း ပရိသတ်ကို ကွန်ဖူးကစ်ကန်လိုက်လို့ အရေးယူခံရတဲ့ မန်ယူရဲ့ ဂန္ထ၀င်ကစားသမားကြီးပါ။ အဲဒီတုန်းကလည်း ဘယ်သူတွေဘာပဲပြောပြော ကျွန်တော်ဟာ ကင်တိုနာဘက်ကနေပဲ ရှိခဲ့ပါတယ်။ ကဲ... ဒီလောက်ဆိုရင် ကျွန်တော့်အမြင်ကို သိလောက်ပြီထင်ပါတယ်။ ကစားသမားတွေဟာ လူသားတွေဖြစ်ပါတယ်။ သူတို့မှာ ချစ်ခြင်း၊ မုန်ခြင်း၊ စိတ်ဆိုးခြင်း၊ စိတ်တိုခြင်း၊ ဒေါသထွက်ခြင်း၊ ပျော်ရွှင်ခြင်း၊ ၀မ်းနည်းခြင်း စတဲ့ ခံစားချက်တွေရှိကြပါတယ်။ အရာရာကို သည်းခံဖို့အတွက် သူတို့ဟာ ရဟန္တာတွေ မဟုတ်ကြသလို၊ စက်ရုပ်တွေလည်း မဟုတ်ကြပါဘူး။

ကျွန်တော်ကတော့ ထက်ထက်မိုးဦးဘက်ကပါ။
ထက်ထက်မိုးဦးဟာ တွေ့သမျှ သတင်းထောက်တွေ၊ အင်တာဗျူးသူတွေကို ပါးလိုက်ရိုက်နေသူ မဟုတ်ပါဘူး။ အခုအဖြစ်အပျက်မှာလည်း သူ့ကိုသာ အင်တာမဗျူးခဲ့ဘူးဆိုရင် အဲဒီပြဿနာ ဖြစ်မယ်မထင်ပါဘူး။ အင်တာဗျူးတဲ့အချိန်မှာ အရင်တုန်းက အကြိမ်ပေါင်းများစွာ အမေးခံ၊ အဗျူးခံရသလိုမျိုး ဖြစ်ခဲ့မယ်ဆိုရင်လည်း အရင်တုန်းကလိုတွေပဲ ပြီးသွားမှာပါ။ အခုဟာက လူသားတစ်ယောက်ရဲ့ ခံစားချက်အရ ပေါက်ကွဲတာဖြစ်တဲ့အတွက် အဲဒီလို ပေါက်ကွဲခွင့် သူ့မှာရှိပါတယ်။ ကျွန်တော်ပြောချင်တာက အဲဒါပါ။ ထက်ထက်မိုးဦး ပါးရိုက်လိုက်တာကို မှန်တယ်လို့ ပြောချင်တာ မဟုတ်ပါဘူး။ သူ့ခံစားချက်အရ ဖြစ်လာတဲ့အတိုင်း သူလုပ်လိုက်တာဟာ သူ့ရဲ့အခွင့်အရေးဖြစ်ပါတယ်။ အဲဒီအတွက် တရားရင်ဆိုင်တာတွေ၊ တောင်းပန်တာတွေ၊ ဘာတွေကတော့ ဖြစ်လာမှာပါပဲ။

သတင်းတစ်ခုမှာ ဖတ်လိုက်ရတာက 7Day News ဂျာနယ်တိုက်အနေနဲ့ မကျေနပ်လို့ တရားစွဲဆိုတာလို့ ဆိုတဲ့အတွက် တစ်ခုလောက် ပြန်မေးချင်ပါတယ်။ ထက်ထက်မိုးဦးက လာမေးတဲ့ သတင်းထောက်ကို ပါးရိုက်တာဟာ သူတို့ဂျာနယ်တိုက်ကိုပါ စော်ကားသလို ဖြစ်တယ်ဆိုရင် အင်တာဗျူးသူရဲ့ အဆင့်အတန်းမရှိ မေးခွန်းတွေကလည်း ဂျာနယ်တိုက်တစ်ခုလုံးကို ကိုယ်စားပြုသလား ဆိုတာပါပဲ။ အဲဒါဆိုရင်တော့ ကိုယ့်ဂျာနယ်ရဲ့အဆင့်ကို ကိုယ့်ဘာသာကိုယ်သာ အရင်ပြန်သုံးသပ်ကြည့်ပါဦးလို့ ပြောချင်တာပါပဲ။

ကျွန်တော့်အမြင်ကတော့ နှစ်ဦးနှစ်ဖက်စလုံးက အသီးသီးတောင်းပန်ပြီး ကျေအေးလိုက်ကြရင် ပြီးသွားမယ့်ကိစ္စလို့ မြင်မိပါတယ်။ အရိုက်ခံရသူက ကျွန်မက ကိုယ်ထိလက်ရောက် အလုပ်ခံရတာဆိုရင် လုပ်တဲ့သူကလည်း သူ့ရင်ထဲနှလုံးသားထဲအထိ အစော်ကားခံခဲ့ရတာလို့ ပြန်ဖြေပါလိမ့်မယ်။ တကယ်လည်း အဲဒီသဘော ဖြစ်နေတာကိုး။ ကျွန်တော်နဲ့ ညီအစ်ကိုလိုခင်တဲ့ လုပ်ဖော်ကိုင်ဖက် သူငယ်ချင်းတစ်ယောက်နဲ့ သူ့မိန်းမဟာ သူတို့ရဲ့ ပထမဆုံးကိုယ်ဝန် ပျက်ကျသွားတဲ့အတွက် တစ်ပတ်လောက် ထမင်းလည်းမစား၊ အပြင်လည်းမထွက်ဘဲ ပြန်ပြောတိုင်း မျက်ရည်ကျနေတာကို ကိုယ်တိုင်မြင်တွေ့ကြုံဖူးပါတယ်။

အခုလောလောဆယ်တော့ ထက်ထက်မိုးဦးတစ်ယောက် လူစိတ်ဝင်စားအခံရဆုံး သတင်းလူသား ဖြစ်နေဦးတော့မှာပါပဲ။ ဂျာနယ်တွေလည်း မြိုင်မြိုင်ဆိုင်ဆိုင်နဲ့ တင်ပြပုံအမျိုးမျိုးနဲ့ ဖတ်လို့ကောင်းဦးတော့မယ်။ ဆရာလူထုစိန်ဝင်း ဘာရေးလာမလဲဆိုတာကို စိတ်ဝင်စားနေမိတယ်။ စာနယ်ဇင်းနဲ့ ပတ်သက်နေတာကိုး။ ကျွန်တော့်အထင်တော့ ကြားနေမယ်ထင်တာပါပဲ။ မေးတဲ့လူကို အပြစ်တင်သလို၊ ထက်ထက်မိုးဦးကိုလည်း ကိုယ်ထိလက်ရောက် လုပ်တဲ့အတွက် အပြစ်ရှိတယ်လို့ ရေးမယ်ထင်ပါရဲ့။ စောင့်ဖတ်နေပါတယ်။ ကျွန်တော့်ခန့်မှန်းချက် မမှားဘူးဆိုရင်တော့ Eleven ဂျာနယ်တစ်ခုခုမှာ ရေးလာလိမ့်မယ် ထင်ပါတယ်။

ဒါတွေဖတ်ကြည့်ပါဦး။
၁။ ထက်ထက်မိုးဦးအကြောင်း The VOICE Weekly ဂျာနယ်မှ သတင်း
၂။ ကိုညီလင်းဆက် ရဲ့ ဘယ်သူ့အလွန်လဲ

အမှတ်တရ
ကိုဉာဏ် (ပန်းလောင်မြေ)
၂၀၁၀ ပြည့်နှစ်၊ မေလ ၂၂ ရက်၊ စနေနေ့။
ညနေ ၄ နာရီ ၄၇ မိနစ်တွင်ပြီး၏။

[စာကြွင်း]
ဘယ်သူ့ကိုမှ ထိပါးပုတ်ခတ်လိုခြင်း၊ သာစေနာစေဟု ရည်ရွယ်လိုခြင်း၊ စော်ကားပြောဆိုလိုခြင်း မရှိပါ။ ကျွန်တော့်အရေးအသားများတွင် ရိုင်းပြမှုနှင့် ဒေါသသံအချို့ ပါနေခဲ့ပါလျှင် စာဖတ်သူများကို တောင်းပန်လိုပါသည်။ ကျွန်တော်ခံစားမိသည့်အတိုင်း ရေးပြမိခြင်း ဖြစ်ပါသည်။