ဆရာကျော်ဝင်းအင်တာဗျူး၊ ဝေဖန်သံများ၊ ကျွန်တော့်အတွေးများ

ကျွန်တော့်မှာ ပြောစရာ ၃ ခု ရှိပါတယ်။ စိတ်ထဲမယ် သိပ်ပြီးတော့ အစာမကျေတဲ့အတွက် ဒေါသသံတွေ စွက်နေခဲ့မယ်ဆိုရင် ကြိုပြီးတော့ တောင်းပန်လိုက်ပါတယ်။ အတတ်နိုင်ဆုံးတော့ စိတ်ခံစားချက်ကို ချုပ်တီးပြီး ရေးသားပါ့မယ်။ ပြောချင်တဲ့ အကြောင်းအရာတွေကတော့ -

(၁) ဆရာကျော်ဝင်း အင်တာဗျူးကိစ္စ

(၂) ဆရာကျော်ဝင်းကို ဝေဖန်ကြတဲ့ကိစ္စ

(၃) လက်ရှိနိုင်ငံရေးနှင့်တပ်မတော်ဆက်နွှယ်မှုကိစ္စ

အခုပထမဆုံးအနေနဲ့ ဆရာကျော်ဝင်းရဲ့ အင်တာဗျူးနဲ့ ပတ်သက်တဲ့အကြောင်းကို ပြောချင်ပါတယ်။ အများကြီး မပြောချင်ပါဘူး။ လိုရင်းကို တည့်တည့်ပဲ မသွယ်မ၀ိုက် ပြောရမယ်ဆိုရင် အရမ်းကြိုက်တယ်။ မေးတဲ့လူရော၊ ဖြေတဲ့လူရော သိပ်ပြီးတော့ သဘောကျဖို့ကောင်းတယ်ဗျာ။ အဆိုတော် ရဲရင့်အောင်ရဲ့ သီချင်းစာသား တစ်ပိုင်းတစ်စကို အစားထိုးပြောင်းလဲပြီး ပြောရမယ်ဆိုရင်တော့ နင် မသိဘူး ကြိုက်လွန်းလို့သေနိုင်တယ် ပေါ့ဗျာ။ ပြည်သူ့ခေတ်ဂျာနယ်မှာ ဆရာကောင်းဆက်နိုင် အမြဲပုံမှန် ရေးလေ့ရှိတဲ့ ခေါင်းစဉ်ကို ငှားပြောရမယ်ဆိုရင်တော့ အံ့သြလွန်းလို့ သေတော့မယ် ပေါ့ဗျာ။ ဒီလောက် ပညာရှင်ဆန်တဲ့ အဖြေကိုမှ သဘောမကျရင် ကျွန်တော်က ဘယ်လိုအဖြေကို သဘောကျရမလဲဗျ။ လက်ရှိမြန်မာ့နိုင်ငံရေးနဲ့ပတ်သက်ပြီး မှတ်ချက်ပြု ဝေဖန်ကြတဲ့ အဖြေအားလုံးထဲမှာ အခု ဆရာကျော်ဝင်း ဖြေတဲ့အဖြေကို အကြိုက်ဆုံးပဲ။ ဘယ်နိုင်ငံခြားသား ပညာရှင်ပြောတာမှ ဆရာကျော်ဝင်းရဲ့ အဖြေလောက် လက်တွေ့နဲ့ မနီးစပ်ဘူး။ မကြိုက်တဲ့လူတွေ များကောင်းများနိုင်ပေမယ့် ပြောစရာရှိတာ ပြောရမယ်ဆိုရင် လက်ရှိ မြန်မာ့နိုင်ငံရေးမှာ ၀င်ရောက်လှုပ်ရှားနေကြတဲ့ နိုင်ငံရေးပလေယာ (သမ္မတ၊ လွှတ်တော်ဥက္ကဋ္ဌ၊ လွှတ်တော်အမတ်၊ အတိုက်အခံ၊ ပြင်ပအဖွဲ့အစည်း၊ စာရေးဆရာ စသည်) တွေထဲက ဒီလောက် ပညာရှင်ဆန်တဲ့အဖြေကို ဖြေနိုင်တဲ့လူ အခုထိ ကျွန်တော် မတွေ့မိသေးဘူး။ အချို့အကြောင်းအရာတွေမှာ တစ်ခုကောင်း ဖြေကြတာကိုတော့ ဖတ်မိတာတွေ၊ နားထောင်မိတာတွေ ရှိပါတယ်။ ကျွန်တော် လေ့လာမှု အားနည်းတာလည်း ဖြစ်ကောင်းဖြစ်နိုင်ပါတယ်။ ကဲပါလေ... ကျွန်တော်လို မြင်းထိန်းငတာက ဆရာကျော်ဝင်းကို အတင်းအဓမ္မ လော်ဘီလုပ်သလို၊ မတန်မရာ ချီးကျူးနေသလို ဖြစ်နေပါဦးမယ်။ ပြောချင်တဲ့လိုရင်းက ဆရာကျော်ဝင်းရဲ့ အင်တာဗျူးကို အရမ်းကြိုက်တယ်။

ဒီနေရာမှာ တင်ပေးထားပါတယ်။

ဒုတိယတစ်ပိုင်း ပြောချင်တာက ဆရာကျော်ဝင်းကို ရစရာမရှိအောင် ဝေဖန်ကြတဲ့ ကိစ္စပါပဲ။ အခုပြောနေတဲ့ အင်တာဗျူးနဲ့ ပတ်သက်ပြီး အင်တာနက်ပေါ်မှာ ဆရာကျော်ဝင်းကို ဆော်ကြနှက်ကြတာတွေက အံ့သြစရာတောင် ကောင်းပါသေးတော့တယ်။ ဒီနေ့ အခြေအနေတွေ ဖြစ်လာအောင် ဆရာကျော်ဝင်း လုပ်ထားတာ မဟုတ်ဘူးလေ။ ပြည်သူတွေ အဆင်မပြေဖြစ်တာ၊ အုပ်ချုပ်ရေးပိုင်းနဲ့ ဥပဒေပြုရေးအပိုင်း ပါဝါအားပြိုင်နေတာ ဆရာကျော်ဝင်း မြှောက်ပေးနေတာ မဟုတ်ဘူးလေ။ တပ်မတော်နဲ့ လက်နက်ကိုင် သူပုန်တွေအကြား ငြိမ်းချမ်းရေးမရအောင် ကြားကနေ သွေးထိုးမြှောက်ပင့်နေတာ ဆရာကျော်ဝင်း မဟုတ်ဘူးလေ။ လက်ရှိ မြန်မာ့နိုင်ငံရေးနဲ့ ပတ်သက်ပြီး ဆရာကျော်ဝင်းရဲ့ အမြင်ကို သိချင်တဲ့အတွက် ဆရာကျော်ဝင်းကလည်း သူမြင်တဲ့အတိုင်း ဖြေကြားတာကို ဘာဖြစ်လို့လား သမိုင်းတရားခံလိုမျိုး ရန်ရှာအပြစ်တင်နေကြတယ်ဆိုတာ ကျွန်တော်ဖြင့် စဉ်းစားလို့ကို မရဘူး။ အခု ဆရာကျော်ဝင်း ဖြေခဲ့တဲ့ အဖြေတွေထဲမှာ မကျေနပ်တဲ့ အဖြေ တစ်စုံတစ်ရာ ပါခဲ့တယ်ဆိုရင် အဲဒီအကြောင်းအရာနဲ့ ပတ်သက်ပြီး ပိုပြီးတော့ အမှန်နဲ့နီးစပ်မယ်ထင်တဲ့ အဖြေရှိတယ်ဆိုရင် ပြောကြရေးကြပေါ့ဗျာ။ ဒီနေ့ခေတ်လောက် ကိုယ့်အမြင်၊ ကိုယ့်အတွေးကို လွတ်လပ်စွာ ဖော်ထုတ်ခွင့်၊ ရေးသားခွင့်ရှိခဲ့တာ မြန်မာ့သမိုင်းမှာ ရှိမှရှိခဲ့ရဲ့လားတောင် မသိပါဘူးဗျာ။ ဆရာကျော်ဝင်းက မဟုတ်တမ်းတရား အမှန်တရားနဲ့ ဖီလာဆန့်ကျင် ပြောနေတယ်ဆိုရင်တော့ တစ်မျိုးပေါ့ဗျာ။ ကျွန်တော်ကိုယ်တိုင် အခြားလူတွေနဲ့အတူ ချဲမယ်၊ ဆဲမယ်၊ ဖြဲမယ်၊ ဆွဲမယ်ဗျာ။ အခုတော့ သူများရေးတဲ့ တစ်ပိုင်းတစ်စ စကားလေးကို ကောက်နုတ်ပြီးတော့ ဆရာကျော်ဝင်းကို အပြစ်တော်မြင်ပြီး အဆဲတော်မ၀င်ကြပါနဲ့။ အင်တာဗျူးကို အစအဆုံးတစ်ခေါက် အရင်ဖတ်ကြပါ။ ပြီးမှ ဝေဖန်ကြပါ။ ဆရာကျော်ဝင်း ပြောသမျှကို အမှန်လို့ လက်ခံရမယ်လို့ မဆိုလိုပါဘူး။ ဒါပေမယ့် သေသေချာချာဖတ်ရင် ဆရာကျော်ဝင်းရဲ့ ပညာရှင်အမြင်နဲ့ စေတနာကို အထင်းသားမြင်နိုင်ပါတယ်။ ဆရာကျော်ဝင်း ဖြေထားတာတွေထဲက တစ်ပိုင်းတစ်စ စကားလုံးလေးတွေကိုထုတ်ပြီး မတန်တဆ ဝေဖန်နေကြသူတွေကိုတော့ ကျွန်တော်ကိုဉာဏ်ရဲ့ ခွေးရေပုရပိုက်မှာ မှတ်တမ်းတင်ထားလိုက်ကြောင်းပါ။

ဒီပို့စ်မှာ တတိယအပိုင်းနဲ့ နောက်ဆုံးပြောချင်တဲ့ အကြောင်းအရာအဖြစ် တပ်မတော်အပေါ် နားလည်မှုကိစ္စကို ကျွန်တော်ဆွေးနွေးလိုပါတယ်။ ဒီအင်တာဗျူးမှာ ဆရာကျော်ဝင်း ဖြေဆိုသမျှထဲက ကျွန်တော်အကြိုက်ဆုံး အဖြေတွေထဲမှာ တပ်မတော်နဲ့ပတ်သက်ပြီး ဖြေတဲ့အဖြေလည်း တစ်ခုအပါအ၀င် ဖြစ်ပါတယ်။ အပြောခံရတဲ့ တပ်မတော်ဘက်ကရော၊ တပ်မတော်နဲ့ ပတ်သက်လုပ်ကိုင်နေရတဲ့ နိုင်ငံရေးသမားတွေအတွက်ပါ လိုလားကြည်ဖြူနိုင်မယ့် စကားလုံးကို ဆရာကျော်ဝင်း ရွေးချယ်သုံးစွဲသွားတာကို သတိထားကြည့်စေလိုပါတယ်။ ပြောရမယ်ဆိုရင် ဆရာကျော်ဝင်းရဲ့ အဖြေထဲမှာ တပ်မတော်ဘက်က နာမယ်ဆိုရင်တောင် နာလို့ရတဲ့ အဖြေအချို့ ပါဝင်ပါတယ်။ ဒါပေမယ့် တပ်မတော်နဲ့ ပတ်သက်ဆက်နွှယ် နေသူတွေဘက်က တစ်စုံတစ်ရာ တုံ့ပြန်မှု ကြီးကြီးမားမား မရှိတာကလည်း အံ့သြစရာပါပဲ။ လင်းလင်းရဲ့ အိပ်မက်ထဲကစစ်သားကြီးကို ဆတ်ဆတ်ထိမခံ ဖြစ်ခဲ့ကြသူတွေက ဆရာကျော်ဝင်းရဲ့ မှတ်ချက်အပေါ် တစ်စုံတစ်ရာ ကန့်ကွက်ပြောဆိုမှု မကြားရတာဟာ ကျွန်တော့်အတွက်တော့ အမှန်ကို ထူးဆန်းမှုပါပဲ။ မြန်မာပြည်သူတွေရဲ့ တပ်မတော်အပေါ် အမြင်တွေဟာ ပြည့်စုံမှု မရှိဘူးလို့ ကျွန်တော်သုံးသပ်မိပါတယ်။ ကြုံတွေ့ခံစားခဲ့ရတဲ့ ဆိုးရွားတဲ့ အတွေ့အကြုံ၊ မီဒီယာတွေရဲ့ သရုပ်ဖော်တင်ပြပုံ၊ နိုင်ငံရေးသမားတွေရဲ့ အပြစ်ပုံချဝေဖန်မှုတွေကြောင့် တပ်မတော်ဆိုရင် မုန်းတီးရမယ်၊ တပ်မတော်ဆိုတာ အနိုင်ကျင့်တတ်တဲ့ အဖွဲ့အစည်း၊ တပ်မတော်ဆိုတာ အာဏာလိုချင်သူတွေ စတဲ့ခံယူချက်တွေဟာ မြန်မာပြည်သူ အချို့မှာ တူညီစွာပဲ တည်ရှိနေတာကို တွေ့ရပါတယ်။ တပ်မတော်ကို ခုတုံးလုပ်ပြီး ကိုယ်ကျိုးရှာခဲ့သူတွေ ရှိခဲ့တာ အသေအချာပါပဲ။ တပ်မတော်ကို အသုံးချပြီး အာဏာထူထောင်ခဲ့သူတွေ၊ စီးပွားရှာခဲ့သူတွေ ရှိခဲ့တာလည်း အသေအချာပါပဲ။ ဒါပေမယ့် အဲဒီလို လူပုဂ္ဂိုလ် တစ်စုတစ်ဖွဲ့ရဲ့ လုပ်ရပ်ဟာ တပ်မတော်တစ်ခုလုံးရဲ့ လုပ်ရပ်မဟုတ်ဘူး၊ တပ်မတော်တစ်ခုလုံးရဲ့ သဘောထားမဟုတ်ဘူးဆိုတာကို နားလည်ကြဖို့ လိုပါတယ်။ မြန်မာပြည်မှာ သူခိုးတွေရှိတယ်၊ ဓားပြတွေရှိတယ်၊ မုဒိန်းကောင်တွေရှိတယ်၊ မူးယစ်ဆေး သုံးတဲ့လူတွေလည်းရှိတယ်။ သောက်ပျင်းကြီးတဲ့ကောင်တွေလည်းရှိတယ်။ အဲဒီလိုတွေ ရှိတဲ့အတွက် မြန်မာပြည်ဆိုတာ သူခိုးတိုင်းပြည်၊ ဓားပြတိုင်းပြည်၊ မုဒိန်းတိုင်းပြည်၊ မူးယစ်ဆေးတိုင်းပြည်၊ သောက်ပျင်းတိုင်းပြည်လို့ အခြားနိုင်ငံတစ်ခုက ပြောမယ်ဆိုရင် ခင်ဗျားတို့ ကျွန်တော်တို့ ဘယ်သူကမျှ ကြိုက်ကြမယ်မဟုတ်ဘူး။ ပြီးခဲ့တဲ့သမိုင်းတွေကို ယထာဘူတကျကျ ပြန်ပြီးတော့ သုံးသပ်ကြည့်ရင် တပ်မတော်ထိပ်ပိုင်းက အာဏာအလွဲသုံးစားလုပ်သူ တချို့ကြောင့် တပ်မတော်က နာမည်ပျက်ခဲ့ရတယ်ဆိုတာ တွေ့နိုင်မှာပါ။ နောက်တစ်ခုက တပ်မတော်တွေရဲ့ သဘောသဘာဝကို နားလည်ဖို့လိုပါတယ်။ ကမ္ဘာပေါ်က ဘယ်တပ်မတော်မဆို အမိန့်နာခံမှုအပေါ်မှာ အခြေတည်ထားရတာကို မမေ့သင့်ကြပါဘူး။ အီရတ်မှာ စစ်တိုက်နေတဲ့ စစ်သားကို ငပဲ့လို့ သွားပြောလို့မရဘူး၊ အာဖဂန်နစ္စတန်မှာ ရောက်နေတဲ့ စစ်သားကိုလည်း လူသတ်ကောင်လို့ ပြောလို့မဖြစ်ဘူး။ အထက်က အမိန့်ပေးသူတွေ၊ ဆုံးဖြတ်သူတွေ၊ စီစဉ်သူတွေကို မြင်အောင်ကြည့်ဖို့လိုပါတယ်။ ကျွန်တော်က ၁၉၅၈ တို့၊ ၁၉၆၂ တို့ကို စာတွေထဲကပဲ ထိတွေ့ခဲ့ရသူဆိုတော့ အဲဒီတုန်းက တပ်မတော်နဲ့ အကြီးအကဲတွေအကြောင်း သိပ်မသိဘူး။ အခုလက်ရှိ ကျွန်တော်မြင်တွေ့ရတဲ့ တပ်မတော်အကြီးအကဲတွေကတော့ ဆရာကျော်ဝင်း ပြောသလိုပါပဲ နိုင်ငံရေးကနေ ဆုတ်ခွာဖို့ ကြိုးစားနေကြတာကို မြင်နေရတာ အမှန်ပါပဲ။ ဘယ်တပ်မတော် ခေါင်းဆောင်ကမျှ နိုင်ငံတော်အာဏာနဲ့ပတ်သက်ပြီး မျှော်မှန်းစော်ကားတဲ့ စကားပြောတာကို မကြားရဖူးတာ အမှန်ပါပဲ။ ဒါပေမယ့် တပ်မတော်က ခိုင်ခိုင်မာမာ ကာကွယ်မယ်ဆိုပြီး အတိအလင်းပဲ ပြောထားတာကတော့ ဆရာကျော်ဝင်း ပြောခဲ့သလိုပါပဲ။ ဒို့တာဝန်အရေးသုံးပါးနဲ့ ဖွဲ့စည်းပုံအခြေခံဥပဒေ ကာကွယ်ရေးဆိုတဲ့ အချက်နှစ်ခုပါ။ ဒို့တာဝန်အရေးသုံးပါးကို ဝေဖန်နေကြသူတွေကို ကျွန်တော် တစ်ခါတလေ အံ့သြမိပါတယ်။ အဲဒီ အရေးသုံးပါးကို သိမှသိပါလေစလို့လည်း သံသယဖြစ်မိတယ်။ ကျွန်တော်တို့နိုင်ငံသားအားလုံး အလေးအမြတ်ထားရမယ့်၊ ကာကွယ်စောင့်ရှောက်ရမယ့် အချက် ၃ ချက်ကို တပ်မတော်က ကာကွယ်မယ်ဆိုတာ ကြိုဆိုရမယ့် အရာပဲ။ ပြည်ထောင်စုကြီး ပြိုကွဲသွားတာ၊ တိုင်းရင်းသား စည်းလုံးညီညွတ်ရေး ပြိုကွဲသွားတာ၊ အချုပ်အခြာအာဏာ ဆုံးရှုံးသွားတာကို ဘယ်မြန်မာနိုင်ငံသားက လိုလားတောင့်တပါသလဲ။ သေသေချာချာ စဉ်းစားကြည့်သင့်ကြပါတယ်။ ထားတော့... နောက်တစ်ခုဖြစ်တဲ့ ဖွဲ့စည်းပုံအခြေခံဥပဒေကို ကာကွယ်စောင့်ရှောက်မယ်ဆိုတာ။ အဲဒါကလည်း အများပြောစရာ အချက်တစ်ချက်ပဲ။ ကျွန်တော်တို့တွေဟာ စကားလုံးတွေနဲ့ ပတ်သက်ရင် သိပ်ပြီးတော့ ထိရှမခံတာ တွေ့ရပါတယ်။ ကာကွယ်စောင့်ရှောက်ခြင်း ဆိုတဲ့စကားလုံးကို ပြင်လို့မရအောင် စောင့်ကြပ်ခြင်းလို့ ဘယ်ပညာရှင်က အဓိပ္ပါယ် ဖွင့်လိုက်သလဲ မသိပါဘူး။ တပ်မတော်က ဖွဲ့စည်းပုံအခြေခံဥပဒေကို ကာကွယ်စောင့်ရှောက်မယ်လို့ ပြောဆိုတိုင်း လူတွေက နှာခေါင်းရှုံ့ကြတာချည်းပဲ။ အတွေ့အကြုံတွေအရ အစိုးရိမ်လွန်တာလို့ ဖြေတွေးတွေးလို့ ရနိုင်ပါတယ်။ ကျွန်တော်ကတော့ သံသယစိတ် ကြီးမားတယ်လို့ မြင်မိတယ်။ အပြစ်ဆိုရမယ့် အရာလို့တော့ မထင်မိပါဘူး။

ဆရာကျော်ဝင်းကို ဘ၀ဂ်ညံအောင် ဆဲသံဆိုသူ ဆူညံသွားစေတဲ့ မှတ်ချက်စကားက အခြားမဟုတ်ပါဘူး။

နိုင်ငံရေးမှာ တပ်ရဲ့သဘောတူညီမှုမရှိဘဲနဲ့ ဘာမျှလုပ်လို့မရဘူး

ဆိုတာပဲ ဖြစ်ပါတယ်။ အဲဒီစကားကို ဝေဖန်တဲ့လူတွေကို မေးချင်ပါတယ်။ အဲဒီ ဝေဖန်သူတွေထဲမှာ စာဖတ်သူလည်း ပါနေမယ်ဆိုရင် ဖြေပေးစေလိုပါတယ်။ ဆရာကျော်ဝင်းက ဒီလိုပြောတာဟာ တပ်မတော်ကို ကပ်ဖားလျှက်ဖား လုပ်တာလို့ တွေးထင်ပါသလား၊ တပ်မတော်ကို နှပ်ကြောင်းပေးနေတာလို့ ယူဆပါသလား၊ နိုင်ငံရေးပလေယာတွေကို ခြိမ်းခြောက်နေတာလို့ တွေးထင်ပါသလား။ မေးခွန်းတွေအားလုံးကို ရက်(စ်) လို့ ဖြေခဲ့မယ်ဆိုရင်တော့ ကျွန်တော်ပြောချင်တာက ၀မ်းနည်းပါတယ် ဆိုတာပါပဲ။ ဆရာကျော်ဝင်းဟာ အဲဒီမှတ်ချက်ကို အလကား သူ့ဟာသူ ထွင်ပြီးတော့ စိတ်ထဲထင်ရာ၊ တွေးမိတွေးရာ ပြောခဲ့တာ မဟုတ်ပါဘူး။

ပုံပြင်လေးတစ်ပုဒ် သွားသတိရမိပါတယ်။ တစ်ခါတုန်းဆီက ရှင်ဘုရင်တစ်ပါးဟာ ကျေးလက်တောရွာမှာ ဆင်ဖြူတော်ပေါ်တယ်လို့ သတင်းကြားတဲ့အတွက် ပညာရှိအမတ်ကြီးတစ်ဦးကို စေလွှတ်လိုက်ပါသတဲ့။ ဆင်ဖြူရဲ့ ကြန်အင်လက္ခဏာတွေနဲ့ ပြည့်စုံလား၊ မပြည့်စုံလား၊ ဘယ်လိုဆင်မျိုးလဲ စသဖြင့်ပေါ့လေ။ အမတ်ကြီးဟာ သတင်းထွက်ပေါ်တဲ့ ကျေးရွာကို သွားရောက်ပြီးနောက် နန်းတော်ကို ပြန်ရောက်တဲ့အခါ ဘုရင်ကြီးကို လျှောက်ပါတယ်။ အရှင်ဘုရား.... ဆင်ဖြူတော် မဟုတ်ပါ။ သာမည ဆင်မည်းတစ်ကောင်သာ ဖြစ်ကြောင်းပါ။ ဘုရင်က သူ့အတွေးနဲ့သူ ပျော်နေခဲ့တာကိုး။ ဆင်ဖြူရှင်ဘွဲ့ခံ ရတော့မယ်လို့ စိတ်ကူးယဉ်ခဲ့တာလေ။ အမတ်ကြီးရဲ့ လျှောက်တင်ချက်ကြောင့် ဘုရင်လည်း စိတ်အနှောင့်အယှက် ဖြစ်သွားရှာတယ်။ ဟဲ့.... အမတ်ကြီး၊ ဆင်ဖြူတော်စစ်စစ် မဟုတ်ရင်တောင် နည်းနည်းပါးပါးတော့ ဖြူမှာပေါ့လို့ ထပ်မိန့်ရှာတယ်။ အမတ်ကြီးကလည်း ကိုယ်တိုင်သွားကြည့်လာသူ ဖြစ်လေတော့ လုံးဝမလျှော့ဘူး။ သာမန် ဆင်မည်းတစ်ကောင်သာ ဖြစ်ကြောင်းပါဘုရားပေါ့။ ဘုရင်ကြီးလည်း နည်းနည်းတော့ မျက်သွားတယ်။ ဒီအမတ်ကြီးနှယ် ဒီလောက် ပြောနေတာကို ပရိယာယ် မကြွယ်ဝလိုက်တာပေါ့။ ထပ်ပြောတယ်.... ဆင်ရဲ့အသွေးအရောင်က မည်းနေပေမယ့် ကြန်အင်လက္ခဏာတွေကတော့ ဆင်ဖြူလက္ခဏာ ရှိတယ်မဟုတ်လားပေါ့။ အမတ်ကြီးကလည်း သူလိုကိုယ်လို ဆင်မည်းတစ်ကောင်သာ ဖြစ်ကြောင်းပါပေါ့။ သူက အသေအချာ သိနေတာကိုး။ အဲဒီနေ့ကစပြီး ရှင်ဘုရင်တွေရဲ့ ထုံးစံအတိုင်း အမတ်ကြီးလည်း ချောင်ထိုးခံရသလား၊ အဝေးကို အပို့ခံလိုက်ရသလား ဘယ်သူမှ မသိရတော့ပါဘူး။ - - - - - - ဒီပုံပြင်ကို တစ်ခါမျှ မကြားဖူးပါဘူးလို့ ဒွိဟဖြစ်နေသူ မိတ်ဆွေများခင်ဗျား၊ အလကားနေရင်း ခေါင်းခြောက်ခံပြီး စဉ်းစားမနေကြပါနဲ့။ ကျွန်တော်ကိုဉာဏ် ကိုယ့်ဘာသာကိုယ် စိတ်ကူးပြီး ရေးထားတဲ့ ပုံပြင်တစ်ပုဒ်ပါ။ ဇာတ်ပေါင်းသော်ဆိုပြီး နိဂုံးချုပ်ရရင်တော့ ပညာရှိအမတ်ကြီးကား ဆရာကျော်ဝင်း၊ ရှင်ဘုရင်ကြီးကား ဆရာကျော်ဝင်းကို ဝေဖန်ကြသူများ၊ အမတ်ကြီးသွားကြည့်ခဲ့ရသည့် ဆင်ကြီးကတော့ ဝေဖန်ခံရသည့် မှတ်ချက်စကား ဖြစ်သည်ပေါ့ခင်ဗျာ။

ဖွဲ့စည်းပုံအခြေခံဥပဒေစာအုပ်ကို စိတ်ဝင်တစား ဖတ်ရှုလေ့လာဖူးသူများအနေဖြင့် ဆရာကျော်ဝင်း ဒီလို မှတ်ချက်ပေးတာကို အထူးအဆန်း ဖြစ်နေလိမ့်မည်မဟုတ်ပါ။ ဖွဲ့စည်းပုံအခြေခံဥပဒေပါ တပ်မတော်၏ အခန်းကဏ္ဍများနှင့် ပတ်သက်၍ သီးသန့်ပို့စ်တစ်ခု ရေးသားမည်ဖြစ်ပါ၍ ဤနေရာတွင် အကျယ်မပြော တော့သည်ကို နားလည်ပေးကြစေလိုပါသည်။

အမှတ်တရ

ကိုဉာဏ် (ပန်းလောင်မြေ)

၂၀၁၃ ခုနှစ်၊ စက်တင်ဘာလ ၁၇ ရက်၊ အင်္ဂါနေ့။

ည ၁၁ နာရီ ၃၀ မိနစ်တွင်ပြီး၏။