သူငယ်ချင်းတွေနဲ့ ဆွေးနွေးဖြစ်တာလေးတွေပါ (၁)

ဒေါ်အောင်ဆန်းစုကြည်က အခုနောက်ပိုင်း တည့်(ဒဲ့)တွေ ပြောလာတယ်နော်။ အဲဒါ မင်းအမြင် ဘယ်လိုရှိလဲ။

ဘယ်လိုမှ မရှိဘူး။ သူပြောတာတွေကို သူတာဝန်ယူဖို့ပဲ လိုတယ်။ ခက်တာက ငါတို့ဆီက မီဒီယာတွေကလည်း ဒေါ်အောင်ဆန်းစုကြည် ဘယ်လိုပြောတယ်သာ ရေးကြပြောကြတာ။ ဘယ်တုန်းက ဒေါ်အောင်ဆန်းစုကြည် ပြောခဲ့တာကတော့ လက်ရှိအခြေအနေအရ မဖြစ်နိုင်ဘူး၊ ပကတိ အရှိတရားနဲ့ ကင်းကွာတယ်၊ ဘယ်တုန်းက ပြောခဲ့တာကတစ်မျိုး၊ အခုပြောတာက နောက်တစ်မျိုး ဖြစ်နေပြန်တယ် စသဖြင့် ဝေဖန်သုံးသပ် ရေးသားတင်ပြရဲတဲ့သူ မရှိသလောက် ဖြစ်နေတာပဲ။ တကယ်တမ်းကတော့ ဒေါ်အောင်ဆန်းစုကြည်ရဲ့ ဟာကွက်၊ ပျော့ကွက်၊ ရှော်ကွက်၊ ချော်ကွက်တွေကို မီဒီယာတွေ ကောင်းကောင်းသိတယ်။ ဒါပမေယ့် ဘယ်သူမှ မပြောကြဘူး။ ခေတ်ကာလ အခြေအနေက ဒေါ်စုကိုမထိနဲ့၊ ဒေါ်စုကိုထိရင် ဒီမိုကရေစီဘက်တော်သား မဟုတ်ဘူးလို့ ခံယူထားကြသူ များနေတာကိုး။ အဲဒီတော့ မီဒီယာတွေက စာဖတ်သူရဲ့ ၀ိုင်းကျဉ်တာကို မခံဘူး။ မသိချင်ယောင်ဆောင်ပြီး နှာစေးနေလိုက်ကြတယ်။ စီးပွားရေးဆန်တာပေါ့နော်။ စီးပွားရေးအရ ကြည့်မယ်ဆိုရင် ဒင်းတို့တွေ မှန်တယ်။ ဒါပေမယ့် လိပ်ခေါင်းထွက်အောင် အော်နေကြတဲ့ စတုတ္ထမဏ္ဍိုင်တို့၊ တည့်မတ်ပေးသူတို့၊ ထိန်းကျောင်းပေးသူတို့ စတဲ့စကားလုံးတွေ အတွက်ဆိုရင်တော့ မြန်မာ့ဂျာနယ် အများစုဟာ ဟိုးအောက်ဆုံးအဆင့်မှာပဲ ရှိတယ်။ ပြောချင်တာက ဒေါ်အောင်ဆန်းစုကြည်က သူဘာပြောပြော ဘယ်သူကမှ ဝေဖန်မယ့်သူ မရှိတဲ့အတွက် ပြောချင်ရာပြောတယ်။ အခုလိုပြောတာ သောက်ရမ်းနေရင်း အမုန်းစိတ်နဲ့ ပြောနေတာမဟုတ်ဘူး။ ဒေါ်စုပြောသမျှ အကုန်လုံး မဟုတ်ပေမယ့် ရတတ်သမျှကို နားထောင်တယ်၊ သိမ်းထားတယ်။ အဲဒီအတွေ့အကြုံအရ ပြောပြတာ။ ဒေါ်စုမိန့်ခွန်းများဆိုပြီး ဘော်ချက်တဲ့စာအုပ်ကိုလည်း ၀ယ်ထားလိုက်တာပဲ။ တမင်ကို အကိုးအကားဖြစ်အောင် ၀ယ်ထားတာ။ အကျယ်ချုပ်က လွတ်လွတ်ချင်း ပြောတဲ့ပုံစံတွေ၊ ကြားဖြတ်ရွေးကောက်ပွဲ အကြိုကာလမှာ အမြှုပ်ထွက်အောင် ပြောခဲ့တဲ့ စကားလုံးတွေ၊ လွှတ်တော်ထဲကို ရောက်ကာစက ပြောခဲ့တဲ့ အထာတွေ၊ တရားဥပဒေစိုးမိုးရေးကော်မတီမှာ ဥက္ကဋ္ဌဖြစ်တော့ ဟိုပြောဒီပြော ပြောခဲ့တာတွေ၊ အခုနောက်ပိုင်း နိုင်ငံတကာလှည့်ပြီး သူ့ပါတီအတွက်၊ သူ့အတွက် ပိုက်ဆံလိုက်ယူတော့ လူရှေ့သူရှေ့တွေမှာ ပြောခဲ့တာတွေ စတာစတာတွေကို နားထောင်ပြီး၊ ဖတ်ရှုပြီးမှ ကျွန်တော့်ရဲ့ မှတ်ချက်စကားကို ပြောတာ။ ခင်ဗျားမယုံရင် စောင့်သာကြည့်၊ ဒေါ်စုကို တွယ်တဲ့နေ့ ရောက်လာဦးမှာပဲ။ အဲဒီအချိန်ကျရင် မြန်မာမီဒီယာတွေ ဒေါ်စုအကြောင်းကို ဘယ်လိုရေးကြမလဲဆိုတာ။ မေးခွန်းကို တည့်တည့်ဖြေရရင် ဒေါ်စုက အခုအချိန်မှာ လုပ်နိုင်တာဆိုလို့ စကားပြောတာပဲ ရှိတာကိုး။ အဲဒီတော့ ပြောချင်ရာ ပြောပါစေ။ လွှတ်ထားလိုက်ပါကွာ။ ထင်သာမြင်သာတဲ့ ဥပမာတစ်ခု ပေးရမယ်ဆိုရင်တော့ ဒေါ်စုခရေဇီတွေ၊ ဒေါ်စုဂုဏောတွေတောင် ငါတို့လောက် ဒေါ်စုမိန့်ခွန်းတွေကို နားမထောင်ဖူးဘူးကွ။ ကြိုက်ကြေးသာလောင်းကွာ။ အကုန်လုံးကို မပြောပါဘူး။ ကျွန်တော်က ဒေါ်စုမှဒေါ်စုဆိုတဲ့ ရဲရဲတောက် ၁၀ ယောက် ခေါ်လာခဲ့။ ၈ ယောက်က ဒေါ်စုမိန့်ခွန်းတွေပြောတာ ဘယ်နှခုရှိမှန်းတောင် သိမှာမဟုတ်ဘူး။ စိတ်သာချ။ ဒေါ်စုကို လူတွေက အဲဒီလိုချစ်ကြတာကွ။ အဲဒါကို ဒေါ်စုက သဘောကျနေရင်တော့လည်း ရှိပါစေကွာ။ :D

ငြိမ်းချမ်းရေးဆွေးနွေးပွဲတွေကိစ္စ အတော်လေးကို အသံထွက်လာတာ တွေ့ရတယ်နော်။ ဘယ်လိုမြင်လဲကွ။

အမှန်အတိုင်း ပြောရရင် သိပ်သဘောမကျဘူး။ အခုလုပ်နေတာက တကယ်ရော ငြိမ်းချမ်းရေးရမှာလား။ အခုလုပ်နေတဲ့ လူတွေရဲ့ ငြိမ်းချမ်းရေးဆိုတဲ့ အဓိပ္ပါယ်ဖွင့်ဆိုချက်က ဘာလဲ။ အဲဒါက အရေးကြီးတယ်။ ငါဆိုလိုတာကကွာ... ကချင်ပြည်နယ်အတွက် ငြိမ်းချမ်းရေး လက်မှတ်ထိုးတယ်ဆိုပါတော့။ ကချင်ဒေသမှာ ဘယ်လိုအခြေအနေတွေ ဖြစ်ပေါ်လာတာကို ငြိမ်းချမ်းတယ်လို့ ခေါ်ဆိုအဓိပ္ပါယ်ဖွင့်မှာလဲ။ အစိုးရကျောင်းတွေ နေရာတိုင်းမှာ ဖွင့်လှစ်နိုင်တာ၊ ကလေးတိုင်း သူ့ဒေသအလိုက် ကျောင်းတက်နိုင်တာ၊ မည်သူမဆို ကချင်ပြည်နယ်အတွင်း လွတ်လွတ်လပ်လပ် အေးအေးချမ်းချမ်း သွားလာနိုင်တာ၊ ကချင်ပြည်နယ်မှာ လက်နက်ကိုင်တပ်ဆိုလို့ တပ်မတော်တစ်ခုတည်းပဲ ရှိတော့တာ၊ စီးပွားရေးလုပ်ငန်းတွေ လုပ်ကိုင်ဖို့အတွက် ဆက်ကြေးတို့၊ လိုင်းကြေးတို့ ပေးစရာမလိုတော့ဘဲ သာမန်လုပ်နေကျ လုပ်ထုံးလုပ်နည်းအတိုင်း ဆောင်ရွက်နိုင်တာ၊ စတာတွေဆိုရင်တော့ အကျိုးရှိတယ်။ ဒီအစိုးရလက်ထက်မှာ လုပ်ဆောင်ချက်တစ်ခုခု အနေနဲ့ ပြချင်တာဆိုရင်တော့ နည်းနည်းအန္တရာယ်များတယ်။ ကျွန်တော့်စိတ်ထဲမယ် တိုင်းရင်းသားလက်နက်ကိုင် သူပုန်တွေအားလုံး KNU လို ရိုးသားမှု၊ စိတ်ပြတ်မှု မရှိကြရင် မငြိမ်းချမ်းနိုင်သေးဘူးလို့ မြင်မိပါတယ်။ တစ်ခုဖြတ်ပြောချင်တာက ဦးအောင်မင်းတို့ကို လက်နက်ကိုင်တွေနဲ့ အရင်မဆွေးနွေးဘဲ တပ်မတော်နဲ့ အရင်ဆွေးနွေးစေချင်တယ်။ မဟုတ်ရင် သူတို့က စကားတွေလွန်ပြီး တကယ်တမ်း အောက်ခြေမှာ ထိပ်တိုက်ရင်ဆိုင်နေရတဲ့ တပ်မတော်အတွက်ကျတော့ အခက်အခဲတွေ ဖြစ်လာနိုင်တယ်။ တစ်ဘက်က လက်နက်ကိုင်တွေအတွက်လည်း အဲဒီလိုပဲ။

သူငယ်ချင်းတွေ မေးတာတွေထဲက အချို့ကို အချိန်ရသလောက် ပြန်ရေးလိုက်တာပါ။ နောက်ထပ် ဆွေးနွေးထားတာလေးတွေကို အချိန်ရရင် ရေးတင်ပါ့မယ်။ စိတ်ဝင်တစားရှိကြတဲ့ သူငယ်ချင်းတွေအတွက် ၀မ်းမြောက်ဂုဏ်ယူရပါတယ်။ မြန်မာ့နိုင်ငံရေးကို မြန်မာတွေစိတ်ဝင်စားတာ ကြိုဆိုရမယ့် ကိစ္စရပ်ပါ။ အချို့သူငယ်ချင်းတွေ ကျွန်တော့်ထက် အဆပေါင်းများစွာ နိုင်ငံရေးအမြင် ကျယ်ကြတယ်၊ အသိပညာတွေ ရှိကြတယ်၊ ဒါပေမယ့် သူတို့စာမရေးကြဘူး။ ကျွန်တော်တိုက်တွန်းပေမယ့် သူတို့ဆီက ပြန်ကြားရတာ တစ်ခွန်းပဲ။ စာမရေးတတ်ဘူးကွတဲ့။ မတောက်တခေါက် ဟိုမရောက် ဒီမရောက် ကျွန်တော်က ဟိုရေးဒီရေး ရေးနေတာဟာ အန္တရာယ်များတယ်။ သူတို့ကို ရေးစေချင်တယ်။ ရေးကြပါ၊ ဆွေးနွေးကြပါ။ ဝေမျှကြပါ။

အမှတ်တရ

ကိုဉာဏ် (ပန်းလောင်မြေ)

၂၀၁၃ ခုနှစ် စက်တင်ဘာလ ၃၀ ရက်၊ တနင်္လာနေ့။

ည ၈ နာရီ ၅၈ မိနစ်တွင်ပြီး၏။