သူငယ်ချင်းတွေနဲ့ ဆွေးနွေးဖြစ်တာလေးတွေပါ (၂)

ဦးသန်းရွှေနဲ့ ပတ်သက်လို့ အခုတလော လူပြောများနေတဲ့ အကြောင်းအရာနဲ့ ပတ်သက်ပြီး မင်းအမြင်လေး လုပ်ပါဦး။

တိုက်ရိုက်မပြောခင် အနည်းငယ်တော့ ခြေဆင်းလေးဝင်မှ အဆင်ပြေမှာမို့ စကားပလ္လင် ခံပါရစေဦး၊ နည်းနည်းလေး ဘုန်းကြီးစာချ လုပ်ပါရစေဦး။ ကျွန်တော်ရေးခဲ့ဖူးသလိုပါပဲ... ကျွန်တော်တို့မြန်မာတွေဟာ လူတစ်ယောက်ကို မုန်းပြီဆိုရင် ရေဆုံးရေဖျားအထိ မုန်းတတ်ကြပါတယ်။ အဲ... ချစ်မိပြီဆိုရင်လည်း အဲဒီလူ ဘာပဲလုပ်လုပ် ခွင့်လွှတ်ပေးနိုင်၊ လေးစားပေးနိုင်ကြတဲ့သူတွေပါ။ ဒေါ်အောင်ဆန်းစုကြည်ဟာ အဲဒီအမျိုးအစားထဲမှာ ပါတယ်ဆိုတာကို ကျွန်တော်ပြောတိုင်း အတော်များများက လက်မခံကြဘူး။ သူ့အဖေ ဗိုလ်ချုပ်အောင်ဆန်းရဲ့ အရှိန်အ၀ါဟာ ဒေါ်အောင်ဆန်းစုကြည်ကို အခြားသော နိုင်ငံရေးသမားတွေ အားလုံးထက် ခေါင်း ၃-၄ လုံးလောက် ပိုမြင့်စေခဲ့ပါတယ်။ တချို့တွေက ကျွန်တော့်ကို ဒေါသတကြီးနဲ့ မင်းကဘာကောင်မို့ ဒေါ်အောင်ဆန်းစုကြည်ကို ဝေဖန်ရတာလဲ၊ မင်းအဆင့်က ဘယ်လောက်ရှိလို့ ဒေါ်စုကို အပြစ်တင်ရတာလဲလို့ ပြောတတ်ကြပါတယ်။ ဒီနေရာမှာ ဘာသာရေးကို ထည့်သွင်းမပြောလိုပေမယ့် ပြောသင့်တယ်ထင်လို့ ထည့်ပြောချင်တာလေး ရှိပါတယ်။ ကျွန်တော့်ပို့စ်ကို ဖတ်နေကြသူ အများစုဟာ ဗုဒ္ဓဘာသာဝင်တွေပါ။ ဗုဒ္ဓဘာသာဝင် တစ်ယောက်အတွက် ဗုဒ္ဓမြတ်စွာထက် မြင့်မြတ်သူ မရှိတော့ပါဘူး။ သုံးလောကထွဋ်ထား ဂေါတမမြတ်စွာဘုရားက ဘယ်လိုမိန့်ကြားခဲ့ပါသလဲ။ ကာလာမသုတ်ကို ပြန်လေ့လာစေချင်ပါတယ်။ ဗုဒ္ဓလို ပုဂ္ဂိုလ်မျိုးကတောင် ဘယ်သူပြောပြော၊ ဘယ်မှာရေးရေး ကိုယ့်ဘာသာကိုယ် ဆန်းစစ်ဝေဖန် နှိုင်းချင့်ပြီးမှ ဘယ်အရာက အပြစ်ကင်းတယ်၊ ဘယ်အရာက အပြစ်မကင်းဘူးလို့ သုံးသပ်လက်ခံပါလို့ ဟောကြားခဲ့တာပဲ မဟုတ်ဘူးလား။ ငါက ဗုဒ္ဓကွ၊ မင်းတို့သိတာထက် အဆပေါင်းများစွာ ပိုသိတယ်၊ ငါပြောတာကလွဲရင် ကျန်တာအားလုံးက အမှားတွေပဲလို့ ဗုဒ္ဓပြောခဲ့ပါသလား။ ဒါက စကားစပ်မိလို့ ထည့်သွင်းပြောဆိုရတာပါ။

ဆိုတော့ဖြင့် ဒေါ်စုသည် သာမန်လူသားထဲက လူသားတစ်ဦးပါပဲ။ သူ့မှာလည်း တော်ကွက်၊ လျှော်ကွက်၊ ဟာကွက်၊ ပျော့ကွက်တွေ ရှိမှာပါပဲ။ ကျွန်တော်ပြောခဲ့သလို မြန်မာတွေက ချစ်စိတ်ဝင်နေကြလေတော့ ဒေါ်စုဘာလုပ်လုပ် အမှန်တွေလို့ပဲ လက်ခံလိုက်ကြတယ်။ ကိုယ့်အသိဉာဏ်၊ ကိုယ့်ပညာ၊ ကိုယ့်အတွေ့အကြုံနဲ့ ဒါကတော့ ဒီလိုဆိုရင် ပိုကောင်းမယ်၊ ဒီနေရာမှာ ဒေါ်စုပြောတာဟာ လက်တွေ့နဲ့ မကိုက်ညီဘူး စသည်ဖြင့် ဘယ်သူကမျှ မပြောရဲကြတော့ဘူး။ ဒေါ်စုရဲ့ အားနည်းချက်တွေကိုပဲ လိုက်ရှာရမယ်လို့ ကျွန်တော်က ပြောနေတာမဟုတ်ပါဘူး။ ထို့အတူ ဒေါ်စုကို ထောက်ခံအားပေးသူတွေကိုလည်း အသုံးမကျတဲ့လူတွေလို့ ကျွန်တော်အပြစ်တင်နေတာ မဟုတ်ပါဘူး။ လူတိုင်းလူတိုင်းဟာ ကိုယ်နှစ်သက် သဘောကျသူကို ချစ်ခင်ခွင့်၊ ထောက်ခံခွင့် ရှိကြတာပါပဲ။ ကျွန်တော်ထောက်ခံတဲ့လူကို ဝေဖန်ကြတာကို နားလည်ပေမယ့် အဲဒီလို ထောက်ခံရမလားဆိုပြီး ကျွန်တော့်ကို အပြစ်တင်ရင်တော့ ကျွန်တော်လည်း လက်ခံမှာ မဟုတ်ပါဘူး။ ဒါပေမယ့် မျက်ကန်းထောက်ခံမှု လုပ်ခဲ့ရင်တော့ ကျွန်တော့်ကို တွယ်နိုင်ကြသလို ကျွန်တော်ကလည်း အခြားသူတွေကို တွယ်ဖို့ဝန်လေးမှာ မဟုတ်ပါဘူး။

မူလအကြောင်းအရာကို ပြန်ဆက်ရရင် တစ်ချိန်က နိုင်ငံ့အကြီးအကဲအဖြစ် တာဝန်ယူခဲ့တဲ့ ဗိုလ်ချုပ်မှူးကြီးဟောင်း ဦးသန်းရွှေကို လူတွေက မုန်းတီးကြတယ်။ ဦးသန်းရွှေကို ချစ်ပါတယ်လို့ လူကြားထဲမှာ ဘယ်သူမှ မပြောရဲဘူး။ ဘာကြောင့်လဲဆိုတော့ အားလုံးက ဦးသန်းရွှေလို့ ပြောလိုက်တာနဲ့ မုန်းတီးရမယ်၊ တစ်စက်ကလေးမျှ မကောင်းဘူး၊ မြန်မာနိုင်ငံကို ပျက်စီးအောင်လုပ်သွားတာ စသည်စသည်ဖြင့် စွဲမြဲနေကြတာ ဖြစ်လို့ပါပဲ။ အနောက်နိုင်ငံတွေမှာလိုမျိုး လမ်းမှာတွေ့သမျှလူတိုင်းကို စစ်တမ်းလေးကောက်ပြီး ဦးသန်းရွှေကို သိသလား၊ သဘောကျလား၊ မကျဘူးလား၊ ဘာဖြစ်လို့ သဘောကျသလဲ၊ သဘောမကျတာလဲ၊ စသဖြင့် မေးခွန်းလေးတွေမေးပြီး စစ်တမ်းလေးတစ်ခု ကောက်ရရင် အတော်ကောင်းမှာပဲ။ ဘာကြောင့်မုန်းတီးတယ်ဆိုတဲ့ အဖြေတွေ ဘယ်လိုထွက်လာမလဲလို့ ကျွန်တော်အရမ်းသိချင်တာပဲ။ တစ်ဆက်တည်း ဘာကိုသွားပြီး သတိရသလဲဆိုတော့ ဆရာအော်ပီကျယ် ကာတွန်းလေးတွေနဲ့ ပြောပြခဲ့ဖူးတဲ့ မျောက်ပုံပြင်ကို သွားသတိရတယ်။ ဒီနေရာမှာ သွားဖတ်နိုင်ပါတယ်။

ဦးသန်းရွှေလည်း လူသားတစ်ဦး ဖြစ်တဲ့အတွက် အမှားကင်းမှာ မဟုတ်တာ အသေအချာပါပဲ။ သူဦးဆောင်တဲ့ အစိုးရလက်ထက်မှာ မူဝါဒဆိုင်ရာ အမှားလုပ်ခဲ့တာတွေ ရှိတာအသေအချာပါပဲ။ ဒါပေမယ့် ကောင်းတာတွေ၊ အသိအမှတ်ပြုသင့်တာတွေလည်း ရှိခဲ့တာပါပဲ။ ကျွန်တော်တို့ဆီမှာ တစ်ခုဆိုးတာက စစ်တပ်(တပ်မတော်အစိုးရ)က အုပ်ချုပ်ပါတယ်ဆိုမှ အရာရာကို ဒီမိုကရေစီစံနှုန်းနဲ့ တိုင်းတာနေကြတာပါပဲ။ စစ်တပ် အုပ်ချုပ်တဲ့ကာလမှာ ဘယ်အရာကတော့ ဒီမိုကရေစီစံနဲ့ မကိုက်ညီဘူး၊ ဘယ်အချက်ကတော့ လူ့အခွင့်အရေး စံနှုန်းတွေနဲ့ မညီညွတ်ဘူး စသဖြင့် ဝေဖန်ကြတဲ့လူတွေကို ကျွန်တော်က သိပ်အံ့သြတာပဲ။ နည်းနည်းပါးပါး ကမ္ဘာ့နိုင်ငံရေး ဖြစ်စဉ်တွေကို လေ့လာစေချင်ပါတယ်။ ဘယ်နိုင်ငံမှာများ စစ်တပ်က ဒီမိုကရေစီနည်းကျ အုပ်ချုပ်လို့လဲ။ စစ်တပ်လော်ဘီလို့ပဲပြောပြော၊ စစ်တပ်ထောက်ခံသူလို့ပဲဆိုဆို ပြောရမယ်ဆိုရင် နိုင်ငံ့တာဝန်ကို ယူခဲ့တဲ့ စစ်အစိုးရတွေထဲမှာ မြန်မာနိုင်ငံလောက် ပျော့ပျောင်းတဲ့နိုင်ငံ ရှိနိုင်မယ်မထင်ဘူး။ စစ်တပ်က တာဝန်ယူခဲ့စဉ်အကြောင်း ပြောလိုက်တာနဲ့ မျက်စိမှိတ်ပြီး F*** လို့ ဆဲမယ့်လူတွေ အနေနဲ့ ကိုယ့်နိုင်ငံမှာ လက်ရှိအချိန်အထိ ကြုံတွေ့နေရတာတွေကို မြင်အောင်ကြည့်ပါဦးလို့ ပြောချင်ပါတယ်။ စစ်အစိုးရကြောင့် ပြေလည်သွားခဲ့တဲ့ ပြဿနာတွေ အများကြီးပဲ။ စီမံခန့်ခွဲမှု ညံ့ဖျင်းတဲ့အတွက် တိုင်းပြည်တိုးတက်ဖွံ့ဖြိုးမှုနဲ့ ပညာရေးပိုင်းမှာ အကြီးအကျယ် အားနည်းခဲ့တာကိုလည်း လက်ခံတယ်။ အဲဒီအတွက် ဦးသန်းရွှေ တစ်ယောက်တည်းမှာ တာဝန်ရှိတယ်၊ ဦးသန်းရွှေ တစ်ယောက်တည်းရဲ့ အပြစ်ပဲ ဆိုရင်တော့ဖြင့် ထားလိုက်ပါတော့လေ။

ဂဠုန်ဦးစောကို မြန်မာတွေ မေ့ကြပြီလား။ ကျွန်တော်အပါအ၀င် လူတိုင်းနီးပါးဟာ ဦးစောကို မုန်းတီးကြတယ်။ ဗိုလ်ချုပ်အောင်ဆန်းကို လုပ်ကြံခဲ့ရာမှာ အဓိကတာဝန်ရှိသူအဖြစ် တစ်သက်လုံးက ခွင့်မလွှတ်ခဲ့ကြဘူး။ ဒါပေမယ့် ကျွန်တော်မေးမယ်... ခင်ဗျားတို့တွေ ဦးစောရဲ့ သားသမီးတွေ၊ မြေးတွေကို ဘာအပြစ်မှ ပြောကြတာ မတွေ့ရပါလား။ အပြစ်မပြောလို့ ကျွန်တော်က ဝေဖန်နေတာ မဟုတ်ပါဘူး။ ဂဠုန်ဦးစော လုပ်ခဲ့တဲ့ အလုပ်တွေအတွက် သူ့မိသားစုမှာ အနည်းနဲ့အများ သက်ရောက်မှုရှိမှာ မလွဲပါဘူး။ ဒါပေမယ့် အဲဒီအလုပ်ကို သူ့သားသမီးတွေ လုပ်ခဲ့တာမဟုတ်ဘူး။ သူ့မြေးတွေ လုပ်ခဲ့တာမဟုတ်ဘူး။ နောက်တစ်ခု အိုစမာဘင်လာဒင်ဟာ ကမ္ဘာ့အလိုအရှိဆုံး အကြမ်းဖက်ခေါင်းဆောင်။ ဒါပေမယ့် သူ့မိသားစုတွေ၊ သူ့သားသမီးတွေဟာ အကြမ်းဖက်သမားတွေ မဟုတ်ကြဘူး။ အမေရိကမှာ အလုပ်လုပ်နေတဲ့ ဘင်လာဒင်ရဲ့ ဆွေမျိုးတွေ တစ်ပုံကြီးပဲ။ အားလုံးအေးဆေးပါပဲ။ ဘယ်အမေရိကန်ကမှ ဘင်လာဒင်ရဲ့ အမျိုးတွေပဲဆိုပြီး ပစ်မယ်မထားကြပါဘူး၊ ၀ိုင်းမဆဲကြပါဘူး။

ဦးသန်းရွှေဟာ ဂဠုန်ဦးစောလောက် ဆိုးခဲ့သူလား။ ဘင်လာဒင်လို အကြမ်းဖက်သမားလား။ စဉ်းစားကြစေချင်ပါတယ်။ နိုင်ငံ့တာဝန်ကို အကြီးဆုံးလူ တစ်ဦးအနေနဲ့ တာဝန်ယူခဲ့ရာမှာ အမှားတွေ ရှိခဲ့ကောင်း ရှိခဲ့နိုင်ပါတယ်။ အဲဒီအတွက် ဝေဖန်ကြတာ၊ အပြစ်တင်ကြတာကို ကျွန်တော်နားလည်ပါတယ်။ ဒါပေမယ့် အခု သူ့မြေးအထိ ရောက်လာပြီဆိုတာကတော့ နည်းနည်းလေးများ တရားလွန်သလားလို့ တွေးမိပါတယ်။ ငါသောက်မယ့်ရေကို နောက်အောင်လုပ်တာ မင်းမဟုတ်ရင် မင်းအဘိုးဆိုပြီး သမင်လေးကိုစားတဲ့ ကျားကြီးလိုများ ကျွန်တော်တို့တွေ ဖြစ်နေကြပြီလား။ ဒီလိုပြောနေတာတွေဟာ နေရွှေသွေးအောင်ဆိုတဲ့ လူငယ်တစ်ယောက်ကို ကာကွယ်ပေးနေတာ မဟုတ်ပါဘူး။ သူ့မှာလည်း မကောင်းတဲ့ သမိုင်းအတိတ်တွေ ရှိခဲ့မှာ အသေအချာပါပဲ။ သူလည်း ပုထုဇဉ်ပဲကိုး။ ကျွန်တော်ကြားဖူးတဲ့ မကောင်းတဲ့ သမိုင်းတွေတင် အများအပြားရှိပါတယ်။ ဒါတွေဟာ လူတိုင်းမှာ ရှိတတ်ကြတာမျိုးပါ။ အဲဒီအတွက် သူလုပ်တဲ့ အမှားတွေအတွက် သူ့မှာတာဝန်ရှိတာ၊ အဲဒါနဲ့ ပတ်သက်ပြီး ဝေဖန်တာကို လက်ခံပါတယ်။ ကျွန်တော်လုပ်ခဲ့တဲ့ အမှားတွေအတွက် ကျွန်တော့်ကို ဝေဖန်ရင်လည်း ကျွန်တော်လက်ခံရမှာပါပဲ။ ဒါပေမယ့် သူ့အဘိုးကို မုန်းတဲ့စိတ်နဲ့ သူ့ကိုပါ မဆီမဆိုင် မုန်းတီးနေတယ်၊ ပြစ်တင်နေတယ် ဆိုရင်တော့ ဒါဟာ ခင်ဗျားတို့ ပြောပြောနေကြတဲ့ ဒီမိုကရေစီ စံနှုန်းတွေ၊ လူ့အခွင့်အရေးတွေနဲ့ ကိုက်ညီပါရဲ့လားဆိုတာ မေးခွန်းထုတ်စရာပါ။

မကြာသေးမီက ထွက်ပေါ်ခဲ့တဲ့ တက္ကသိုလ်များဖလား ဘောလုံးပြိုင်ပွဲဖွင့်ပွဲ ဓာတ်ပုံတွေနဲ့ ပတ်သက်ပြီး ဦးသန်းရွှေအကြောင်း ပြန်ဖွလာကြတာကို တွေ့ရပါတယ်။ အဲဒီအထဲက ဟာသအမြောက်ဆုံး ပြက်လုံးတစ်ခုကတော့ တပ်ထဲမှာ ဦးသန်းရွှေကို ဖြုတ်ချဖို့ ပြင်နေကြပြီ ဆိုတာပါပဲ။ လျှောက်ပြီးတော့ သွယ်ဝိုက်မနေဘဲ ပြောရမယ်ဆိုရင် လူအများစုက လက်ရှိနိုင်ငံရေး အခြေအနေတွေကို ဦးသန်းရွှေက နောက်ကွယ်ကနေ ကြိုးကိုင်နေတယ်လို့ ထင်နေကြတာပါပဲ။ တပ်မတော်ကိုလည်း ဦးသန်းရွှေကပဲ မောင်းနှင်နေသေးတယ်လို့ ထင်နေကြဆဲပါပဲ။ အဲဒါကြောင့်လည်း အခုလို သတင်းမျိုးကို Like လုပ်သူ၊ Share လုပ်သူတွေ အများအပြား ဖြစ်နေကြတာပါ။ တပ်ထဲမှာ ဦးသန်းရွှေကို ဖြုတ်ချမယ်ဆိုတော့ ဦးသန်းရွှေက အငြိမ်းစားယူပြီးသား ဗိုလ်ချုပ်မှူးကြီးဟောင်းတစ်ဦးပဲ။ ပင်စင်စားတစ်ယောက်ကို ဖြုတ်ချဖို့ လိုလို့လား။ လက်ရှိ ကာချုပ်ဟာ ဦးမင်းအောင်လှိုင်ဆိုတာ အားလုံးသိနေတာပဲ။ နိုင်ငံတကာကို လှည့်သွားနေတာလည်း အားလုံးမြင်နေတာပဲ။ တပ်မတော်နေ့ အခမ်းအနားမှာလည်း တပ်မတော်ရဲ့ အကြီးဆုံးပုဂ္ဂိုလ်အဖြစ် မိန့်ခွန်းပြောနေတာ အားလုံးတွေ့နေတာပဲ။ သမ္မတကြီးတက်တဲ့ လွှတ်တော်အခမ်းအနားတွေမှာ တပ်မတော်ရဲ့ အကြီးအကဲအနေနဲ့ တက်ရောက်နေတာလည်း မျက်မြင်ကိုယ်တွေ့ပဲ။ ကဲ... ဦးသန်းရွှေက ဘယ်ကနေ ဘယ်လိုပါလာရတာလဲ။ တပ်ထဲမှာရှိတဲ့ ဘယ်စစ်သားကများ ဦးသန်းရွှေက သူတို့ကို ဖြုတ်ပစ်လိမ့်မယ်တို့၊ ဦးသန်းရွှေက သူတို့ကို ရာထူးတိုးပေးလိမ့်မယ်တို့ လက်ခံနားလည်နေကြသလဲဆိုတာ စိတ်ဝင်စားမိတယ်။ ချင့်ယုံကြပါကွယ်ရို့။

ဆရာအောင်ထွဋ် မဆုံးခင်က ပြောဖူးတာရှိတယ်။ ဦးသန်းရွှေဟာ မြန်မာ့နိုင်ငံရေးဖြစ်စဉ်မှာ အဓိက အခန်းကဏ္ဍတစ်ခုက ပါဝင်ခဲ့တယ်တဲ့။ အတိတ်က ကောင်းခဲ့တာ၊ ဆိုးခဲ့တာတွေနဲ့ ပတ်သက်ပြီး ဆရာက မပြောပေမယ့် သေသေချာချာ ပြောတာတစ်ခုကတော့ အနာဂတ်မြန်မာ့နိုင်ငံရေးအတွက် ဦးသန်းရွှေဟာ လမ်းခင်းပေးခဲ့သူပါတဲ့။ မျက်မှန်စိမ်းနဲ့ ဆရာကြီးများ ဆဲလို့ကောင်းတဲ့ အရေးအသားပေါ့ခင်ဗျာ။ လွတ်လွတ်လပ်လပ် ဆဲနိုင်ကြပါတယ်။ ဒီနေ့လျှောက်နေတဲ့ ဒီမိုကရေစီ ခရီးလမ်းဟာ ဦးသန်းရွှေဦးဆောင်တဲ့ စစ်တပ်အစိုးရက ခင်းပေးခဲ့တဲ့လမ်းပါ။ နိုင်လွန်ကတ္တရာလမ်း ဟုတ်ချင်မှ ဟုတ်လိမ့်မယ်။ ဒါပေမယ့် လမ်းကြောင်းပေါ်နေတာကတော့ အသေအချာပါပဲ။ အဲဒီလမ်းကိုကောင်းအောင်လုပ်ဖို့၊ လမ်းမှာရှိတဲ့ မညီညာမှုတွေကို ပြင်ဆင်ဖို့၊ အန္တရာယ်ကင်းအောင်လုပ်ဖို့ စတာစတာတွေအတွက်ကတော့ နောင်လာမယ့် မျိုးဆက်တွေအတွက်ပဲလေ။ ဦးသိန်းစိန်က သူ့လက်ထက်မှာ သူနိုင်သလောက် ပြင်ဆင်မယ်၊ မွမ်းမံမယ်။ ၂၀၁၅ ကျရင် နောက်တစ်ဖွဲ့က ပိုကောင်းအောင် ပြင်ဆင်မယ်၊ မွမ်းမံမယ်။ ဒီလိုနဲ့ပဲ စင်းလုံးချောနီးပါးကောင်းတဲ့ လမ်းတစ်ခုကို ဖောက်ကြရမှာ မဟုတ်ဘူးလား။ ဘယ့်နှယ်လုပ်ပြီး သိကြားဖန်ဆင်းပေးတဲ့ လမ်းလိုမျိုး ဥုံဖွ ကောင်းစေသတည်း ဆိုတဲ့လမ်းတော့ ချက်ချင်းရလိမ့်မလဲဗျ။

ဦးသန်းရွှေအကြောင်းတွေ ဖွင့်ချဖို့ ပြင်နေကြပြီတဲ့။ အော်... လူတစ်ယောက်မှာ မကောင်းတဲ့ အဖြစ်အပျက်တွေ ရှိတာများ ဘာဆန်းတာမှတ်လို့။ ခင်ဗျားတို့ ကျွန်တော်တို့မှာရော မကောင်းတဲ့အကြောင်း၊ မကောင်းတဲ့အတိတ် မရှိဘဲနေလို့လား။ နေခဲ့ရတဲ့ ပတ်ဝန်းကျင်၊ ယူခဲ့ရတဲ့ တာဝန်ကိုလိုက်ပြီး အပြစ်တွေတော့ ဘယ်တူနိုင်မလဲ။ ကျွန်းပေါ်မှာ တစ်ယောက်တည်း နေတဲ့လူဟာ မုဒိန်းမှု ကျူးလွန်စရာ အကြောင်းမရှိသလို၊ ငါးစိမ်းသည်ကလည်း လာဘ်စားမှု ကျူးလွန်စရာ အကြောင်းမရှိပါဘူး။ အဲဒီ concept ကို သဘောပေါက်ရင် နားလည်ပေးနိုင်ကြပါလိမ့်မယ်။ အိုဘားမား အစိုးရတောင် တစ်ကမ္ဘာလုံးက သူ့မိတ်ဆွေတွေကို ခိုးကြောင်ခိုးဝှက် စပိုင်လုပ်နေသေးတာ ဦးသန်းရွှေကြီးက အဲဒီလောက် အပြစ်မကြီးလောက်ပါဘူး။

ကဲ... ကျွန်တော်မြင်သမျှ ဦးသန်းရွှေအကြောင်းက ဒီလောက်ပါပဲ။ လိုရင်းပြောရရင် ဦးသန်းရွှေ ဦးဆောင်တဲ့ တပ်မတော်အစိုးရ အုပ်ချုပ်ခဲ့စဉ်ကာလမှာ မူဝါဒအမှားတွေ အများကြီးလုပ်ခဲ့တယ်၊ အဲဒါ အသေအချာပဲ။ စစ်တိုက်တော်တိုင်း ပညာရပ်တိုင်းကို နားလည်နိုင်တာမှ မဟုတ်တာ။ သူ့အစိုးရကို မှတ်တမ်းတင်ရလောက်တဲ့ လုပ်ရပ်တွေလည်း လုပ်ခဲ့တာ အသေအချာပဲ။ ဥပမာ - နေပြည်တော် မြို့တော်သစ်ကြီး တည်ဆောက်ခဲ့တာ။ နောက်ပိုင်းတက်မယ့် အစိုးရတွေ ကြိုက်သလောက် လူကြိုက်များ ထောက်ခံပါစေ မြို့တော်သစ်တစ်ခု တည်လို့ရစရာအကြောင်း တစ်စက်မျှကို မရှိဘူး။ ဦးသန်းရွှေကို မုန်းတီးတဲ့စိတ်ကြောင့် သူ့မိသားစုကိုပါ မုန်းတီးကြတာကို ကျွန်တော်လက်မခံဘူး။ သူတို့တွေ လုပ်ခဲ့တဲ့ လုပ်ရပ်တွေအတွက် ပြစ်တင်ဝေဖန်တာကိုတော့ အပြည့်အ၀ လက်ခံတယ်။ ဦးသန်းရွှေမြေးပဲဆိုပြီး နေရွှေသွေးအောင်ကို လိုတာထက်ပိုပြီး ပြစ်တင်ဝေဖန်ကြတာကို လက်မခံဘူး။ ဘောလုံးပြိုင်ပွဲ ဖွင့်ပွဲမှာ အခြားသော တာဝန်ရှိသူတွေနဲ့အတူ ဖဲကြိုးဖြတ်တာ၊ အတူတွဲထိုင်တာ၊ စတဲ့အကြောင်းပြချက်တွေလောက်နဲ့ မြောက်ကိုရီးယားက ကင်ဂျုံအန်လို ဖြစ်လာလိမ့်မယ်ဆိုပြီး ဇာတ်လမ်းဆင်ကြတာကတော့ ဉာဏ်နည်းလွန်းရာ ရောက်ပါတယ်ဗျာ။ ထမင်းစားတာလား၊ အခြားဟာစားတာလားဆိုတာ ကိုယ့်ဘာသာကိုယ် သုံးသပ်ကြစေချင်တယ်။

ကဲ.... ကျွန်တော့်ဆွေးနွေးမှု ဒီမှာရပ်ပါပြီ။ ၀င်ရောက်ဆွေးနွေးနိုင်ကြသလို အမြင်မတူသူများလည်း ၀င်ရောက် ဆဲဆိုဝေဖန်နိုင်ကြပါပြီ။ အားလုံးကို ကြိုဆိုလျက်ပါ။

အမှတ်တရ

ကိုဉာဏ် (ပန်းလောင်မြေ)

၂၀၁၃ ခုနှစ်၊ အောက်တိုဘာလ ၆ ရက်၊ တနင်္ဂနွေနေ့။

ည ၁၀ နာရီတွင်ပြီး၏။