General Aung San's Birthday 2014

လွန်ခဲ့တဲ့ ၉၉ နှစ်၊ ဒီနေ့လို ဖေဖော်ဝါရီလ ၁၃ ရက်နေ့၊ အညာဒေသ နတ်မောက်ဆိုတဲ့ မြို့ကလေးမှာ ကလေးငယ်တစ်ဦးကို ဖွားမြင်ခဲ့တယ်။ အဲဒီကလေးဟာ နောင်တစ်ချိန်မှာ မြန်မာနိုင်ငံကြီးကို သူ့ကျွန်ဘ၀က လွတ်မြောက်အောင် ကြံဆောင်ကြိုးပမ်း ဦးဆောင်သွားမယ့် အနာဂတ်ခေါင်းဆောင် တစ်ဦးရယ်လို့ ဘယ်သူက သိခဲ့မှာလဲ။ သာမန်သူလိုကိုယ်လို လူသားတစ်ဦးအဖြစ် မွေးဖွားခဲ့တာပါပဲ။ သူ့လိုပဲ အခြားဒေသ၊ အခြားမြို့တွေမှာလည်း ဖေဖော်ဝါရီလ ၁၃ ရက်နေ့ဖွားတွေ ရှိကြမှာပါ။ ဒါပေမယ့် အောင်ဆန်းဆိုတဲ့ ဖေဖော်ဝါရီ ၁၃ ရက်နေ့ မွေးဖွားခဲ့တဲ့ သားရတနာကတော့ မိသားစုဂုဏ်ကိုတင်မဟုတ်၊ မြန်မာ့ဂုဏ်၊ အာရှဂုဏ်ကိုပါ တင်နိုင်ခဲ့သူတစ်ဦး ဖြစ်ခဲ့ပါတယ်။

ကိုယ့်ဘ၀ရပ်တည်ရေး၊ ကိုယ့်မိသားစု အဆင်ပြေရေးအတွက်တောင် ကျွန်တော်တို့တွေ ဘယ်လောက် ကြိုးပမ်းရုန်းကန်ရသလဲဆိုတာ အားလုံးအသိပါ။ တစ်နိုင်ငံလုံး၊ တစ်မျိုးသားလုံး သူ့ကျွန်ဘ၀က လွတ်မြောက်ပြီး ကမ္ဘာ့အလယ်မှာ လွတ်လပ်တဲ့ နိုင်ငံအဖြစ် ထည်ထည်ဝါ၀ါ ရပ်တည်နိုင်အောင် ကြံစည်ကြိုးပမ်းဖို့ဆိုတာ စဉ်းစားသာကြည့်ပါလေ။ လွတ်လပ်ရေးရဖို့ ဗိုလ်ချုပ်အောင်ဆန်း ဘယ်လို ကြိုးပမ်းခဲ့တယ်၊ ဘယ်လိုစွန့်လွှတ်ခဲ့တယ်၊ ဘယ်လိုအနစ်နာခံခဲ့တယ်၊ ဘယ်လိုပင်ပန်းဆင်းရဲခဲ့တယ်၊ ဘယ်လို.....၊ ဘယ်လို.....၊ စတာတွေကို ပြောမနေတော့ပါဘူး။ လုပ်ကြံခံရလို့ ကွယ်လွန်တဲ့အချိန်မှာ ဗိုလ်ချုပ်အောင်ဆန်းဆိုတာ အသက် ၃၂ နှစ်အရွယ်ပဲ ရှိသေးတဲ့ လူငယ်တစ်ဦးဆိုတာကို နှလုံးသွင်း ဆင်ခြင်မိရုံနဲ့တင် သူဘယ်လောက် ပေးဆပ်ခဲ့ရတယ်ဆိုတာကို သိနိုင်ပါတယ်။ ဖေဖော်ဝါရီလ ၁၃ ရက်နေ့မှာ မွေးဖွားခဲ့ပြီး လူ့လောကကြီးထဲမှာ ၃၂ နှစ်သာ နေခွင့်ရခဲ့တဲ့ လူငယ်တစ်ဦးက ကျွန်တော်တို့တွေရဲ့ နှလုံးသားတွေကို ဒီနေ့အထိ ကိုင်လှုပ်နေဆဲ၊ ဒီနေ့အထိ တမ်းတနေဆဲဖြစ်အောင် လုပ်ပြသွားခဲ့တယ်။

ပြက္ခဒိန်တွေ၊ အချိန်နာရီတွေဆိုတာ မရပ်မနား သွားနေ၊ ပြောင်းနေဦးမှာပါပဲ။ ဒါပေမယ့် ဖေဖော်ဝါရီလ ၁၃ ရက် ဆိုတဲ့ ရက်စွဲတစ်ခုကဖြင့် မြန်မာနိုင်ငံအတွက်၊ မြန်မာတစ်မျိုးသားလုံးအတွက် ဘယ်တော့မျှ မမေ့သင့်တဲ့ အမှတ်တရ ရက်စွဲတစ်ခုပါ။ တစ်ခုသော ဖေဖော်ဝါရီလ ၁၃ ရက်နေ့မှာ ကျွန်တော်တို့တွေ လောကကြီးရဲ့ လက်ဆောင်၊ ဘုရားသခင်ရဲ့ လက်ဆောင်အဖြစ် အောင်ဆန်းဆိုတဲ့ လူတစ်ဦးကို ရရှိခဲ့ဖူးတယ်။ ဟုတ်တယ်... အဲဒီရက်ကို ကျွန်တော်တို့တွေ မေ့လို့ မဖြစ်ဘူး။

"" ဖေဖော်ဝါရီ ၁၃ ""

အမှတ်တရ

ကိုဉာဏ် (ပန်းလောင်မြေ)

၂၀၁၄ ဖေဖော်ဝါရီလ ၁၃ ရက်၊ ကြာသပတေးနေ့။

(၉၉) နှစ်မြောက် ဗိုလ်ချုပ်အောင်ဆန်း မွေးနေ့တွင် ရေးသားခဲ့သည်။

67th Anniversary Union Day 2014

အလုပ်လုပ်ခိုင်းတဲ့ ၀န်ကြီး၊ စာဖတ်ခိုင်းတဲ့ ၀န်ကြီးကို ဖွကြပါဦး

ကဲ နွားနို့သောက်ခိုင်းတာ၊ ထမင်းတစ်နပ် လျှော့စားခိုင်းတာ၊ နယ်လှည့်ပါးရိုက်တာတွေကို ဖွခဲ့တဲ့ ကိုကို၊ မမတို့ရဲ့ ဘယ်မီဒီယာကများ ပြည်သူတွေကို သက်သက်သာသာ မထားဘဲ၊ ပင်ပန်းအောင် အလုပ်လုပ်ခိုင်းတဲ့ ၀န်ကြီး၊ ပြည်သူတွေ မျက်စိမွဲ၊ ခေါင်းခြောက်ဖြစ်အောင် စာဖတ်ခိုင်းတဲ့ ၀န်ကြီးလို့ ဖွကြဦးမလဲ။ ဖွကြပါဦးဗျာ။ မြန်မာ့နိုင်ငံရေးက တစ်ခုတစ်လေမျှ ငြင်းခုန်ရတာ၊ ဝေဖန်ရတာ၊ ဆဲဆိုရတာ မရှိဘူးဆိုရင် ပျင်းစရာကြီးဗျ။

ကိုယ့်နိုင်ငံကို တိုးတက်ကြီးပွားအောင် ဆောင်ရွက်ဖို့အတွက် အစိုးရပိုင်းက ဘယ်လိုဆောင်ရွက်သင့်ပါတယ်၊ ဘယ်နေရာတွေမှာတော့ အစိုးရက အားနည်းနေပါတယ်၊ အတိုက်အခံတွေကလည်း ဘယ်နေရာတွေမှာ အပြုသဘောဆောင်တဲ့ နည်းလမ်းတွေနဲ့ ၀ိုင်းဝန်းပူးပေါင်း ဆောင်ရွက်သင့်ပါတယ်၊ နိုင်ငံတိုးတက်ဖို့အတွက် လက်နက်ကိုင် အဖွဲ့အစည်းတွေကလည်း အစိုးရနဲ့ ပူးပေါင်းဆောင်ရွက်သင့်ပါတယ်၊ ပြည်သူတွေကလည်း ဒီမိုကရေစီ နိုင်ငံသားကောင်းတွေ ပီသအောင် ဘယ်လိုအကျင့်စရိုက်တွေကို ပြုပြင်သင့်ပါတယ်၊ ဘယ်လိုညီညီညွတ်ညွတ်နဲ့ အစိုးရတာဝန်ရှိသူတွေရဲ့ နိုင်ငံပြုပြင်တည်ဆောက်ရေးတွေမှာ ၀ိုင်းဝန်းကူညီ လက်တွဲဆောင်ရွက်သင့်ကြပါတယ်၊ ကျွန်တော်တို့ မီဒီယာတွေကလည်း စတုတ္ထမဏ္ဍိုင် ပီသစွာနဲ့ အလယ်ကနေ တည့်တည့်ရပ်ပြီး အမှန်တရားဘက်ကနေပဲ ရေးသားထောက်ပြ ဝေဖန်အကြံပြုရင်း ထိန်းကျောင်းကြပါမယ်လို့ ဘယ်သူတောင်းစား ဂျာနယ်၊ မဂ္ဂဇင်းကများ စေတနာ အပြည့်အ၀နဲ့ တိုင်းပြည်တည်ဆောက်ရေးမှာ ပါဝင်ဆောင်ရွက်နေသလဲ။ (သူတောင်းစား ဆိုတဲ့ စကားလုံးအတွက် စာဖတ်သူတွေကို တောင်းပန်ပါတယ်။ ကျွန်တော်ကိုဉာဏ် ဘယ်လိုမှကို သည်းမခံနိုင်တော့လို့ပါ။ အခု မြန်မာ့နိုင်ငံရေး ရှုပ်ထွေးပွေလီ ဖြစ်နေရတဲ့ အဓိက အကျဆုံးသော အချက်တစ်ခုက သောက်သုံးမကျတဲ့ မီဒီယာတွေကြောင့် ဖြစ်တယ်လို့ ကျွန်တော်ယုံကြည်လို့ပါ။ မြန်မာတွေက ရိုင်းရိုင်းပြောမှ မှတ်မိတယ်ဆိုတာ သိပ်မှန်တယ်။ အဲဒါကြောင့်ပါ။ ရိုင်းမှန်းသိပေမယ့်၊ မသုံးနှုန်းသင့်မှန်း၊ မရေးသင့်မှန်း သိပေမယ့် သိသိနဲ့ မိုက်တဲ့ ကျွန်တော်ကိုဉာဏ် လူမိုက်ကြီးကို နားလည်ပေးပါ။ ဆဲဆိုပါကလည်း ခံယူရန် အသင့်ပါ။)

တစ်နေ့တစ်နေ့ ထွက်သမျှ ဂျာနယ်၊ မဂ္ဂဇင်းတိုင်းမှာ သောက်ရေးမပါတဲ့ ဘယ်ဝန်ကြီးက ဘယ်လိုပြောတယ်၊ ဘယ်အမတ်က ဘယ်လိုပြောတယ်၊ ၂၀၁၅ အတွက် ဘယ်သူကတော့ သမ္မတ ဖြစ်သင့်တယ်၊ ဘယ်သူကတော့ မဖြစ်သင့်ဘူး စတဲ့ အရေးကိစ္စတွေနဲ့ပဲ စာဖတ်သူတွေကို အပေါဆုံး စည်းရုံးဆွဲဆောင် ထားကြတယ်။ သောက်ရေးမပါတဲ့၊ ဘာမျှလည်း ပြန်လုပ်လို့ မရတော့တဲ့ ဘယ်တုန်းကတော့ ဘယ်ဗိုလ်ချုပ်ကြီးက ဘယ်လိုလုပ်ခဲ့တာ၊ ဘယ်တုန်းကကိစ္စကို ဘယ်လိုအရေးယူသင့်တယ် စတာတွေနဲ့ပဲ အနာဟောင်းကို ပြန်ဆွပြီး ပြည်သူကို သွေးကြွအောင် မြှောက်ပေးနေကြတယ်။ ဟုတ်၏၊ မဟုတ်၏ ဆိုတာ ဂျာနယ်တွေ အသိဆုံးပါ။ ဘယ်ဂျာနယ်က ဘယ်သောက်ချိုးဆိုတာ စာဖတ်သူ အတော်များများ သိထားကြပြီးသားပါ။

ကဲ... အလုပ်လုပ်ခိုင်းတဲ့ဝန်ကြီး၊ စာဖတ်ခိုင်းတဲ့ဝန်ကြီး၊ ပြည်သူတွေကို ဆရာလုပ်တဲ့ ၀န်ကြီး ဆိုပြီးတော့ ဘယ်သကောင့်သားက ဖွဦးမလဲ ကြည့်ကြသေးတာပေါ့။ ကျွန်တော်ကိုဉာဏ်ရဲ့ ဒေါသများလည်း ဤနေရာတွင် တစ်ခန်းရပ်ဦးမည်။

အမှတ်တရ

ကိုဉာဏ် (ပန်းလောင်မြေ)

၂၀၁၄ ခုနှစ်၊ ဖေဖော်ဝါရီလ ၆ ရက်၊ ကြာသပတေးနေ့။

မွန်းလွဲ ၂ နာရီ ၄၄ မိနစ်တွင်ပြီး၏။

Unity ဂျာနယ်နှင့် လက်ရှိအခြေအနေ

ယနေ့ထုတ် မြန်မာ့အလင်း သတင်းစာမှာ ဖော်ပြထားတဲ့ သတင်းပါ။