ဆန္ဒခံယူပွဲ (၁)

မင်္ဂလာပါ မြန်မာ့သွေး မိတ်ဆွေများ……

မြန်မာ့သွေး စာမျက်နှာတွေ၊ အီးမေးလ်ပေးပို့မှုတွေကို ရပ်ဆိုင်းထားခဲ့ရတာ အတော်တောင် ကြားခဲ့ပါပြီ။ အဓိက ကတော့ အချိန်ပြဿနာနဲ့ ကွန်နက်ရှင်း ပြဿနာကြောင့်ပါ။ ကွန်နက်ရှင်း ကောင်းရင် ကျွန်တော်က မအားလိုက်၊ ကျွန်တော်အားရင် ကွန်နက်ရှင်းက လိပ်လိုဖြစ်လိုက်နဲ့ လုံးလည်လိုက်သွား လိုက်တာ အတော်တောင် ကြာသွားခဲ့ပါပြီ။

ပထမဆုံး မြန်မာနှစ်သစ် ၁၃၇၀ ပြည့်နှစ်နှင့်အတူ မြန်မာပြည်သူပြည်သားအားလုံး၊ ကမ္ဘာသူကမ္ဘာသား အားလုံး နှလုံးစိတ်ဝမ်းအေးချမ်းကြပါစေကြောင်း တောင်းဆုမေတ္တာပို့သအပ်ပါတယ်။

အခုလတ်တလော အင်တာနက်စာမျက်နှာတွေပေါ်မှာ ရေပန်းအစားဆုံး လူပြောအများဆုံးက ဖွဲ့စည်းပုံ အခြေခံဥပဒေမူကြမ်း (၂၀၀၈)ကို ပြည်လုံးကျွတ်ဆန္ဒခံယူပွဲလုပ်မယ့်အကြောင်းအရာ ဖြစ်နေတာကို တွေ့ရပါတယ်။ အများအားဖြင့်တော့ “ဗုတ်နိုး” ဆိုပြီး လှုံ့ဆော်နေကြတာ၊ ရေးသားနေကြတာတွေပဲ ဖြစ်ကြပါတယ်။ တစ်ခု စိတ်မကောင်းမိတာက မြန်မာလူမျိုး အင်တာနက်သုံးစွဲသူတွေကြားမှာ အတော်အတန် လွှမ်းမိုးမှုရှိတဲ့၊ လူသိများတဲ့ ပုဂ္ဂိုလ်တွေ (ဘလော့ဂ်ဂါတွေများပါတယ်) က “ဗုတ်နိုး” ဆိုတာကို ကျယ်ကျယ်ပြန့်ပြန့် ဖြစ်အောင် လှုံ့ဆော်နေတာကို တွေ့ရတာပါပဲ။ သူတို့စကားနဲ့ပြောရရင် “ဗုတ်ရက်စ်”ပေါ့ဗျာ။ “ဗုတ်ရက်စ်” လုပ်ဖို့အတွက် ရေးသားရှင်းပြထားတဲ့ အင်တာနက် စာမျက်နှာက လက်ဆယ်ချောင်း မပြည့်ပါဘူး။ သင်္ချာနည်းအရ တွက်ကြည့်ရင် အရှင်းကြီးပါပဲ။ အင်တာနက်သုံးစွဲသူ အများစုဟာ မြန်မာစာမျက်နှာ ၅၀ ကို ၀င်ကြည့်မှ ၅ ခုလောက်က “ဗုတ်ရက်စ်” ဖြစ်နေတဲ့အတွက် သာမန် အားဖြင့် အများစုဟာ အမှန်လို့ ထင်သွားကြမှာပါပဲ။

ဒီနေရာမှာ တစ်ခု စဉ်းစားမိပါတယ်။ လူညီရင် ဤ ကို ကျွဲ လို့ ဖတ်လို့ရတယ်ဆိုတာ တကယ်မှန်ရဲ့လားလို့ ပါ။ ကျွဲ လို့ ဖတ်ချင်ရင်တော့ ဖတ်လို့ရပါတယ်။ ဒါပေမယ့် ဤ ကတော့ ဤ ပဲ ဖြစ်ပါတယ်။ ကျွဲလို့ ဖတ်လိုက်တဲ့အတွက် ဤ ကနေပြီး ကျွဲဖြစ်မသွားပါဘူး။ ဒါကို သိကြဖို့လိုပါတယ်။ ဒီလိုဆိုတဲ့အတွက် “ဗုတ်နိုး” လို့ ပြောနေတဲ့ လူတွေကို ကျွန်တော်က မကောင်းပြောနေတယ်။ နှိပ်ကွပ်နေတယ်။ ပြန်ပြီး ဝေဖန်နေတယ်လို့ မထင်ပါနဲ့ဦး။ ဘာမှနားမလည်တဲ့ လူတွေအနေနဲ့ သူတို့ရေးထားတာတွေကို ဖတ်မိပြီး အဟုတ်ကြီးထင်၊ အတွေးမှားတွေ၊ အယူမှားတွေ ၀င်သွားမှာဆိုးလို့ပါ။ လူမှာ အယူအဆမှား စွဲကပ်သွားရင် အင်မတန် ကြောက်စရာ ကောင်းပါတယ်။ ကောင်းတဲ့အယူအဆ အတွေးအခေါ်ဆိုရင် တော်ပါသေးရဲ့။ တိုင်းပြည်နဲ့ လူမျိုးအတွက် အဖျက်အန္တရာယ်ဖြစ်မယ့် အတွေးအခေါ်မျိုးများ ၀င်သွားမိလို့ကတော့ အဲဒီ ပုဂ္ဂိုလ်အတွက် အင်မတန် နှမြောစရာကောင်းသလို၊ တိုင်းပြည်အတွက် လူမျိုးအတွက်လည်း အင်မတန်မှ နစ်နာလှပါတယ်။ တကယ်တော့ တိုင်းပြည်နဲ့လူမျိုးဆိုတာ လူတစ်ဦးချင်းပေါ်မှာ အခြေခံထားတာ မဟုတ်လား။

ထားပါတော့လေ။ စကားတွေက ဘေးကို ရောက်သွားပါပြီ။ ဒီပို့စ်ကို ရေးဖြစ်တဲ့ အကြောင်းရင်းခံကို အရင်ပြောပြလိုပါတယ်။ မနက်က သူငယ်ချင်းတစ်ယောက်နဲ့ ဂျီတော့ မှာ စကားပြောရင်းနဲ့ အခု ဆန္ဒခံယူပွဲအကြောင်းကို ရောက်သွားတာပါပဲ။ သူငယ်ချင်းက နိုင်ငံခြားတိုင်းပြည်တစ်ခုမှာ ကျောင်းတက်ရင်း အချိန်ပိုင်း အလုပ်လုပ် နေသူဖြစ်ပါတယ်။ သူ့ရဲ့ account emotionပုံလေးနေရာမှာ Vote No ဆိုတဲ့ စာသားလေးကို ပုံဖော်ပြီး တင်ထားတာကို တွေ့လို့ မေးမြန်းကြည့်မိပါတယ်။ ဘာလို့ တင်ထားတာလဲလို့ မေးကြည့်တော့ သူက သူငယ်ချင်းတစ်ယောက် အီးမေးလ်ကနေ ပို့ပေးတာဖြစ်ကြောင်း သိရပါတယ်။ လူတော်တော်များများမှာ အဲဒီလိုပုံလေးတွေ ဆင်တူ ဂျီတော့ မှာ တင်ပြီး အသုံးပြုနေကြကြောင်း သိရပါတယ်။ ဘယ်သူက တီထွင် ပေးပြီး စေတနာ ဗရပွဲနဲ့ အခမဲ့ ဝေငှလိုက်တယ်ဆိုတာတော့ မသိပါဘူး။ ဒါပေမယ့် သူငယ်ချင်းအပေါ်မှာ တော့ နည်းနည်းလေး တစ်မျိုးဖြစ်သွားပါတယ်။ တစ်မျိုးဖြစ်တယ်ဆိုတာက ဒီလိုပါ။

ကျွန်တော်က သူ့ကို ပြောပါတယ်။ မင်းက တကယ်ပဲ ဗုတ်နိုး ကို ယုံကြည်လို့လားဆိုတော့။ ဒါပေါ့တဲ့။ အကုန်လုံး ကန့်ကွက်နေတဲ့ဟာကို ငါက ဘာလို့ ကျန်ခဲ့လို့ ရမလဲတဲ့။ သူများမိုးခါးရေသောက်ရင် ငါလည်း သောက်ရမှာပေါ့လို့ ပြောပါတယ်။ ဒါဆိုရင် မင်းဟာက မင်းကိုယ်တိုင် သေသေချာချာ ဂဃဏန မသိပါလားကွလို့ ဆိုတော့ သူက စိတ်တိုသွားပုံရပါတယ်။ သိပါတယ်ကွလို့ ပြန်ပြောပါတယ်။ ငါလည်း အဲဒီလောက် ငတုံးမဟုတ်ပါဘူးတဲ့။ ဟုတ်ပြီး ငါသာဆိုရင်တော့ ကိုယ်တိုင်က တကယ်ပဲ ယုံကြည်တယ် လက်ခံတယ်ဆိုရင် အဲဒီလို သူများပေးတဲ့ပုံကိုတော့ မတင်ဘူး။ ငါ့ဘာသာ ဒီဇိုင်းဆွဲပြီး ပိုပြီးလှအောင် လုပ်ပြီးမှ ဗုတ်နိုး ဆိုပြီး တင်မယ်ကွ။ အခုတော့ မင်းဟာက ဗုတ်နိုး လို့ ပြောချင်တာတောင် သူများ လုပ်ပြီး အလကားလိုက်ဝေနေတဲ့ အီးမေးလ်ထဲက ခပ်ညံ့ညံ့ ဒီဇိုင်းနဲ့ ဗုတ်နိုးဖြစ်ရင်ပြီးရော လုပ်ထားတဲ့ ဓာတ်ပုံကို တမြတ်တနိုး ကိုယ့်နာမည်ဘေးမှာ ပေါ်နေအောင် တင်ထားသေးတာတော့ အံ့သြတယ်ကွာလို့ ပြောမိပါတယ်။ သူ့အနေနဲ့ ပြန်ပြောဖို့ နည်းနည်းခက်သွားပုံ ရပါတယ်။ စကားပြန်မပြောတာ အတော်လေး ကြာသွားလို့ စိတ်ဆိုးသွားပြီ ထင်လိုက်ပါတယ်။ ခဏနေတော့ သူ့ရဲ့ ဗုတ်နိုး ဓာတ်ပုံလေးနေရာမှာ သူတင်နေကျ ကလေးငယ်လေး အာဝါးပေးနေပုံ ဓာတ်ပုံလေး ပြန်တက်လာတာကို တွေ့ရပါတယ်။

ကျွန်တော်လည်း ပြောခဲ့တာတွေ လွန်သွားသလားဆိုပြီး အတော်လေး အားနာသွားမိပါတယ်။ ဒါနဲ့ သူ့ကို ပြောရပါတယ်။ သူလုပ်နေတာတွေ၊ ယုံကြည်တာတွေကို မမှန်ဘူးလို့ ပြောနေတာမဟုတ်ကြောင်း၊ ငြင်းခုန် နေတာမဟုတ်ကြောင်း ရှင်းပြရပါတယ်။ လူတိုင်းမှာ ကိုယ့်စိတ်နဲ့ကိုယ် ကိုယ်ယုံကြည်တာကို ယုံကြည်ပိုင်ခွင့် ရှိပါတယ်။ ကိုယ်ကြိုက်တဲ့အယူအဆကို ကိုယ့်ဘာသာ လက်ခံခွင့်ရှိပါတယ်။ ဒါဟာ သူ့ရဲ့ သဘာဝ အခွင့်အရေးပဲ ဖြစ်ပါတယ်။ ကျွန်တော်လည်း ကျွန်တော်ကြိုက်သလို လွတ်လပ်စွာ နေချင်သလို အခြားလူတွေလည်း သူတို့စိတ်ကြိုက် လွတ်လပ်စွာ နေချင်ကြမှာ သဘာဝပါပဲ။ ဒါကို နားလည်ပေးလို့ ရပါတယ်။ ဒါပေမယ့် အခုလို ကိစ္စမျိုးကတော့ ကိုယ်ကြိုက်သလို ပြောလို့၊ ဆုံးဖြတ်လို့ ရတဲ့ ကိစ္စမဟုတ်ဘူး လို့ ထင်ပါတယ်။ အသေအချာ ဝေဖန်ဆန်းစစ်ပြီးမှ တကယ်မှန်သလား၊ မှားသလား ဆုံးဖြတ်ရမှာ ဖြစ်ပါတယ်။ ကိုယ်မကြိုက်တဲ့အတွက် မှားနေပါတယ်လို့ မျက်စိမှိတ်ပြီးအော်နေလို့ မဖြစ်နိုင်ပါဘူး။ အဲဒါဟာ သိပ်ကို အရေးကြီးပါတယ်။

ဒါဆိုရင် အခုဖြစ်နေတဲ့ ဆန္ဒခံယူပွဲကိစ္စကိုပဲ ချဉ်းကပ်ကြည့်ရအောင်ပါ။ ကျွန်တော် အင်တာနက် စာမျက်နှာ အတော်များများ၊ သတင်းစာမျက်နှာအတော်များများကို လိုက်ဖတ်ကြည့်ပါတယ်။ အတော်လေးကို ကြောက်စရာကောင်းအောင်ကို “ငါ့စကားနွားရ” ရေးသားထားတာတွေကို ဖတ်ရတော့ တော်တော်ကို ရင်လေးမိပါတယ်။ ကျွန်တော်ပြောခဲ့သလို အင်တာနက်သုံးစွဲသူတွေအတွက် စာမျက်နှာတွေရဲ့ ၉၀ % လောက်က ဒါတွေကိုပဲ ရေးထားတော့ အမှန်လို့ ထင်သွားရင် ခက်ရချေရဲ့ ဆိုပြီးပါ။ အဲဒါတွေကို လိုက်ဖတ်ကြည့်ပြီး သေချာတာတစ်ခုကို ကျွန်တော် သွားတွေ့ပါတယ်။ သူတို့တွေဟာ အခုအတည်ပြုဖို့ လုပ်နေတဲ့ ဖွဲ့စည်းအုပ်ချုပ်ပုံ အခြေခံဥပဒေ မူကြမ်း (၂၀၀၈)ကို သေသေချာချာ မဖတ်ဖူးကြသေးဘူး ဆိုတာ ပါပဲ။ ဖတ်ဖူးတယ်ဆိုရင်တောင် သေချာနားမလည်ကြဘူး ဆိုတာပါပဲ။ အဲဒါကိုတော့ သေချာပေါက် ကျွန်တော် ပြောရဲပါတယ်။ ကျွန်တော့်ရဲ့ ဒီပို့စ်ကို ဖတ်ပြီးတဲ့အခါ ကျွန်တော့်အထင်တွေ မှားနေတယ် ထင်ရင် လွတ်လပ်စွာ ဆွေးနွေးလို့ ရပါတယ်။ အခုတော့ ဆက်ဖတ်ကြည့်ပါဦး။ ကျွန်တော် ဘာကြောင့် ထင်ရသလဲ ဆိုတာတွေကို။

ဘလော့ဂ်အများစု၊ သတင်းစာမျက်နှာအများစုမှာ ရေးသားထားတဲ့ ဗုတ်နိုး လုပ်ရခြင်း အကြောင်းရင်းကို ကျွန်တော် ရှာလို့ မတွေ့ပါဘူး။ အားလုံး နီးပါးလောက်ရေးထားတာက “စစ်တပ်က လုပ်တဲ့ ထောက်ခံပွဲကို ငါတို့ ဆန့်ကျင်ရမယ်။ စစ်တပ်က ဦးစီးပြီးလုပ်တဲ့ ဆန္ဒခံယူပွဲကို ကန့်ကွက်မဲပေးကြရမယ်” ဆိုတဲ့ အတွေး အခေါ်တွေ များနေကြတယ်ဆိုတာပါပဲ။ ဒီမှာတင် သူတို့ဟာ ဖွဲ့စည်းပုံအခြေခံဥပဒေမူကြမ်းကို ကန့်ကွက်တာထက် စစ်တပ်က ဘာလုပ်လုပ် ငါတို့ ကန့်ကွက်မယ်ဆိုတဲ့ အယူအဆ၊ ခံယူချက်နဲ့ လုပ်နေကြတယ်ဆိုတာက ထင်းထင်းကြီး ဖြစ်လာပါတယ်။ အမှန်ဆိုရင် ဖြစ်သင့်တာက သူတို့ ဗုတ်နိုး လုပ်ကြမယ်။ ဘာကြောင့်လဲဆိုတော့ အဲဒီ ဖွဲ့စည်းအုပ်ချုပ်ပုံ အခြေခံဥပဒေမူကြမ်းမှာ ဒီအချက်တွေက ဘာဖြစ်လို့ ၊ ဒါတွေကတော့ မညီမျှလို့၊ ဒီအချက်တွေကတော့ တစ်ဖက်သတ်ဆန်လွန်းလို့ စသည်ဖြင့် ဖြစ်ရမှာပါ။ ကျွန်တော်ပြောတာ ယထာဘူတ ကျမယ်လို့ ထင်ပါတယ်။ ထိုးမုန့် စားမယ်ဆိုရင် ထိုးမုန့်ကောင်းမကောင်းကသာ အရေးကြီးပါတယ်။ မန္တလေးက လုပ်တာမဟုတ်လို့၊ မြင့်မြင့်ခင်ဆိုင်က မဟုတ်လို့ ဆိုတာက အဓိက မဟုတ်ပါဘူး။ ဘယ်သူပဲ လုပ်လုပ် ထိုးမုန့်ကောင်းရင် ကောင်းတာပဲ ဖြစ်ပါတယ်။ ထိုးမုန့်ကောင်းဖို့ပဲ အရေးကြီးပါတယ်။ အခုတော့ အဲဒီထိုးမုန့်ကြီးကကွာ ရန်ကုန်မှာတင် လုပ်ထားတာဆိုတော့ ကောင်းမှာမဟုတ်ပါဘူးလို့ ပြောနေကြသလို ဖြစ်နေပါတယ်။ ပထမဆုံး အဲဒီ ထိုးမုန့်ကို စားကြည့်လိုက်ပါဦး။ ပြီးမှ ကောင်းရင် ကောင်းတယ်ကွ။ မကောင်းရင် မကောင်းဘူးကွ၊ မန္တလေးက မြင့်မြင့်ခင် ထိုးမုန့်ကို မမီဘူးကွ စသည်ဖြင့် ပြောသင့်ပါတယ်။