ယဉ်ကျေးဖွယ်ရာရှိခြင်း
နေအိမ်အများစုမှာ၊ ဟိုတယ်တွေမှာ၊ ရုံးခန်းတွေမှာ ပန်းတွေကို မြင်တွေ့နိုင်တယ်။ ဒီပန်းကလေးတွေက သူတို့ရဲ့ ပတ်ဝန်းကျင်ကို တန်ဖိုးတိုးစေတယ်။ ဆွဲဆောင်မှုအားကောင်းစေတယ်။ သူတို့ရဲ့ အရောင်တွေ၊ ရနံ့တွေနဲ့ အရွယ်အစားတွေက တို့များရဲ့ အာရုံတွေကို နိုးကြွစေတယ်။ တကယ်လို့ တို့တစ်တွေသာ အားထုတ်ကြိုးပမ်းမယ်ဆိုရင် လူ့ဘ၀ဟာ အဓိပ္ပါယ်ရှိပြီး နှစ်လိုပျော်မွေ့ဖွယ် ကောင်းတယ်ဆိုတာကို ဒီပန်းပွင့်ကလေးတွေက သိသာထင်ရှားစေတယ်။ ပတ်ဝန်းကျင်တိုးတက်သာယာစေဖို့အတွက် ဒီပန်းပွင့် ကလေးတွေကို အသုံးချကိရိယာများအဖြစ် အသုံးချတတ်တဲ့ လူတွေကတော့ ဘ၀ကို ဘယ်လိုအဓိပ္ပါယ်ရှိရှိ နေထိုင်ရမယ်ဆိုတာ သဘောပေါက်ကြတယ်။
ယဉ်ကျေးဖွယ်ရာရှိခြင်းဆိုတာ ဘ၀ရဲ့ အမွန်မြတ်ဆုံး ပန်းပွင့်ပဲ။
သက်ရှိယဉ်ကျေးဖွယ်ရာ အပြုအမူများ
မင်းတို့ကို ဧည့်ခံပွဲတစ်ခုခုကို ဖိတ်ကြားခြင်းခံရတဲ့အခါ အသက်ကြီးဆုံး လူတစ်ဦးက စတင်မစားမသောက် မချင်း အစားအစာ၊ ဒါမှမဟုတ် ယမကာကို မတို့မထိပါနဲ့။ မင်းတို့ အသက်အရွယ်ကြီးရင်သူဆိုရင် ဘယ်သူ့ကိုမဆို ဂါရ၀တရားထားရမယ်။ ရာထူးဋ္ဌာနန္တရနဲ့ ဆုံးဖြတ်ဖို့ မလိုဘူး။
အများပြည်သူစီးတဲ့ယာဉ်၊ ရထားတွေပေါ်မှာ သက်ကြီးရွယ်အိုတွေ၊ ကိုယ်ဝန်ဆောင်မိန်းမတွေ၊ မစွမ်းမသန် ဖြစ်နေသူတွေကို ဦးစားပေးပါ။ နေရာပေးပါ။ တခြားလူတွေက အဲဒီလို ဦးစားမပေးလည်း စိတ်အနှောက် အယှက်မဖြစ်ပါနဲ့။ လောကမှာ လူတော်လူကောင်းတွေလည်း ရှိနေပါသေးတယ် ဆိုတာကို မင်းတို့ရဲ့ အပြုအမူနဲ့ ပြသပါ။
နှုတ်ခွန်းဆက်စကားတွေကို စတင်ပြောဆိုနှုတ်ဆက်သူဟာ မင်းတို့ ဖြစ်ပါစေ။ စတင်ပြုံးပြသူဟာ မင်းတို့ ဖြစ်ပါစေ။ မင်းတို့ ခုချိန်ထိ ကျန်းကျန်းမာမာနဲ့ အသက်ရှင်နေထိုင်ခွင့်ရတဲ့အတွက် ဘုရားသခင်ကို ကျေးဇူးတင်ပါ။ မင်းတို့ရဲ့ ကြည်လင်ဝင်းပမှုတွေ တခြားလူတွေဆီကို ကူးစက်ပျံ့နှံ့ပါစေ။ တစ်ဦးတစ်ယောက်ရဲ့ ဘ၀ကို ပိုပြီး သာယာကြည်လင်လာအောင် ပြုလုပ်ပေးပါ။
ယဉ်ကျေးဖွယ်ရာရှိခြင်းဟာ ယာဉ်ရထားပါပဲ။
ကိုယ်သွားရာလမ်းမှာ ကားပျက်ပြီးဒုက္ခရောက်နေသူတွေကို တွေ့ရင် အကူအညီပေးပါ။ မင်းတို့မှာ အချိန်မရဘူး။ ဒါမှမဟုတ် အရေးတကြီး သွားစရာရှိနေတယ်ဆိုရင် သူတို့ အကူအညီရအောင် စီစဉ်ပေးပါ။ အကြောင်းကြားပေးပါ။
လမ်းဖြတ်ကူးတဲ့အခါ သက်ကြီးရွယ်အိုတွေနဲ့ အားနွဲ့သူတွေအရင်ဖြတ်ပါစေ။ သူတို့ အကူအညီလိုအပ်လို လိုအပ်ငြား သူတို့နံဘေးကရံပြီး လျှောက်သွားပါ။
သူများတွေ တန်းစီစောင့်နေတဲ့ တန်းထဲကို ကြားဖြတ်မ၀င်ပါနဲ့။
လက်ဆေးကြွေခွက်နဲ့ ကြည့်မှန်ကို အသုံးပြုပြီးတိုင်း တိုက်ချွတ်သန့်စင်ပစ်ခဲ့ပါ။
မင်းတို့ရဲ့ကားထဲမှာ ရနံ့သင်းသင်းကလေး ဖျန်းဆွတ်ထားပါ။ ကားထဲမှာကော အိမ်ထဲမှာပါ လေသန့်ဆေးဘူး ဆောင်ထားပါ။
အိမ်သာကို သုံးပြီးတိုင်း ရေလောင်းခဲ့ပါ။
ကိုယ့်ထက်ကြီးတဲ့လူ (အသက်အရွယ်အရဖြစ်ဖြစ်၊ ရာထူးအရဖြစ်ဖြစ်)ကို အစားအစာ၊ ဒါမှမဟုတ် ယမကာ ကမ်းလှမ်းမယ်ဆိုရင် ဘယ်တော့မဆို လက်နှစ်ဖက်နဲ့ကိုင်ပြီး ကမ်းလှမ်းပါ။ ဒါဟာ ဂါရ၀တရားကို ပြသတဲ့ အာရှယဉ်ကျေးမှုပဲ။ လက်ဆွဲနှုတ်ဆက်တဲ့အခါမှာလည်း လက်နှစ်ဖက်စလုံးနဲ့ ဆုပ်ကိုင်ပြီး နှုတ်ဆက်ပါ။ လက်တစ်ဖက်တည်းနဲ့ ဆွဲကိုင်နှုတ်ဆက်တာက ကိုယ့်ထက်ကြီးတဲ့လူအပေါ် လေးစားမှု ကင်းမဲ့ရာရောက်ပြီး မောက်မာဝင့်ကြွားတဲ့သဘော သက်ရောက်တယ်။
ယဉ်ကျေးဖွယ်ရာ ရှိခြင်းဟာ လူသားဆန်တယ်။ ဆိုလိုတာကတော့ ရိုင်းစိုင်းခြင်းဟာ တိရစ္ဆာန်ဆန်တယ် ဆိုတဲ့ သဘောပဲ။
No comments:
Post a Comment