သတင်းစာဖတ်ရင်း ရင်ဘတ်ထဲမှ ခုန်ထွက်လာသော စကားလုံးများ

(ကိုယ်ပိုင်ခံစားချက်များဖြင့် ရေးထားသောပို့စ်ဖြစ်သည့်အတွက် ခေါင်းရှုပ်မခံချင်သူများ၊ နိုင်ငံရေးကို စိတ်မ၀င်စားသူများ၊ အခြားသော သုတရသနှင့် ဟာသပို့စ်များကိုသာ ကြိုက်နှစ်သက်၍ ပုံမှန်လာဖတ်သော ဘလော့ဂ်ဖတ်မိတ်ဆွေများကို ဆက်မဖတ်ရန် အကြံပြုပါသည်။ ---- ကိုဉာဏ်)

၂၀၀၉ ခုနှစ် စက်တင်ဘာလ ၂၄ ရက်နေ့ထုတ် မြန်မာ့အလင်းသတင်းစာကို ဖတ်ပြီးတဲ့အချိန်မှာ ကျွန်တော့်ခေါင်းထဲမှာ အတွေးတွေပလုံစီပွထလာပြီးတဲ့နောက် ပြောစရာစကားလုံးတွေ ရင်ဘတ်ထဲကနေ ခုန်ထွက်လာကြတဲ့အတွက် ဒီပို့စ်ကိုရေးပါတယ်။ ကျွန်တော့်ရဲ့ ကိုယ်ပိုင်အမြင်၊ ကိုယ်ပိုင်ခံစားချက်ဖြစ်တဲ့အတွက် မှန်တယ်၊ မှားတယ်ကို ဘလော့ဂ်ဖတ်သူတွေကသာ ကြိုက်သလို ဆုံးဖြတ်နိုင်ကြပါတယ်။ ကျွန်တော့်အဆင့်လေး၊ ကျွန်တော့်ရဲ့ မတောက်တခေါက်အသိလေးနဲ့ တွေးထားတာဖြစ်တဲ့အတွက် အားလုံးအတွက် လက်ခံနိုင်စရာ ဖြစ်လိမ့်မယ်ဆိုတာကိုတော့ ကျွန်တော်အာမ မခံနိုင်ပါကြောင်း ကြိုတင်အသိပေးလိုက်ပါရစေလားခင်ဗျာ…။

ပထမဆုံး ဒီနေ့သတင်းစာကိုဖတ်ပြီး ဘာကြောင့် ဒီလောက်ပေါက်ကွဲနေရသလဲဆိုတာကို ရှင်းပြရင်းနဲ့ အစပျိုးလိုက်ပါရစေ…။ ဒီလိုပါ ဒီနေ့ သတင်းစာထဲမှာ "ပြည်ပနိုင်ငံသားခံယူပြီး မိမိနိုင်ငံနှင့် လူမျိုးအပေါ် သစ္စာမဲ့စွာ ပြည်တွင်း၌ ဆူပူအုံကြွမှုများနှင့် ဖောက်ခွဲဖျက်ဆီးမှုများ ဖြစ်ပွားစေရန် စီစဉ်ချိတ်ဆက်ဆောင်ရွက်ခဲ့သူ ညီညီအောင် (ခ) ကျော်ဇောလွင်အား ဖမ်းဆီးရမိ" ဆိုတဲ့ ခေါင်းစဉ်နဲ့ သတင်းတစ်ပုဒ်ကို ဖတ်မိတာကနေ စခဲ့တာလို့ ဆိုလိုက်ပါရစေ။

အကြမ်းဖျင်းပြောရရင် အခုဖမ်းမိတဲ့သူနဲ့ ဆက်စပ်ပြီး ဖော်ထုတ်စစ်မေးချက်တွေအရ All Burma Student's Democratic Front (ABSDF) သောင်းကျန်းသူအဖွဲ့နဲ့ ပူးပေါင်းပြီး မြန်မာနိုင်ငံအတွင်းမှာ အဖျက်လုပ်ငန်းတွေ ဆောင်ရွက်ခဲ့တဲ့ All Arakan Students and Youth Congress (AASYC) အဖွဲ့မှ ပြည်တွင်းမှာရှိတဲ့ ယူဂျီအဖွဲ့ဝင်တွေကို ဖမ်းဆီးရမိခဲ့တဲ့ သတင်းပါ။ အဲဒီလို ဖမ်းဆီးရမိခဲ့တဲ့လူတွေဟာ အခု ၂၀၀၉ ခုနှစ်အတွင်းမှာပဲ ဆူပူအကြမ်းဖက်မှုတွေ၊ ဖောက်ခွဲဖျက်ဆီးမှုတွေ ပြုလုပ်ဖို့အတွက် ပြည်တွင်းပြည်ပ ချိတ်ဆက်ပြီး အစီအစဉ်တွေဆွဲထားတာဖြစ်တဲ့အတွက် အခုလိုဖမ်းဆီးရမိလိုက်တာဟာ ကျွန်တော်တို့ မြန်မာပြည်သူတွေအတွက် တကယ့်ကို မင်္ဂလာသတင်းပဲဖြစ်ပါတယ်။ တကယ်လို့များ ဒီလူတွေကို မဖမ်းမိသေးဘူးဆိုရင် သူတို့တွေရဲ့လက်ချက်ကြောင့် ဘယ်သူတွေ သေကြေပျက်စီး၊ ထိခိုက်ဒဏ်ရာ ရကြဦးမယ်၊ အိုးအိမ်တွေပျက်စီးပြိုကွဲကြဦးမယ်၊ အဖြူသက်သက်နဲ့ သူတို့ရဲ့ဆွဲဆောင်စည်းရုံးမှုကြောင့် အပြစ်မဲ့တဲ့လူ ဘယ်လောက် တရားဥပဒေကို ချိုးဖောက်မိကြဦးမယ်ဆိုတာကိုတော့ ဘယ်သူမှ သိနိုင်ကြမယ်မထင်ပါဘူး။

ထားပါတော့လေ… အခုသတင်းကိုဖတ်ပြီး ကျွန်တော်မြင်မိတွေးမိတာလေးတွေကို ဆက်ကြရအောင်ပါ…

(၁)
ပထမဆုံးအနေနဲ့ AASYC, KNU, ABSDF, NDD, DPNS, FDB, ABMU, GW, ၈၈မျိုးဆက်ကျောင်းသား အဖွဲ့ဝင်တွေနဲ့ NLD ပါတီဝင်အချို့တို့ဟာ ချိတ်ဆက်လှုပ်ရှားလျက် ရှိတယ်ဆိုတာကို ဖော်ထုတ်ချက်တွေအရ အချက်အလက်ခိုင်ခိုင်မာနဲ့ ရှင်းရှင်းလင်းလင်း တွေ့ရမှာဖြစ်ပါတယ်။ အမြဲတမ်းပဲ ကျွန်တော်တို့ဟာ ဘယ်အကြမ်းဖက်အဖွဲ့အစည်းနဲ့မှ ဆက်သွယ်ဆောင်ရွက်မှု မရှိပါဘူး။ မြန်မာ့ဒီမိုကရေစီအရေးအတွက် ငြိမ်းချမ်းစွာ အကောင်အထည်ဖော် ဆောင်ရွက်နေကြတာပါ၊ အကြမ်းဖက်ဖောက်ခွဲမှုတွေကို ကျွန်တော်တို့ ဘယ်တုန်းကမှ မလုပ်ခဲ့ပါဘူးဆိုပြီး အမြဲတမ်း မျက်စိစုံမှိတ်ပြီး အော်ခဲ့ကြတဲ့လူတွေ၊ အဲဒီလိုအော်တာကိုပဲ အထူးသတင်းတွေ၊ အထူးကဏ္ဍတွေ၊ တွေ့ဆုံမေးမြန်းခန်း အစီအစဉ်တွေနဲ့ တခမ်းတနား အမြဲတမ်း ထုတ်လွှင့်ပေးနေတဲ့ ရေဒီယိုလှိုင်းတွေက ဘယ်လိုဆင်ခြေတွေများ ပေးကြဦးမလဲဆိုတာကို နက်ဖြန်မနက်ကျရင်တော့ အသေအချာကို စောင့်နားထောင်ရဦးမယ်။ ဘာပဲပြောပြော မနက်စောစောစီးစီး ဟာသတွေနားထောင်ရရင် အသက်ရှည်တာပေါ့ဗျာ။ ကျွန်တော့်သဘောနဲ့ ကျွန်တော်သာ ထင်တိုင်းပြောရရင် အဲဒီရေဒီယိုတွေနဲ့ ပူးပေါင်းပြီး ဘယ်နေ့မှာ ဘာလုပ်သင့်တယ်၊ ဘယ်နေ့ကတော့ ဘာနဲ့ချိန်ကိုက်ဖြစ်တယ်၊ ဘယ်နေ့ကတော့ ဘယ်အစီအစဉ်ထုတ်လွှင့်ရင်းနဲ့ တစ်ဆက်တည်း ရောချလိုက်လို့ရတယ်ဆိုပြီးများ အစီအစဉ်တွေဆွဲပြီး လုပ်နေကြသလားလို့ပါ။ မြန်မာပြည်ထဲမှာ ပေါက်ကွဲမှုတစ်ခုခုဖြစ်ရင်၊ သဘာဝဘေးအန္တရာယ် တစ်ခုခုကျရောက်ရင် ရေဒီယိုအသံလွှင့်ဌာနတွေမှာ လုပ်ကိုင်နေကြတဲ့ ကြေညာပေးနေကြတဲ့ မြန်မာစကားပြော အသားထဲကလောက်ထွက်တွေဟာ သူတို့အတွက် သတင်းထူးရတယ်၊ အလုပ်ရတယ်ဆိုပြီး ပျော်နေကြမလားလို့ တွေးနေမိပါတယ်။ ပါးစပ်ကတော့ ၀မ်းနည်းသလိုလို ဘာလိုလိုနဲ့ တစ်ဦးမှ မသေဆုံးဘူးဆိုရင် မကျေနပ်တဲ့လေသံနဲ့။ အစိုးရကပဲ သေတဲ့စာရင်းတွေကို ဖျောက်ထားသယောင်ယောင် ပြောနေလိုက်ကြတာများ မြန်မာသွေးတစ်စက်လောက်မှ ပါရဲ့လားလို့ မေးချင်စရာပါပဲ။ သူတို့ကြားချင်တာက ပေါက်ကွဲမှုဖြစ်တယ် လူထောင်နဲ့ချီပြီးသေတယ် ဒီလိုသတင်းမျိုး ဖြစ်ပါလိမ့်မယ်။ အဲဒီလို ဖြစ်တဲ့အတွက် လက်ရှိအစိုးရမှာ သူ့အတိုင်းအတာနဲ့သူ ထိခိုက်နစ်နာတာတွေတော့ ရှိမှာအမှန်ပါပဲ။ ဒါပေမယ့် လက်တွေ့ခံလိုက်ရတာက ဘာမှအပြစ်မရှိဘဲ သူ့ဟာသူနေတဲ့၊ လုပ်ကိုင်စားသောက်နေတဲ့ ကိုယ့်လူမျိုး အပြစ်မဲ့ပြည်သူတွေဆိုတာကို သူတို့တွေ တွေးမိကြပုံပေါ်ရဲ့လား မသိပါ။ KNU ဆိုတာဟာ မြန်မာ့တပ်မတော်ကို နှစ်ရှည်လများ တော်လှန်တိုက်ခိုက်နေတဲ့၊ လက်ရှိမြန်မာအစိုးရပျက်စီးကြောင်းကို အမြဲတမ်းနည်းလမ်းရှာပြီး အကြမ်းဖက်မှုတွေကျူးလွန်နေတဲ့ အကြမ်းဖက်အဖွဲ့အစည်းဖြစ်ပါတယ်။ အဲဒီလို အဖွဲ့တွေနဲ့ ပူးပေါင်းဆောင်ရွက်တဲ့ အပေါ်က ကျွန်တော်ပြောခဲ့တဲ့ အဖွဲ့တွေအားလုံးဟာ အကြမ်းဖက်အဖွဲ့အစည်းမဟုတ်ရင်တောင် ပြည်တွင်းမှာ အကြမ်းဖက်မှုတွေပြုလုပ်ဖို့ အတွက် ဆန္ဒရှိကြတဲ့ စိတ်တူကိုယ်တူ အကြမ်းဖက်လမ်းစဉ်ကိုင်စွဲရေးဝါဒီတွေ ဖြစ်တယ်လို့ ကျွန်တော်က ဆိုချင်ပါတယ်။ ရေဒီယိုမှာဆိုရင် အသံကောင်းဟစ်ပြီး တွေ့ဆုံဆွေးနွေးရေးဆိုတဲ့ စကားလုံးတွေကို ရေလဲသုံးပြီး လက်တွေ့မှာ ပြည်သူတွေ သေကြေအောင် ဖောက်ခွဲဖျက်ဆီးမှုတွေ လုပ်နေကြတဲ့ အဲဒီအဖွဲ့တွေကို ယုံကြည်ထောက်ခံနေကြတဲ့ သူတွေကို ကိုယ့်ဘာသာကိုယ် ပြန်ပြီးစဉ်းစားကြဖို့ ကျွန်တော်က အကြံပြုချင်ပါတယ်။ ပြောရမယ်ဆိုရင် ဘယ်အကြမ်းဖက်မှုကိုမဆို ကျွန်တော်ဆန့်ကျင်ပါတယ်။ အဲဒီလို ပြုလုပ်တာဟာ ကျွန်တော်တို့ဗုဒ္ဓရဲ့ လမ်းစဉ်မဟုတ်ပါ။ ဆီနဲ့ရေ၊ ရွှေနဲ့ချေး၊ မိုးနဲ့မြေ ဖြစ်ပါတယ်။
AASYC – All Arakan Students and Youth Congress
KNU – Karen National Union
ABSDF – All Burma Student's Democratic Front
NDD – Network of Democracy and Development
DPNS – Democratic Party for a New Society
FDB – Forum for Democracy in Burma
ABMU - မြန်မာနိုင်ငံလုံးဆိုင်ရာ သံဃာ့တပ်ပေါင်းစုကြီး
GW – Generation Wave
၈၈မျိုးဆက်ကျောင်းသား အဖွဲ့ဝင်များ - မင်းကိုနိုင်၊ ဌေးကြွယ်၊ မင်းဇေယျ၊ အံ့ဖွယ်ကျော်၊ လှမျိုးနောင်၊ သန်းတင့်၊ အောင်သူ

(၂)
အခုလို အဖျက်လုပ်ငန်းတွေလုပ်ဖို့ စီစဉ်တာတွေအားလုံးမှာ လုပ်ကိုင်ဆောင်ရွက်ခဲ့ကြသူတွေဟာ ပြည်ပနိုင်ငံတွေကနေ၊ အဖွဲ့အစည်းအသီးသီးကနေ ထောက်ပံ့ကြေးငွေတွေ ရယူပြီး ဆောင်ရွက်နေတယ်ဆိုတာကို တွေ့မြင်နိုင်ပါတယ်။ တကယ်လို့သာ ဘယ်သူကမှ ငွေကြေးထောက်ပံ့မှု မြိုးမြိုးမြက်မြက် မပေးဘူးဆိုရင် အဲဒီလူတွေ လုပ်မှာမဟုတ်ဘူးဆိုတာ သေချာပါတယ်။ ဒါဆိုရင် သူတို့တွေလုပ်နေကြတာတွေဟာ ကိုယ်ပိုင်ခံယူချက်၊ ကိုယ်ပိုင်ဆန္ဒကြောင့်မဟုတ်ဘဲ ပိုက်ဆံရဖို့အတွက်သာ လုပ်တယ်လို့ ကောက်ချက်ချနိုင်ပါလိမ့်မယ်။ အဲဒါမျိုးဆိုရင် ရေဒီယိုလှိုင်းတွေကနေ အော်နေသလိုမျိုး သူတို့ဟာ ဒီမိုကရေစီအရေး ဆောင်ရွက်ကြသူတွေ မဟုတ်ကြတာ အသေအချာပါပဲ။ တိကျသေချာတဲ့ အမည်နာမ တပ်ပေးရမယ်ဆိုရင်တော့ ကြေးစားလူသတ်သမားတွေ၊ ကြေးစားသစ္စာဖောက်တွေပါပဲ။

(၃)
နောက်တစ်ခုက အင်တာနက်ပေါ်မှာ ဟိုးလေးတကျော်ကျော် ဖြစ်သွားခဲ့တဲ့ အပြစ်မရှိဘဲ အဖမ်းခံခဲ့ရတယ်ဆိုတဲ့ Ecovision ဂျာနယ်က သတင်းထောက် အိမ့်ခိုင်ဦးကို ငွေကျပ်(၂၅)သိန်း ထောက်ပံ့ပေးခဲ့တယ်ဆိုတာကြီးက ဘူးပေါ်သလို ပေါ်လာပါရောလား။ အဲဒီသတင်းထောက်အမည်ခံ အမျိုးသမီးဟာ ဟိုတစ်နေ့က လွတ်ငြိမ်းချမ်းသာခွင့်ပြုလိုက်တဲ့ အကျဉ်းသူတွေထဲမှာ ပါတယ်လို့ အင်တာနက်သတင်းတွေက ဆိုပါတယ်။ သူမဟာ အပြစ်မရှိဘဲ အဖမ်းခံခဲ့ရတာပါလို့ လေလှိုင်းတွေက အလုအယက်ထုတ်လွှင့်ခဲ့ကြတာကို မှတ်မိကြဦးမယ်ထင်ပါတယ်။ အခုလို အဖြစ်မှန်ပေါ်ပေါက်လာပြီဆိုတော့ ဘယ်လိုများ ဖွကြဦးမလဲလို့ ကြိုတွေးကြည့်မိပါတယ်။ စဉ်းစားလို့ရတာ တစ်ခုကတော့ "အခုဆိုရင် ဟိုနေ့ကမှ လွတ်ငြိမ်းချမ်းသာခွင့်နဲ့ လွတ်လာခဲ့တဲ့ သတင်းထောက် အိမ့်ခိုင်ဦးကို အစိုးရက ပြန်ပြီးဖမ်းဆီးထားပါတယ်" ဆိုတာပဲ ဖြစ်မယ်လို့ ထင်ပါတယ်။ အဲဒီလိုဖွတာဟာ တကယ်ဖြစ်နေတယ်ဆိုရင်လည်း လုပ်သင့်လုပ်ထိုက်တာပဲဖြစ်တဲ့အတွက် နားလည်ပေးရမယ်လို့ ကျွန်တော်က ထင်ပါတယ်။ ကိုယ်ပြုသောကံ ကိုယ်ခံရမှာပဲဖြစ်ပါတယ်။ ဘယ်သူမပြု မိမိမှုပါ။

(၄)
အမေရိကန်နိုင်ငံသားတွေဆိုရင် အစိုးရဟာ တင်းကြပ်လွန်းတယ်၊ မျက်စိဒေါက်ထောက်ပြီး ကြည့်တယ် စသည်ဖြင့် ပြောနေကြတဲ့လူ အတော်လေးများပါတယ်။ မကြာသေးတဲ့ကာလလေးကတင်မှ အမေရိကန်နိုင်ငံသားဆိုတဲ့ အူကြောင်ကြောင်ယောင်ဆောင်ဘဲကြီးက မမစုဆီကို မကြီးမငယ်ကြီးနဲ့ ရေသန့်ဘူးပိုက်ပြီး ရေကူးသွားခဲ့လို့ ပြဿနာတွေတက်ခဲ့တာ မှတ်မိကြဦးမှာပါ။ ဟော… အခု ထပ်သိလာရပြန်ပြီ။ အမေရိကန်နိုင်ငံသားလက်မှတ် ကိုင်ဆောင်ပြီး လူမှုရေးဗီဇာ (Social Visa) အသုံးပြုပြီးတော့ မြန်မာနိုင်ငံထဲကို အကြိမ်ကြိမ်ဝင်တယ်၊ ပြည်တွင်းက သူတို့လက်ဝေခံတွေကို ထောက်ပံ့ကြေးတွေပေးတယ်၊ သတင်းတွေစုတယ်၊ အမာခံအသစ်တွေမွေးတဲ့ လုပ်ငန်းတွေကို လုပ်ကိုင်ခဲ့ကြပါသတဲ့။ ကဲ… အဲဒီလိုတွေဖြစ်နေတဲ့အတွက် တင်းကြပ်မှုတွေလုပ်ရတာ၊ မျက်စိဒေါက်ထောက်ကြည့်ရတာတွေဟာ သံသယစိတ်နဲ့ စောင့်ကြည့်ကာကွယ်နေရတဲ့ လူတွေရဲ့အလွန်လား၊ ရသမျှအခွင့်အရေးတွေကို ခုတုံးလုပ်အသုံးချပြီး တိုင်းပြည်ပျက်စီးအောင်လုပ်ဖို့ စီစဉ်ဆောင်ရွက်နေကြတဲ့လူတွေရဲ့ အလွန်လားဆိုတာကို ဘယ်သူ့မေးမေး သိလိမ့်မယ်ထင်ပါတယ်။

(၅)
အဆိုးဝါးဆုံးကတော့ သံဃာဝတ်ဆိုတဲ့ ပုဂ္ဂိုလ်တွေဟာ ဖောက်ခွဲဖျက်ဆီးရေးလုပ်ငန်းတွေ၊ ဆူပူအကြမ်းဖက်မှု လုပ်ငန်းတွေမှာ ပါဝင်ပတ်သက်နေတာပါပဲ။ လူသတ်တဲ့လုပ်ငန်း၊ ဖောက်ခွဲဖျက်ဆီးတဲ့လုပ်ငန်းတွေဟာ သံဃာတွေနဲ့ ဘယ်လိုများ ပတ်သက်သလဲဆိုတာကို စဉ်းစားကြည့်ကြပါဦးဗျာ။ အပေါ်ယံ သင်္ကန်းခြုံထားရုံနဲ့ ရဟန်းသံဃာမဟုတ်ဘူးဆိုတာကို ခဏခဏရှင်းပြရတာလဲ မောလှပါပြီ။ သင်္ကန်းကို အရေခွံခြုံထားတာကလွဲရင် အဲဒီလူတွေဟာ လူတွေပါပဲ။ သိုးရေခြုံထားတဲ့ မြေခွေးတွေပါ။ ဗုဒ္ဓဘာသာဝင်တွေရဲ့ ရတနာတစ်ပါးဖြစ်တဲ့ သံဃာရဲ့ အသုံးအဆောင်တွေကို ခုတုံးလုပ်အသုံးချသူတွေဟာ ဘယ်လောက်များ အကုသိုလ်ကြီးမားလိုက်တဲ့ လူတွေပါလဲ။ သာသနာတော်အရေးကို စွမ်းစွမ်းတမံထမ်းနေကြကုန်တဲ့ သံဃာစစ်၊ သံဃာမှန်တွေအတွက် ဘယ်လောက်များ ရင်နာဖို့ ကောင်းလိုက်ပါသလဲ။ ပိုဆိုးတာက အဲဒီလိုသံဃာအရေခြုံထားတဲ့ ငမိုက်သားတွေကို ကိုးကွယ်ဆည်းကပ်၊ ဆရာတင်၊ မြှောက်ပေးလုပ်နေတဲ့လူတွေပါ။ အဲဒီလိုအရေခြုံတွေကို တာဝန်အရ ဆောင်ရွက်တဲ့အခါကျ ဘုန်းကြီးတွေကို ဖမ်းဆီးနေပါတယ်၊ သံဃာတော်တွေကို နှိပ်စက်နေပါတယ်လို့ အော်နေကြတဲ့လူတွေကို မေးလိုက်ချင်ပါတယ်။ အခုသံဃာအရေးအခင်းတွေကို ဖန်တီးနေတဲ့အရေခြုံတွေနဲ့ လက်ရှိအစိုးရက ဖမ်းထားတယ်ဆိုတဲ့ သံဃာအရေခြုံတွေကို ပြန်ပြီးလွှတ်ပေးမယ်၊ ခင်ဗျားတို့ အိမ်ဦးခန်းမှာတင်ပြီး တစ်သက်လုံး ကိုးကွယ်ဆည်းကပ်ကြမလားလို့ပါ။ အင်း… (ရေးပြီးခါမှ တအားပြင်းထန်ရိုင်းစိုင်းနေသည်ဟု ယူဆသည့်အတွက် ဤနေရာမှ စာသားများကို ဖျက်လိုက်ပါသည်) စဉ်းစားကြပေါ့ဗျာ။

အင်း… ပြောတာအတော်လေးများသွားပါသည်။ ဒါတောင် အချို့အတွေးတွေက တအားကြီးပြင်းထန်နေသည့်အတွက်၊ စကားလုံးတွေတအားကြီး ကြမ်းတမ်းနေသည့်အတွက် ထည့်မရေးဖြစ်တော့ပါ။

နိဂုံးချုပ်လိုက်ပါတော့မည်။
ကုမ္ပဏီတစ်ခုတွင် သန့်ရှင်းရေးအလုပ်သမားလေးအဖြစ် အလုပ်ဝင်လုပ်ပါသည်။ နောက်တစ်ဆင့် တံခါးစောင့်၊ နောက်တစ်ဆင့် ရုံးစေ၊ နောက်တစ်ဆင့် စာရေးလေး၊ နောက် စာရေးကြီး၊ နောက် ငွေကိုင်၊ ပြီးတော့ လက်ထောက်မန်နေဂျာ၊ မန်နေဂျာ၊ ရှယ်ယာပါတနာ စသည်ဖြင့် အဆင့်ဆင့်တိုးတက်ချင်သော တိုးတက်အောင်ကြိုးစားနေသောသူတွေ ရှိပါလိမ့်မည်။ ထိုသူတို့ကို အားပေးပါသည်။ လေးစားပါသည်။ တိုးတက်ချင်စိတ်ကို အသိအမှတ်ပြုပါသည်။ ထိုသို့မဟုတ်ဘဲ ယနေ့မှ သန့်ရှင်းရေးလုပ်သားအဖြစ် အလုပ်ဝင်သည်။ နောက်နေ့ကျတော့ ကုမ္ပဏီပိုင်ရှင်အလုပ်ရှင် ဖြစ်ချင်နေလျှင်တော့ သဘာဝမကျသော၊ လက်မခံနိုင်သော ကိစ္စတစ်ခုအဖြစ် မှတ်ယူရမည်ဖြစ်ပါသည်။ တပ်မတော်အစိုးရသည် နိုင်ငံတော်အာဏာကို တစ်သက်လုံး ဆုပ်ကိုင်ထားမည်မဟုတ်ကြောင်း အကြိမ်ကြိမ်ပြောခဲ့ပြီး ဖြစ်ပါသည်။ အခုလည်း ဒီမိုကရေစီ ပန်းတိုင်ဆီသို့ ဦးဆောင်ချီတက်လျက် ရှိနေပါသည်။ အဘယ်ကြောင့်များ လှေခါးထစ်များကို မကျော်ဖြတ်ချင်ဘဲ ထိပ်ဆုံးကို ရောက်ချင်နေသလဲဆိုတာကို စဉ်းစားမရပါ။ ဓာတ်လှေခါးခေတ်ကွဟု ပြောလာကြမည့် မိတ်ဆွေတွေကိုလည်း ကြိုတင်အသိပေးပါရစေ။ ဒါမြန်မာပြည်ဖြစ်ပါသည်။ အမေရိက မဟုတ်ပါ။ မိမိဘာသာ ဆက်လက်စဉ်းစားကြစေလိုပါသည်။

ဒီအထိဖတ်လာခဲ့တဲ့လူတွေအတွက် ကျေးဇူးတင်ကြောင်းပါ။ တစ်စုံတစ်ရာများ ပြောဆိုစရာရှိလာသည် ဆိုငြားအံ့။ nyanmyokyaw@gmail.com သို့ အီးမေးလ်ပေးပို့နိုင်ပါကြောင်း။ တလေးတစား စောင့်မျှော်ဖတ်ရှုသွားမည် ဖြစ်ပါကြောင်းခင်ဗျား။

လေးစားစွာဖြင့်
ကိုဉာဏ် (ပန်းလောင်မြေ)
၂၀၀၉ ခုနှစ် စက်တင်ဘာလ ၂၅ ရက်၊ သောကြာနေ့။
နံနက် ၁ နာရီ ၅၂ မိနစ်တွင် ပြီး၏။