တစ်ခါတုန်းက တက္ကသိုလ်မှာ

 တစ်ခါတုန်းက တက္ကသိုလ်မှာ စာအုပ်အမည်နှင့် ပတ်သက်သမျှ

လျှပ်တစ်ပြက်သတင်းဂျာနယ် အတွဲ(၂)၊ အမှတ်(၅၁) မှာ ပါဝင်တဲ့ စာရေးဆရာ မျိုးကိုမျိုး နဲ့ တွေ့ဆုံမေးမြန်းခန်းကို အရင်ဆုံး ဖတ်ကြည့်စေချင်ပါတယ်။

ကိုမျိုး အရင်တုန်းကရေးခဲ့တဲ့ ၀တ္ထုတွေထဲမှာ တက္ကသိုလ်နောက်ခံ ဇာတ်လမ်းမျိုးတွေ အများကြီး ရေးဖွဲ့ခဲ့ပေမယ့် ၀တ္ထုခေါင်းစဉ်ကို တက္ကသိုလ်နဲ့ ပတ်သက်တဲ့ နာမည်မပေးခဲ့ဘဲ အခုနောက်ဆုံးထွက်လာတဲ့ "တစ်ခါတုန်းက တက္ကသိုလ်မှာ" ၀တ္ထုကျမှ နာမည်ပေးလာတာ ထူးခြားနေတယ်နော်။

ဟုတ်ပါတယ်၊ ကိုယ်တက္ကသိုလ်နောက်ခံဝတ္ထုကို ပုဒ်ရေ သုံးဆယ်ဝန်းကျင်နဲ့ လုံးချင်းဝတ္ထု သုံးလေးအုပ်မက ရေးခဲ့ဖူးပေမယ့် ဘယ်တစ်အုပ်ကိုမှ တက္ကသိုလ်ခေါင်းစဉ် မပေးခဲ့ဖူးပါဘူး။ ဘာကြောင့်လဲဆိုတော့ တက္ကသိုလ်ခေါင်းစဉ် တပ်ရတယ်ဆိုတာ တာဝန်ကြီးပါတယ်။ တက္ကသိုလ်နဲ့ တက္ကသိုလ်ကျောင်းသား ကျောင်းသူတွေရဲ့ အစဉ်အလာ ဓလေ့စရိုက်နဲ့ တက္ကသိုလ်ကို အလွမ်းဓာတ်ရအောင် ဘယ်လောက်ရသမြောက်အောင် ဖန်တီးနိုင်မလဲဆိုတာ အင်မတန်အရေးကြီးပါတယ်။ အခုဝတ္ထုကိုတော့ "တစ်ခါတုန်းက တက္ကသိုလ်မှာ" ဆိုပြီး တက္ကသိုလ်ခေါင်းစဉ်ကို ရဲရဲတပ်ခဲ့တာကတော့ အထက်ကပြောခဲ့တဲ့ တာဝန်ယူနိုင်မှုတွေ အလွမ်းဓာတ်တွေကို ပေါ်လွင်အောင် ရေးဖွဲ့ဖန်တီးနိုင်မှုတွေနဲ့ တက္ကသိုလ်ရသကို အပီအပြင်ပေးနိုင်ခဲ့တယ်လို့ ယုံကြည်မိလို့ပါ။

ဒါပေမယ့် အချစ် Fancy လိုင်းကို အားသန်တဲ့ စာရေးဆရာပီပီ၊ ဒီစာအုပ်ကလည်း လိုင်းကွဲထွက်သွားတာမျိုး မရှိပြန်ဘူး။

မှန်ပါတယ်။ ဒီ "တစ်ခါတုန်းက တက္ကသိုလ်မှာ" ဆိုတဲ့ လုံးချင်းဝတ္ထုကလည်း ရှေ့က ကိုယ်ရေးသမျှ ၀တ္ထုတွေလိုပဲ အချစ်ဖန်စီလိုင်းလေးပါပဲ။ ပြုံးစရာ၊ ရယ်စရာပလော့တွေနဲ့ ပျော်ရွှင်ကြည်နူးဖွယ်ဖြစ်အောင် ဖန်တီးထားတာပါ။ ပွင့်ပွင့်လင်းလင်း ၀န်ခံရရင် ဒီဝတ္ထုထဲက ပျော်ရွှင်ရယ်မောစရာပလော့တွေနဲ့ အဖြစ်အပျက်တွေဟာ တမင်ဖန်တီးထားတာမဟုတ်ဘဲ တက္ကသိုလ်ကျောင်းသားဘ၀တုန်းက ကိုယ်နဲ့ကိုယ့်သူငယ်ချင်းတွေရဲ့ တကယ့်အဖြစ်အပျက်တွေကို အခြေခံပြီး ရေးဖွဲ့ထားတာပါ။

တက္ကသိုလ်ကျောင်းသားဘ၀ကို ဘယ်တော့မှ မမေ့နိုင်တဲ့လူတွေထဲမှာ ကိုမျိုးက ထိပ်ဆုံးက ပါဝင်နေသလိုပဲနော်။ ရေးရတာ ရိုးအီမသွားဘူးလား။

ပြောရရင် တက္ကသိုလ်နောက်ခံဝတ္ထုတွေလည်း တော်တော်များများ ရေးခဲ့ဖတ်ခဲ့ပြီးပြီ။ အခုထိလည်း ရေးလို့ဖတ်လို့ မ၀သေးသလို နောင်လည်း ဆက်ပြီးရေးဖြစ်ဖတ်ဖြစ်နေဦးမှာပါ။ ဘာကြောင့်လဲဆိုတော့ တက္ကသိုလ်ကျောင်းသားဘ၀ရဲ့ ပုံရိပ်ကို ရေးဖွဲ့ရတာဟာ လွတ်လပ်ပေါ့ပါးပြီး သွက်လက်တက်ကြွမှု ခံစားချက်ကို ရရှိစေနိုင်လို့ပါ။ ဒီ့ထက်ရှင်းအောင် ပြောရရင် ကိုယ်က ကိုယ်တက်ခဲ့ဖူးတဲ့ ရန်ကုန်တက္ကသိုလ်ကိုချစ်တယ်။ ဒါကြောင့် ရန်ကုန်တက္ကသိုလ်အကြောင်းဆိုရင် ပြောရတာ၊ ရေးရတာ ဘယ်တော့မှ မရိုးအီနိုင်လို့ပဲ။

အားမနာတမ်းပြောရရင် ဒီဝတ္ထုခေါင်းစဉ်က ဆရာနွမ်ဂျာသိုင်း ရေးသားခဲ့ပြီး၊ အောင်မြင်မှုတွေရခဲ့တဲ့ "တစ်ခါတုန်းက တက္ကသိုလ်မှာ" ၀တ္ထုနာမည်အတိုင်း ဖြစ်နေတယ်လေ။

ဟုတ်တယ်။ "တစ်ခါတုန်းက တက္ကသိုလ်မှာ" ဆိုတဲ့ ကိုယ့်ရဲ့ လုံးချင်းဝတ္ထုထွက်လာတာနဲ့ တစ်ပြိုင်နက်တည်း ဆိုသလိုပဲ ဆရာဦးမြတ်ခိုင် အပါအ၀င် စာပေစာနယ်ဇင်းက ရင်းနှီးတဲ့ သူငယ်ချင်းတွေကရော ကျောင်းတုန်းက သူငယ်ချင်းတချို့ကပါ သတိပေးစကား ဆိုလာကြတယ်။ မင်းရဲ့ "တစ်ခါတုန်းက တက္ကသိုလ်မှာ" ဆိုတဲ့ နာမည်က ဆရာနွမ်ဂျာသိုင်း ပေါက်ခဲ့တဲ့ ၀တ္ထုနာမည်နဲ့ သွားတူနေတယ်ဆိုပြီး ပြောကြတာပေါ့။

တက္ကသိုလ်နောက်ခံဇာတ်လမ်းချင်းတူပေမယ့် ဇာတ်ကျောရိုး မတူတာရယ်၊ တခြားနာမည်တစ်ခုကို သီးသန့်မွေးထုတ်ပြီးပေးရင် ရရဲ့သားနဲ့ မပေးဖြစ်ခဲ့တာကိုလည်း ဘာကြောင့်လဲဆိုတာ ပြောပါဦး။

ပြောရရင် စောစောက ပြောခဲ့သလိုပဲ တက္ကသိုလ်နောက်ခံဝတ္ထု တော်တော်များများ ရေးခဲ့ပေမယ့် နာမည်ပေးတဲ့အခါ တက္ကသိုလ်ဆိုတာ မပါဘဲ ကဗျာဆန်ဆန် လှလှပပ ဆန်းသစ်အောင် ဖန်တီးခဲ့တာချည်းပဲ။ အခုဒီစာအုပ်မှာတော့ အဲဒီလို မပေးချင်ဘူး။ ကိုယ်တိုင်က တက္ကသိုလ်ရဲ့ရသ ပီပီပြင်ပြင်ခံစားရတယ်လို့ တကယ်ယုံကြည်တဲ့အတွက် ၀တ္ထုနာမည်ပေးတဲ့အခါ တက္ကသိုလ်ကို ထည့်ကို ထည့်ချင်နေတာ၊ ဒါပေမယ့် ဘယ်လိုမှ စဉ်းစားလို့ မရဘူးဖြစ်နေတာနဲ့ စာအုပ်က ရေးလို့ပြီးသွားတာ လေးငါးခြောက်လကြာပြီ။ နာမည်မပေးရသေးဘူး ဖြစ်နေတာ။ တစ်ရက်တော့ တိုက်တိုက်ဆိုင်ဆိုင် "တစ်ခါတုန်းက တက္ကသိုလ်မှာ"လို့ အမည်ပေးထားတဲ့ ကိုရီးယားကားလေး ၀ယ်ကြည့်မိလိုက်တယ်။ အဲဒီ နာမည်လေးက ရိုးရှင်းလှပပြီး တသသဖြစ်နေစေတဲ့ အလွမ်းဓာတ်ကို ပေးစွမ်းနိုင်တာကို ခံစားမိတာနဲ့ ကိုယ်လည်း ရေးပြီးသိမ်းထားတဲ့စာအုပ်ကို ပြန်ဆွဲထုတ်ပြီး မျက်နှာဖုံးမှာ ချရေးလိုက်မိတာက "တစ်ခါတုန်းက တက္ကသိုလ်မှာ" ပါပဲ။

ကိုရီးယားနာမည်တူက နောက်မှ ပေါ်လာတာလေ။ ဆရာနွမ်ဂျာသိုင်းဆိုတာက ၀ါရင့်သမ္ဘာရင့် နာမည်ကျော် စာရေးဆရာတစ်ဦးပါ။ ဒီလို ဖြေလိုက်တာက ၀တ္ထုခေါင်းစဉ်ကို လမ်းကြောင်းလွှဲလိုက်သလို ဖြစ်မသွားဘူးလား။

ခုလို ပြောရတာက ဆရာနွမ်ဂျာသိုင်းရဲ့ "တစ်ခါတုန်းက တက္ကသိုလ်မှာ" ဆိုတဲ့ နာမည်နဲ့ သွားတူနေတယ်လို့ ပြောကြလို့ ထမင်းရေပူလျှာလွှဲပြောတာ မဟုတ်ပါဘူး။ ဆရာနွမ်ဂျာသိုင်းရဲ့ "တစ်ခါတုန်းက တက္ကသိုလ်မှာ" ဆိုတဲ့ ၀တ္ထုကိုရာ၊ "ဟိုတုန်းက တက္ကသိုလ်" ဆိုတဲ့ ၀တ္ထုအပါအ၀င် ဆရာရေးခဲ့သမျှ ၀တ္ထုအားလုံးကို ကြိုက်ခဲ့၊ ဖတ်ခဲ့ဖူးပါတယ်။ ခုလို နာမည်ချင်းသွားတူတာကလည်း မထေမဲ့မြင်သဘောနဲ့ တမင်လုပ်လိုက်တာ မဟုတ်ခဲ့ပါဘူး။ နောင်တော် စာရေးဆရာတွေအပေါ်မှာ လေးစားသမှု ရှိပြီးသားပါ။ အချိန်ပြ "တစ်ခါတုန်းက" ဆိုတာရော၊ နေရာပြ "တက္ကသိုလ်မှာ" ဆိုတာရောက ဘုံပိုင်ဝေါဟာရတွေဆိုတာ အားလုံးသိနားလည်ပြီး နေမှာပါ။ နောက်ပြီး အခုဒီဝတ္ထုကို ဒီနာမည် ပေးလိုက်မှလည်း လိုက်ဖက်ပြီး အလှဓာတ်လည်း ပိုရသွားတယ်လို့ ထင်ပါတယ်။ ဘာပဲပြောပြော ခုလို နာမည်တူပေးလိုက်မိသလို ဖြစ်သွားတဲ့အတွက် ဆရာနွမ်ဂျာသိုင်းဘက်ကလည်း နားလည်ပေးမယ်လို့ မျှော်လင့်ပါတယ်။
သေချာတာကတော့ ကာလအပိုင်းအခြားအရ "ဟိုတုန်းက တက္ကသိုလ်…" နဲ့ "တစ်ခါတုန်းက တက္ကသိုလ်…." ဆိုတဲ့ ဆရာနွမ်ဂျာသိုင်းရဲ့ ၀တ္ထုတွေဟာ ဆရာနွမ်ဂျာသိုင်း ဖြတ်သန်းခဲ့တဲ့ တက္ကသိုလ်ပုံရိပ်တွေကို တွေ့ရမှာဖြစ်သလို ကိုယ်ရေးတဲ့ "တစ်ခါတုန်းက တက္ကသိုလ်မှာ" ဆိုတဲ့ ၀တ္ထုကလည်း ကိုယ်ဖြတ်သန်းခဲ့တဲ့ တက္ကသိုလ်ပုံရိပ်ကို ထိတွေ့ခံစားရမှာ ဖြစ်ပါတယ်။

ကိုမျိုး နောက်ထပ်အသစ်ထွက်ဖို့ ပြင်ဆင်နေတဲ့ စာအုပ်တွေ အများကြီးရှိတယ်ဆို။

"တစ်ခါတုန်းက တက္ကသိုလ်မှာ" ပြီးရင် ဆက်ထွက်မယ့် ၀တ္ထုတွေကတော့ "ဆယ်မျက်နှာပုံပြင်"၊ "အချစ်၏ အခြားသောအမည်နာမတော်"၊ "နတ်ဝှက်ထားတဲ့ အိပ်မက်"၊ "မမမောင်မင်းမူ"၊ "အချစ်နဲ့ဝိညဉ်"၊ "အချစ်နန်းတော်သွား တောလား" နဲ့ "ရင်ခုန်သံစောင့် နတ်ဖုရားမ၏ အလိုတော်အတိုင်း" ဆိုတဲ့ လုံးချင်းဝတ္ထုသစ်တွေပဲ ဖြစ်ပါတယ်။ ထုတ်ဝေသူ လက်ထဲကို စာချုပ်အရ အုပ်ရမယ့် လက်ကျန်(၈)အုပ်စလုံး အပ်ပြီးသွားပြီဆိုပါတော့။ ထုတ်ဝေသူဘက်က တစ်လတစ်အုပ်နှုန်းနဲ့ ဆက်တိုက် ထုတ်သွားပါလိမ့်မယ်။ အဲဒီထဲမှာမှ "အချစ်နဲ့ ၀ိညဉ်" ရယ်၊ "အချစ်၏ အခြားသော နာမတော်" ရယ် နှစ်အုပ်ကတော့ မြင့်မြတ်၊ နေတိုးတို့နဲ့ ဗီဒီယို ရိုက်ပြီးသွားပြီ။
သြော်.. အခု "တစ်ခါတုန်းက တက္ကသိုလ်မှာ" ဆိုတဲ့ လုံးချင်းဝတ္ထုကိုလည်း မျက်ခြယ်ရုပ်ရှင်နဲ့ ဗီဒီယိုထုတ်လုပ်ရေးက ၀ယ်သွားပါပြီ။
-----------------
----------------------
------------------------------
ဒီအောက်ကဟာတွေကတော့ လျှပ်တစ်ပြက်ဂျာနယ် အတွဲ(၂)၊ အမှတ် (၅၂)မှာ ဆရာနွမ်ဂျာသိုင်းရဲ့ တုံ့ပြန်ချက်ဖြစ်တဲ့ "နားလည်ပေးချင်ပါတယ် ဒါပေမယ့်" ဆိုတဲ့ ပေးစာဖြစ်ပါတယ်။

မျိုးကိုမျိုးသို့ အိတ်ဖွင့်ပေးစာ
တစ်ခါတုန်းက တက္ကသိုလ်မှာဆိုတဲ့ ၀တ္ထုကို (၅-၂-၈၁)နေ့က ရေးသားပြီးခဲ့ပြီး (၁၉၈၁)ခုနှစ် ဧပြီလမှာ ပထမအကြိမ် ပုံနှိပ်ထုတ်ဝေခဲ့ပါတယ်။ အဲဒီလုံးချင်းဝတ္ထုကို (၁၉၈၈)ခုနှစ်မှာ ဒုတိယအကြိမ်၊ (၁၉၉၅)ခုနှစ်မှာ တတိယအကြိမ်၊ (၂၀၀၅)ပတ်ဝန်းကျင်မှာ စတုတ္ထအကြိမ် အကြိမ်ကြိမ်ဆိုသလိုလဲ ပုံနှိပ်ထုတ်ဝေခဲ့ပါတယ်။ ဗီဒီယိုရုပ်ရှင်အနေနဲ့လည်း အကယ်ဒမီဆုများရှင် ဒါရိုက်တာ မောင်တင်ဦးက ထုတ်လုပ်သူ စင်ရော်မောင်မောင်အတွက် ရိုက်ကူးထုတ်လုပ်ခဲ့ပြီး ဖြစ်ပါတယ်။ ကက်ဆက်ခွေဇာတ်လမ်းလည်း အကယ်ဒမီသုမောင်တို့ ပါဝင်ပြီး ထုတ်လုပ်ဖြန့်ချိခဲ့ပါတယ်။

ဇာတ်သဘင်မှာဆိုလဲ ရွှေမန်းသဘင်က မောင်ချမ်းသာက စင်တင်ပြဇာတ်အနေနဲ့ ကပြခဲ့ပါတယ်။ စာပေဟောပြောပွဲတွေမှာလည်း မြို့ပေါင်း ၂၀၀ ကျော်၊ ပွဲပေါင်း ၅၀၀ ကျော်မှာ ဒီဝတ္ထုရေးဖြစ်ခဲ့တဲ့အကြောင်းနဲ့ ဒီဝတ္ထုအပေါ် ကျွန်တော်ခံစားရမှုတွေ ဟောခဲ့ပြောခဲ့ဖူးပါတယ်။

အဓိပ္ပါယ်ကတော့ ဒီနာမည်လေးနဲ့ ဒီဝတ္ထုဟာ ကျွန်တော်နဲ့ တွဲဖက်ပြီး မြောက်မြားပြားလှစွာသော အကြောင်းတွေနဲ့ ပရိသတ်က သတ်သတ်မှတ်မှတ် အသိအမှတ် ပြုထားခဲ့တယ်လို့ ပြောချင်တာပါပဲ။ ဒါပေမယ့် ပြီးခဲ့တဲ့အပတ်က လျှပ်တစ်ပြက်ဂျာနယ် ဖတ်လိုက်ရချိန်မှာတော့ ဒီနာမည်ကို တခြားစာရေးဆရာတစ်ယောက်က ခပ်တည်တည်နဲ့ (မျက်နှာကြောတင်းတင်း) ယူသုံးထားတာ တွေ့လိုက်ရပါတယ်။ အဲဒီအခါမှာ ခံစားမှုနှစ်ခု တစ်ပြိုင်နက်တည်း ဖြစ်ခဲ့ရပါတယ်။ တစ်ခုက ဒီလိုဖြစ်ပျက်နေတာကို ကာယကံရှင် ကျွန်တော်သိတောင် မသိတဲ့အချိန်မှာ တာဝန်သိသိ ဖော်ထုတ်ပေးတဲ့ လျှပ်တစ်ပြက်နဲ့ ကိုမြတ်ခိုင်ကို ကျေးဇူးတင်တာပါပဲ။ နောက်တစ်ခုကတော့ ၀တ္ထုနာမည်ကို အခွင့်မရှိဘဲ ယူသုံးထားတဲ့ စာရေးဆရာရဲ့ မာကြောကြော၊ ခပ်တင်းတင်း ဖြေရှင်းချက်တွေကြောင့် စိတ်မကောင်းဖြစ်ရတာပါပဲ။ ဖြေရှင်းချက်တွေထဲက ကျွန်တော်မနှစ်သက်တဲ့ အချက်တချို့ကို ကောက်နုတ်ဖော်ပြပါရစေ…

အားမနာတမ်းပြောရရင် ဒီဝတ္ထုခေါင်းစဉ်က ဆရာနွမ်ဂျာသိုင်း ရေးသားခဲ့ပြီး အောင်မြင်မှုတွေရခဲ့တဲ့ တစ်ခါတုန်းက တက္ကသိုလ်မှာ ၀တ္ထုနာမည်အတိုင်း ဖြစ်နေတယ်လေ….

ဟုတ်တယ် တစ်ခါတုန်းက တက္ကသိုလ်မှာ ဆိုတဲ့ ကိုယ့်ရဲ့ လုံးချင်းဝတ္ထု ထွက်လာတာနဲ့ တစ်ပြိုင်နက်တည်းဆိုသလိုပဲ ဆရာဦးမြတ်ခိုင် အပါအ၀င် စာပေစာနယ်ဇင်းက ရင်းနှီးတဲ့ သူငယ်ချင်းတွေကရော ကျောင်းတုန်းက သူငယ်ချင်း တချို့ကပါ သတိပေးစကား ဆိုလာကြတယ်။

အမှန်က အဲဒီမှာကတည်းက ကိုယ်လုပ်ခဲ့တာ မဟုတ်ဘူး။ မမှန်ဘူး။ မှားနေတယ်ဆိုတာ သိဖို့ကောင်းပါတယ်။ တကယ့်တကယ် အမှန်ကတော့ သူများ မပြောခင်ကတည်းက (စာရေးဆရာစစ်စစ်မှန်မှန်သာ ဖြစ်ခဲ့မယ်ဆိုရင်) ငါဒီလိုလုပ်တာ မသင့်တော်ဘူး။ ဒီလိုအလုပ်မျိုးဟာ သိပ်ရှက်ဖို့ကောင်းတယ်ဆိုတာ သိသင့်ပါတယ်။

ထားပါ၊ သတိပေးမှ သိတယ်ဆိုရင်လဲ အဲဒီမှာ ငါတော့ မှားသွားပြီထင်တယ်။ ရိုးရိုးသားသားပဲ ၀န်ခံတောင်းပန်၊ နောက်အကြိမ်များ ထုတ်တဲ့အခါ တစ်မျိုးတစ်ဖုံ ပြင်ဆင်သွားမယ်လို့ ဆုံးဖြတ်သင့်ပါတယ် (ရိုးသားမယ်ဆိုရင်ပေါ့လေ)။ အဲဒီလိုမဟုတ်ဘဲ ဇွတ် မုန်လာဥလုပ်ဖို့ ကြိုးစားတဲ့အခါ အမှားတွေက ထပ်ဆင့်သွားပါတယ်။

တစ်ရက်တော့ တိုက်တိုက်ဆိုင်ဆိုင် တစ်ခါတုန်းက တက္ကသိုလ်မှာလို့ အမည်ပေးထားတဲ့ ကိုရီးယားကားလေး ၀ယ်ကြည့်လိုက်မိတယ်။ အဲဒီနာမည်လေးက ရိုးရှင်းလှပပြီး…

အမှန်က ကိုရီးယားကားဆိုတာလေးဟာ မြန်မာလိုသင့်တင့်သလို ပြန်ဆိုပြီး ရုပ်မြင်သံကြားက တစ်ပြည်လုံးကို လွှင့်ခဲ့တာ လပေါင်းများစွာပါ။

ဒီနာမည်လေး သိပ်သဘောကျသွားတဲ့အချိန်မှာ ရုပ်မြင်သံကြားကော နွမ်ဂျာသိုင်းကိုကာ သတိရသင့်ပါတယ်။ ကိုရီးယားကားတွေကို ရုပ်မြင်သံကြားက မြန်မာပြန်တဲ့အခါ အဲလိုပဲ ထင်ရှားတဲ့ မြန်မာဝတ္ထုခေါင်းစဉ်လေးတွေကို သဘောကျရင်ကျသလို ပြန်သုံးတတ်ပါတယ်။ သက်ဆိုင်ရာ ကာယကံရှင်က ကျေနပ်မကျေနပ် ဆိုတာကတော့ တစ်ယောက်ချင်းသဘောပါပဲ။ သူတောင် လုပ်သေးတာပဲ၊ ငါလည်း လုပ်ခွင့်ရှိတယ်လို့ ဇွတ်ဆုံးဖြတ်ခွင့် မရှိပါဘူး။

မြ၀တီတို့၊ မြန်မာ့ရုပ်မြင်သံကြားတို့က ၀တ္ထုမဟုတ်တဲ့နေရာမှာ ယူသုံးတာကို ကျွန်တော်ကြည်ဖြူရင် ကြည်ဖြူပေမယ့် အဲဒီနာမည်အတိုင်း ၀တ္ထုခေါင်းစဉ်လုပ်တာကိုကတော့ ကျွန်တော်ကြည်ဖြူစရာ အကြောင်းမရှိပါဘူး။

သူများဖန်တီးထားတာကို ခင်ဗျားတွေ့တဲ့အချိန်မှာ လပေါင်းများစွာ နာမည်ရှာလို့ မရတဲ့ဝတ္ထုအတွက် သိပ်သဘောကျနှစ်ခြိုက်သွားရင် အဲဒီကာယကံရှင် အဲဒီနာမည်လေးကို ဖန်တီးစီရင်ခဲ့တုန်းက ဘယ်လောက် တန်ဖိုးထားခဲ့မယ်ဆိုတာ ကိုယ်ချင်းစာပြီး သိသင့်ပါတယ်။

ခင်ဗျားဘယ်ဝတ္ထုနဲ့ နာမည်ကြီးနေလဲဆိုတာကိုတော့ ကျွန်တော်မသိပါဘူး။ ဒါပေမယ့် အဲဒီဝတ္ထုနာမည်ကို တစ်ယောက်ယောက်က မပြောမဆို ယူသုံးသွားမယ်ဆိုရင် ခင်ဗျားခွင့်လွှတ်နိုင်ပါ့မလား၊ နားလည်မယ်ဆိုရင်တော့ ခင်ဗျားဟာ ကိုယ်ဖန်တီးခဲ့တာတွေ မဟုတ်လို့ပါပဲ။

အဲဒီထဲမှာ အစော်ကားဆုံးကတော့ ဆရာနွမ်ဂျာသိုင်းရဲ့ "တစ်ခါတုန်းက တက္ကသိုလ်မှာ"ဆိုတဲ့ ၀တ္ထုရော "ဟိုတုန်းက တက္ကသိုလ်" ဆိုတဲ့ ၀တ္ထုအပါအ၀င် ဆရာရေးခဲ့သမျှ ၀တ္ထုအားလုံးကိုဆိုတဲ့ စကားပါပဲ။

ကျွန်တော်ရေးခဲ့တဲ့ ၀တ္ထုလုံးချင်းစာအုပ် ၁၀၀ လောက်မှာ တစ်ခုမှ တက္ကသိုလ်နောက်ခံနဲ့ မလွတ်ပေမယ့် "ဟိုတုန်းက တက္ကသိုလ်"ဆိုတဲ့ အဲဒီလောက် အသုံးမကျဆုံး နာမည်ပေးထားတဲ့ ၀တ္ထုတစ်ပုဒ်မှ မရှိပါဘူး။ ကျွန်တော့်ဝတ္ထုခေါင်းစဉ်က "တစ်ခါတုန်းက တက္ကသိုလ်မှာ"ပါ။ နောက်ဆုံးမှာ "မှာ" ဆိုတာလေး ပါ,ပါသေးတယ်။

အချိန်ပြ "တစ်ခါတုန်းက" ဆိုတာရော နေရာပြ "တက္ကသိုလ်မှာ" ဆိုတာရောက ဘုံပိုင်ဝေါဟာရတွေဆိုတာ အားလုံးသိနားလည်ပြီးနေမှာပါလို့ မရှက်မကြောက် ပြောရဲလောက်အောင် ခင်ဗျားညံ့ပါတယ်။

စာပေအစဉ်အလာရှိတဲ့ ခင်ဗျား လေးစားတဲ့ သမာဓိရှိတဲ့ ဆရာတစ်ယောက်ကို မေးကြည့်ပါဗျာ။ ဒီအထိ (စာရေးဆရာ အမည်ခံထားတဲ့) လူတစ်ယောက်ကို လိုက်ရှင်းပြနေရတာ စိတ်ပျက်ဖို့ ကောင်းလွန်းပါတယ်။

ဘာပဲပြောပြော ခုလိုနာမည်တူ ပေးလိုက်မိသလို ဖြစ်သွားတဲ့အတွက် ဆရာနွမ်ဂျာသိုင်းဘက်ကလည်း နားလည်ပေးမယ်လို့ မျှော်လင့်ပါတယ်တဲ့။

စိတ်ပျက်ဖို့ ကမ်းကုန်သွားပြီဗျာ။

ခုကိစ္စက နာမည်တူပေးလိုက်မိသလို ဖြစ်သွားတာမဟုတ်ဘူး။ ကိုယ့်လူ နာမည်တူကိုပေးပြီး မျက်နှာပြောင်တိုက်နေတာ ကိုယ့်လူကို မိနေတာက ခိုးထုပ်ခိုးထည်နဲ့ကို မိနေတာ။

ကျွန်တော်က "အချစ်၏ အခြားတစ်ပါးသော သန္တာန်" ဆိုတဲ့ နာမည်နဲ့ ၀တ္ထုရေးဖူးတယ်။ လုံးချင်းပဲ။ ခင်ဗျားက "အချစ်၏ အခြားသော အမည်နာမတော်"လို့ ရေးတယ်။ အဲဒါမျိုးမှာ ကျွန်တော်က အဖြစ်သည်းနေရင် ကျွန်တော်အလွန်။

ခုဟာက ဒါမျိုးမဟုတ်ဘူး။

သြော်… တစ်ခုတော့ မမေ့နဲ့။ အခု တစ်ခါတုန်းက တက္ကသိုလ်မှာကို မျက်ခြယ်ဗီဒီယို ထုတ်လုပ်ရေးက ၀ယ်သွားပြီလို့ ကြေညာလိုက်ပြီနော်။ အဲဒါဆို မျက်ခြယ်ပါကြားအောင် ကျွန်တော်ပြောရတော့မယ်။ မျက်ခြယ်ရေ… ယောင်ပြီးတော့များ အဲဒီနာမည်နဲ့ ရုပ်ရှင် ဗီဒီယို မရိုက်လိုက်နဲ့နော်။ ကျွန်တော် အစည်းအရုံးကော၊ ဆင်ဆာရောကို ကန့်ကွက်မှာ။

နားလည်ပေးမယ်လို့ မျှော်လင့်ပါတယ်လို့လည်း လက်လွတ်စပယ် မပြောကြပါနဲ့ဗျာ။ နားလည်ပေးချင်ပါတယ်၊ ဒါပေမယ့်…..

အနုပညာဆိုတာ အဲလောက် ပေါပေါပဲပဲ မနိုင်ပါဘူး။

နွမ်ဂျာသိုင်း