ရောင်ဝါဆီမီး ထိန်ထိန်ငြီးသည့် သီတင်းကျွတ်ရာသီ ရောက်လေပြီ - ကိုဉာဏ် (ပန်းလောင်မြေ)

မြန်မာနိုင်ငံသည် ၁၂ ရာသီပတ်လုံး ပွဲတော်များနှင့်ပြည့်နေသော နိုင်ငံတစ်ခုဖြစ်ပါသည်။ လအလိုက်တွင် သက်ဆိုင်ရာပွဲတော်များကို ကျင်းပကြပါသည်။ ပွဲတော်အများစုသည် ဘာသာရေးကိုအခြေခံကာ ပြုလုပ်ခြင်းဖြစ်သည်မှာလည်း မြန်မာပွဲတော်များ၏ ထူးခြားချက်တစ်ရပ်ဖြစ်ပါသည်။ အဆိုပါပွဲတော်များ၏ နောက်ခံရာဇ၀င်သမိုင်းကြောင်းများသည် ဘာသာရေးနှင့် တစ်နည်းမဟုတ်တစ်နည်းဖြင့် ဆက်နွယ်နေတတ်ကြပါသည်။ မည်သို့ပင်ဖြစ်စေ ပွဲတော်အသီးသီးသည်ကတော့ မြန်မာလူမျိုးတို့၏ ကာလကြာမြင့်လှပြီဖြစ်သည့် ဓလေ့ထုံးစံ၊ ယဉ်ကျေးမှုများကို ထင်ဟပ်နေသည်မှာ မလွဲဧကန်ဖြစ်ပါသည်။ အဆိုပါပွဲတော်များအပေါ်တွင် ကျွန်တော်တို့မြန်မာလူမျိုးအားလုံးကလည်း ဂုဏ်ယူကြမည်မှာ ဧကန်မလွဲ ဖြစ်မည်ဟု ယုံကြည်ပါသည်။

ဝါလကင်းလွတ် သီတင်းကျွတ်၊ မိုးလေကင်းလွတ် သီတင်းကျွတ် ဟူသော စကားများသည် မြန်မာလူမျိုးတိုင်းနှင့် ရင်းနှီးနေပြီးသား ဖြစ်ပါလိမ့်မည်။ ၀ါတွင်းသုံးလပတ်လုံး ၀ါကပ်တော်မူခဲ့ကြသော ရဟန်းသံဃာများအနေဖြင့် သီတင်းကျွတ်လပြည့်နေ့တွင် ၀ါထွက်တော်မူကြပြီဖြစ်ပါသည်။ မိမိသွားလိုရာ ခရီးများကို သွားလာနိုင်ကြပြီ ဖြစ်ပါသည်။ ထို့အတူ လူငယ်လူရွယ် ချစ်သူရည်းစားများအဖို့လည်း မိမိတို့၏ ရည်မှန်းချက်အိပ်မက်များဖြစ်သည့် ထိမ်းမြားမင်္ဂလာဆောင်နှင်းရန် အချိန်အခါသို့ ရောက်ရှိလာပြီဖြစ်သည့်အတွက် ပျော်ရွှင်နေကြမည်မှာ သေချာပါသည်။ မိရိုးဖလာယုံကြည်မှု ဓလေ့ထုံးစံအရ ၀ါတွင်းကာလအတွင်း အိမ်ထောင်ပြုခြင်းကို ရှောင်ကြဉ်ခဲ့ကြရသဖြင့် ၀ါကျွတ်ကာလသီတင်းကျွတ်သည် ချစ်သူရည်းစားတို့အတွက် အိပ်မက်နှင့် စောင့်မျှော်ခဲ့ရသည့် အချိန်အခါဖြစ်လိမ့်မည် ထင်ပါသည်။

မီးထွန်းပွဲတော်
သီတင်းကျွတ်၏ အထိမ်းအမှတ်သရုပ်မှာ မီးထွန်းပွဲတော် ကျင်းပခြင်းဖြစ်မည်ထင်ပါသည်။ သီတင်းကျွတ်ကာလတွင် မြန်မာနိုင်ငံတစ်ဝန်းလုံး၌ ဆီးမီးရောင်တို့ဖြင့် ထိန်ထိန်လင်းနေမည်သာ ဖြစ်ပါသည်။ အိမ်တိုင်း၊ ရပ်ကွက်တိုင်း၊ မြို့တိုင်း၊ နယ်တိုင်းတွင် မီးရောင်စုံများဖြင့် လှချင်တိုင်းလှနေသည့် အချိန်အခါပင် ဖြစ်ပါသည်။ အလင်းရောင်သည် လူသားတို့အတွက် အားအင်တစ်ခုပင် ဖြစ်ပါသည်။ ထို့အတွက် ဆီမီးရောင်တထိန်ထိန် လင်းနေသော သီတင်းကျွတ်ကာလသည် မြန်မာလူမျိုးတို့အဖို့ အားမာန်များ ပြည့်ဝနေသည့် လတစ်ခုဖြစ်သည်ဟု ကျွန်တော်က ဆိုချင်ပါသည်။ ဆီမီးထွန်းခြင်းဓလေ့ ဖြစ်ပေါ်လာရခြင်းမှာလည်း ဘာသာရေးနောက်ခံကြောင့်ပင် ဖြစ်ပါသည်။ ဂေါတမမြတ်စွာဘုရားသည် ၀ါတွင်းကာလပတ်လုံး တာဝတိံသာနတ်ပြည်ရှိ မိခင်တော်စပ်ခဲ့ဖူးသော သန္တုဿီတနတ်သားကို အဘိဓမ္မာတရားတော်များ ဟောကြားတော်မူခဲ့ပါသည်။ ထို့နောက် သီတင်းကျွတ်လပြည့်နေ့တွင် လူ့ပြည်သို့ ပတ္တမြားစောင်းတန်း၊ ရွှေစောင်းတန်း၊ ငွေစောင်းတန်းတို့ဖြင့် ပြန်လည်ဆင်းသက်တော်မူသည်ဟု ဆိုပါသည်။ ထိုသို့လူ့ပြည်သို့ ပြန်လည်ဆင်းသက်တော်မူလာချိန်တွင် လူနတ်ဗြဟ္မာတို့သည် အလင်းရောင်အမျိုးမျိုးတို့ဖြင့် မြတ်စွာဘုရားရှင်အား ပူဇော်ကြသည်ဟု ဆိုပါသည်။ အဆိုပါဓလေ့ကို ယနေ့အထိ လက်ဆင့်ကမ်းသယ်ဆောင်ကာ သီတင်းကျွတ်လပြည့်နေ့တွင် တာဝတိံသာနတ်ပြည်မှ လူ့ပြည်သို့ ပြန်လည်ကြွလာသော မြတ်စွာဘုရားရှင်အား ရည်မှန်း၍ ဆီမီးရောင်စုံထွန်းခြင်းကို ဆောင်ရွက်ကြခြင်းဖြစ်သည်ဟု မှတ်သားရပါသည်။

ပူဇော်ကန်တော့ကြခြင်း
သီတင်းကျွတ်လတွင် ပြုလုပ်ကြသော မြန်မာလူမျိုးတို့၏ အထူးခြားဆုံး ယဉ်ကျေးမှုဓလေ့ထုံးတမ်းတစ်ရပ်မှာ ဘုရား၊ တရား၊ သံဃာစသည်တို့ကိုအမှူးထား၍ သက်ကြီးရွယ်အို အဘိုးအဘွားများ၊ မိဘဆွေမျိုးများ၊ အထက်အကြီးအကဲ၊ ဆရာသမားများကို ကန်တော့ကြခြင်း ဖြစ်ပါသည်။ ဘယ်တုန်းက စတင်ခဲ့သည့်ယဉ်ကျေးမှုမှန်း မသိသော်လည်း သီတင်းကျွတ်ကာလသည် ကန်တော့ပစ္စည်းများ လှိုင်လှိုင်ရောင်းချရသည့်ကာလ ဖြစ်သည်ကတော့ အမှန်ပင် ဖြစ်ပါသည်။ သီတင်းကျွတ်ကာလတွင် သားသမီးတို့အနေဖြင့် အဘိုးအဘွားများ၊ မိဘများ၊ ငယ်ရွယ်သူများအနေဖြင့် အသက်အရွယ်ကြီးရင့်သည့် ဆွေမျိုးသားချင်းများ၊ အထက်အကြီးအကဲများ၊ ဆရာသမားများကို ကန်တော့ကြပါသည်။ ကာယကံ၊ ၀စီကံ၊ မနောကံဖြင့် ပြစ်မှားမိခဲ့သည်များရှိပါက ခွင့်လွှတ်ကြပါရန် တောင်းပန်၍ ကန်တော့ကြခြင်းဖြစ်ပါသည်။ ကန်တော့ခံများကလည်း ခွင့်လွှတ်ကြောင်းပြောကြား၍ ဆုမွန်ကောင်းများတောင်းပေးခြင်း၊ မုန့်ဖိုးပေးခြင်းများ ပြုလုပ်ကြသည့်ဓလေ့သည် လွန်စွာချစ်စရာကောင်းသည့် မြန်မာတို့၏ ယဉ်ကျေးမှုတစ်ရပ်ဖြစ်ပါသည်။ မည်သည့်လူမျိုးများတွင်မှ ထိုကဲ့သို့ယဉ်ကျေးမှုကို မတွေ့မမြင်ရပါ။

သီတင်းကျွတ်ဆိုသည်မှာ
ကျွန်တော့်အယူအဆအရပြောရလျှင် သီတင်းကျွတ်ကာလသည် မိုးလေကင်းလွတ်ကာ ရာသီဥတု သာယာစပြုလာသည့်အချိန် ဖြစ်ပါသည်။ တိမ်ညိုတိမ်မည်းတို့ဖြင့် ခြယ်လှယ်ခဲ့သော ကောင်းကင်ပြင်သည် အပြာရောင်နောက်ခံနှင့် လှချင်တိုင်းလှနေသည့် အချိန်ဖြစ်လာပါသည်။ ထို့ကြောင့် လူအများ၏ စိတ်သည်လည်း ကြည်လင်ငြိမ်းချမ်းနေပါလိမ့်မည်။ ကျောင်းသူကျောင်းသားများ၊ ၀န်ထမ်းများအတွက်လည်း သီတင်းကျွတ်ကာလသည် အချိန်အတန်အသင့် အနားရသည့်ကာလဖြစ်သည့်အတွက် စိတ်လက်ပေါ့ပါးကာ တက်ကြွလန်းဆန်းနေပါလိမ့်မည်။ ကြည့်လေရာပတ်ဝန်းကျင်တွင် မီးရောင်စုံများဖြင့် လင်းလက်နေသည့်အတွက် မြင်ရသူအဖို့ အားအင်များပြည့်ဝကာ ရွှင်မြူးနေပါလိမ့်မည်။ အလင်းရောင်သည် လူတို့၏ အားကိုးရာ မဟုတ်ပါလား။ မိမိ၏ မိဘဘိုးဘွားများ၊ ဆရာသမားများကို တောင်းပန်ရမည်ဖြစ်သဖြင့် စိတ်ထဲတွင် ဒေါသ၊ လောဘများ ကင်းလွတ်ကာ ငြိမ်းအေးနေပါလိမ့်မည်။ ထို့အတူ မိမိကို လာရောက်ကန်တော့ကြမည့် ငယ်ရွယ်သူများ၊ တပည့်သားမြေးများကိုကြည့်ပြီးလည်း ကြည်နူးဝမ်းမြောက်မှု၊ ၀မ်းသာပီတိဖြစ်မှုတို့ဖြင့် ပျော်မျက်ရည်တို့ ဝေ့နေမည့်အချိန် ဖြစ်ပါသည်။ လူငယ်များအတွက်လည်း ကျောင်းပိတ်ရက်၊ ရုံးပိတ်ရက် အနားလည်းရ၊ ပျော်ပွဲရွှင်ပွဲများကိုလည်းဆင်နွှဲ၊ သူငယ်ချင်းမိတ်ဆွေအပေါင်းအသင်းများနှင့် ခရီးသွားလာခြင်း၊ အာစရိယူပူဇော်ပွဲများကျင်းပခြင်းတို့ဖြင့် မအားရအောင် အလုပ်ရှုပ်နေပါလိမ့်မည်။ ဘ၀တစ်ခုကို နှစ်ယောက်အတူ ထူထောင်ကြတော့မည့် ဇနီးမောင်နှံလောင်းများအတွက်မူ ပြောစရာမရှိပြီ။ ကြိုတင်မျှော်တွေးကာ ပြင်ဆင်ခဲ့သမျှ အခုအချိန်တွင် လက်တွေ့ကြုံနေရ၊ ဆောင်ရွက်နေရလေပြီ။ အနာဂတ်အတွက် စိတ်ကူးတွေအပြည့်ဖြင့် အပျော်ရွှင်ဆုံးဖြစ်နေသည့်အချိန်ဟု ဆိုရပေမည်။

ထို့ကြောင့် သီတင်းကျွတ်ကာလသည် မြန်မာလူမျိုးတို့အတွက် အကုသိုလ်စိတ်များ ကင်းစင်ကာ ပျော်ရွှင်မှုအပြည့်၊ ၀မ်းသာပီတိအပြည့်၊ အားမာန်အပြည့်၊ တက်ကြွမှုအပြည့်ဖြင့် မြန်မာ့ယဉ်ကျေးမှု ဓလေ့ထုံးစံများ လွှမ်းခြုံနေသည့်ကာလတစ်ခု ဖြစ်နေကြောင်း ရေးသားမှတ်တမ်းတင်အပ်ပါသည်။

ကျွေးမွေးပြုစုစောင့်ရှောက်ပေးခဲ့သော မိဘနှစ်ပါး၊ လိုအပ်သည့်အချိန်တွင် အားကိုးရသည့် ဆွေးမျိုးသားချင်းများ၊ တတ်မြောက်စရာအဖြာဖြာကို သင်ကြားပြသပေးခဲ့သည့် သင်ဆရာ၊ မြင်ဆရာ၊ ကြားဆရာအပေါင်း၊ ထိတွေ့ပေါင်းသင်းဆက်ဆံခဲ့ရသည့် ကြီးငယ်ရွယ်တူ လူအမျိုးမျိုးတို့အား ကျွန်ုပ်အနေဖြင့် ကာယကံ၊ ၀စီကံ၊ မနောကံတို့ဖြင့် ပြစ်မှားကျူးလွန်ခဲ့သည်များရှိပါက တောင်းပန်အပ်ပါသည်။ ကျွန်တော်ရေးခဲ့သော စာများတွင် စော်ကားသလို၊ ရိုင်းစိုင်းသလို ဖြစ်သွားခဲ့သည်များ ရှိခဲ့ပါကလည်း လာရောက်ဖတ်ရှုအားပေးခဲ့ကြသည့် ဘလော့ဂ်ဖတ်သူ မိတ်ဆွေအပေါင်းအား တောင်းပန်အပ်ပါသည်။

အမှတ်တရ
ကိုဉာဏ် (ပန်းလောင်မြေ)
၂၀၀၉ ခုနှစ် အောက်တိုဘာလ ၂ ရက်၊ သောကြာနေ့။
နေ့လည် ၂ နာရီ ၂၉ မိနစ်တွင် ပြီး၏။