မှတ်ဉာဏ်ကိုကျော်လွန်၍

အသက်ရှိသော သတ္တ၀ါအားလုံးတို့တွင် အဓိကအလုပ်လုပ်နေသောအရာမှာ Memory ခေါ် မှတ်ဉာဏ်ဖြစ်ပါသည်။ သက်ရှိအားလုံးသည် ထိုမှတ်ဉာဏ်ကိုအားကိုး၍ အသက်ရှင်ကြပြီး မှတ်ဉာဏ်နှင့်ပတ်သက်လျှင် လူသားသည် အဆင့်အမြင့်ဆုံး မှတ်ဉာဏ်များကို ပိုင်ဆိုင်ထားသူများ ဖြစ်သည်ဟု သိပ္ပံကျမ်းများက ဆိုပါသည်။

မီးကိုကိုင်ကြည့်၍ ပူသည်ဟု မှတ်ဉာဏ်က တစ်ကြိမ်သိရှိပြီးလျှင် နောင် မီးကိုတွေ့ရှိသောအခါ မှတ်ဉာဏ်နှင့် တိုက်ဆိုင်ကြည့်ကာ ပူသည်ဟူ၍ သဘောပေါက်ပြီး မီးကိုမကိုင်တော့သည့်သဘော ဖြစ်ပါသည်။ နောက်ပိုင်းတွင် လူသား၌ ပိုင်ဆိုင်ထားသော ထိုမှတ်ဉာဏ်မျိုးကို တိုင်းတာကြည့်သည့် နည်းလမ်းများလည်း ပေါ်ပေါက်လာပြီး ထိုတိုင်းတာသည့်စနစ်ကို IQ Test ဟု ခေါ်ပါသည်။

မှတ်ဉာဏ်ကိုအားကိုးခြင်းသည် ရှိရင်းစွဲများအတွက် ကောင်းသော်လည်း အသစ်အသစ်သောအရာများနှင့် ပတ်သက်လျှင် အသုံးမ၀င်လှပေ။ တစ်နည်းအားဖြင့် Memory ခေါ် မှတ်ဉာဏ်တွင်းမှ မှတ်တမ်းနှင့် တိုက်ဆိုင်ကြည့်၍မတူလျှင် ဘာလုပ်မည်နည်းဆိုသော ပြဿနာပေါ်လာသည်ကို တွေ့ရပါသည်။ ဤတွင် EQ ဟု ခေါ်သော Emotional Intelligence ခေါ် အသိဉာဏ်ရင့်ကျက်မှုကိုတိုင်းသော နည်းတစ်နည်းပေါ်လာရပြန်ပါသည်။

ထိုသို့ မှတ်ဉာဏ်ကိုကျော်လွန်၍ စဉ်းစားနိုင်သူများ ရှိလာသောကြောင့်သာ ယနေ့ကမ္ဘာကြီးပေါ်တွင် Innovation ခေါ် တီထွင်ဆန်းစစ်မှုအမျိုးမျိုးကို မြင်တွေ့လာရခြင်းဖြစ်ပါသည်။ Memory ခေါ် မှတ်ဉာဏ်ဖြင့် တိုက်ဆိုင်ကြည့်၍ မတူတိုင်းသာ မှားသည်ဟု ပြောကြမည်ဆိုလျှင် ကမ္ဘာပေါ်၌ တီထွင်ဆန်းစစ်မှု အရပ်ရပ် ပေါ်ထွန်းလာဖွယ်ရာမရှိပါ။ အဖြေသစ်များလည်း ရရှိဖွယ်မရှိပါ။ ဤနေရာတွင် အကြောင်းတိုက်ဆိုင်၍ မဆေးဒီးစ် ထုတ်လုပ်သည့် ကမ္ဘာကျော် ဒိန်မလာဘင့်ဇ်ကုမ္ပဏီ၏ ဆောင်ပုဒ်ကလေးကို ကိုးကားဖော်ပြချင်ပါသည်။ We Never Follow The Trend, We Set The Trend ဟူ၍ ဖြစ်ပါသည်။ သူတို့မည်မျှ စဉ်းစားနိုင်သည်ဟု ဖော်ပြခြင်းဖြစ်ပေသည်။

မြန်မာနိုင်ငံ၏ အမျိုးသားစည်းလုံးညီညွတ်ရေးနှင့် ပတ်သက်လျှင် ပေးထားချက်အရပ်ရပ်သည် အသစ်ဖြစ်၍ ချဉ်းကပ်နည်းအသစ်နှင့် အဖြေအသစ်များ လိုအပ်သည်ဟု ပြောနိုင်ပါသည်။ သမားရိုးကျစဉ်းစားနည်းဖြင့် မှတ်ဉာဏ်ကို အားကိုး၍ အဖြေထုတ်ခြင်းဖြင့် အဖြေသစ်တို့ကို မရနိုင်ပါ။ အဖြေသစ်တို့ကို ပြောနေသူများကိုလည်း မှတ်ဉာဏ်ကိုအားကိုး၍ ရှိရင်းစွဲပေတံဖြင့် တိုင်းကြည့်လျှင် နားလည်ဖွယ်ရာမရှိပါ။

အယ်ဒီတာ (၁၃-၁၁-၂၀၀၉)

(The Voice Weekly ဂျာနယ် အယ်ဒီတာ့အာဘော် Editorial ကို ပြန်လည်ကူးယူဖော်ပြပါသည်)