ပင်းယခေတ် (သီဟသူ၊ ဥဇနာ၊ ကျော်စွာ၊ကျော်စွာငယ်)

ပင်းယခေတ်
ပင်လယ်စား သီဟသူသည် နောင်တော် မက္ခရာစား ရာဇသင်္ကြံ အနိစ္စရောက်ပြီးနောက် မြင်စိုင်းသား နောင်တော် အသင်္ခယာကို ဆေးခတ်လုပ်ကြံသဖြင့် ဘုရင်တစ်ဦးဖြစ်လေသော် ပင်းယကို ထူထောင်၍ နန်းစံလေသည်။

၁။ တစ်စီးရှင် သီဟသူ (၆၇၄-၆၈၄)
သီဟသူသည် နောင်တော် ရာဇသင်္ကြံ အနိစ္စမရောက်မီ ၃ နှစ်ခန့်ကပင် ဆင်ဖြူတစ်စီးရသောကြောင့် တစ်စီးရှင် ဘွဲ့ခံလေသည်။ (အချို့က ပင်းယမြို့တည်ပြီးမှ စမုန်မြစ်မှ ဆင်ဖြူမ အသေတစ်စီးရသည်ဟု ဆိုသည်။) သီဟသူသည် နရသီဟပတေ့၏ သမီးတော် မင်းစောဦးကိုပင် ဖွားစောအမည်ဖြင့် မိဖုရားမြှောက်ရာ ဥဇနာ၊ ကျော်စွာ၊ နော်ရထာဟူသော သားသုံးယောက် ဖွားမြင်လေသည်။ လင်းယဉ်ရွာသူ တစ်ခုလပ်တစ်ဦးကို မိဖုရားမြှောက်ရာတွင် သားတော် အင်္သခယာစောယွမ်းနှင့် သမီးတော် စောပုလဲကို ဖွားမြင်လေသည်။ ထိုမိဖုရားတွင် ယခင်အိမ်ထောင်နှင့် ဖွားမြင်သောသား တရာ့ဖျားကြီး ပါရှိသည်။

ထိုအချိန်၌ သ၀န်ကြီးသ၀န်ငယ်တို့သည် တောင်ငူကို တည်ထောင်လျက် စည်ပင်အောင် ပြုစုလျက်ရှိလေသည်။ သို့ရာတွင် အင်အားမရှိသေးသောကြောင့် ပင်းယ သီဟသူက သားတော်အိမ်ရှေ့မင်း ဥဇနာနှင့် ကျော်စွာတို့ကို စေလွှတ်သစ္စာပေးရာ၌ အညံ့ခံနေရပေသေးသည်။ သီဟသူသည် တောင်တွင်းစားက တောင်ငူနှင့်ပေါင်း၍ ခြားနားမည်ကို စိုးရိမ်သဖြင့် တောင်တွင်းစား သီဟပတေ့ကို သမီးတော် စောပုလဲနှင့် စုံဖက်လေသည်။

သီဟသူသည် သားတော် အသင်္ခယာစောယွမ်းအား မြှောက်စား၍ စစ်ကိုင်းမြို့ကို ထူထောင်ပေးရာ အသင်္ခယာစောယွမ်းသည် စစ်ကိုင်းတွင် နန်းပြိုင်သဖွယ် စိုးစံနေလေသည်။ ထိုအချိန်အခါတွင် တစ်နယ်တစ်မင်း စိုးစံနေကြသကဲ့သို့ရှိသော်လည်း အမည်အားဖြင့် ပင်းယမင်း၏ လက်အောက်ခံအဖြစ်ကဲ့သို့ပင် ရှိလေသည်။

၂။ ဥဇနာ (၆၈၄-၇၀၄)
သီဟသူ နတ်ရွာစံလျှင် ဥဇနာ နန်းတက်လေသည်။ ဥဇနာကား နရသီဟပတေ့၏ သမီးတော် မင်းစောဦးမှ ဖွားမြင်စေကာမူ နန်းကျကျော်စွာမင်း မိဖုရားမြှောက်၍ သန္ဓေသုံးလရှိမှ သီဟသူက ကောက်ယူသည်ဖြစ်သောကြောင့် သီဟသူ၏ သားရင်းမဟုတ်ချေ။ ပုဂံကျော်စွာ၏ သားတော်သာ ဖြစ်လေသည်။ စကားရကျောင်းလှူ၍ စကားရ ကျောင်းဒါယကာအဖြစ် ထင်ရှားလေသည်။ ဥဇနာမင်းသည် ပင်လယ်စား ညီတော်ကျော်စွာက ဆင်ဖြူငါးဆီးရသည်နှင့် ကြုံပလေရာ မိမိထီးနန်းကို ညီတော်အား လွှဲအပ်၍ ကောင်းမှုကုသိုလ်ပြုကာ နေလေသည်။

၃။ ငါးစီးရှင်ကျော်စွာ (၇၀၄-၇၁၂)
ငါးစီးရှင်ကျော်စွာသည် မင်းမဖြစ်မီကပင် စစ်ကိုင်းစား အသင်္ခယာအား လုပ်ကြံရန် ကျွန်ရင်း ငခင်ညိုကို စေလွှတ်ခဲ့ဖူးလေသည်။ ကျော်စွာသည် ကာချင်းစီး၍ ကိုယ်တိုင် ကာကတော်မူလေသည်။

၎။ ကျော်စွာငယ် (၇၁၂-၇၂၁)
ငါးစီးရှင် နတ်စွာစံပြန်သော် သားတော် ကျော်စွာငယ် မင်းဖြစ်၍ ကျော်စွာမင်း၏ သားတော်ငယ် (ပုဂံစောနစ်မင်း၏ ညီတော်) သက်ရမြို့စား မင်းရှင်စော၏ သမီးတော် စောဥမ္မာကို မိဖုရားမြှောက်လေသည်။ ထိုမင်းလက်ထက်တွင် စတုရင်္ဂဗလအမတ်ကြီးသည် အဘိဓာန်ဋီကာနှင့် သက္ကဋမှ နီတိကျမ်းများကို ပြုစုလေသည်။ တောင်ငူစား သိင်္ဂပါလည်း ခြားနားပုန်ကန်လေသည်။ ထိုအချိန်၌ ပုဂံတွင် စောမွန်နစ်မင်းသည် ထီးနန်းဆက်ခံ စိုးစံဆဲပင်ဖြစ်လေသည်။

မှတ်ချက်
ဆရာလှသမိန် ၏ မြန်မာရာဇ၀င်အကျဉ်း စာအုပ်မှ ပြန်လည်ကူးယူဖော်ပြခြင်း ဖြစ်ပါသည်။ မြန်မာစကား၊ မြန်မာစာကို ပြောဆိုရေးသားအသုံးပြုနေသည့် မြန်မာလူမျိုးတစ်ယောက်အနေဖြင့် မြန်မာပြည်တွင်မှ မဟုတ်ဘဲ မည်သည့်နေရာဒေသတွင် ရောက်ရှိအခြေချနေထိုင်နေသည်ဖြစ်စေ မြန်မာ့အကြောင်း၊ မြန်မာ့ရာဇ၀င်ကို သိသင့်သည်ဟု ယူဆသည့်အတွက် ပြန်လည်ကူးယူဖော်ပြခြင်း ဖြစ်ပါသည်။