နှစ်ခြိုက်စွာအိပ်ပျော်စေသော နည်းကောင်းများ

မင်း အိပ်ရတာကြီးကို ဒုက္ခအဖြစ် တွေးနေပါသလား။ အ်ိပ်ချိန်ဆိုပြီး သတ်သတ်မှတ်မှတ်ရှိတဲ့ ညအချိန်မှာ သူများတကာတွေ နှစ်ခြိုက်စွာ အိပ်မောကျနေပေမယ့် ကိုယ်ဘာဖြစ်လို့များ အိပ်မပျော်ရတာလဲ စမ်းစစ်ကြည့်ကြစို့။

ကဖိန်းဓာတ်ကြောင့်လား
လူတော်တော်များများဟာ သူငယ်ချင်းတွေနဲ့ ဆိုင်ထိုင်လိုက်တာပဲဖြစ်ဖြစ်၊ ဧည့်သည်ဧည့်ခံရတာပဲဖြစ်ဖြစ်၊ လူမှုရေးအရတော့ ညနေပိုင်း အကုန်အကျသက်သာပြီး အဆင်သင့်မှာလို့ရတဲ့ ကော်ဖီတစ်ခွက်လောက် သောက်ခဲ့လို့ဖြစ်နိုင်တယ်။ ပြီးတော့ အလုပ်ပင်ပန်းလွန်းလို့ လန်းဆန်းသွားအောင် ကော်ဖီတစ်ခွက်လောက် သောက်လိုက်တာမျိုးလည်း ရှိတတ်တာပဲ။ အဲဒီအချက်ကလည်း မင်းအိပ်ရေး၀၀အိပ်လို့မရအောင် အနှောင့်အယှက်ပေးနေတတ်တယ်။ ဒါပေမယ့် ကော်ဖီတစ်ခုတည်းတော့လည်း မဟုတ်ပါဘူး။ မင်းသိရမှာက ချောကလက်၊ ကိုလာနဲ့ လက်ဖက်ရည်တွေလည်း ကဖိန်းဓာတ်ပါဝင်လို့ ရှောင်ကြဉ်ရမှာပါ။ မွန်းလွဲပိုင်းရောက်တာနဲ့ ကဖိန်းဓာတ်ပါဝင်တဲ့ အစားအသောက်တွေကို ရှောင်ကြဉ်ကြည့်လိုက်ပါ။ နှစ်နှစ်ခြိုက်ခြိုက်အိပ်ရမှာ အသေအချာပါပဲ။

အယ်လ်ကိုဟောကြောင့်လား
နောက်မြန်မြန်အိပ်ပျော်စေတဲ့ နည်းလမ်းတစ်ခုကို ပေးချင်တယ်။ ဘယ်လောက်ပဲ အိပ်ပျော်အိပ်ပျော် ခဏခဏနိုးနေရင်လည်း ဒါဟာ ကျန်းမာရေးအတွက် သင့်တော်တဲ့ နည်းလမ်းကြောင်းတော့ မဟုတ်ပြန်ဘူး။ ညဘက် ခေါင်းတွေကိုက်ပြီး ချွေးတွေရွှဲနစ်နေအောင် ရင်ထဲက ပူလောင်နေရင်လည်း အိပ်မက်လှလှ မက်ခွင့်ရမှာ မဟုတ်ပြန်ဘူး။

မင်းမအိပ်ခင်မှာ ဘာတွေလုပ်ထားသေးလဲ တစ်ချက်ပြန်ကြည့်ရအောင်။ မင်း ညနေဘက် အရက်တွေ များများသိပ်သောက်မိတယ်။ ရေနဲ့ရောပြီး သဟဇာတဖြစ်အောင် မသောက်ဘူး။ အချိန်အဆ မမှန်ဘဲ အတင်းကာရော မူးပြီးရောဆိုပြီး သောက်လို့ကတော့ အပေါ်ကပြောသလို အိပ်ကောင်းခြင်း အိပ်ရဖို့မလွယ်ပါဘူး။

ည ၈ နာရီကျော်ရင် အသီးအနှံတွေ စားတတ်သလား
ရေဓာတ်တွေအများကြီးပါဝင်ပြီး အရည်ရွှမ်းတဲ့ အသီးအနှံတွေကို မင်းတစ်နေ့လုံး စားချင်သလောက် များများစား၊ ကျန်းမာရေးအတွက်လည်း အထောက်အကူဖြစ်တယ်လေ။ ဒါပေမယ့် မင်းအိပ်ရာဝင်ချိန်နီးရင်တော့ မစားတာ အကောင်းဆုံးပါပဲ။ ဘာကြောင့်လဲဆိုတော့ အဲဒီအသီးအနှံတွေရဲ့ ကျေးဇူးကြောင့် မင်းခဏခဏထပြီး အပေါ့အပါးသွားရတော့မှ ဖြစ်တဲ့အတွက် နှစ်နှစ်ခြိုက်ခြိုက် အိပ်လို့မရမှာ အသေအချာပါပဲ။

(ရန်ကုန်တိုင်းမ်ဂျာနယ် အတွဲ ၅၊ အမှတ် ၄၆ ကျန်းမာရေးအထူးအချပ်ပိုမှ ပြန်လည်ကူးယူဖော်ပြပါသည်)