ဟာသများ

သောက်နိုင်ပါသော်လည်း
အမေရိကန်တိုးရစ်က ရုရှားကိုမေးသည်။
"ရုရှားလူမျိုးတွေဟာ ကမ္ဘာပေါ်မှာ အရက်အသောက်နိုင်ဆုံးလို့ ပြောကြတယ်ဗျ။ အခုလို ရုရှားရောက်တုန်း သေချာအောင် မေးပါရစေ။ ဗေါ့ဒ်ကာ တစ်ဖန်ခွက်ကို ကုန်အောင် ခင်ဗျားသောက်နိုင်သလားဗျ ဟင်"
"သောက်နိုင်တာပေါ့၊ သခွားချဉ်လေးတစ်လုံး အမြည်းနဲ့ဆို အိုကေပါပဲ"
"ဖန်ခွက် ၃ ခွက်ဆိုရင်ကော"
"သောက်နိုင်ပါတယ်၊ သခွားချဉ်လေး ၃ လုံးနဲ့ဆို အိုကေပါပဲ"
"ဖန်ခွက် တစ်ရာ ဆိုရင်ကောဗျ"
"ဟေ့လူ၊ ခင်ဗျားရူးနေလား၊ ဒီလောက် သခွားချဉ်အများကြီး ကျုပ်ဘယ်လိုလုပ် စားနိုင်မလဲဗျ"

အိပ်မက်ဆိုး
မိတ်ဆွေနှစ်ယောက် ဆုံကြသည်။ တစ်ယောက်ကမေးသည်။
"ဟေ့လူ၊ ခင်ဗျားမျက်နှာလည်း မကောင်းပါလား၊ ဘာဖြစ်လို့လဲဗျ"
"ညက အိပ်မက်ဆိုးမက်တယ်။ ထက်ထက်မိုးဦးရယ်၊ နန္ဒာလှိုင်ရယ်၊ အိန္ဒြာကျော်ဇင်ရယ်၊ ပန်းဖြူရယ်ပေါ့ဗျာ ကျုပ်ကို သူပိုင်တယ် ငါပိုင်တယ်ဆိုပြီး ကျုပ်မိန်းမနဲ့ ငြင်းကြရင်းနဲ့ ရိုက်ပွဲကြီးဖြစ်သွားတယ်ဗျာ"
"ဘယ်လို အဆုံးသတ်သွားလဲ"
"ကျုပ်မိန်းမ အနိုင်ရသွားတယ်ဗျာ၊ တောက်"

ဉာဏ်စမ်း
သင့်မှာ ဖြတ်ထိုးဉာဏ်ရှိမရှိ သိလိုပါသလား။
အဲဒါဆို အောက်ပါအတိုင်း စမ်းကြည့်ပါ။
ဆွံ့အနားမကြားတဲ့လူတစ်ယောက် သွားပွတ်တံ လာဝယ်တယ်။ အမူအရာနဲ့ သွားတိုက်တဲ့ပုံ လုပ်ပြတယ်။ အရောင်းသမ သဘောပေါက်သွားပြီး သူ့ကို သွားပွတ်တံပေးလိုက်တယ်။
ဟုတ်ပြီနော်။ ကဲ၊ အခု မျက်စိမမြင်တဲ့လူတစ်ယောက် နေကာမျက်မှန် လာဝယ်တယ်။ နေကာမျက်မှန် လိုချင်ကြောင်း အရောင်းသမကို သူဘယ်လို အသိပေးရမလဲ။
သေသေချာချာ စဉ်းစားကြည့်ပါ။ အဲဒီနောက်မှ အဖြေမှန်နဲ့ တိုက်ကြည့်ပါ။
"ကျွန်တော့်ကို နေကာမျက်မှန်တစ်လက်ပေးပါလို့" ပြောလိုက်ရုံပေါ့။

ချူချာရဲသား
ချူချာလူမျိုး ရဲသားနှစ်ယောက် ကင်းလှည့်ရင်း လက်ပစ်ဗုံးသုံးလုံးကို လမ်းဒေါင့်တစ်နေရာတွင်တွေ့ရာ ကောက်ယူပြီး စခန်းသို့ ပြန်လာသည်။ လမ်းတွင် တစ်ယောက်ကပြောသည်။
"မတော်တဆ ဗုံးတစ်လုံး လက်ထဲက လွတ်ကျပြီး ပေါက်ကွဲသွားရင် ဘယ်နှယ့်လုပ်မလဲကွ ဟေ"
"မင်းကလဲကွာ၊ လာပြီးတွေးပူနေသေးတယ်၊ နှစ်လုံးပဲတွေ့တယ်လို့ ပြောလိုက်တာပေါ့"

***မောင်ကောင်းထိုက် (နှီးပဒေါ)ရဲ့ ဟာသတွေပါ။ ဟာသတွေတင်ပေးပါဦးလို့ ပြောသူတွေအတွက်ပါ။