၂၀၁၀ ပြည့်နှစ်ရောက်ပြီ

ပြောရမှာ နည်းနည်းတော့ခက်သည်။ ထူးလည်းထူးဆန်းသည်။ ဘာမှမကြာသေးသော အချိန်ကလေးကမှ ၂၀၀၉ ခုနှစ်သည် ပြီးဆုံးသွားခဲ့ပြီ။ သမိုင်းစာအုပ်ထဲတွင် အိပ်ရာဝင်သွားခဲ့ပြီ။ ဘယ်လိုပဲပြန်ခေါ်ပါစေ... သူကပြန်လာမည်မဟုတ်တော့။ သူနှင့်အတူ တစ်နှစ်တာပတ်လုံး ကျွန်တော်တို့လုပ်ခဲ့သမျှ ကောင်းတာ၊ ဆိုးတာ၊ သင့်တာ၊ မသင့်တာ၊ ချစ်တာ၊ မုန်းတာတွေအားလုံး ပြီးဆုံးသွားပြီဟု လူတွေက ပြောလေ့ရှိကြသည်။

၂၀၀၉ ခုနှစ်ဆိုသည်မှ ၂၀၁၀ ဆိုသည့် ဂဏန်းလေးသို့ ပြောင်းလဲသွားရုံဖြင့် တကယ်ပဲ ထိုကဲ့သို့ ပြီးဆုံးသွားခဲ့ပါသလား။ ကျွန်တော်စဉ်းစားနေမိသည်။ နှစ်သစ်မှာ စိတ်သစ်၊ လူသစ်ဆိုတဲ့လူကလည်း ရှိသေးသည်။ ဘုရားရေ... စိတ်သစ်၊ လူသစ်ဆိုတော့ အသက်ကသာကြီးနေပြီး ကလေးစိတ်ကြီးနှင့် ဖြစ်နေမှာပေါ့နော်။ ဘယ်လိုမှ အဆင်ပြေမှာမဟုတ်ဘူး။ ပိုဆိုးသွားဖို့ပဲ ရှိသည်။ နှစ်တစ်နှစ် ကုန်ဆုံးသွားသည့်အတွက် စိတ်တစ်နှစ် ပိုကြီးလာရမည်၊ ပိုပြီးရင့်ကျက်လာရမည်၊ အသစ်ဖြစ်ကိုမဖြစ်စေရ၊ အဟောင်းစိတ်တွင် အတွေ့အကြုံဆိုသည့် ဒဏ်ရာဒဏ်ချက်တို့ဖြင့် အသားကျနေသော စိတ်တစ်ခု ဖြစ်ကိုဖြစ်နေရမည်။ သို့မှသာ နှစ်သစ်တွင် အောင်မြင်မှုအသစ်များ ရနိုင်မည်ဖြစ်သည်။ မနှစ်က ဆုံးရှုံးခဲ့သည်များကို ဒီနှစ်အောင်မြင်အောင် ကြိုးစားရန်မှာ စိတ်သစ်ဖြင့် မရနိုင်ဟု မြင်မိသည်။ အဟောင်းတစ်ခုကို ပြင်ဆင်ရုံဖြင့် အသစ်ဟုယူဆလျှင်တော့ စိတ်သစ်ဟုသုံးနှုန်းကြသည်ကို လက်ခံပါသည်။ ဆိုပါတော့ စာအုပ်အဟောင်းတစ်အုပ်ကို အဖုံးလေးဖုံး၊ ခေါက်ရိုးကျေနေသည့် စာရွက်လေးများကို မီးပူတိုက်ရုံမျှဖြင့် စာအုပ်အသစ်တစ်အုပ် ဖြစ်လာပါသလား။ ပုံစံသစ်တစ်အုပ်ဖြစ်လာသည်ဟုသာ ကျွန်တော်နားလည်ပါသည်။ မှားလျှင် ပြင်ပေးကြပါကုန်။

ကဲ.... ထားပါတော့။ ၂၀၁၀ ပြည့်နှစ်က ရောက်လာပြီ။ ဘလော့ဂ်က စီဘောက်တွင် Happy New Year ဟု ကျွန်တော်အော်လိုက်ပါသည်။ သူများတွေလို အခမ်းအနားကြီးတွေ၊ စားပွဲသောက်ပွဲကြီးတွေဖြင့် ဟက်ပီးနယူးရီးယားဟု မအော်လိုက်ရ။ ထိုကဲ့သို့ မအော်လိုက်ရသဖြင့် ၂၀၁၀ သည် ကျွန်တော့်အတွက် ကောင်းမွန်ပျော်ရွှင်ဖွယ်ရာ နှစ်သစ်တစ်ခု ဖြစ်မလာဟုဆိုလျှင်လည်း ရှိပါစေတော့။ ကျွန်တော်ကတော့ ပျော်ရွှင်သောနှစ်သစ်ကို ကျွန်တော်ကိုယ်တိုင်သာ ဖန်တီးနိုင်သည်ဟု ယုံကြည်သည်။ ဘီယာဘူးကို လက်မှာကိုင်ပြီး ဟက်ပီးနယူးရီးယားဟု အော်နေကြသူတွေ ပျော်မပျော်ကို ကျွန်တော်မသိပါ။ သေချာသည်ကတော့ နှစ်သစ်ကူးအတွက် ဘလော့ဂ်ပို့စ်များရေးရင်း၊ ထိုပို့စ်များကို ဘလော့ဂ်တွင်တင်ရင်း ကျွန်တော်ပျော်ရွှင်နေသည်ကတော့ သေချာပါသည်။ ထို့အတွက် ကျွန်တော်တစ်ခု ရလိုက်သည်။ ကိုယ်လုပ်ချင်ရာလုပ်နေခွင့်ရခြင်းသည် ပျော်ရွှင်မှုတစ်ရပ်ပင်ဟု။ ထိုသို့ဆိုတော့ စောစောကပြောသည့် ဘီယာခွက်ကိုင်ပြီး ဟက်ပီးနယူးရီးယားဟု အော်နေကြသူတွေ ပျော်နေမှာသေချာသည်ဟု ကျွန်တော်မြင်သွားသည်။ သူတို့အတွက် ကျွန်တော် နားလည်သွားသည်။

၂၀၁၀ ကတော့ ဆောင်းတွင်းချမ်းချမ်းစီးစီးနှင့် နှင်းမှုန်များကြားတွင် ရောက်ရှိလာခဲ့ပါပြီ။ အေးချမ်းမည့်နိမိတ်ဟု ယူဆသူတို့ကလည်း ယူဆကြသည်။ တစ်ကမ္ဘာလုံး အအေးလှိုင်းဖြတ်သည့်ဒဏ်ကို ခံစားနေရသည့်အချိန် ဖြစ်သည့်အတွက် အေးနေတာ အဆန်းမှတ်လို့။ အပြင်ထွက်သည်နှင့် တစ်ကိုယ်လုံးကို မံမီလိုမျိုး ၀တ်စားပြီးမှ ထွက်ရသည်။ မဟုတ်လို့ကတော့ နားရွက်တွေစပ်ပြီး ထူပူနေသည်။ ချက်ချင်းပင် ခေါင်းတွေအုံလာသည်။ လူကြီးတွေအတွက်တော့ မကောင်းသည့် ရာသီဥတုဟု ဆိုရမည်။

ပြောချင်သည်ကတော့ ၂၀၀၉ သည် ကျွန်တော်တို့ကို လက်ပြနှုတ်ဆက်သွားပါပြီ။ ၂၀၁၀ ပြည့်နှစ်ကတော့ ကျွန်တော်တို့ ကြိုဆိုသည်ဖြစ်စေ၊ မကြိုဆိုသည်ဖြစ်စေ ရောက်ရှိလာခဲ့ပါပြီ။ ဘာတွေဘယ်လိုကြုံမလဲ၊ ဘယ်လိုပြောင်းလဲမလဲဆိုတာ ဘယ်သူမှ မသိနိုင်။ သေသေချာချာသိတာတစ်ခုကတော့ ပြက္ခဒိန်အသစ် ၀ယ်ရပြီ၊ ဒိုင်ယာရီစာအုပ်အသစ် ၀ယ်ရပြီ။ ဒိုင်ယာရီစာအုပ်ရဲ့ ပထမဆုံး စာမျက်နှာမှာ ဘာရေးရမလဲ။ ထုံးစံအတိုင်း... Happy New Year 2010 လို့ ဦးစွာရေးရမည်။ ဒါမှ သူများတွေနဲ့ အတူတူဖြစ်မည်။ မဟုတ်လျှင် မပြောခံရဦးမည်။ မနှစ်က ဒိုင်ယာရီစာအုပ်စတော့ "လာခဲ့စမ်း ၂၀၀၉ ရေ... ငါဖြစ်ချင်တာတွေကို ဖြစ်အောင်ကို လုပ်ပစ်မယ်" လို့ ရေးလိုက်မိလို့ သူငယ်ချင်းတစ်ယောက်က သြဘာပေးဖူးသည်။

သူများတွေက ၂၀၀၉ ခုနှစ်မှာ ဘာဖြစ်တယ် ညာဖြစ်တယ် စသည်ဖြင့် ရေးကြတာကို ဖတ်ရသည်။ တချို့ဆို ဖတ်လို့လဲကောင်း၊ မှတ်သားစရာလဲကောင်းသည်။ သို့သော် ကျွန်တော်ကတော့ ၂၀၀၉ ခုနှစ် ကျွန်တော်ဘာတွေလုပ်ခဲ့တယ်ဆိုတာထက် ၂၀၁၀ ပြည့်နှစ်မှာ ဘာတွေလုပ်မလဲဆိုတာကို ပိုပြီး စိတ်ဝင်စားသည်။ ထို့ကြောင့်လည်း ၂၀၀၉ ခုနှစ် ကျွန်တော်အကြိုက်ဆုံး ပို့စ်တို့၊ အကြိုက်ဆုံး ဘလော့ဂ်တို့၊ အကြိုက်ဆုံး အဆိုတော် ဘာညာတွေကို မရေးဖြစ်ခဲ့ခြင်းပါ။ ၂၀၀၉ ခုနှစ်ကို သမိုင်းမှတ်တမ်းတစ်ခုအနေဖြင့်တော့ စိတ်ဝင်စားပါသည်။ တွေ့ကြုံခဲ့ရသည့် အတွေ့အကြုံများအပေါ် အခြေခံပြီး နောက်လုပ်မည့်အလုပ်များကို ပြင်ဆင်ရပါမည်။ ကျော်ဖြတ်ရပါမည်။ သို့သော် ၂၀၀၉ ကို ဖက်တွယ်ထားမည့်သူတော့ မဟုတ်ပါ။ ဒီနေ့နှင့် မနက်ဖြန်သည်သာ ကျွန်တော့်အတွက် အရေးအကြီးဆုံး ဖြစ်ပါသည်။

၂၀၁၀ ပြည့်နှစ်ကို ကျွန်တော်စိတ်ဝင်စားပါသည်။ ဒါက အမှန်အတိုင်း ပြောခြင်းပါ။ ကျွန်တော်စိတ်ဝင်စားတာတွေ ၂၀၁၀ ပြည့်နှစ်မှာ အများကြီးဖြစ်လာမည်ကိုး။ မြန်မာတစ်ယောက်အနေဖြင့် ပြောရလျှင် ၂၀၁၀ ပြည့်နှစ် ရွေးကောက်ပွဲ ရှိသည်။ ဘောလုံးဝါသနာအိုး တစ်ယောက်အနေဖြင့် ပြောရလျှင် ၂၀၁၀ ကမ္ဘာ့ဖလားပြိုင်ပွဲ ရှိသည်။ အခြားသော ကျွန်တော်၏ ကိုယ်ရေးကိုယ်တာတွေလည်း ရှိသေးသည်။ ထို့အတွက် ၂၀၁၀ ကို ကျွန်တော်လှိုက်လှိုက်လှဲလှဲ ကြိုဆိုပါသည်။ လာစမ်းပါ ၂၀၁၀ ရယ်။

အမှတ်တရ
ကိုဉာဏ် (ပန်းလောင်မြေ)
၂၀၁၀ ပြည့်နှစ် ဇန်န၀ါရီလ ၁ ရက်၊ သောကြာနေ့။
နံနက် ၀ နာရီ ၅၁ မိနစ်တွင်ပြီး၏။