ဒုတိယအကောင်းဆုံးလောကနှင့် ရွေးကောက်ပွဲသဘာဝ - မောင်စူးစမ်း

သူ့အရပ်နှင့်သူ့ဇာတ်
ပြဋ္ဌာန်းထားသော ကျမ်းကြီးခိုင်တို့တွင် အခြေခံမူတွေ၊ အခြေခံစံတို့ကို စိတ်ကူးယဉ်ပြီး ချမှတ်ထားကြသည်။ ဤအခြေခံမူ၊ ဤအခြေခံစံတို့အတိုင်း လက်တွေ့ဆန်လွန်းလျှင် ဤသို့ ဖြစ်ထွန်းသောလောကကို ပထမတန်းစား အကောင်းဆုံးလောက (The First Best World)ဟု ခေါ်ဆိုရမည်။ သို့သော် လောကတွင် စိတ်ကူးယဉ်ထားသည့် စံတွေ၊ မူတွေ တကယ်ဖြစ်တည်ကြသည် မဟုတ်ပေ။ ကျမ်းဂန်လာစံတွေအတိုင်း မူတွေအတိုင်း မဟုတ်ဘဲဖြစ်နေသော လောကကို ဒုတိယအကောင်းဆုံးလောက (The Second Best World)ဟု ပညာရှင်တို့က သတ်မှတ်လာကြသည်။ စီးပွားရေးအကျပ်အတည်းသည် ပထမတန်းစား အကောင်းဆုံးလောကကို ဖျက်ဆီးသည်ဟု ထွက်သည်။

သို့ဖြင့် မည်သည့်အကြောင်း ဆွေးနွေးဆွေးနွေး ယခု ဒုတိယအကောင်းဆုံးလောကကို မျှော်ကိုး၍ ဆွေးနွေးသည်။ ပထမအကောင်းဆုံးလောကကို စံထား၍ စဉ်းစားခြင်းမျိုးသည် စိတ်ကူးယဉ်လွန်းလှသည်။ လက်တွေ့မကျ ယူတိုပီးယားဆန်သည်။ ထို့ကြောင့် ကျင်းပမည့် ၂၀၁၀ ပြည့်နှစ် ရွေးကောက်ပွဲကိုကြည့်လျှင် ဒုတိယအကောင်းဆုံးလောက ပုံစံဖြင့် မြင်အပ်သည်။ ဤဒုတိယအကောင်းဆုံးလောကသည် တစ်ပုံစံတည်း မရှိပေ။ နိုင်ငံအလိုက် သူ့ပုံစံနှင့်သူ ဖြစ်သည်။ ထို့ကြောင့် ဒုတိယအကောင်းဆုံးလောကသည် သူ့အရပ်နှင့်သူ့ဇာတ် Local Narratives တို့သာဖြစ်မည်။

အာဏာရ
၂၀၁၀ ၌ လွှတ်တော်များ ရွေးကောက်ပွဲ ကျင်းပပြုလုပ်မည်ဟု ရက်ချိန်းသာရထားသည်။ ရွေးကောက်ပွဲဆိုင်ရာ အနေဖြင့် စည်းမျဉ်းများ ပြဋ္ဌာန်းကြေညာခြင်းများ မရှိသေးပေ။ ထို့ကြောင့် နိုင်ငံရေးသမားနှင့် နိုင်ငံရေးပါတီတို့အကြောင်း ကြိုတင်ဝေဖန် သုံးသပ်ပြခြင်းသည် နွားရှေ့ထွန်ကျူးသလို ဖြစ်နေမလားဟု သံသယပွားမိသည်။ မပေါ်ပေါက်သေးသော နိုင်ငံရေးပါတီနှင့် နိုင်ငံရေးသမားတို့အပေါ် ဝေဖန်ခြင်းသည် တရားမျှတရာ ရောက်၊ မရောက် တွက်ဆစရာဖြစ်သည်။

ထို့ကြောင့် ဤအကြောင်းကို ခေတ္တခေါက်ထားပြီး ရွေးကောက်ပွဲနှင့် ပတ်သက်သော ရှုခင်းမြင်ကွင်းကိုလည်းကောင်း၊ ရွေးကောက်ပွဲ၏ သဘာဝကိုလည်းကောင်း၊ ထုဆစ်ကြည့်လိုသည်။ နိုင်ငံအသီးသီး၌ ရွေးကောက်ပွဲများလည်း ကျင်းပပြုလုပ်ကြသည်။ မြန်မာနိုင်ငံအတွက် သင်ခန်းစာယူ လေ့လာစရာကောင်းသည့် အိန္ဒိယနိုင်ငံ အထွေထွေရွေးကောက်ပွဲနှင့် အင်ဒိုနီးရှားလွှတ်တော် ရွေးကောက်ပွဲတို့ကို ရှုမြင်၍ နိုင်ငံရေးသဘာဝတစ်ခုကို ရှာဖွေမိသည်။

ဤသဘာဝမှာ ရွေးကောက်ပွဲပြုလုပ်လျှင် Incumbent လက်ရှိအာဏာရပါတီနှင့် အတိုက်အခံတို့ဆိုပြီး ဒွန်တွဲပေါ်သောအချက် ဖြစ်သည်။ Incumbent သည် အဘိဓာန်အနက်၌ တာဝန် သို့မဟုတ် ရာထူးထမ်းဆောင်ဆဲဟု အဓိပ္ပါယ်ထွက်၍ နိုင်ငံရေးအဘိဓာန်မူ အာဏာရပါတီဟု အဓိပ္ပါယ်ထွက်သည်။

ရှဲဒိုး နှင့် ဒြပ်
လာမည့် ၂၀၁၀ ပြည့် ရွေးကောက်ပွဲတွင် ရွေးကောက်ပွဲ၏ သဘာဝအတိုင်း အာဏာရပါတီနှင့် အတိုက်အခံပါတီတို့ခန့်ပြီး သတ်သတ်မှတ်မှတ် စည်းခြား၍ ပေါ်မည်၊ မပေါ်မည်ကို မခန့်မှန်းနိုင်သေးကာ အာဏာအဖွဲ့အစည်း Incumbention က မည်သည့် ပုံသဏ္ဌာန်ဖြင့်ပေါ်မည်ကို မသိနိုင်သေးပေ။ နိုင်ငံရေးစည်း ပြတ်ပြတ်သားသား မပေါ်သေးခြင်း ဖြစ်တန်ရာသည်။

ရွေးကောက်ပွဲဝင်မည့် လက်ရှိအာဏာရအဖွဲ့အစည်းဟူ၍ နိုင်ငံရေးအဖွဲ့အစည်းသဏ္ဌာန် မပေါ်ပေါက်သေးစေကာမူ လက်ရှိအာဏာရအဖွဲ့အစည်း၏ ဆောင်ရွက်ကြိုးပမ်းမှု ရုပ်သဏ္ဌာန်တို့အား ထင်ထင်ရှားရှားပေါ်နေရာ ဤဆောင်ရွက်ကြိုးပမ်းမှုတို့သည်ပင် အာဏာရအရိပ် Shadow of Incumbent ဖြစ်မည်။ အိန္ဒိယအထွေထွေ ရွေးကောက်ပွဲ၌ ကွန်ဂရက်အဖွဲ့ကို အာဏာရအဖွဲ့အဖြစ် သတ်မှတ်ရာ ဘီဂျေပီပါတီကိုမူ အတိုက်အခံအဖြစ် သတ်မှတ်သည်။ မြန်မာနိုင်ငံ၌ ရွေးကောက်ပွဲနှင့် ပါတီများ ဖွဲ့စည်းရေးဥပဒေများ ပြဋ္ဌာန်းပေါ်ပေါက်ပြီးသောအခါကျမှသာ အာဏာရပါတီ Incumbent ဆိုသောအဖွဲ့ ပေါ်လာစရာရှိသည်။ အာဏာရပါတီမရှိသော ရွေးကောက်ပွဲမျိုး ပေါ်နိုင်၊ မပေါ်နိုင်ကိုလည်း ထည့်ပြောစရာရှိသည်။ ဤအချက်က လက်ရှိအာဏာရအဖွဲ့နှင့် ခေါင်းဆောင်သူတို့အပေါ် မူတည်သည်။ သို့မဟုတ်လည်း ရွေးချယ်မခံဘဲ သတ်မှတ်ရရှိထားသော "လွှတ်တော်တွင်းအချိုး" ကိုပင် အာဏာရဒြပ်အဖြစ် ယူဆမည်ဟုဆိုလျှင် ယူဆနိုင်သည်။

ပုဂ္ဂိုလ်မျက်နှာစာ
ရွေးကောက်ပွဲတို့မည်သည် ခေါင်းဆောင်မှုအကြောင်း ဖြစ်သည်။ ခေါင်းဆောင်တို့အကြောင်း ဖြစ်သည်။ ယေဘုယျပြုပြောလျှင် ရွေးကောက်ပွဲတွင် ပုဂ္ဂိုလ် Personality တို့၏ မျက်နှာစာက အတော်အတန် နေရာယူသည်။ ထို့ကြောင့် လာမည့် ၂၀၁၀ ပြည့်နှစ် လွှတ်တော်များ ရွေးကောက်ပွဲတွင် ပုဂ္ဂိုလ်တို့၏ ကဏ္ဍက ဘယ်လောက်အထိ အရေးပါမလဲဟု တိုင်းဆကြည့်စရာ ရှိသည်။ ပုဂ္ဂိုလ်တို့၏ အခန်းကဏ္ဍဆိုရာ၌ စစ်ဘက်အရပ်ဘက် နှစ်ဖက်စလုံး အကျုံးဝင်သည်။ သီအိုရီအရပြောလျှင် ရွေးကောက်ပွဲတွင် ပေါ်လစီနှင့် လုပ်ငန်းစဉ်တို့က အခရာကျသင့်သည်။ လူပုဂ္ဂိုလ်က အခရာ မကျသင့်။

သို့ရာတွင် အိန္ဒိယနှင့် အင်ဒိုနီးရှား ရွေးကောက်ပွဲတို့တွင် ပုဂ္ဂိုလ်ယှဉ်ပြိုင်ပွဲ Personality Contest အတော်အတန် လွှမ်းမိုးသည်။ ဤပုဂ္ဂိုလ်ယှဉ်ပြိုင်ပွဲသည် အာဏာရပါတီ၏ လုပ်ရည်ကိုင်ရည်နှင့် မြင်သာသော အောင်မြင်မှုတို့ကို မထိုးဖောက်နိုင်ပေ။ မဲဆန္ဒရှင်တို့သည် မည်သည့်ပါတီက တိုင်းပြည်အတွက် အကောင်းဆုံး ဆောင်ရွက်ပေးနိုင်သနည်းဟုဆိုသော အချက်ကို မြင်နိုင်စွမ်းရှိကြသည်။ မြန်မာနိုင်ငံတွင်မူ အာဏာရအဖွဲ့အစည်း၏ အောင်မြင်မှုကိုသာ မြင်နိုင်သည်။ နိုင်ငံရေးပါတီတို့၏ အရည်အချင်းနှင့် စွမ်းရည်တို့ကိုမူ ရွေးကောက်ပွဲပြီးမှ မြင်နိုင်စွမ်းရှိမည်။ ပါရာဒိုင်းအသစ်၊ ပလေယာအသစ်တို့ ဖြစ်မည်ဖြစ်၍ မြင်ကွင်းရှုခင်းတို့သည်လည်း အသစ်အဆန်း ဖြစ်မည်။

ရန်ကုန်တိုင်းမ်ဂျာနယ်
အတွဲ (၅) အမှတ် (၂၀)