ဓမ္မပဒဂါထာ (၁၁)
အသာရေ သာရမတိနော၊ သာရေ စာသာရဒဿိနော။
တေ သာရံ နာဓိဂစ္ဆန္တိ၊ မိစ္ဆာသင်္ကပ္ပဂေါစရာ။
အနှစ်မကျန်တာ အကြံမှားလို့
အနှစ်မဟုတ်တဲ့
အကာကိုတော့
အနှစ်လို့ မှတ်ထင်၊
အကာမဟုတ်တဲ့
အနှစ်ကိုတော့
အကာလို့
သိမြင်နေကြတဲ့သူတွေဟာ
အတွေးမှား
အကြံမှား
အယူအဆမှားတွေမှာပဲ
စိတ်ကျက်စားနေကြတဲ့အတွက်
တကယ့်အနှစ်စစ်အနှစ်မှန်ကို
ဘယ်တော့မှ
မရနိုင်ကြတော့ပါဘူး။
ဓမ္မပဒဂါထာ (၁၂)
သာရဉ္စ သာရတော ဥတွာ၊ အသာရဉ္စ အသာရတော။
တေ သာရံ အဓိဂစ္ဆန္တိ၊ သမ္မာသင်္ကပ္ပဂေါစရာ။
အနှစ်သိမှ အနှစ်ရှိမယ်
အနှစ်ကို
အနှစ်လို့
သိပြီး
အကာကို
အကာလို့
မြင်တဲ့သူတွေဟာ
အတွေးမှန်
အကြံမှန်
အယူအဆမှန်တွေမှာပဲ
စိတ်ကျက်စားနေကြတဲ့အတွက်
တကယ့် အနှစ်စစ်အနှစ်မှန်ကို
အပြည့်အ၀
ရရှိနိုင်ကြပါတယ်။
[အရှင် ဆန္ဒာဓိက ၏ စိတ်အားဖြင့်ဓမ္မပဒ စာအုပ်မှ ပြန်လည်ကူးယူဖော်ပြပါသည်]
No comments:
Post a Comment