(၁)
မာယာခါးသက်သက်နဲ့
ရှင်သန်နေရတဲ့ ဘ၀မှာ
ဟန်ဆောင်တာတွေ
ဘာလို့ လိုအပ်နေတာလဲ
ငယ်တုန်းကလို မဖြူစင်တော့တာဟာ
လောကကြီးရဲ့ ပျိုးထောင်မှုတွေကြောင့်လား???
(၂)
မင်းကို မလွမ်းဘူးဆိုပြီး
ငါ့ခေါင်းကိုသာ တွင်တွင်ခါယမ်းနိုင်ပေမယ့်
ညစဉ် အိမ်မက်ထဲကို
မင်းရောက်ရောက်လာတတ်တာကိုတော့
ငါလုံးဝ မငြင်းနိုင်ခဲ့ပါဘူး မေ .....။
(၃)
လေးမတင်နိုင်လို့
မယ်သီတာကိုမရတဲ့ ဒဿကို
အချစ်ရှုံးသမားလို့ပြောရင်
လေးတင်နိုင်ပါလျက်နဲ့
မတင်ခဲ့တဲ့ ညီတော်လက္ခဏာကို
ဘယ်လိုပြောမလဲ???
(၄)
မေတ္တာ - မတွေ့ရလည်း နေနိုင်သည်။ အေးငြိမ်းချမ်းသာ၏။
ကိလေသာ အချစ် - မတွေ့ရ မနေနိုင် ပူလောင်ပြင်းပြ၏။
မေတ္တာ - အနှောင်အဖွဲ့ မရှိ။
ကိလေသာ အချစ် - နှောင်ဖွဲ့ချုပ်နှောင်တတ်၏။
(၅)
သန့်စင်၍ ညီညွတ်မျှတသော စာရိတ္တကို အလိုရှိသူများသည် ဦးစွာ အမျိုးသားရေးဘ၀ကို စီမံရ၏။
အမျိုးသားရေးဘ၀ကို စီမံရန် လိုလားသူများသည် မိသားစုဘ၀ကို စနစ်ကျရ၏။
မိသားစုဘ၀ကို စနစ်ကျလိုသူသည် မိမိဘ၀ကို ပြုစုပျိုးထောင်ရ၏။
မိမိဘ၀ကို ပြုစုပျိုးထောင်ရန် လိုလားသူသည် မိမိနှလုံးသားကို တည့်မတ်ရ၏။
မိမိနှလုံးသားကို တည့်မတ်လိုသူသည် မိမိစိတ်ကို ဖြူစင်ရ၏။
မိမိစိတ်နှလုံးကို ဖြူစင်လိုသူသည် မှန်ကန်စွာ သိမြင်ရ၏။
မှန်ကန်စွာသိမြင်လာသည့်အခါ မိမိစိတ်သည် သန့် စင်လာ၏။
မိမိစိတ်သည် သန့်စင်လာသောအခါ မိမိနှလုံးသားသည် တည့်မတ်လာ၏။
မိမိနှလုံးသား တည့်မတ်လာသည့်အခါ ပုဂ္ဂလိကဘ၀ ရှင်သန်ဖွံ့ဖြိုးလာ၏။
ပုဂ္ဂလိကဘ၀ ရှင်သန်ဖွံ့ဖြိုးလာသည့်အခါ အမျိုးသားရေးဘ၀သည် ညီညွတ်မျှတလာ၏။
အမျိုးသားရေးဘ၀ ညီညွတ်မျှတလာသည့်အခါ ကမ္ဘာ့ငြိမ်းချမ်းရေးလည်း တည်လာတော့၏။
(၆)
Regular learning is crucial when you want to improve your specialized skills.
(၇)
အမှန်တရားဆိုတာကို ပြောပြဖို့အတွက် စကားလုံးတွေ အများကြီးမလိုပါဘူး။
အမှန်တရားဆိုတဲ့ စကားလုံးကိုပဲ အသံထွက်မှန်အောင် ပြောတတ်ဖို့ လိုပါတယ်။
(၈)
နင်ချစ်နေမှန်း ငါသိတယ်...
ဒါပေမယ့်...
ငါက ချစ်တယ်လို့ပြောတဲ့အခါ...
နင့်ကို ချစ်-မချစ် စဉ်းစားပါရစေဦးလို့ နင်ပြောမှာကို သိနေတော့...
ငါဘာလုပ်သင့်သလဲ?
(၉)
မဖြစ်နိုင်တော့တဲ့ အခြေအနေတွေနဲ့ ရင်ဆိုင်ရတော့မယ်လို့ ခံစားရတဲ့အချိန်တိုင်း ဆန္ဒတွေက နောက်ဆုတ်သွားတတ်ပါတယ်။
(၁၀)
ပန်းလိုချင်လို့ ပျိုးခဲ့တာပါပဲ။
ဒါပေမယ့်...
ပိုးမွှားတွေကတော့ အလိုလိုရောက်လာခဲ့တဲ့ ဧည့်ဆိုးတွေပါ။
(၁၁)
အချို့သော မုသားတွေအတွက်
ဥပဒေကပေးတဲ့ အပြစ်ထက်
ကံကြမ္မာက ပေးတဲ့အပြစ်က
ပိုပြီး ပြင်းထန်တတ်ပါတယ်။
(၁၂)
ကကြီး လုံးကြီးတင် တစ်ချောင်းငင် အောက်ကမြင့် ကို သတိရပါ့။
(၁၃)
ဖြတ်ကနဲ အကြည့်ချင်းဆုံ
ရင်ထဲမှာ သိမ့်ကနဲတုန်
ဖန်သားပေါ်က မင်းမျက်နှာ
ကိုယ့်ကို ကြည့်နေတာမှ မဟုတ်တာ
ကင်မရာကို စူးစိုက်ကြည့်
ငါရူးမိုက်စွာ ရင်ခုန်၏
မင်းလည်း မသိ
ဘယ်သူမှ မသိ
ကိုယ်တစ်ယောက်တည်း ကျိတ်ငိုမိ
ခေါင်းအုံးလေးသာ သက်သေရှိ။
(၁၄)
ဝေးမယ်ဆိုရင်တောင် ခေါင်းနဲ့ပန်းလိုပဲ နီးလျက်နဲ့ ဝေးချင်ပါတယ်။
ဘာကြောင့်လဲဆိုတော့....
တစ်ခါတရံ သတိရ၊ လွမ်းဆွတ်တဲ့အခါ မင်းနောက်ကျောလေးကိုပဲဖြစ်ဖြစ်
နောက်ပြန်လှည့်ပြီး ခိုးကြည့်နိုင်တယ်လေ။
(၁၅)
သဗ္ဗေသတ္တာ ကမ္မသကာ -
သတ္တ၀ါမှန်သမျှ မိမိ၏ ကောင်းမှု၊ မကောင်းမှုသည်သာလျှင် ကိုယ်ပိုင်ဥစ္စာ ရှိကြပါတကား။
ဒါပေမယ့် ပထမဆုံးတင်ပေးတဲ့ ပို့စ်မှာကတည်းက ကျွန်တော်ပြောခဲ့ဖူးတာ ရှိပါတယ်။ ဂျီတော့ခ်မှာ တင်ပေးထားတဲ့ စတေးတပ် မက်ဆေ့ခ်ျလေးတွေကိုဖတ်ပြီး အဲဒီလူဟာ ဘယ်လိုလူမျိုးလဲဆိုတာကို အပြည့်အ၀မဟုတ်တောင် အနီးစပ်ဆုံး ခန့်မှန်းလို့၊ ကောက်ချက်ချလို့ရကြောင်း ရေးခဲ့ဖူးပါတယ်။ စာသားတွေကို ခဏခဏပြောင်းတတ်တဲ့ လူတွေများဆိုရင် ပိုလို့တောင်မှ ခန့်မှန်းရ လွယ်ကူပါသေးတယ်။ မယုံမရှိပါနဲ့ မိတ်ဆွေ။ ကျွန်တော်က ကိုယ်တွေ့ပါ။ လုံးဝမသိတဲ့၊ မရင်းနှီးတဲ့ လူအနည်းငယ်ကို သူတို့ဘာဖြစ်နေတယ်၊ ဘယ်လိုစိတ်ထားရှိတယ်ဆိုတာကို ကျွန်တော်ပြောပြဖူးပါတယ်။ သူတို့ကိုယ်သူတို့ အံ့သြရတဲ့အထိ ဆိုပါတော့။ အဲဒီအထဲမှာ လက်ရှိဘ၀ကို စိတ်ဓာတ်ကျနေတဲ့ ညီငယ်တစ်ယောက်နဲ့၊ စိတ်လေနေတဲ့ ညီမငယ်တစ်ယောက် ပါပါတယ်။ ကျွန်တော်တတ်နိုင်သမျှ၊ စေတနာအရင်းခံနဲ့ အားပေးခဲ့ပါတယ်။ စိတ်ဓာတ်တွေ မြှင့်တင်ပေးခဲ့ပါတယ်။ အခုစာဖတ်သူတွေထဲမှာ အဲဒီညီငယ်၊ ညီမငယ်တွေ ပါကောင်းပါနေပါလိမ့်မယ်။
အဲဒီလိုဆိုတဲ့အတွက် ကျွန်တော့်ကို ဟုတ်လှချည်လားလို့လည်း မထင်စေလိုပါ။ ကျွန်တော်ပြောခဲ့သလို အနီးစပ်ဆုံးသာ ဖြစ်ပါတယ်။ သောက်တလွဲ ကောက်ချက်ချမိတာတွေလည်း ရှိတာပေါ့ဗျာ။ ဒါပေမယ့် စိတ်ဝင်စားဖို့ကောင်းတာက အဲဒီလူကို ကောက်ချက်ချတာသာ မှားတာပါ။ အဲဒီစာသားတွေအတွက်တော့ မမှားဘူးခင်ဗျ။ နားရှုပ်သွားပါသလား။ ဒီလိုပါ။ ကျွန်တော်ကောက်ချက်ချတဲ့လူက သူတင်ထားတဲ့ စာသားတွေဟာ သူရေးထားတာမဟုတ်ဘဲ အခြားသူငယ်ချင်းတစ်ယောက် တင်ထားတဲ့စာတွေကို သဘောကျတိုင်း ကူးကူးပြီး တင်ပေးထားတာမို့ပါ။ အဲဒီတော့ ကျွန်တော်က သူ့ကိုခန့်မှန်းတာ လွဲချက်ကတော့ ဘယ်ပြောကောင်းမတုန်းဗျာ။ ဒါပေမယ့် သူ့သူငယ်ချင်းကတော့ အနီးစပ်ဆုံး ကျွန်တော်ပြောသလိုဖြစ်ကြောင်း အဲဒီမိတ်ဆွေက ဆိုထားပါတယ်။
ကဲ... ကျွန်တော့်ကိုယ်ကျွန်တော် မဏ္ဍပ်တိုင် တက်ပြနေတာ မဟုတ်ပါဘူး။ ဒီစာသားတွေကိုဖတ်ပြီး ခင်ဗျားတို့ တုံ့ပြန်ပုံနဲ့ ကျွန်တော်ကဖတ်ပြီး တွေးတာ၊ တုံ့ပြန်တာ မတူတဲ့အကြောင်းကို ပြောချင်တာပါ။ လူတစ်ယောက်နဲ့တစ်ယောက် စိတ်ဝင်စားမှု၊ တွေးခေါ်မှု၊ အယူအဆ၊ အမြင်တွေ မတူကြဘူးဆိုတာကို သိစေချင်တာပါ။ တင်ပေးခဲ့ပြီးသား အမှတ်စဉ် (၈)ခုလုံးကို ပြန်ဖတ်ကြည့်စမ်းပါဗျာ။ တကယ့်ကို အနှစ်သာရပြည့်ဝတဲ့ အတွေးလေးတွေ၊ စာသားလေးတွေ အများကြီးကို တွေ့ရမှာပါ။ တချို့စာသားတွေဆိုရင် ကမ္ဘာကျော်ပုဂ္ဂိုလ်တွေရဲ့ အဆိုအမိန့်တွေပါ၊ တချို့ကတော့ ဗီဒီယိုတွေ၊ ရုပ်ရှင်တွေထဲက ဒိုင်ယာလော့ခ်တွေပါ၊ တချို့ကတော့ စာအုပ်တွေထဲကပါ၊ တချို့ကတော့ စကားပုံတွေ၊ ဆောင်ပုဒ်တွေပါ။ အဲ... စိတ်ဝင်စားစရာ အကောင်းဆုံးကတော့ ကိုယ့်စိတ်ထဲမှာရှိတဲ့အတိုင်း ရေးချင်ရာရေးထားတဲ့ စာသားတွေပေါ့ဗျာ။ တချို့က ရယ်ရတယ်၊ တချို့က လန့်စရာကောင်းတယ်၊ တချို့ကျပြန်တော့ သနားစရာ ကောင်းနေပြန်ရော၊ တချို့ကတော့ ......။ စိတ်မကောင်းတာက သဘောကျတဲ့ စာသားတိုင်းကို ပြန်တင်ပေးဖို့ အခွင့်မသာသေးတာပါပဲ။ အခြေအနေနဲ့ အချိန်အခါအရ အချို့သော စကားလုံးများဟာ အဓိပ္ပါယ်နှစ်ခွ၊ တချို့ဆိုရင် သုံးခွလောက် ထွက်စေတာတွေမို့ပါ။ တချို့စာသားတွေကတော့ တစ်ခွတည်းနဲ့ကို တင်လို့မဖြစ်တာတွေ ဆိုပါတော့။ ရှိပါစေဦးတော့လေ။
အို... စာဖတ်သူ၊ ဒီပို့စ်တွေနဲ့ပတ်သက်ပြီး ကြိုက်သလို ထင်မြင်ယူဆပါ။ အပျော်ဖတ်အဖြစ် ဖတ်ချင်လည်းဖတ်ပါ။ တွေးစရာအဖြစ် တွေးချင်လည်းတွေးပါ။ ရေးစရာအဖြစ် ရေးချင်ရင်လည်းရေးပါ။ အလကားဟာတွေလို့ ယူဆရင်လည်း ဒီပို့စ်တွေကို အသာလေးသာ ဥပေက္ခာပြုပြီး ကျော်ခွသွားလိုက်ပါ။ သင့်စိတ်ဆန္ဒအတိုင်းသာ ဖြစ်ပါတယ်။ ဒီပို့စ်တွေမှာ စာဖတ်သူအတွက် တစ်ခုခု အမြတ်ကျန်ခဲ့မယ် ဆိုတာမျိုး အပိုင်တပ်အပ် မပြောနိုင်သော်လည်း တစ်ခုခုတော့ တွေးစရာ ရသွားမယ်လို့တော့ ယုံကြည်မိပါတယ်။ လူတစ်ဦးချင်းစီရဲ့ စိတ်ခံစားမှု စာသားလေးတွေကိုဖတ်ပြီး သူတို့ရဲ့ စိတ်အခြေအနေတွေကို မြင်အောင်ကြည့်ရတာ၊ ပုံဖော်ကြည့်ရတာ ဘယ်လောက်စိတ်ဝင်စားစရာ ကောင်းသလဲဆိုတာကို နည်းနည်းလောက်ဖြစ်ဖြစ် စမ်းသပ်ကြည့်စေချင်ပါတယ်။
ကျေးဇူးတင်ထိုက်သူအားလုံးကို ကျေးဇူးတင်ပါတယ်နော်။
ကိုဉာဏ် (ပန်းလောင်မြေ)
၂၀၁၀ ပြည့်နှစ်၊ ဧပြီလ ၂၈ ရက်၊ ဗုဒ္ဓဟူးနေ့။
နေ့လည် ၂ နာရီ ၀၃ မိနစ်တွင်ပြီး၏။
No comments:
Post a Comment