ဒီအပတ်ထုတ် Weekly Eleven News ဂျာနယ်ကို အတော်လေးကို သဘောကျနေမိတယ်။ အခြားသူတွေအတွက် သေချာပေါက် မဆိုနိုင်ပေမယ့် ကျွန်တော့်အတွက်တော့ စိတ်ဝင်စားစရာတွေ အများကြီးပါလာတယ်။ အချို့သော ဆောင်းပါးတွေ၊ သတင်းတွေကို ခဏခဏပြန်ဖတ်ပြီး စဉ်းစားခန်းဝင်၊ အတွေးကွန့်မြူးနေမိတယ်။ Eleven ဂျာနယ်ကို ယူလာပြီဆိုတာနဲ့ ကျွန်တော်ပထမဆုံး လုပ်နေကျအလုပ်ဖြစ်တဲ့ ဂျာနယ်ရဲ့ အလယ်တစ်ဝက်ကိုလှန်၊ ဆရာလူထုစိန်ဝင်း ဘာရေးထားသလဲ ဆိုတာကို အရင်ဆုံးဖတ်ဖြစ်တယ်။ အချို့အပတ်တွေမှာများ ဆရာလူထုစိန်ဝင်းရဲ့ ဆောင်းပါးမပါခဲ့ရင် ဘယ်လိုကြီးမှန်းကို မသိတော့ဘူး။ အခြားဆောင်းပါးတွေ၊ စာတွေကလည်း ဖတ်လို့ကောင်းပေမယ့် ကျွန်တော့်စိတ်ထဲမှာ ဆားမပါတဲ့ဟင်းလို ပေါ့ပျက်ပျက်ကြီး ဖြစ်သွားရတတ်တယ်။
ထားပါလေ၊ ဒါတွေက အရေးမကြီးပါဘူး။ ပြောချင်တာက ဒီအပတ်ထုတ် Eleven ဂျာနယ်ထဲက ကျွန်တော်စိတ်ဝင်စားတာတွေထဲက တစ်ခုဖြစ်တဲ့ ဆရာတင်နိုင်တိုးရဲ့ မြန်မာ့နိုင်ငံရေးသမိုင်း လေ့လာချက် ဆိုတဲ့ခေါင်းစဉ်အောက်မှာ ကိုလိုနီခေတ် သမိုင်းဝင် မဂ္ဂဇင်းတစ်စောင် ဆိုပြီး ရေးထားတဲ့ ဆောင်းပါးထဲမှာပါတဲ့ ငရဲခွေးကြီးလွတ်နေသည်ဆိုတဲ့ အကြောင်းအရာလေးပါပဲ။
အကုန်လုံးကို ပြန်ရိုက်ပြီး တင်ပေးမနေတော့ဘဲ ကျွန်တော်ပြောချင်တဲ့ အဲဒီပေးစာနဲ့ ဆက်နွယ်တာတွေကိုပဲ နည်းနည်းတင်ပြပါရစေ။ ပထမဆုံးအနေနဲ့ အိုးဝေမဂ္ဂဇင်းဆိုတဲ့ အမည်ရလာတဲ့အကြောင်းကို ဆရာတင်နိုင်တိုး ရှင်းပြထားတာက ဒီလိုပါ။ အိုးဝေမဂ္ဂဇင်းရဲ့ မူလအမည်က ရန်ကုန်တက္ကသိုလ် ကျောင်းသားများသမဂ္ဂအသင်း မဂ္ဂဇင်း ဖြစ်ပါတယ်။ အဲဒီအမည်ကို တာဝန်ခံအယ်ဒီတာ ကိုအောင်ဆန်း (နောင် ဗိုလ်ချုပ်အောင်ဆန်း) က ပြောင်းချင်တယ်။ ၀ိုင်းဝန်းစဉ်းစားကြပြီး ရောင်နီ၊ ရောင်ဖြူ၊ ရောင်ခြည်သစ် စတဲ့အမည်တွေကို အကြံပြုခဲ့ကြတယ်။ ကိုသိန်းတင် (ညိုမြ) က အငြိမ့်မင်းသမီး ဒေါင်းယဉ်ပျံ သီဆိုသည့် အိုးဝေသီချင်းကို စွဲနေတဲ့အတွက် အိုးဝေ လို့ အမည်ပေးဖို့ အကြံပြုခဲ့တာကို ကိုအောင်ဆန်းကလည်း သဘောကျလို့ အဲဒီအမည် အတည်ဖြစ်သွားရတာပါတဲ့။
အခုပြောမယ့် ငရဲခွေးကြီးလွတ်နေသည် ပေးစာက ၁၉၃၆ ခု၊ ဇန်န၀ါရီလတွင် ထုတ်ဝေသည့် အိုးဝေမဂ္ဂဇင်း၊ အတွဲ ၅၊ အမှတ် ၁ ထဲမှာ ဖော်ပြပါရှိခဲ့တာ ဖြစ်ပါတယ်။ အဲဒီမဂ္ဂဇင်းမှာ Points From the Letter လို့ အမည်ပေးထားတဲ့ ပေးစာကဏ္ဍပါရှိပါတယ်။
အဲဒီပေးစာကဏ္ဍမှာ The Hell Hound At Large (ငရဲခွေးကြီးလွတ်နေသည်) ဟူသည့် စာတိုကလေးသည် အင်္ဂလိပ်ဘာသာဖြင့် ပါဝင်လာပါသည်။ ရေးသားသူသည် Yamamin (ယမမင်း) ဟူသော အမည်ဝှက်ဖြင့် ရေးသားခဲ့ခြင်း ဖြစ်ပါသည်။ ထိုစာတိုထဲတွင် နယ်ချဲ့လက်ကိုင်တုတ်အဖြစ် အ၀ီစိသို့ ကျရောက်လာသော ခွေးနက်ကြီးတစ်ကောင် ငရဲပြည်မှ ထွက်ပြေးသွားသည်။ ယင်းကို သတိပြုကြပါ။ အထူးသဖြင့် တက္ကသိုလ်နယ်မြေတွင် သောင်းကျန်းနေသည်။ သူ့ကိုတွေ့လျှင် ငရဲပြည် ပြန်ပို့လိုက်ကြပါဟူ၍ ရေးသားဖော်ပြထားသည်။ ပေးစာပါ ခွေးနက်ကြီးဆိုသည်မှာ တက္ကသိုလ် အာဏာပိုင်တစ်ဦးကို ရည်ညွှန်းထားသည်ဟု ဆိုပါသည်။
အဆိုပါပေးစာတိုလေးကို ဖော်ပြရလျှင် အောက်ပါအတိုင်း ဖြစ်ပါသည်-
------------------------------------------------------------------------------------------------------------
The Hell-Hound at Large
Escaped from Awizi, a devil in form of a black dog. Had been during his brief span on earth, Theft, Presumption, Intrigue, Pettifogging, Sadism, Churlishness, Vulgarity, etc. A pimping knave with avuncular pretensions to some cheap wiggling wenches from a well-known Hostel, he was also a hectic popularity-hunter, shamming interest in Games, Concerts, Associations etc., menacing the public places with his wanted presence though generally welcomed everywhere as small-pox. His only distinguishing marks have been the abominable V.D. ulcers on his neck and buboes due to copulation with his own wife.
Will finder please kick him back to Hell?
Yamamin
အဆိုပါစာတွင် ငရဲခွေးအဖြစ် အနှိုင်းခံရသူမှာ ဘာဆာ (Bur Sar) ခေါ် တက္ကသိုလ်ကျောင်းငွေထိန်း ဦးတင်ဖြစ်သည်ဟု ဆိုပါသည်။ ယမမင်းအမည်ခံ ညိုမြ (ဦးသိန်းတင်) သည် နောက်ပိုင်း အိုးဝေအမည်ဖြင့်ပင် စာစောင်ဆက်လက်ထုတ်ဝေခဲ့ပြီး တစ်နေ့တွင် မြန်အောင်ဦးတင် (ယခင် တက္ကသိုလ်ငွေထိန်း ဦးတင်)အား အိုးဝေတိုက်သို့ ပင့်ဖိတ်ကာ ရှိခိုးကန်တော့ခဲ့သည်ဟု ဆိုပါသည်။ နှစ်ဦးစလုံး မျက်ရည်မဆည်နိုင် ရှိကြသည်ဟု ဆိုပါသည်။
အခြားသော သမိုင်းများကတော့ စာဖတ်သူလည်း သိပြီးဖြစ်ပါလိမ့်မည်။ ကျောင်းအုပ်ကြီးက အဆိုပါပေးစာကို ရေးသားသူ မည်သူဆိုသည်ကို ပြောခိုင်းသည်ကို ကိုအောင်ဆန်းက စာနယ်ဇင်းကျင့်ဝတ်အရ မပြောသဖြင့် ကျောင်းထုတ်ဖို့ စီစဉ်တာတွေ၊ အဆိုပါပြဿနာမှတဆင့် ဒုတိယကျောင်းသားသပိတ် ပေါ်ပေါက်ခဲ့တာတွေ စသည်များကို ဤနေရာတွင် ပြန်မရေးပြတော့ပါ။
ဤနေရာတွင် ကျွန်တော်စိတ်ဝင်စားသည်က ဆရာညိုမြ ဖြစ်ပါသည်။ အိုးဝေဟူသည့် အမည်ကို သူအကြံပေးခဲ့သည်။ ငရဲခွေးကြီးလွတ်နေသည် ဆိုသော ပေးစာကို သူပဲရေးခဲ့သည်။ နောက်ပိုင်းတွင် အဆိုပါပေးစာထဲတွင် ငရဲခွေးအဖြစ် ရည်ညွှန်းရေးသားခဲ့သူကို ကိုယ်တိုင်ရှိခိုးကန်တော့ တောင်းပန်ခဲ့သည်။ ဆက်တွေးမိသည်ကတော့ အများကြီးဖြစ်ပါသည်။
ဘာပဲဖြစ်ဖြစ် ကိုလိုနီခေတ် သမိုင်းဝင်မဂ္ဂဇင်းတစ်စောင်ဆိုသည့် စိတ်ဝင်စားဖွယ် ဆောင်းပါးအတွက် ပြုစုရေးသားသူ ဆရာတင်နိုင်တိုးကိုလည်းကောင်း၊ ထည့်သွင်းဖော်ပြခဲ့သည့် Weekly Eleven ဂျာနယ်ကိုလည်းကောင်း ကျေးဇူးတင်မိပါသည်။ အခြားသူများလည်း ဖတ်မိကြပါစေဟူသော ရည်ရွယ်ချက်ဖြင့် အကျဉ်းချုံး၍ ပြန်လည်တင်ပြခြင်း ဖြစ်ပါသည်။
ကိုဉာဏ် (ပန်းလောင်မြေ)
၂၀၁၀ ပြည့်နှစ်၊ ဧပြီလ ၂၈ ရက်၊ ဗုဒ္ဓဟူးနေ့။
နံနက် ၉ နာရီ ၄၇ မိနစ်တွင်ပြီး၏။
ဓာတ်ပုံ - Eleven Media Group မှ ရယူ၍ ပြန်လည်ဖော်ပြပါသည်။
No comments:
Post a Comment