မနေ့ကပေါ့ဗျာ

မနေ့ကပေါ့ဗျာ။
ညနေပိုင်းမှာ အပတ်စဉ်ယူနေကျ ဂျာနယ်တွေသွားယူပါတယ်။ Weekly Eleven နဲ့ Monitor ရတယ်။ မော်နီတာဂျာနယ်ရဲ့ အချပ်ပိုကို အပေါ်ဆုံးမှာတင်ပြီး ခေါက်ထားတာဖြစ်လေတော့ မမြင်ချင်လည်း မြင်နေရတယ်။ လျှပ်တစ်ပြက်က အချပ်ပိုတွေရဲ့ပုံစံမျိုးဖြစ်အောင် ဆရာမြတ်ခိုင် လုပ်နေသလားမသိဘူး။ ဒါပေမယ့် မနေ့က မော်နီတာရဲ့ အချပ်ပိုကတော့ ထူးခြားလို့နေပြန်သေးတော့သည်။ ဂျာနယ်စာမျက်နှာ (၄)ခုစာကို မဖြတ်မတောက်ဘဲ တစ်ဆက်တည်း ရိုက်နှိပ်ဖော်ပြထားတယ်။ လုပ်တတ်ပါပေ့ ဆရာမြတ်ခိုင်ရယ်။ အချပ်ပိုစာရွက်မှာ ထူးခြားမှုများနိုင်လွန်းတဲ့ ၂၀၁၀ ဆိုတဲ့ စာသားပြူးပြူးပြဲပြဲကြီးနဲ့အတူ မင်္ဂလာဈေးမီးလောင်ကျွမ်းမှု၊ ပက်ကြားအက်တွေကြားက လှေငယ်လေးတစ်စီးပေါ်မှာ ကလေးငယ်နှစ်ယောက် ထိုင်နေတဲ့ပုံ၊ ဒူးဆစ်ရောက်ခါနီး ရေတွေကြားမှာ ထီးကိုယ်စီးနဲ့ မှတ်တိုင်မှာရပ်ပြီး ဘတ်စ်ကားစောင့်နေကြတဲ့ ခရီးသွားတွေရဲ့ပုံတွေကို အချိုးညီပေါင်းစပ်ပြီး ရောင်စုံအချပ်ပိုအဖြစ် ဖော်ပြထားပါတယ်။ အချပ်ပိုကို ဖြန့်လိုက်ရင်ကို လူတစ်ယောက်ရဲ့ အရပ်ထက်ဝက်လောက်ရှိတယ်။ စားပွဲပေါ်တင်ဖတ်ရင်တောင် ဖြန့်လို့မဆန့်တဲ့ ဆိုဒ်ပေါ့။ ဘာတွေထွင်ပြန်ပြီလဲလို့ပဲ မေးရမယ်ထင်ပါ့။

မနေ့ကပေါ့ဗျာ။
အခန်းမှာ မော်နီတာဂျာနယ်ကို အရင်ဆုံးဖတ်ဖြစ်တယ်။ ကုလသမဂ္ဂအထွေထွေအတွင်းရေးမှူးချုပ်ဟောင်း ဦးသန့်ရဲ့ မျက်နှာဖုံးပုံနဲ့အတူ မငိုနဲ့ကွယ်ဆိုတဲ့ ဦးသန့်(သီလ၀)ရဲ့ ကဗျာတစ်ပုဒ်ကို ဖတ်ရတယ်။ ဂျာနယ်အထဲစာမျက်နှာတွေမှာလည်း ဦးသန့်အကြောင်းအရာတွေက လွှမ်းမိုးထားတာ တွေ့ရတယ်။ ကမ္ဘာ့အလယ်တွင် မြန်မာကို ထင်ရှားစေခဲ့သည့် ဦးသန့်ဆိုတဲ့ ခေါင်းစဉ်နဲ့ဆောင်းပါးမှာ ဓာတ်ပုံဝေေ၀ဆာဆာနဲ့ ရေးသားဖော်ပြထားတာ စာမျက်နှာ (၂)ခုစာပါပဲ။ နောက်တစ်ရွက်ကျတော့ ဦးသန့်ထံ တိုက်ရိုက်ပေးစာဆိုပြီး ၁၉၇၁ ခုနှစ်က ရှုဒေါင့်ဂျာနယ်မှာ ရေးသားခဲ့တဲ့ ဆရာသာဓုရဲ့စာကို ဖော်ပြထားတာ တွေ့ရတယ်။ အဲဒီစာထဲမှာ ဆရာသာဓုက ဦးသန့်ကို "ကိုကြီးသန့်"လို့ ခေါ်တာ၊ နောက်ပြီးတော့ "ကမ္ဘာ့ကုလသမဂ္ဂအတွင်းဝန်ချုပ်" ဆိုတဲ့ အသုံးအနှုန်းရယ်ဟာ စိတ်ဝင်စားစရာပါ။ ဦးသန့်တစ်ယောက် သူ့ရာထူးကနေ နုတ်ထွက်မယ်ဆိုတဲ့ သတင်းကြားလို့ မကျေမနပ်ဖြစ်ပြီး ရေးတဲ့စာပါ။ ဟော.. နောက်တစ်မျက်နှာကျတော့ ကာတွန်းထဲက ဦးသန့်ဆိုပြီး တစ်မျက်နှာစာ ရေးထားပြန်ပါရောလား။ စုစုပေါင်း ကာတွန်း(၄)ကွက် ဖတ်ရပါတယ်။ စိတ်ဝင်စားစရာ၊ သဘောကျစရာပါ။ ဂျာနယ်ရဲ့အတွင်းဆုံး စာမျက်နှာ(၂)ခုမှာတော့ ဦးသန့်၏ ကိုယ်ရေးအကျဉ်းဆိုပြီး ဖော်ပြထားပါတယ်။ ပြီးတော့ သူနဲ့ဆိုင်တဲ့ ဓာတ်ပုံတွေကို ဖော်ပြထားပါတယ်။ ဦးသန့်ကျွန်းတို့၊ အိန္ဒိယ၀န်ကြီးချုပ် အင်ဒီရာဂန္ဓီနဲ့ တွေ့ဆုံတဲ့ပုံတို့၊ ပုပ်ရဟန်းမင်းကြီးနဲ့ တွေ့တဲ့ပုံတို့၊ ဆူဟာတိုနဲ့ တွေ့ဆုံတဲ့ပုံတို့၊ သူ့မိခင် ဒေါ်နန်းသောင်နဲ့အတူ ရိုက်ထားတဲ့ဓာတ်ပုံ စသည်ဖြင့် အစုံပါပဲ။ အဖိုးတန်ပါတယ်။ ဦးသန့်ဂူဗိမာန်ကို ဘန်ကီမွန်းဂါရ၀ပြုနေတဲ့ပုံတောင် ပါလိုက်သေးရဲ့။ အဲဒီဂျာနယ်ထဲမှာပဲ "ဒီမိုကရေစီရလို့ကတော့ မြတ်ခိုင်ကို အမှုန့်ချေပစ်ချင်သူများသို့" ဆိုတဲ့ ခေါင်းစဉ်နဲ့ ပေးစာလိုလို၊ ဆောင်းပါးလိုလို ခပ်တိုတိုရေးထားတဲ့ အသက်(၈၉)နှစ် ရှိပြီလို့ ဆိုထားသော "ဘဘ" ဆိုသူရဲ့ စာကလည်း စိတ်ဝင်စားစရာပါ။

မနေ့ကပေါ့ဗျာ။
အဲဒီလိုဖတ်နေတုန်း ဂျာနယ်အတူဖတ်နေတဲ့ ညီငယ်က အလန့်တကြားနဲ့ လှမ်းအော်ပါတယ်။ "ကိုဉာဏ် ဒီမှာလာဖတ်ကြည့်ဦး" တဲ့။ ဘာတုန်းဆိုပြီး ထသွားကြည့်ရပါတယ်။ Weekly Eleven ဂျာနယ်ထဲမှာပါတဲ့ ဆရာလူထုစိန်ဝင်းရဲ့ "ကိုယ့်အလုပ်ကိုယ် လေးစားသလို၊ သူ့အလုပ်ကိုလည်း လေးစားပါ" ဆိုတဲ့ ဆောင်းပါးတစ်ပုဒ်ကို ပြတာပါ။ ဆောင်းပါးတစ်ပုဒ်လုံးကို ဖတ်ခိုင်းတာ မဟုတ်ပါဘူး။ သီးသန့်ရွေးထုတ်ပြီး ဟိုက်လိုက်လုပ်ထားတဲ့ စာသားအချို့ကိုပါ။ "ရေးတဲ့နေရာမှာ ဆင်ခြင်ရပေမယ့် မေ့တဲ့နေရာမှာတော့ မျိုးစုံအောင် မေးရမှာပါပဲ။ လှည့်ပတ်မေးနည်း၊ အစ်အောက်မေးနည်း၊ ဆွမေးနည်း၊ မြှောက်ပင့်မေးနည်း၊ ချောင်ပိတ်မေးနည်း စတဲ့ နည်းမျိုးစုံသုံးပြီး မေးကြရမြဲဖြစ်ပါတယ်..." ဆိုတဲ့ စာသားလေးတွေပါ။ ဘာကိုဆိုလိုမှန်း ချက်ချင်းသဘောပေါက်လိုက်ပါတယ်။ အတော်လေးလည်း ဖတ်ချင်သွားတယ်။ အဲဒီဆောင်းပါးကို ဖတ်ချင်လွန်းလို့ စောင့်နေရတာ ကြာပေါ့လို့တောင် ဆိုရမယ်။ ဖတ်ကြည့်တဲ့အခါ ကျွန်တော်သိချင်တဲ့ အကြောင်းအရာကို အဓိကပြောထားခြင်း မရှိဘူး။ ဂျာနယ်လစ်ဇင်ရဲ့ သဘောသဘာဝတွေကို အရင်ဆုံးရှင်းပြနေတယ်။ အင်တာဗျူးတွေနဲ့ ပတ်သက်တာကိုတော့ အတော်များများ ရှင်းပြရေးပြထားတယ်။ ကျွန်တော်ဖတ်ချင်တဲ့အကြောင်းက မရောက်နိုင်ဘူး။ ဒါပေမယ့် ဆရာလူထုစိန်ဝင်းက မျှော်လင့်ချက်ပေးသွားပြန်ပါတယ်။ "နောက်တစ်ပတ် ဒီအကြောင်း ဆက်ရေးပါဦးမယ်" တဲ့။ အဲဒါကြောင့်လည်း လူထုစိန်ဝင်း ဖြစ်နေတာပေါ့။ နောက်တစ်ပတ်ဖတ်ရမှာကို နည်းနည်းတော့ လန့်နေမိတယ်။ ဂျာနယ်လစ်ဇင်အကြောင်းကို ဒီလောက်နိဒါန်းပျိုးနေတယ် ရှင်းပြနေတယ်ဆိုကတည်းက ဆရာဘာဆက်ပြောတော့မယ်ဆိုတာကို ခန့်မှန်းလို့ရနေပြီ။ ကျွန်တော်တစ်ခုတော့ သိလိုက်သလိုပဲ။ ဆရာလူထုစိန်ဝင်းက သူပြောတာအမှန်ဖြစ်ချင်ရင်လည်း စာအုပ်ကြီးအတိုင်း လုပ်ပစ်တတ်တယ်။ တစ်ခါတစ်လေကျတော့လည်း သူလုပ်ချင်တဲ့အတိုင်းလုပ်ပြီး ဘောင်တွေစည်းတွေကနေ လွတ်နေပြန်ပါရော။ သူလည်းလေ လောကီသားပေမို့ဆိုပြီး နားလည်ပေးလို့ရပါတယ်။ ဒါပေမယ့် လွန်ခဲ့တဲ့တစ်ပတ်ကျော်လောက်က ဖတ်ခဲ့ရတဲ့ Voice ဂျာနယ်ရဲ့ အယ်ဒီတာ့အာဘော်တစ်ခုကို သတိရမိတော့လည်း ကျွန်တော့်မှာ အတွေးတလည်လည် ဖြစ်ရပြန်တာပေါ့။ ဘာပဲဖြစ်ဖြစ် နောက်တစ်ပတ်မှာတော့ စောင့်ဖတ်ရဦးမှာပေါ့။

မနေ့ကပေါ့ဗျာ။
အခွေဆိုင်မှာ အခွေသွားရှာရင်း Robbin Hood ဇာတ်ကားတွေ့လို့ ၀ယ်လာခဲ့တယ်။ ဇာတ်ကားအကြည်ဆိုလို့ ဈေးကြီးပေးခဲ့ရတယ်။ အခန်းပြန်ရောက်လို့ ကြည့်တဲ့အခါကျမှ ခိုးရိုက်ထားတဲ့ မှုန်ဝါးဝါးအခွေ ဖြစ်နေတယ်။ ဇာတ်ကားကြည့်နေတဲ့တစ်လျှောက်လုံး ညာဖက်ထောင့်မှာ ဆံပင်အုံထူထူနဲ့ ဦးခေါင်းတစ်လုံးကို မမြင်ချင်လည်း မြင်နေရတာ အတော်ဆိုးတယ်။ မျက်လုံးကိုအတော်အားစိုက်ပြီး ကြည့်လိုက်ရတယ်။ ကိုယ့်ပိုက်ဆံကို လိမ်ယူလိုက်တယ်လို့ ခံစားရတဲ့အတွက် ဒီနေ့ညနေကျရင်တော့ အဲဒီဆိုင်ကို သွားပြောဖြစ်အောင်ကို ပြောရဦးမယ်။

ဒီနေ့တော့ ဒီမျှနှင့် တော်ကြဦးစို့ရယ်...။ နောက်နေ့များမှ ဆက်ကြသေးတာပေါ့။ ပျော်ရွှင်ကြပါစေဗျာ။

အမှတ်တရ
ကိုဉာဏ် (ပန်းလောင်မြေ)
၂၀၁၀ ပြည့်နှစ်၊ ဇွန်လ ၁ ရက်၊ အင်္ဂါနေ့။
နေ့လည် ၂ နာရီ ၁၆ မိနစ်တွင်ပြီး၏။