2010 World Cup Review (3rd Place, 10 July)

ဥရုဂွေး ၂ - ၃ ဂျာမနီ

တစ်ခုတည်းသော တောင်အမေရိကတိုက်လက်ကျန် ဥရုဂွေးအသင်းနဲ့ ဥရောပတိုက်ရဲ့ ကမ္ဘာ့ဖလားသမိုင်း အစဉ်အလာအကြီးဆုံး ဂျာမနီတို့ပွဲဟာ နိုင်ငံအသင်းရဲ့ ဂုဏ်သိက္ခာအတွက်၊ ပရိသတ်တွေအတွက် ရေကုန်ရေခမ်း ကြိုးစားကစားခဲ့ကြတာမို့ ပွဲကောင်းတစ်ခု ဖြစ်ခဲ့ပါတယ်။ အံ့သြစရာကောင်းတာကတော့ ဒီနေ့ပွဲမှာ ဂျာမနီအသင်းရဲ့ လူထုတ်ပုံပါပဲ။ လူငယ်အများစုကို ပွဲထွက်ကစားခွင့်ပေးခဲ့တာ တွေ့ရပါတယ်။ ဒဏ်ရာရနေတဲ့ ကလိုဆေး၊ ဖိလစ်လမ်းတို့ကို အနားပေးခဲ့ပြီး ရှဝိန်းစတိုင်ဂါကို အသင်းခေါင်းဆောင်ခန့်ပြီး တိုက်ပွဲဝင်စေခဲ့ပါတယ်။ ဥရုဂွေးအသင်းကလည်း ဖော်လန်နဲ့အတူ ပွဲပယ်ပြစ်ဒဏ်က ပြန်လွတ်လာခဲ့တဲ့ ဆွာရက်ဇ်ကို အဓိကထားပြီး ယှဉ်ပြိုင်ခဲ့တယ်။

ဂျာမနီအသင်းမှာ မူလာပြန်ပါလာတာဟာ အတိုင်းအတာတစ်ခုအထိ သိသာခဲ့ပြီး ကံဆိုးစွာဘဲ အိုဇီးလ်ခြေမပေါ်ခဲ့တာကတော့ ဆိုးဝါးခဲ့ပါတယ်။ မူလာနဲ့အိုဇေးလ် အတွဲအဖက်မမိ ဖြစ်နေခဲ့တာကပဲ ဥရုဂွေးတို့ကို ကံကောင်းစေခဲ့ပါတယ်။ ဒါပေမယ့် ကွင်းလယ်က အသင်းခေါင်းဆောင် ရှဝိန်းစတိုင်ဂါ ဒီနေ့ပွဲမှာ အထူးခြေပေါ်အောင် ကစားနိုင်ခဲ့တာ ကျေနပ်စရာပါ။

အသင်းလိုက်ခြေစွမ်းကိုကြည့်မယ်ဆိုရင် ဒီနေ့ပွဲမှာ ဥရုဂွေးအသင်းကတောင် ပိုကောင်းတယ်လို့ ဆိုရပါမယ်။ ဥရုဂွေးအသင်းရဲ့ အချိတ်အဆက်မိမိ အမြန်ပေးတွဲလုံးတွေကို ဂျာမနီနောက်တန်း အသည်းအသန် ဖျက်ထုတ်ကာကွယ်ခဲ့ရပါတယ်။ ဥရုဂွေးအသင်းက ဖိကစားနေခဲ့ပေမယ့် ဂိုးရသွားတာကတော့ ဂျာမနီအသင်းပါ။ ရှဝိန်းစတိုင်ဂါက အမှတ်မထင် အဝေးကန်ချက်ပြင်းကို ဥရုဂွေးဂိုးသမား ပုတ်ထုတ်ရာမှာ ဂိုးရှေ့ကို ပြန်ကျလာပြီး အသင့်လိုက်လာတဲ့ မူလာကပဲ ဒီနှစ်ကမ္ဘာ့ဖလားမှာ သူ့ရဲ့ ပဉ္စမမြောက်ဂိုးအဖြစ် သွင်းယူနိုင်ခဲ့ပါတယ်။ ဒီဂိုးဟာ ရှဝိန်းစတိုင်ဂါရဲ့ ကန်ချက်ပြင်းထန်တိကျမှု၊ ဂိုးသမားရဲ့ နည်းစနစ်အားနည်းမှု၊ မူလာရဲ့ ကျွမ်းကျင်မှုတွေကြောင့် ရရှိခဲ့တာဖြစ်ပါတယ်။ ဂိုးသမားအနေနဲ့ အဲဒီလိုဘောလုံးတွေကို ဂိုးလွန်ဘောဖြစ်အောင် ရှင်းထုတ်သင့်ပေမယ့် မကျွမ်းကျင်မှုကြောင့် ဂိုးရှေ့ကိုပဲ ပြန်ပုတ်ထုတ်ခဲ့မိတာ ဖြစ်ပါတယ်။ စတိုင်ဂါရဲ့ ကန်ချက်ပြင်းတာလည်း ခက်ခဲစေခဲ့သလားတော့ မဆိုနိုင်ဘူး။ လူကျွံဘောလို့ ထင်ခဲ့ကြပေမယ့် ဂိုးသွင်းယူသွားတဲ့ မူလာက လုံးဝလူကျွံခြင်း မရှိခဲ့ပါဘူး။ သူ့ရဲ့ နည်းစနစ်ကျွမ်းကျင်မှုကြောင့် ပြန်ထွက်လာတဲ့ ဘောလုံးနောက်ကို လူကျွံထောင်ချောက်ကနေ လွတ်အောင်ရုန်းထွက်ပြီး ပြေးလိုက်သွားနိုင်ခဲ့တာ ဖြစ်ပါတယ်။ ညာခြေခွင်နဲ့ အသာလေးပဲ ပိတ်သွင်းပြီး ဂိုးယူသွားခဲ့တာပါ။

ဂိုးပေးလိုက်ရတဲ့အတွက် ဥရုဂွေးကစားပုံ ပိုကောင်းလာခဲ့ပြီး ချေပဂိုးရဖို့ ကြိုးစားခဲ့ကြပါတယ်။ ဒါပေမယ့်လည်း ဂျာမနီနောက်တန်း ကစားပုံကောင်းနေခဲ့တာကြောင့် ထင်တိုင်းမပေါက် ဖြစ်နေခဲ့ပါတယ်။ ၂၈ မိနစ်မှာတော့ အလယ်ဘီးကုပ်စက်ဝိုင်းနားမှာ ရှဝိန်းစတိုင်ဂါဆီက လျှောထိုးဖျက်ထုတ်ရယူပြီး အလိုက်သင့်ခင်းပေးလိုက်တဲ့ ဘောလုံးကို ဥရုဂွေးအသင်းက ကာဗာနီက အမှားအယွင်းမရှိ ကန်သွင်းယူခဲ့ပြီး အဖိုးတန်ချေပဂိုး ရယူခဲ့ပါတယ်။

တစ်ဂိုးစီသရေဖြစ်သွားတဲ့အတွက် ပွဲဟာပိုပြီး အကြိတ်အနယ် ဖြစ်လာခဲ့ပါတယ်။ သူတစ်ပြန် ကိုယ်တစ်လှည့် တိုက်စစ်ဆင်ကစားခဲ့ပေမယ့် ခပ်ကြမ်းကြမ်းကစားခဲ့တဲ့ ဥရုဂွေးရဲ့ ကစားဟန်ကြောင့် ဂျာမနီတို့ ထင်တိုင်းမပေါက် ဖြစ်ခဲ့ပါတယ်။ အဲဒါကြောင့်ပဲ ပထမပိုင်းမှာ ဂိုးထပ်မံသွင်းယူနိုင်ခြင်း မရှိခဲ့ဘဲ တစ်ဂိုးစီသရေနဲ့ ပြီးဆုံးခဲ့ပါတယ်။

ဒုတိယပိုင်းမှာလည်း ကစားကွက်ကောင်းနေတဲ့ ဥရုဂွေးတို့ကပဲ ပွဲကိုစိုးမိုးခဲ့ပါတယ်။ အဲဒါကြောင့်လည်း ဒုတိယပိုင်းပွဲချိန် ၅၁ မိနစ်မှာ ညာတောင်ပံက တင်ပေးလိုက်တဲ့ဘောလုံးကို ဒီယေဂိုဖော်လန်က အံ့သြဖွယ်ရာ အဆုံးသတ်မှုအဖြစ် လှလှပပ ကန်သွင်းခဲ့ပါတယ်။ ဖော်လန်ရဲ့ဂိုးဟာ အဆင့်မြင့်လွန်းပြီး ဘယ်လိုမှမထင်မှတ်တဲ့ အနေအထားနဲ့ သွင်းယူသွားခဲ့တာပါ။ ဂျာမနီဂိုးသမား လှုပ်တောင်မလှုပ်လိုက်ရဘဲ မတ်တတ်ရပ်ရင်း လိုက်ကြည့်နေခဲ့ရတာပါ။

တစ်ဂိုးရှုံးသွားတဲ့ ဂျာမနီအသင်းဟာ အဲဒီအချိန်ကျမှ အိပ်ပျော်ရာကနေ နိုးလာသူတစ်ယောက်လို ချေပဂိုးရဖို့အတွက် ပြန်လည်တိုက်စစ်ဆင်မှုတွေ လုပ်လာခဲ့ပါတယ်။ ရှဝိန်းစတိုင်ဂါနဲ့ မူလာတို့နှစ်ယောက်က ကွက်လပ်တွေကို လိုက်ဖြည့်ပြီး ကစားသွားခဲ့တဲ့အတွက် ကစားပုံပြန်ကောင်းလာခဲ့ပါတယ်။ အဲဒါကြောင့်ပဲ ၅၆ မိနစ်မှာ ဂျန်ဆန်က ချေပဂိုးကို သွင်းယူနိုင်ခဲ့တာ ဖြစ်ပါတယ်။ ပြစ်ဒဏ်ဘော ကန်တင်ပေးလိုက်တဲ့ဘောလုံးဟာ ခေါင်းကိုမှန်ပြီး ၀င်သွားခဲ့တာဖြစ်ပါတယ်။

နှစ်ဂိုးစီသရေမို့ နှစ်သင်းစလုံးဟာ အမှားအယွင်းမခံတော့ဘဲ ထိန်းကစားလာတာ တွေ့ရပါတယ်။ ဥရုဂွေးအသင်းက သက်လုံးကျပြီး ဖော်လန်နဲ့တွဲဖက် မကစားနိုင်တဲ့ ကာဗာနီကို စောစောစီးစီး လူစားမလဲခဲ့တာလည်း နည်းပြရဲ့ မှားယွင်းမှုတစ်ခုပါပဲ။ ကာဗာနီဟာ ဖော်လန်အကွက်ဆင်ပေးသမျှကို မသုံးမချနိုင်ခဲ့ဘဲ ဖြုန်းတီးပစ်ခဲ့ပါတယ်။ ညာဖက်ခြမ်းက ဆွာရက်ဇ်ကတော့ အံ့သြဖွယ်ရာခြေစွမ်းတွေ ပြသခဲ့ပါတယ်။ သေချာပေါက်ဂိုးရမယ့် အခွင့်အရေးတွေ ရခဲ့ပေမယ့် ဂိုးကံခေခဲ့တာကြောင့်သာ ဂိုးမရခဲ့တာပါ။

ဒီနေ့ပွဲမှာ နှစ်သင်းစလုံးရဲ့ ဂိုးသမားတွေဟာ နည်းစနစ်အမှားတွေ အများကြီးလုပ်ခဲ့ကြပါတယ်။ ဖော်လန်ရဲ့ဂိုးကလွဲရင် ကျန်ဂိုးတွေအားလုံးဟာ ဂိုးသမားတွေရဲ့ နည်းစနစ်အားနည်းမှုကြောင့် ပေးလိုက်ရတာတွေပါ။

နှစ်ဂိုးစီသရေနဲ့ပွဲသိမ်းပြီး အချိန်ပိုတွေ၊ ပင်နယ်တီတွေအထိ ဆက်ကြည့်ရတော့မယ်လို့ ထင်မှတ်ထားကြတဲ့ ပရိသတ်တွေအတွက် မမျှော်လင့်တဲ့ အဖြစ်အပျက်က ပွဲချိန် ၈၂ မိနစ်ခန့်မှာ ဖြစ်လာခဲ့ပါတယ်။ အိုဇေးလ်တင်ပေးလိုက်တဲ့ ထောင့်ကန်ဘောကို ဥရုဂွေးနောက်တန်းလူတွေရဲ့ လူကပ်ခံထားရခြင်းမရှိတဲ့ ခီဒီရာက ခေါင်းတိုက်သွင်းယူသွားခဲ့ပါတယ်။ ဂိုးပေးလိုက်ရတဲ့အတွက် ဥရုဂွေးအသင်း စိတ်ဓာတ်အနည်းငယ် ကျသွားတာကို တွေ့ရပါတယ်။ ဒါပေမယ့်လည်း ဖော်လန်ဦးဆောင်တဲ့ တိုက်စစ်ဟာ ချေပဂိုးပြန်ရဖို့အတွက် အားထုတ်ခဲ့ကြပါတယ်။

နာကျင်အချိန်ပို ၂ မိနစ်ပေးချိန်မှာ ဥရုဂွေးအသင်း ချေပဂိုးပြန်မသွင်းနိုင်ဘဲ ဖြစ်နေခဲ့လို့ ဒီအတိုင်းပဲ ပြီးတော့မယ်လို့ ထင်မှတ်ထားချိန်မှာ ဂျာမနီနောက်ခံလူက ဆွာရက်ဇ်ကို ဖျက်ထုတ်ပုံကြမ်းတာကြောင့် ပြစ်ဒဏ်ဘောကန်ခွင့် ရခဲ့ပါတယ်။ ဂျာမနီဂိုးရှေ့ အနေတော်နေရာမှာ ကန်ခွင့်ရတဲ့ အလွတ်တည်ကန်ဘောကို ကန်မယ့်လူက ဖော်လန်ပါ။ အချိန်ပို ၂ မိနစ်ကလည်း ပြည့်နေပြီဖြစ်ပါတယ်။ သေချာတာကတော့ ဖော်လန်ကန်ပြီးသွားရင် အချိန်ပြည့်ခရာ မှုတ်တော့မှာပါ။ တစ်ကွင်းလုံးပရိသတ်တွေသာမက တစ်ကမ္ဘာလုံးက ရုပ်သံကြည့်ပရိသတ်တွေအားလုံးရဲ့ စိတ်တွေအားလုံးဟာ အဲဒီအခိုက်အတန့်မှာတော့ ဖော်လန်ကန်မယ့် ဘောလုံးဆီမှာပဲ ရှိနေကြမယ်ထင်ပါတယ်။ အသက်တောင်ရှူကြရဲ့လားလို့ တွေးနေမိတယ်။ ဒိုင်လူကြီးက ကန်သွင်းဖို့ ခရာမှုတ်ချိန်မှာတော့ ဖော်လန်က ဖရီးကစ်ကို ကန်သွင်းနေကျဟန်အတိုင်း ကန်ပါတယ်။ ဘောလုံးဟာ လူတံတိုင်းကို ကျော်သွားပါတယ်။ ဂိုးသမားရဲ့ ညာဖက်ထောင့်ကို အပြင်းသွားနေတဲ့ဘောလုံးဟာ ပိုက်နဲ့လုံးထွေးသွားရမယ့်အစား ဂိုးဘားတန်းကိုထိပြီး အပေါ်ကို ထောင်တက်သွားပါတယ်။ ပရိသတ်တွေရဲ့ အာမေဋိတ်သံနဲ့အတူ ဒိုင်လူကြီးရဲ့ ပွဲသိမ်းခရာသံက ဂျာမနီအသင်းကို တတိယနေရာအတွက် သေချာစေခဲ့ပါတော့မယ်။

Man of the Match - မူလာ (ဂျာမနီ)

အမှတ်တရ
ကိုဉာဏ် (ပန်းလောင်မြေ)
၂၀၁၀ ပြည့်နှစ်၊ ဇူလိုင်လ ၁၂ ရက်၊ တနင်္လာနေ့။
ညနေ ၃ နာရီ ၃၄ မိနစ်တွင်ပြီး၏။