ဆိတ်ဆိတ်တွေး ရေးရေးပေါ် - မောင်မောင်လှိုင် (အပ်စိုက်ကု)

• ဒုက္ခဆင်းရဲတွင်း နစ်နေပေမယ့် မညည်းညူတတ်သူကမှ ကြံ့ခိုင်ကျော်လွှားနိုင်သူ ဧကန်ဖြစ်ပေမည်။

• သေသည့်အထိ နိုးကြားနားလည်မှု မရှိသူသည် လူတုံးလူညံ့သာ ဖြစ်၏။
• တစ်သက်လုံး ထုံထိုင်း၊ ဆင်ခြင်ဉာဏ် ခေါင်းပါးခြင်းသည် အလဟဿ အသက်ရှင်ခြင်းသာတည်း။

• အခြေအနေလိုက်၍ နည်းလမ်းပြောင်းလဲ ကျင့်သုံးတတ်သူသည် လူတော်ဖြစ်၏။
• နူးညံ့သိမ်မွေ့ ကျင်လည်စွာ ကျင့်သုံးအောင်မြင်ပေါက်မြောက်နိုင်သူသည် ပါရမီရှင်ဖြစ်၏။

• နားကြား၍ သိသည်ထက် မျက်မြင်တွေ့ရှိသည်က ပို၍ ကောင်း၏။
• မျက်မြင်သိရှိသည်ထက် နှလုံးသားက သိရှိသည်က ပိုကောင်း၏။

• နိုင်ငံရေးပညာရှင်က "ပြည်သူ" အတွက် ဆွေးနွေးအငြင်းပွား၏။
• နိုင်ငံရေးစားဖားသည် "ကိုယ်ကျိုး" အတွက် ငြင်းခုန်စကားများ၏။

• ပညာတတ်လျှင် "သဘောတရား" ကို ပြောဆိုရှင်းပြတတ်၏။
• အရည်အချင်းရှိလျှင် "ကောင်းကျိုးဆောင်" အောင်မြင်နိုင်၏။

• ကြီးသည့်ကိစ္စကို ငယ်သွားအောင် ပြောင်းလဲခြင်း၊ ငယ်သည့်ကိစ္စကို အပြစ်မမြင်တတ်လျှင် သူရဲကောင်းစိတ်ဓာတ်မျိုးတည်း။
• ကြီးသည့်ကိစ္စကို ငယ်သွားအောင် ပြောင်းလဲခြင်း၊ ငယ်သည့်ကိစ္စကို ပပျောက်သွားအောင် လုပ်နိုင်ခြင်းသည် သူတော်ကောင်းစိတ်ဓာတ်တည်း။

• ပြောပြီးသည့် စကားအတိုင်း ကတိမတည်ခြင်းသည် ယုံကြည်မှု ဒေ၀ါလီခံရတတ်၏။
• ကျင့်ဝတ်သိက္ခာ ထိန်းသိမ်းခြင်း မရှိခြင်းသည် ဂုဏ်သိက္ခာ ဒေ၀ါလီခံရတတ်၏။

• အတ္တစိတ်ဖြင့် သူတစ်ပါးကို ကြည့်လျှင် နေရောင်ကို တိမ်မည်းဖုံးသကဲ့သို့ ဖြစ်မည်။
• အတ္တစိတ်ဖြင့် ကိုယ့်ကိုယ်ကိုယ် ကြည့်လျှင် မျက်စိထဲ မြူမှုန်ဝင်သကဲ့သို့ ဖြစ်မည်။

• "စာနာမှု" သည် အားကောင်းသူတို့ ရှိအပ်သည့်အရာ ဖြစ်၏။
• "ချစ်ခြင်း" သည် နှစ်ဦးနှစ်ဝ၏ စိတ်အတွင်းက လိုလားမှု ဖြစ်၏။
• "လူမှုရေး" သည် နေ့စဉ် အပြန်အလှန် ဆက်ဆံရာမှာ အခြေခံဖြစ်၏။

• မေတ္တာကို နှလုံးသားတွင် ပျိုးထောင်ရ၏။
• ချစ်ခြင်းကို အပြုအမူဖြင့် ပြရာ၏။

• မိဘများက သားသမီးအပေါ် မတွက်ကပ်တတ်။
• လူကြီးလူကောင်းသည် သိမ်ဖျင်းသူအပေါ် မတွက်ကပ်တတ်။
• အမျိုးသားများသည် အမျိုးသမီးများအပေါ် မတွက်ကပ်တတ်။

• ပါးစပ်က "အဟုတ်"၊ စိတ်က "မဟုတ်" သူကို လူအများက ကျိန်ဆဲကြမည်သာ။
• ကိုယ်ကျိုးအတွက် သူတစ်ပါးကို ထိခိုက်စေသူကို လူအများက မုန်းတီးရှောင်ရှားကြမည်သာ။

• ကမ္ဘာမြေတွင် မြစ်ချောင်းများ မရှိလျှင် ရေများ မစီးဆင်းနိုင်။
• နေအိမ်တွင် ပြတင်းနှင့် တံခါးမရှိလျှင် လေ၀င်လေထွက် မရှိနိုင်။
• လူတွင် ကြင်နာတရား မရှိလျှင် မေတ္တာတရား မစီးဆင်းနိုင်။

• ပညာတတ်လျှင် တစ်သက်လုံး လေးစားခံရတတ်၏။
• သိက္ခာရှိလျှင် အမြဲတမ်းတ သတိရခံရတတ်၏။
• အများအကျိုးပြု စွမ်းဆောင်မှုကား ခေတ်အဆက်ဆက် တေးဖွဲ့ဂုဏ်ပြု ခံရတတ်၏။

• ကိုယ်ကျိုးအတွက်သာ ပြောသောစကားကို မည်သူမျှ နားထောင်ခြင်း မပြုလို။
• အများအကျိုးအတွက် ပြောသောစကားကို လူအများ ကြားလိုကြသည်သာ။

[အတွေးအမြင်၊ အမှတ်-၂၂၂၊ စက်တင်ဘာလ ၂၀၁၀၊ စာမျက်နှာ-၁၅၄၊ ၁၅၅ မှ]