အာရှဘောလုံးအဖွဲ့ချုပ် ဥက္ကဋ္ဌဖလား ၂၀၁၀ ချန်ပီယံ ရတနာပုံအသင်းအား ချီးကျူးဂုဏ်ပြုခြင်း

ပထမဆုံးပြောချင်တာက ဘယ်သူပြောခဲ့မှန်းမသိတဲ့ ဆိုရိုးစကားတစ်ခုကို ကျေးဇူးတင်ချင်တာပါ။ အခြားမဟုတ်ပါဘူး။ "ဘယ်တော့မှ မဖြစ်တာထက်စာရင် နောက်ကျတာက ပိုကောင်းတယ်" တဲ့။ သိုးဆောင်းစကားပုံပဲဖြစ်ဖြစ်၊ မျက်နှာဖြူစကားပုံပဲဖြစ်ဖြစ်၊ မျက်နှာမည်းစကားပုံပဲဖြစ်ဖြစ် အဲဒီဆိုရိုးစကားက ဆိုးတော့ မဆိုးဘူးဗျ။ နောက်ကျပြီဆိုရင် အဲဒါလေး သုံးလို့ရတာပေါ့လေ။ အခုလည်း ကျွန်တော်ကိုဉာဏ် အဲဒီဆိုရိုးစကားလေး သုံးပါရစေဦး။

ရတနာပုံအသင်းက အာရှဘောလုံးအဖွဲ့ချုပ် ဥက္ကဋ္ဌဖလားကို ရတာဖြင့် ကြာလှပြီ။ ကျွန်တော်ကိုဉာဏ်က အခုမှ တစ်ရေးနိုးထပြီး ဂုဏ်ပြုတာတွေ၊ ချီးကျူးတာတွေ လုပ်နေလေတော့ မိုးလွန်မှ ထွန်ချတယ်လို့ ဆိုကြဦးမယ် ထင်ပါရဲ့။ ကဲပါဗျာ... ဆိုချင်သလိုသာ ဆိုကြပါတော့။ မှတ်တမ်းတစ်ခုအနေနဲ့ ဂုဏ်ပြုရေးသားလိုက်ချင်တာကြောင့် ဒီပို့စ်ကို ရေးပါတယ်။

ရူးရူးမူးမူး အားပေးနေတဲ့ ရတနာပုံ ပရိသတ်တွေအတွက်.... တစ်ခဲနက် အားပေးခဲ့ကြတဲ့ မြန်မာဘောလုံးပရိသတ်တွေအတွက်...... ကိုယ့်မြေ၊ ကိုယ့်ကွင်း၊ ကိုယ့်ပရိသတ်ရှေ့မှာ အနိုင်မခံ၊ အရှုံးမပေးဘဲ အရိုးကြေကြေ၊ အရေခန်းခန်း ယှဉ်ပြိုင်ကစားခဲ့ကြပြီး အာရှဘောလုံးအဖွဲ့ချုပ် ဥက္ကဋ္ဌဖလား ၂၀၁၀ ကို လက်ဝယ်ပိုင်ပိုင် ရယူနိုင်ခဲ့တဲ့ မြန်မာနိုင်ငံ ကိုယ်စားပြု ရတနာပုံဘောလုံးအသင်းကို အထူးပင် ၀မ်းမြောက်ဂုဏ်ယူမိပါကြောင်း မှတ်တမ်းတင်အပ်ပါတယ်။

အာရှအဆင့်ကလပ်အသင်းပြိုင်ပွဲတွင် မြန်မာနိုင်ငံအတွက် ပထမဆုံးသော အောင်မြင်မှုဖလား ရရှိခဲ့မှု၊ ပြိုင်ပွဲတစ်လျှောက် ရှုံးပွဲမရှိ၊ ပေးဂိုးမရှိစံချိန်ဖြင့် ချန်ပီယံဆုဖလား ရရှိခဲ့သော အောင်မြင်မှု၊ စတင် ကျင်းပခဲ့သည့်နှစ်မှစ၍ နှစ်စဉ်နှစ်တိုင်း (၆-ကြိမ်ဆက်) ဗိုလ်လုပွဲတက်ရောက်နိုင်ခဲ့သည့် အင်အားကြီးအသင်းတစ်ခုကို အနိုင်ယူနိုင်ခဲ့သည့် ရတနာပုံအသင်း၏ အံ့သြဖွယ်အောင်မြင်မှု၊ အာရှဘောလုံးအဖွဲ့ချုပ် ဥက္ကဋ္ဌကိုယ်တိုင် တက်ရောက်ချီးမြှင့်ခဲ့သည့် အဆင့်အတန်းရှိသည့် ပြိုင်ပွဲတစ်ခုကို အောင်အောင်မြင်မြင် ကျင်းပပြုလုပ်ပေးနိုင်ခဲ့သည့် မြန်မာနိုင်ငံဘောလုံးအဖွဲ့ချုပ်၏ အားထုတ်ကြိုးပမ်းမှုနှင့် တာဝန်ရှိသူများ၏ ပံ့ပိုးပေးမှု၊ ရတနာပုံအသင်းကို နိုင်ငံအသင်းအလား တစ်ခဲနက် ညီညီညွတ်ညွတ် အားပေးခဲ့ကြပြီး အောင်မြင်မှုအတွက် မုဒိတာပွားကာ ၀မ်းသာဂုဏ်ယူပေးခဲ့ကြသည့် ကလပ်အသင်းအသီးသီး၏ ပရိသတ်များ၏ အံ့သြဖွယ်ရာအားပေးမှု၊ စသည့် စသည့် အကြောင်းခြင်းရာများအတွက် ၀မ်းမြောက်ဂုဏ်ယူရပါကြောင်း မှတ်တမ်းတင်အပ်ပါသည်။

ရတနာပုံအသင်း၏ အောင်မြင်မှုမှသည် မြန်မာဘောလုံးအသင်း၏ အောင်မြင်မှုတိုင်အောင် ဆက်လှမ်းလျှောက်လှမ်း နိုင်ပါစေကြောင်း ..........။

အမှတ်တရ
ကိုဉာဏ် (ပန်းလောင်မြေ)
၂၀၁၀ ပြည့်နှစ်၊ အောက်တိုဘာလ ၂ ရက်၊ စနေနေ့။
နေ့လည် ၃ နာရီ ၂၂ မိနစ်တွင်ပြီး၏။