ကျွန်တော်ကြိုက်သော ကာတွန်းတစ်ကွက်

ပို့စ်ခေါင်းစဉ်ကို ဖတ်ပြီးတော့ ရောက်လာတဲ့လူတွေကတော့ ကျွန်တော့်ကို မေတ္တာပို့ကြတော့မှာပဲ။ ဘာလို့လဲဆိုတော့ ကာတွန်းတစ်ကွက်ဆိုပြီး ဘာကာတွန်းမှ တွေ့ရမှာ မဟုတ်လို့ပါ။ အင်း... ဟုတ်တော့လည်း ဟုတ်ပါတယ်။ ကျွန်တော်ကလည်း ကျွန်တော်ပါပဲ။ ဂျာနယ်မှာပါတဲ့ ကာတွန်းကို အဲဒီအတိုင်း ပြန်တင်ပေးဖို့ အဆင်မပြေတဲ့အတွက် အဲဒီကာတွန်းအကြောင်းကို ပြန်ပြောပြမလို့ဗျ။ အစကတည်းက ဘာမှမပြောဘဲ နေရင်လည်း အကောင်းသားဗျ။ နော်? အခုတော့ ကာတွန်းကို မကြည့်ရဘဲ ကျွန်တော်လျှာရှည်ထားတာတွေကို ဖတ်နေရတယ်လေ။ ကျွန်တော်ကလည်း ကာတွန်းကိုသာ ပြန်တင်ပေးနိုင်ရင် အခုလို စကားတွေ ရှည်နေရမှာ မဟုတ်ပါဘူးဗျာ။ နားလည်ပေးကြပါဦး။

ဒီအပတ်ထုတ် ပြည်သူ့ခေတ်ဂျာနယ်၊ အတွဲ-၁၊ အမှတ်-၁၃၊ စာမျက်နှာ-၄ မှာ ဖတ်ရတဲ့ကာတွန်းလေးပါ။ ရေးတဲ့လူကတော့ လက်မှတ်ထိုးပုံအရဆိုရင် ကောင်းထက် ဖြစ်လိမ့်မယ် ထင်ပါတယ်။ မှားနေရင်လည်း ပြင်ပေးကြပါ။

ကာတွန်းကို စကားပြောနဲ့ ပြန်ရှင်းပြတယ်ဆိုပေမယ့် ကာတွန်းကိုမကြည့်လို့ သူ့ရသ လျော့သွားတာမျိုးတော့ မရှိဘူးလို့ ထင်တာပါပဲ။ အင်းလေ... သူ့ဟာနဲ့သူ မူရင်းအတိုင်း ကြည့်ရတာတော့ အကောင်းဆုံးဖြစ်မှာပါ။ ဒါပေမယ့်လည်း အခုတော့ စာလုံးတွေနဲ့ပဲ ကာတွန်းကို ပုံဖော်ခံစားကြည့်လိုက်ကြပါဦးဗျာ။

ကာတွန်းမှာ လူသုံးဦးပုံ ဆွဲထားတယ်ခင်ဗျ။ ဇာတ်ကောင် သုံးကောင်ပေါ့လေ။ လူတစ်ယောက် ရပ်နေတယ်။ မြန်မာဝတ်စုံ အပြည့်အစုံနဲ့ ဆိုပါတော့။ တိုက်ပုံနဲ့ ခေါင်းပေါင်းနဲ့ပေါ့လေ။ လက်ကြီးပိုက်ပြီး ခန့်ခန့်ကြီး ပြုံးလို့ နေသဗျ။

အဲ.. သူနဲ့ ခပ်လှမ်းလှမ်းမှာတော့ လူငယ်နှစ်ယောက် မတ်တတ်ရပ်ပြီး စကားပြောနေကြတယ်။ တစ်ယောက်သောလူငယ်က အပေါ်မှာပြောတဲ့ လူကြီးကို လက်ညှိုးထိုး ညွှန်ပြပြီး အခြားတစ်ယောက်ကို စကားပြောနေတဲ့ဟန်ပါ။ သူပြောတဲ့ ဒိုင်ယာလော့ခ်လေးက ဒီလိုပါတဲ့ခင်ဗျား။

* - * - * - * - * - * - * - * - * - * - * - * - * - * - * - * - * - * - * - * - * - * - * - * - * - * - * - * - * - * - * - * - * - * - * - *

အဲဒီလူလေ... ပါတီထောင်ထားတာ...
ပါတီနာမည်က.... "ရေလိုက်ငါးလိုက် ပါတီ" တဲ့
မူဝါဒက... "ရောယိမ်းလိုက်... ဘသားယိမ်းလိုက်" တဲ့
ကြွေးကြော်သံက.... "မိုးရွာတုန်းရေခံ၊ လသာတုန်း ဗိုင်းငင်၊ နေပူတုန်း စပါးလှမ်း" တဲ့
ကဲ... မနိပ်ဘူးလား....

* - * - * - * - * - * - * - * - * - * - * - * - * - * - * - * - * - * - * - * - * - * - * - * - * - * - * - * - * - * - * - * - * - * - * - *

ဟုတ်ကဲ့.... နိပ်-မနိပ်တော့ မသိပါဘူး။ ကျွန်တော်ကိုဉာဏ်ကတော့ အူနှိပ်ပြီးတော့ကို ရယ်လိုက်ရပါတယ်ဗျာ။ ဖတ်ရတာက ညအိပ်ရာဝင်ခါနီးမှာ စာကြည့်မီးအိမ်နဲ့ဗျ။ အဲဒီကာတွန်းကို ဖတ်ပြီးတဲ့အချိန်မှာ ကျွန်တော်ဖြင့် မေ့ပြီးတော့ အော်ရယ်လိုက်မိတာကိုးဗျ။ ပြီးတော့မှ ညဥ့်နက်သန်းခေါင် လူခြေတိတ်ချိန်မှန်း သတိပြန်ဝင်ရတယ်။

ဒါပေမယ့် အဲဒီကာတွန်းနဲ့ပဲ မရယ်ရဘဲ စိတ်ညစ်ရပြန်တယ်။ ဟော... ကိုဉာဏ်က လုပ်ချလိုက်ပြန်ပြီ။ စောစောက ရယ်ရတယ်ဆိုပြီး အခုကျတော့ စိတ်ညစ်ရပြန်ပြီလို့ မတွေးကြပါနဲ့။ ကျွန်တော်က မနေနိုင်မထိုင်နိုင် သူငယ်ချင်းတစ်ယောက်ကို အဲဒီကာတွန်းကို ဖတ်ကြည့်ဖို့ တိုက်တွန်းလိုက်မိတယ်။ တိုက်တွန်းဆိုတာ စကားအဖြစ် သုံးတာပါ။ မဖြစ်မဖြစ် ဖတ်ခိုင်းတာပါ။ ဂျာနယ်ကို လက်ကကိုင်ပြီး သူ့ကိုအတင်းခေါ်ပြီး ရော့ အဲဒီကာတွန်း ဖတ်ကြည့်ဆိုပြီး အတင်းဖတ်ခိုင်းတာဗျ။ သူက ဖတ်ကြည့်ပါတယ်။ ဒါပေမယ့် မရယ်ဘူးဗျ။ ဖတ်ပြီးပြီတဲ့။ ပြန်ပေးတယ်။ ကျွန်တော် တော်တော်ကြောင်သွားတယ်။ ဘယ်လိုလဲ သဘောကျလားဆိုတော့ မဆိုးပါဘူးတဲ့။ ကျွန်တော်သိလိုက်တယ်။ သူစိတ်ဝင်စားမှု မရှိဘူးကိုး။ သက်ပြင်းရှည်ကြီးပဲ ချလိုက်မိပါတယ်။

ဘာပဲဖြစ်ဖြစ် ကာတွန်းကတော့ တကယ်ရယ်ရတာပါဗျာ။ တွေးကြည့်လေ...သဘောကျလေ... နှစ်ခြိုက်လေ... ရယ်ရလေပါပဲ။ အဲ... အခုစာဖတ်သူလည်း စိတ်ဝင်စားမှု မရှိရင်တော့ ရှိပါစေတော့ဗျာ။ အစားကောင်းစားရလို့ ခင်ဗျားကို သတိရလိုက်မိတဲ့ သဘောရယ်ပါ။

အမှတ်တရ
ကိုဉာဏ် (ပန်းလောင်မြေ)
၂၀၁၀ ပြည့်နှစ်၊ အောက်တိုဘာလ ၁ ရက်၊ သောကြာနေ့။
ညနေ ၅ နာရီ ၂၀ မိနစ်တွင်ပြီး၏။