သတင်းစာ၊ ဂျာနယ်များမှ ကောက်နုတ်ချက်များ

ပြီးခဲ့တဲ့ တစ်ပတ်အတွင်း ကျွန်တော်ဖတ်ခဲ့သမျှ သတင်းစာ၊ ဂျာနယ်တွေထဲကမှ ကျွန်တော့်ကို မှတ်သားစရာတွေ၊ တွေးစရာတွေ၊ ငေးစရာတွေ၊ ဆွေးစရာတွေ ဖြစ်ကျန်ခဲ့အောင် ခံစားမှုတစ်ခုခုပေးခဲ့တဲ့ အကြောင်းအရာလေးတွေကို အခြားသူတွေလည်း ဖတ်ကြည့်စေချင်တဲ့စိတ်တစ်ခုတည်းနဲ့ ပို့စ်တင်လိုက်တာပါ။ ကျွန်တော့်အတွက် တွေးစရာတွေဖြစ်နေပေမယ့်  အခြားလူတွေအတွက်တော့ ဘာမှမထူးဆန်းတဲ့ အကြောင်းအရာတွေလည်း ဖြစ်နေနိုင်ပါတယ်။ မူလ သတင်းစာ၊ ဂျာနယ်ကနေ ကျွန်တော်ကြိုက်တဲ့အပိုင်းလေးတွေကို အဲဒီထဲကအတိုင်း ရွေးထုတ်ပြထားတာကလွဲရင် ဘာတစ်ခုမှ ပြင်ဆင်ထားခြင်း၊ နုတ်ပယ်ထားခြင်း၊ ဖြည့်စွက်ထားခြင်းမရှိကြောင်း အသိပေးလိုပါတယ်။

----- ။ -----

ကုလသမဂ္ဂလုံခြုံရေးကောင်စီ၏ တံခါးဖွင့်အစည်းအဝေးတွင် မြန်မာနိုင်ငံ၏ တိုးတက်မှုကို အသိအမှတ်မပြု မမြင်ချင်ယောင်ဆောင်ခြင်း (သို့မဟုတ်) အစိုးရအပေါ် ရမယ်ရှာနေခြင်းသည် မျှတမှုမရှိကြောင်း ကုလသမဂ္ဂဆိုင်ရာ တရုတ် ဒုတိယအမြဲတမ်းကိုယ်စားလှယ် လူရှင်မင်းက ပြောကြားသည်။

(နိုင်ငံတကာသတင်းဂျာနယ် အမှတ် (၇၁၄) စာမျက်နှာ - ၇ တွင် ဖော်ပြထားသည့် နိုင်ငံတကာအသိုက်အ၀န်းအနေဖြင့် မြန်မာနိုင်ငံ၏ နိုင်ငံရေးတိုးတက်မှုဖြစ်စဉ်ကို ပို၍ မျှတစွာ အကဲဖြတ်၊ အထက်စီးဆန်စွာ ဆက်ဆံလျက် အမှန်ကို မစူးစမ်းဘဲ မလိုမုန်းထားစိတ်နှင့် ဘက်လိုက်နေမှုကိုလျှော့ သတင်းမှ )

----- ။ -----

အီရတ်နိုင်ငံ၏ သမိုင်းဝင်ဒေသတစ်ခုဖြစ်သော ဘေဘီလုံတွင် အမေရိကန်တပ်ဖွဲ့များနှင့် လုပ်ငန်းကန်ထရိုက်များ၏ ပယောဂကြောင့် ပျက်စီးဆုံးရှုံးမှုများ အမြောက်အမြား ဖြစ်ပေါ်ခဲ့ရကြောင်း ကုလသမဂ္ဂပညာရေး၊ သိပ္ပံနှင့် ယဉ်ကျေးမှုအဖွဲ့ (UNESCO) မှ ကျွမ်းကျင်သူပညာရှင်များက ထုတ်ဖော်ပြောကြားလိုက်သည်။ အထွတ်အမြတ်ထားရာနေရာများကို ဖြတ်သန်း၍ ထုထည်ကြီးမားသော ယာဉ်ယန္တရားများကို မောင်းနှင်ခြင်း၊ တောင်ကုန်းငယ်များကို ဖြိုချရှင်းလင်းပစ်ခြင်းနှင့် ကတုတ်ကျင်းများတူးဖော်ခြင်းတို့ကို ကမ္ဘာ့အရေးပါဆုံးသော ရှေးဟောင်းသုတေသန ယဉ်ကျေးမှုအမွေအနှစ် ဒေသတစ်ခွင်၌ ပြုလုပ်ခဲ့ကြသည်ဟု ဆိုသည်။

(နိုင်ငံတကာသတင်းဂျာနယ် အမှတ် (၇၁၄) စာမျက်နှာ-၁၀ တွင်ဖော်ပြထားသည့် နိုင်ကြေးမုံ၏ အမေရိကန်တပ်ဖွဲ့များကြောင့် အမြောက်အမြားပျက်စီးခဲ့ရသည့် ဘေဘီလုံ၏ သမိုင်းအမွေအနှစ်များ သတင်းမှ )

----- ။ -----

သတင်းအယ်ဒီတာ လုပ်မည်ဆိုလျှင် သတင်းသမားစိတ်ဓာတ် ရာနှုန်းပြည့်ရှိရမည်၊ ရှိသင့်သည်။ သတင်းအယ်ဒီတာသည် သတင်းကောင်းများ (တန်ဖိုးရှိသည့် သတင်းများ)ရရှိရန် အစဉ်ကြိုးပမ်းနေရမည်ဖြစ်ပြီး ကောင်းမွန်သော တည်းဖြတ်ဖော်ပြမှုရှိရန်လည်း ၀ါယမစိုက်ရပေမည်။

(နိုင်ငံတကာသတင်းဂျာနယ် အမှတ် (၇၁၄) စာမျက်နှာ-၁၂ တွင်ဖော်ပြထားသည့် အောင်သုတ ၏ သတင်းအယ်ဒီတာဟူသည် ဆောင်းပါးမှ )

----- ။ -----

အီရတ်လွတ်မြောက်မှုစစ်ဆင်ရေးဟု အမည်တပ်စေကာမူ အမှန်တကယ် လွတ်မြောက်ခြင်းရှိပါသလော။ အထင်နှင့်အမြင် တက်တက်စင်အောင် လွဲခဲ့သည်။ စတင်ကျူးကျော်ခဲ့သည်မှစ၍ ယခုနှစ် ဇူလိုင်လ ၇ ရက်နေ့အထိ သေဆုံးသူ အီရတ်ပြည်သူ ဦးရေ ၆၉၇၈၀၃ ဦး ရှိခဲ့ပြီး အပြင်းအထန် ထိခိုက်ဒဏ်ရာရသူဦးရေမှာ ၁၂၅၆၂၅၉ ဦး ရှိခဲ့ကြောင်း အင်တာနက်သတင်းများအရ သိရသည်။

အီရတ်နိုင်ငံကို ခြောက်နှစ်ကျော်ကြာကြာ ကျူးကျော်သိမ်းပိုက်ထားပြီးမှ အမေရိကန်နှင့် အီရတ်နှစ်နိုင်ငံစာချုပ်အရ ယခုနှစ် ဇူလိုင်လ ၁ ရက်နေ့မှစ၍ အမေရိကန်တပ်ဖွဲ့များ စတင်ဆုတ်ခွာနေကြပြီဖြစ်သည်။ ဘဂ္ဂဒက် မြို့သူမြို့သား ထောင်နှင့်ချီ၍ လမ်းမပေါ်ထွက်ကာ မြူးထူးခဲ့ကြသည်။ အမေရိကန်တွေ ဆုတ်ခွာသွားကြပြီ... ငါတို့လွတ်လပ်ပြီ ဟု ကြွေးကြော်ခဲ့ကြသည်။ သူတို့ပျော်ကြသည်မှာ အံ့သြစရာတော့မဟုတ်ပေ။ ကျူးကျော်သူတို့၏ အုပ်စိုးမှုအောက်တွင် မည်မျှ ဒုက္ခရောက်ခဲ့သည်ကို အီရတ်ပြည်သူများသာ သိကြပေလိမ့်မည်။

ကျူးကျော်စစ်ပြုခံရသည့်နိုင်ငံတိုင်းတွင် ကျူးကျော်သူများ ပြန်ထွက်သွားသည့်အခါ အနိဌာရုံအမျိုးမျိုး ကျန်ခဲ့သည်။ ၀ါဒရေးရာ၊ လူမျိုးရေးရာ သဘောထားကွဲပြား၍ ပေါ်ပေါက်လာရသည့် ပြည်တွင်းစစ်၊ ဘာသာရေးဂိုဏ်းကွဲများ၏ ၀ိဝါဒကွဲပြားမှုကြောင့် ဖြစ်ပေါ်လာသည့် အဓိကရုဏ်းများ၊ အကြမ်းဖက်တိုက်ခိုက်မှုများ၊ သတ်ဖြတ်မှုများသည် ကျူးကျော်ခံရသည့် နိုင်ငံများတွင် ကျန်ရစ်နေသည်ကို သတိချပ်ကြရပါမည်။

(နိုင်ငံတကာသတင်းဂျာနယ် အမှတ် (၇၁၄) စာမျက်နှာ-၁၄ တွင် ဖော်ပြထားသည့် မောင်လှိုင်၏ လူဖြူတို့၏ ၀န်ထုပ်ဝန်ပိုးခေတ် ချုပ်ငြိမ်းပြီလော ဆောင်းပါးမှ )

----- ။ -----

ကျွန်မက အခုလက်ရှိ စင်ကာပူမှာ အရောင်းမြှင့်တင်ရေးဝန်ထမ်းလုပ်တာ မြန်မာငွေနဲ့တွက်ရင် သိန်း ၂၀ ၀န်းကျင် ရပါတယ်။ အင်္ဂလိပ်ဘာသာစကား ကျွမ်းကျွမ်းကျင်ကျင် ပြောတတ်ပြီး အင်္ဂလိပ်စာနဲ့ ကွန်ပျူတာဆိုင်ရာ အောင်လက်မှတ်တွေ ကျွန်မမှာ ရှိပါတယ်။ ဒီက ပညာရေးဝန်ဆောင်မှုကုမ္ပဏီတစ်ခုမှာ အဲဒီလက်မှတ်တွေနဲ့ပဲ အလုပ်လုပ်ခဲ့တုန်းက တစ်သိန်းခွဲထက် ပိုမရခဲ့ပါဘူး။ လူငယ်တွေအနေနဲ့ ပြည်ပအလုပ်အကိုင် အခွင့်အလမ်းတွေကို ရှာနေတာ ကောင်းတဲ့ရည်ရွယ်ချက်တစ်ခုပါ။ ဒါပေမယ့် ကိုယ့်ဘက်က တကယ်ပြည့်ဝပြီး ပညာတတ်တစ်ယောက် အနေနဲ့ပဲ သွားလုပ်စေချင်တယ်။ သာမန်အိမ်ဖော်လို၊ အလုပ်ကြမ်းအလုပ်သမားတွေလို သွားလုပ်ရင်တော့ ဒီမှာထက်တော့ ပိုက်ဆံပိုရကောင်းရလိမ့်မယ်။ ဒါပေမယ့် စိတ်ရောလူပါ ဒုက္ခရောက်ရမှာပါ ဟု စင်ကာပူနိုင်ငံတွင် အလုပ်လုပ်ကိုင်နေသူ အမျိုးသမီးတစ်ဦးက ဆိုပါသည်။

( Weekly Eleven News ဂျာနယ် အတွဲ (၁၄) အမှတ် (၄၀)၊ စာမျက်နှာ-၄ တွင်ဖော်ပြထားသည့် သွားဦးမှာလား နိုင်ငံခြား ဆောင်းပါးမှ )

----- ။ -----

မှတ်ပုံတင်ဖို့နဲ့ စာမေးပွဲဖြေဆိုရုံသက်သက် အွန်လိုင်းပညာသင်စနစ်ပုံစံကတော့ သိပ်ပြဿနာမရှိနိုင်ပေမယ့် ကာလရှည် ကာလနဲ့ချီပြီး အွန်လိုင်းပေါ်ကသင်ယူ၊ တစ်လချင်းအလိုက် စာမေးပွဲဖြေဆိုရတဲ့သူတွေအတွက်တော့ ဒီကအင်တာနက် ကွန်နက်ရှင် အနေအထားကြောင့် အခက်အခဲတချို့ တွေ့နိုင်ပါတယ်။ အွန်လိုင်းပညာသင်စနစ် သိပ်မတွင်ကျယ်ရတဲ့အထဲမှာ ဒါကလည်း တစ်ချက်ပါပါတယ်။ လုပ်ဖို့ကြိုးစားလာတဲ့သူတွေ ရှိလာတာကိုတော့ ကြိုဆိုပါတယ် ဟု ကွန်ပျူတာပညာရှင် တစ်ဦးက ပြောပြပါသည်။

( News Eleven ဂျာနယ် အတွဲ (၁၄) အမှတ် (၄၀)၊ စာမျက်နှာ-၁၀ တွင်ဖော်ပြထားသည့် နိုင်ငံတကာ အသိအမှတ်ပြုဘွဲ့များကို အွန်လိုင်းမှတစ်ဆင့် သင်ယူရရှိနိုင်ရန် ကြိုးပမ်းမှုများရှိလာ သတင်းမှ )

----- ။ -----

.............

...............................................

နားလည်သလောက်ပြောရလျှင် နိုင်ငံရေးနှင့်ပတ်သက်သော ရေးသားဖော်ပြမှုများကို လမ်းညွှန်မြေပုံ၊ ဖွဲ့စည်းပုံအခြေခံဥပဒေနှင့် ၂၀၁၀ ရွေးကောက်ပွဲများအား အနည်းဆုံးမူအားဖြင့် လက်ခံလျှင် သို့မဟုတ် ထိုမူဘောင် အတွင်းမှ ရေးသားလျှင် ဖော်ပြခွင့်ပြုခြင်းဖြစ်သည်ဟု ဆိုနိုင်ပါသည်။ တစ်နည်းအားဖြင့် ပြောရလျှင် အနာဂတ်ကို အပြုသဘောရေးသားဖော်ပြခြင်းကို ခွင့်ပြုခြင်းဖြစ်သည်ဟု ဆိုနိုင်ပါသည်။

.................................

................................................................

လူထုဆက်သွယ်ရေးယန္တရားပေါ်မှ လက်ရှိအခြေအနေ၏ အားနည်းချက်များကို ဖော်ပြ၍ အနာဂတ်ကို ပိုမိုကောင်းမွန်ကြောင်း ထောက်ပြခြင်းသည် စီးပွားရေးလုပ်ငန်းများ အရင်းတစ်ခုစိုက်၍ အနာဂတ်တွင် အမြတ်ရှာသည့် သဘောပင် ဖြစ်ပါသည်။ စီးပွားရေးလုပ်ငန်းများတွင် အရင်းမစိုက်ဘဲ အမြတ်ရယူလိုခြင်းကို Rent Seeking ဟု သုံးနှုန်းသကဲ့သို့ လက်ရှိနှင့် မနှိုင်းယှဉ်ဘဲ အနာဂတ်ကိုပြောခြင်းသည် PR Rent Seeking ဟု အထင်လွဲခံရနိုင်သည်ဖြစ်ရာ အနာဂတ်သက်သက်ကို ရေးသားဖော်ပြရခြင်းသည် မီဒီယာ၏အသက်ဖြစ်သော သြဇာနှင့်ရင်း၍ စွန့်စားရသည့်သဘော မကြာခဏ သက်ရောက်သွားလေ့ရှိသည်။ ထို့ကြောင့် မီဒီယာအများစုသည် Contemporary Politics ခေါ် ခေတ်ပြိုင်နိုင်ငံရေးကို ရှောင်ရှားကြသည်ကို တွေ့နိုင်ပါသည်။

.............................................................

......................................................................................

( The Voice Weekly ဂျာနယ် အတွဲ (၅) အမှတ် (၃၈)၊ စာမျက်နှာ-၄ တွင် ဖော်ပြထားသည့် EDITORIAL မှ )