ဆိုကရေးတီး အရိပ် - တာရာမင်းဝေ

(၁)
သူက ဖိနပ်မစီး။ ရာသီဥတုဒဏ် ခံနိုင်သော ၀တ်ရုံတစ်ထည်ရှိလျှင် သူ့အတွက် ပြည့်စုံသည်။ တစ်နေ့မှာ လူသူရှုပ်ထွေးသော ဈေးထဲသို့ သူရောက်သွား၏။ လမ်းဘေးမှာ ချရောင်းသောပစ္စည်းများကို သူ စူးစူးစမ်းစမ်း လိုက်ကြည့်နေမိသည်။ သူက မသိသော်လည်း သူ့ကို သိထားပုံရသည့် လူငယ်လေးတစ်ယောက်က လာမေးသည်။
"ဆရာကြီး ဘာပစ္စည်းကို ရှာနေတာလဲ"
"ဘာပစ္စည်းကိုမှ မရှာပါဘူးကွယ်။ လူတွေအတွက် အမှန်တကယ်လည်း မလိုအပ်တဲ့ ပစ္စည်းတွေ ဘယ်လောက်များ များနေပြီလဲလို့ လိုက်ကြည့်တာပါ"

(၂)
တစ်ခါက သူ့ထံသို့ ကျောင်းတော်သားတစ်ယောက် ရောက်လာသည်။
"ဆရာကြီး ကျွန်တော် ပညာလိုချင်လို့ပါ"
"လာ... လိုက်ခဲ့"
မြစ်ကမ်းပါးတစ်ခုသို့ သူတို့ ရောက်သွားကြသည်။ သူက ထိုကျောင်းသားလေးကို ရေထဲ တွန်းချလိုက်၏။ ရေမကူးတတ်သော ကျောင်းတော်သားကလေးမှာ ယက်ကန်ယက်ကန်။ သူ ပြန်ဆယ်ပေးခဲ့ပါသည်။ စကားတစ်ခွန်းကိုတော့ မေးရ၏။
"မင်း... ရေထဲနစ်တုန်းက ဘာကို အတောင့်တဆုံးလဲ"
"လေ"
"အေး... ရေနစ်တဲ့အချိန်မှာ လေကို တောင့်တသလိုမျိုး ပညာကို မင်း တောင့်တရင် မင်း ပညာတတ်ကြီး ဖြစ်ရမယ်"

(၃)
"ဆရာကြီး... ကျွန်တော် မိန်းကလေးတစ်ယောက်ကို ချစ်နေမိပြီ"
"ဟုတ်လား ဘယ်အချိန်က ချစ်သွားတာလဲ"
"မြင်မြင်ချင်း ချစ်မိတာပါပဲ၊ ဘယ်လိုလုပ်ရမလဲ"
"နောက်တစ်ခေါက် သေသေချာချာ ထပ်ကြည့်လိုက်"
"ဗျာ"
"နောက်တစ်ခေါက် သေသေချာချာ ထပ်ကြည့်လိုက်လို့"
လူငယ်လေးက နားမလည်ဘဲ ခေါင်းကုတ်၍ လှည့်ထွက်သွားသည်။ သူက နောက်တစ်ခါ ရွေးချယ်ခွင့် ပေးလိုက်သည့်သဘော ဖြစ်၏။ သူ့ဆုံးဖြတ်ချက်ကို သေချာစေရန် ဖြစ်သည်။

(၄)
သူက ပညာရှိကြီး ဆိုကရေးတီးကို အားကျသည်။ ဆိုကရေးတီးလို ဖြစ်ချင်သည်။ သူ့ထံသို့ မေးခွန်းတွေ တက်လာလေသည်။

(၅)
"ပညာရှိကြီးခင်ဗျား...။ ကျွန်တော့်နံဘေး အလုပ်စားပွဲက လူဟာ အင်မတန် လေချွန်ပါတယ်။ အဲဒီအတွက် ကျွန်တော် အလွန် စိတ်ပင်ပန်းရပါတယ်။ သူ လေချွန်တဲ့ တေးသွားတွေဟာ ကျွန်တော် အလွတ်ရထားတဲ့ သီးချင်းတေးသွား ဖြစ်နေလို့ပါ။ သူက လေချွန်ရင် ကျွန်တော်က အဲဒီသီချင်းကို စိတ်ထဲကနေ လိုက်ဆိုနေမိပါတယ်။ တစ်နေ့တစ်နေ့ စိတ်ထဲက လိုက်ဆိုနေမိတဲ့ သီချင်းတွေ မနည်းပါဘူး။ လူလည်း ကြာရင် ဒုက္ခရောက်ရပါတော့မယ်။ ဒီပြဿနာကို ဘယ်လို ဖြေရှင်းရရင် ကောင်းမလဲခင်ဗျာ"

(၆)
"ပညာရှိကြီးခင်ဗျား.... ကျွန်တော် ငှက်ကုလားအုတ်တစ်ကောင်ပါ။ ကျွန်တော်တို့က အစာစားရင် ခြေတစ်ဖက်မြှောက်ထားပြီး စားကြပါတယ်။ နှစ်ဖက်လုံး မြှောက်ရင်တော့ လဲသွားမှာပေါ့လေ။ ကျွန်တော်သိချင်တာက ရိုးရိုးလေးပါ။ လူတွေကတော့ အစာစားရင် ဘာဖြစ်လို့ ခြေတစ်ဖက် မမြှောက်တာလဲ"

(၇)
"ပညာရှိကြီးခင်ဗျား.... ကျွန်တော့်ဘကြီးဟာ အင်မတန် ဂွကျပါတယ်။ လက်ဖက်ရည်ဆိုင်ထိုင်ရင် ရှယ် ကိုမှ မှာသောက်ပါတယ်။ စားပွဲထိုးက လက်ဖက်ရည်ခွက်ကို ဇွန်းလေးတပ်ပြီး လာချပေးလို့ရှိရင် အကြာကြီး မွှေပါတယ်။ ပြီး အဲဒီဇွန်းနဲ့ပဲ ခပ် ခပ်သောက်ပါတယ်။ ကျွန်တော် စိတ်မရှည်ပါ။ ရှက်စရာလည်း ကောင်းပါတယ်။ ဘကြီးရဲ့ အဲဒီအကျင့် ပျောက်သွားအောင် ဘယ်လိုလုပ်ရပါ့မလဲ"

(၈)
"ပညာရှိကြီးခင်ဗျား... ရထားဘူတာတစ်ခုမှာ လူတစ်ယောက်ကို ကျွန်တော် မြင်လိုက်ရပါတယ်။ အဲဒီလူကို ကျွန်တော် တစ်နေရာမှာ မြင်ခဲ့ဖူးပါတယ်။ သေသေချာချာကို မြင်ခဲ့ဖူးတယ်လို့ မှတ်မိပါတယ်။ ဒါပေမယ့် ဘယ်နေရာမှာ မြင်ဖူးလဲဆိုတာကို မမှတ်မိပါဘူး။ ဘယ်လို စဉ်းစားစဉ်းစား မမှတ်မိပါဘူး။ ကျွန်တော် အသည်းအသန် စဉ်းစားတယ်။ မမှတ်မိပါဘူး။ အဲဒီအကြောင်းကို ကျွန်တော် ပြောလွန်းတဲ့အခါ ကျွန်တော့်ကို ဆွေမျိုးတွေက စိတ်ကျန်းမာရေးဆေးရုံကို ပို့လိုက်ကြပါတယ်။ ကျွန်တော် ရူးနေတာ ဟုတ် မဟုတ် ဖြေကြားပေးပါခင်ဗျာ"

(၉)
"ပညာရှိကြီးခင်ဗျား.... ကျွန်တော်တို့မြို့မှာ သူတော်စင်တစ်ယောက်လို ဖြူစင်တဲ့ လူတစ်ယောက် ရှိပါတယ်။ အားလုံးကလည်း သူ့ကို လေးစားကြပါတယ်။ သူ့မှာ အပူအပင်လည်း မရှိပါဘူး။ ဒါပေမယ့် နောက်ပိုင်းမှာ သောက်စားမူးယစ်လာပါတယ်။ ကောင်းတာတွေ သူလုပ်ခဲ့တယ်။ ဖြစ်တယ်။ အဲဒါ မကောင်းတာလုပ်ကြည့်ရင်ကော ဖြစ်မလားလို့ သူ သိချင်တယ်။ အဲဒါကြောင့် အရက်သောက်တာတဲ့။ သူ့စိတ်ကူးကို ဘယ်လို သုံးသပ်ရမလဲခင်ဗျာ"

(၁၀)
"ပညာရှိကြီးခင်ဗျာ...။ ကျွန်တော်တို့ကျောင်းက ကောင်မလေးတစ်ယောက်အကြောင်း ပြောချင်တာပါ။ ဒီလိုပါ။ တစ်နေ့ ကင်တင်းမှာ သူက လက်ဖက်ရည်သောက်ပါတယ်။ ကျွန်တော် နှပ်ချေးကလော်တာကို ကြည့်ပြီး သူ အန်ပါတယ်။ နောက်တစ်ခါ သူ အအေးသောက်နေတုန်း အဲဒီဆိုင်ကို ကျွန်တော် ရောက်သွားပါတယ်။ ကျွန်တော် နဖာချေး ကလော်တာကို ကြည့်ပြီး သူအန်ပါတယ်။ နောက်တစ်ခါ သူက ပြောင်းဖူးစားရင်း အိမ်သာထဲက ထွက်လာတဲ့ ကျွန်တော့်ကို ကြည့်ပြီး သူအန်ပါတယ်။ နောက်ကျတော့ ကျွန်တော့်ကို ဒီအတိုင်း တွေ့ရင်လည်း အန်ပါတယ်။ ကျွန်တော် ဘာလုပ်ရမလဲခင်ဗျာ"

(၁၁)
"ပညာရှိကြီးရှင့်...။ ဘတ်စ်ကားစီးရင်း လူတစ်ယောက်က ကျွန်မကို မှတ်တိုင်တစ်ခု မေးပါတယ်။ ကျွန်မက သိတယ်... သိတယ်။ ကျွန်မဆင်းမယ့် မှတ်တိုင်မရောက်ခင် နှစ်မှတ်တိုင်အလိုမှာ ဆင်းလိုက်လို့ ပြောပါတယ်။ အားလုံးက ကျွန်မကို ၀ိုင်းဟားကြပါတယ်။ ဟာသလုပ်ကြပါတယ်။ ဘာဖြစ်လို့လဲရှင့်။ အဲဒီမှတ်တိုင်ရောက်ရင် ကျွန်မ သူ့ကို ပြောလိုက်မှာပေါ့။ ကျွန်မက ကားပေါ်ရှိနေဦးမယ့်ကိစ္စပဲ။ ဒါ... ရယ်စရာ ဟုတ်လို့လားရှင်"

(၁၂)
.............................
.......................
......................................
....................

(၁၃)
ထိုမေးခွန်းများကို ကြားရပြီးတဲ့နောက်... ငါ ဆိုကရေးတီး ဖြစ်ပြီ ဟု ကြွေးကြော်ကာ ဆိုကရေးတီး၏ လက်သုံးစကားကို ၀င်ဝင့်ကြွားကြွား ပြောလိုက်၏။
တကယ်တမ်း ငါသိတာက ငါဘာကိုမှ မသိဘူးဆိုတာပဲ ။   ။

( တာရာမင်းဝေ ၏ ရွှေအတောင်ပံမှာ ဒဏ်ရာတွေ ပြန်ကောင်းလာတဲ့တစ်နေ့ စာအုပ်မှ ပြန်လည်ကူးယူဖော်ပြပါသည် )