အတ္တပရဟိတလုပ်ငန်း - လူထုစိန်ဝင်း

အစိုးရမဟုတ်တဲ့ အဖွဲ့အစည်းလို့ ခေါ်ကြတဲ့ အင်ဂျီအိုတွေ အိုင်အင်ဂျီအိုတွေနဲ့ ကုလသမဂ္ဂအဖွဲ့အစည်းလို့ဆိုတဲ့ အဖွဲ့တွေအကြောင်း မကြာခဏဆိုသလို ရေးခဲ့ပါတယ်။ အခုတလောတော့ ခပ်စိပ်စိပ်ကလေးကို ရေးဖြစ်ပါတယ်။ အင်တာဗျူးတွေလည်း ဖြေခဲ့ပြောခဲ့ပါတယ်။ အကြောင်းမသိသူတချို့က ဘာကြောင့် ဒါလောက် မျက်မုန်းကျိုးနေတာလဲလို့ မေးကြပါတယ်။ မြန်မာတွေ မျောက်ဖြစ်ကုန်မှာစိုးလို့ လို့ပဲ လိုတိုရှင်းဖြေလေ့ရှိပါတယ်။

အတုမြင်အတတ်သင်မှာစိုး
ဟုတ်ပါတယ်ခင်ဗျ။ မျောက်ပြဆန်တောင်းသူတွေကြောင့် ကျွန်တော်တို့လူမျိုး မသိမသာနဲ့ မျောက်ဖြစ်နေကြတာတော့ အတော်လေးကြာနေပါပြီ။ ဒါပေမယ့် ဘာမှမပြောခဲ့ပါဘူး။ အခုတော့ ကျွန်တော်တို့ မြန်မာလူမျိုးတွေကိုယ်တိုင်က ကိုယ့်လူမျိုးကို မျောက်အဖြစ် လက်ညှိုးထိုးပြပြီး မျောက်ပြဆန်တောင်းသူတွေ ဖြစ်လာကြတာမျိုးတွေ တစ်နေ့တစ်ခြား များသထက်များလာနေတာကြောင့် ခပ်စိပ်စိပ်လေး ပြောနေရေးနေရတာဖြစ်တယ်။ စေတနာရှင်းသန့်တဲ့ လူငယ်လေးတွေ အတုမြင်အတတ်သင် ဖြစ်ကုန်ကြမှာစိုးလို့ပါ။ တစ်နှစ်ကို တစ်ကြိမ်လောက်၊ နှစ်ကြိမ်လောက် သတိပေးရေးသားနေရင်းကတောင် တန့်သွားမယ့်အစား ပိုပိုပြီး ကျယ်ပြန့်လာတာကြောင့် ခုလိုခပ်စိပ်စိပ်ပြောရရေးရတာ ဖြစ်တယ်။

ဘယ်သူ့မှ အားမကိုးနဲ့
ဘယ်ထိအခြေအနေဆိုးတယ်ဆိုတာ ပြောပြပါမယ်။ မှတ်မှတ်ရရ ပြောရရင် ဒီလိုအဖွဲ့အစည်းတွေအကြောင်း စပြီး ဝေဖန်ရေးသားခဲ့တာ ပထမအကြိမ်က ကုလသမဂ္ဂနဲ့ ပတ်သက်တာဖြစ်ပြီး နောက်တစ်ကြိမ်ကတော့ အိုင်အင်ဂျီအို တစ်ခုနဲ့ ပတ်သက်တာဖြစ်တယ်။ လွန်ခဲ့တဲ့ လေးငါးနှစ်လောက်က ဂန်ဘာရီ ဆိုတဲ့ပုဂ္ဂိုလ်ကြီး မြန်မာ့နိုင်ငံရေးကိစ္စ ကြားဝင်ဖြေရှင်းဖို့ မြန်မာနိုင်ငံကို လာမယ်ဆိုတုန်းက ပြည်တွင်းပြည်ပ နိုင်ငံရေးလေ့လာသူတွေနဲ့ နိုင်ငံရေးဂုရုတွေ၊ နိုင်ငံရေးပါတီကြီးတွေက ဂန်ဘာရီလာမှာကိုပဲ သိကြားမင်းကြီး ဆင်းလာသလို အူမြူးနေကြတာတွေကို မြင်တွေ့နေရတဲ့အတွက် မြန်မာ့ကိစ္စကို မြန်မာတွေကိုယ်တိုင်ရှင်းမှရမယ်။ ကုလသမဂ္ဂလည်း မကယ်နိုင်ဘူး။ အမေရိကန်လည်း မကယ်နိုင်ဘူး။ အီးယူလည်း မကယ်နိုင်ဘူး။ ဘယ်သူ့မှ အားမကိုးနဲ့၊ ကိုယ့်အားကိုယ်ကိုးပြီး ကိုယ့်ဟာကိုယ်ဖြေရှင်းကြလို့ ရေးလိုက်ပါတယ်။
အဲဒီတုန်းကလည်း စာဖတ်ပရိသတ်နဲ့ လူငယ်တွေက သဘောကျ ထောက်ခံကြပါတယ်။

ဆရာကောင်းတပည့်တွေ
အဲဒီတုန်းက ဆရာရေးတာ သိပ်မှန်တာပဲတို့၊ ရေးတာနည်းတောင်နည်းသေးတယ်တို့ ပြောခဲ့ကြတဲ့ လူငယ်တချို့တောင် အခုတော့ အင်ဂျီအိုဆိုင်းဘုတ် ကိုယ်စီနဲ့ဖြစ်နေတာကို တွေ့မြင်နေရပါတယ်။ ဒါကြောင့် ရေးရပြောရပြန်တာပါ။ ဒီလူငယ်တွေဟာ အစကတော့ သန့်ရှင်းတဲ့ အဖြူထည်တွေပါ။ နောက်ကျမှ ဟိုနိုင်ငံ ဒီနိုင်ငံတွေမှာ ဟိုသင်တန်း ဒီသင်တန်းဆိုတာမျိုးတွေ တစ်ပတ်လောက်၊ နှစ်ပတ်လောက် သွားတက်ခဲ့ကြပြီး ပြန်ရောက်လာတော့ သူတို့ကိုယ်တိုင် ဆိုင်းဘုတ်ထောင်ကုန်ကြတော့တာပါပဲ။ တစ်ပတ်နှစ်ပတ်သင်တန်းတက်ပြီး ဘာတွေတတ်လာတယ် ဆိုတာတော့ မသိဘူး။ လက်တွေ့မြင်ရတာကတော့ သူတို့ကိုယ်တိုင် အင်ဂျီအို ကုန်ကြတာပဲဖြစ်တယ်။ မဖြစ်ဘဲ နေရိုးလား၊ သူတို့ကိုခေါ်ပြီး သင်တန်းပေးသူတွေ ကိုယ်တိုင်က သူတို့ကို မျောက်အဖြစ် လက်ညှိုးထိုးပြပြီး ဆန်လည်းတောင်းသူတွေ ဖြစ်နေကြတာကိုး။ အတုမြင် အတတ်သင်ပဲပြောမလား။ ဆရာကောင်းတပည့်ပဲ ပြောမလား မသိတော့ပါဘူး။

ဂိုးရင်းအဘရော့ဒ်
ဆရာကောင်းတပည့်တွေ ပန်းကောင်းပန်နေကြတာတွေကတော့ မမြင်ချင်အဆုံးပါပဲ။ တချို့က အေ့ဒ်စ်ဆိုင်းဘုတ် ကိုင်ကြတယ်။ တချို့က သဘာဝပတ်ဝန်းကျင် ထိန်းသိမ်းရေးဆိုင်းဘုတ်ထောင်ကြတယ်။ တချို့က တောရိုင်းတိရစ္ဆာန်ဆိုင်းဘုတ်၊ တချို့က မိချောင်းထိန်းသိမ်းရေးဆိုင်းဘုတ်၊ တချို့က ဒီရေတောဆိုင်းဘုတ်၊ တချို့က ပလတ်စတစ်ဆိုင်းဘုတ် စသဖြင့်၊ စသဖြင့် ဆိုင်းဘုတ်တွေကတော့ စုံသလားမမေးနဲ့။ အမယ် ဆိုင်းဘုတ်ဘယ်လောက်များများ အားလုံးပဲ လန်းကြသဗျ။ ၀ပ်ရှော့ဆိုတာတွေတက်ဖို့ ဂိုးရင်းအဘရော့ဒ် ဆိုတာတွေလည်း ခဏခဏမြင်နေရ၊ တွေ့နေရ၊ ကြားနေရသဗျ။ နောက်တက်လာတဲ့ ကလေးတွေဆက်ပြီး ဆရာကောင်းတပည့် ဖြစ်ကုန်ကြမှာတောင် စိုးရိမ်ရတဲ့ အခြေအနေလို့ပြောရင် မလွန်လှဘူးလို့ ထင်ပါတယ်ခင်ဗျာ။

စံပြုပုဂ္ဂိုလ်လိုတယ်
ကလေးတွေအတွက် မေတ္တာအပို့ခံပြီး ဒီလိုရေးနေပြောနေရတာပါ။ အင်ဂျီအိုအားလုံး မကောင်းဘူးလို့ဆိုတာ မဟုတ်ပါဘူး။ စေတနာအစစ်၊ မေတ္တာအစစ်၊ ကရုဏာအစစ်နဲ့ လုပ်နေကြတဲ့ အင်ဂျီအိုတွေနဲ့ ရှင်းသန့်တဲ့ လူငယ်တွေလည်း ရှိပါတယ်။ ဒါပေမယ့် အစစ်အမှန်သမားတွေက မျောက်ပြဆန်တောင်းသူတွေလို ပြေ(ပြည်)ပေါ်မှာ ရွှေကြော်ငြာထုတ်တဲ့ အလုပ်မျိုးတွေ လုပ်လေ့မရှိတော့ သူတို့အကြောင်း ကလေးတွေက မသိကြဘူး။ ကလေးတို့၊ လူငယ်တို့ဆိုတာ သူတို့အားကျအတုယူရတဲံ စံပြုပုဂ္ဂိုလ် (Role Model)တွေ ရှိဖို့ လိုပါတယ်။ ဒါကြောင့် ကွယ်လွန်ရှာပြီဖြစ်တဲ့ လူရိုးလူကောင်းကြီး မြန်မာ့အလင်းဦးတင်အကြောင်းကို နှစ်ကြိမ်သုံးကြိမ်လောက် ရေးပြခဲ့ဖူးပါတယ်။ မြန်မာ့အလင်းသတင်းစာတိုက်အုပ် ဦးတင်က ဘိုးဘွားရိပ်သာကို မူလနေရာ နှင်းဆီကုန်းကနေ စစ်ပြီးတော့ လက်ရှိနေရာကို ရွှေ့ပြောင်းနိုင်ဖို့ ကြိုးစားအားထုတ်ခဲ့သူ ဖြစ်ပါတယ်။ ရွှေ့ပြီးတဲ့ ဘိုးဘွားရိပ်သာမှာ မနက်တိုင်း ရုံးလာထိုင်ပါတယ်။ ပြီးမှ မြန်မာ့အလင်းတိုက်ကို သွားပါတယ်။

ပရဟိတသမားစစ်စစ်
ဦးလေးတင် ဘိုးဘွားရိပ်သာရုံးခန်းရောက်တော့ ၀န်ထမ်းတွေက ကော်ဖီတို့၊ မုန့်တို့ယူလာပြီး ဧည့်ခံပါတယ်။ အဲဒီအခါ ဦးလေးတင်က သူ့ခြင်းထဲ အမြဲပါနေကျ ကော်ဖီဓာတ်ဘူးနဲ့ ရေနွေးကြမ်းဘူးကိုထုတ်ပြီး ငါ့မှာ အကုန်ပါတယ်။ ဧည့်ခံစရာမလိုဘူး။ အလှူရှင်တွေလှူတာက ဘိုးဘွားတွေအတွက်လှူတာ၊ တို့အတွက်မပါဘူး။ ဒါကြောင့် ငါလည်း မစားဘူး။ မင်းတို့လည်း မစားကြနဲ့ လို့ ဆုံးမပါတယ်။ ဦးလေးတင်ဟာ သူ့ကော်ဖီလေး သူထည့်သောက်၊ သူ့ရေနွေးကြမ်းလေး သူထည့်သောက်တာပါ။ ဦးလေးတင်ရဲ့ စည်းကမ်းတိကျမှုနဲ့ သမာဓိကို သိတာကြောင့် ဖဆပလအမှုဆောင်ရွေးတဲ့အခါမှာ ဗိုလ်ချုပ်အောင်ဆန်းက နိုင်ငံရေးဘယ်တုန်းကမှ မလုပ်ခဲ့တဲ့ ဦးတင်ကို မရရအောင်ခေါ်ပြီး ငွေကိုင်ရတဲ့ ဘဏ္ဍာရေးမှူး ခန့်ခဲ့တာဖြစ်တယ်။ နောက်တော့ ဦးနုက သူ့ကိုပဲ ဘဏ္ဍာရေးဝန်ကြီး ခန့်ပါတယ်။ နောက်ဆုံးလွှတ်တော်ဥက္ကဋ္ဌတာဝန် ထမ်းဆောင်ခဲ့ရပါတယ်။ ပရိဟိတသမား ဆိုတာ အဲဒီလို ပုဂ္ဂိုလ်မျိုးကိုမှ ခေါ်နိုင်တာပါ။ ကိုယ်ကျိုးတစ်စုံတစ်ရာ ရယူခံစားပြီး လုပ်တယ်ဆိုကတည်းက ပရိဟိတသမား မစစ်တော့ပါဘူး။ (အတ္တဟိတ+ပရဟိတ) နှစ်ခုပေါင်းပြီး အတ္တပရဟိတသမား အတ္တပရဟိတလုပ်ငန်းလို့ပဲ ခေါ်သင့်တယ်လို့ ထင်ပါတယ်။ ဘာကြောင့်လဲဆိုတော့ အတ္တဟိတအတွက် ပရဟိတ လုပ်ငန်းလုပ်တာမဟုတ်လား။

Weekly Eleven News Journal အတွဲ ၁၄၊ အမှတ် ၄၇ မှ ပြန်လည်ကူးယူဖော်ပြပါသည်