ရယ်သောသူအသက်ရှည်၏

(၁)
အင်မတန်ချောမောပြီး ယောက်ျားပီသတဲ့ လူတစ်ယောက်ကိုတွေ့ရင် မင်းဘာလုပ်မလဲလို့ သူငယ်ချင်းတစ်ယောက်ကမေးတယ်။
ခင်ဗျားကိုလည်း ကျွန်တော်က အဲဒီမေးခွန်းပြန်မေးချင်တယ်။
ကျွန်တော့်အဖြေလား။ ခင်ဗျားစိတ်ဝင်စားရင် ပြောပြမယ်။
အဲဒီလူကို ကျွန်တော်သေသေချာချာကို စိုက်ကြည့်မယ်။
ကျွန်တော့်မျက်လုံးတွေ ဘယ်ကိုမှ မရွှေ့ဘဲ အဲဒီလူကို စိုက်ကြည့်နေမယ်။
စိတ်ထဲမှာလည်း အတော်ကို ဥပဓိရုပ်ကောင်းတဲ့လူပါလားဆိုပြီး ချီးကျူးနေမယ်။
ဒီလူလောက်ချောမောပြီး ယောက်ျားပီသတဲ့လူ ဒီကမ္ဘာပေါ်မှာ ရှိမှရှိပါ့မလားလို့လည်း တွေးနေမယ်။
ပြီးရင် ကျွန်တော်ပြုံးပြမယ်။
ထပ်ပြီးပြုံးဦးမယ်။
အဲ... အဲဒီလူကိုစိုက်ကြည့်နေရတာ အတော်လေးကို ကျွန်တော်ပင်ပန်းသွားပြီဆိုပါတော့ဗျာ။
ဘာလုပ်မလဲ... ဟုတ်လား။
ဘာလုပ်ရမလဲဗျ။ ကျွန်တော့်လက်ထဲမှာကိုင်ထားတဲ့ မှန်ကို အောက်ချရတော့မှာပေါ့။ မှန်ကို ကျွန်တော်အကြာကြီး ကိုင်မထားနိုင်ဘူးလေဗျာ။

(၂)
သင့်ရဲ့ အောက်နှုတ်ခမ်းကို သင့်ရဲ့လျှာနဲ့ ထိလို့မရဘူးဆိုတာ သင်သိရဲ့လား။
......
.........
.............
.........................
အေးဗျာ..... အပေါ်ကစာကြောင်းကို ဖတ်ပြီးတဲ့အချိန်မှာ လူတစ်ရာမှာ ကိုးဆယ်လောက်သော အရူးတွေက ဟုတ်မဟုတ် စမ်းကြည့်ကြတယ်ဗျ။
(မှတ်ချက်။ ကျွန်တော်လည်း ပါတာပေါ့ဗျာ)

(၃)
This cat is cat a cat good cat way cat to cat keep cat a cat idiot cat busy cat for cat 20 cat seconds cat!
ဘာအဓိပ္ပါယ်မှ မရှိဘူးဟုတ်လား။ ခဏနေပါဦးဗျာ။
အခု... အဲဒီအပေါ်က အင်္ဂလိပ်စာကြောင်းကို cat ဆိုတာတွေ ဖြုတ်ပြီး ပြန်ဖတ်ကြည့်ပါဦး။ တစ်ခုခုများအဓိပ္ပါယ်ရှိလာမလားလို့ပါ။း)

(၄)
ချစ်သူရေ...
မင်းနာမည်ကို သဲသောင်ပြင်ပေါ်မှာ ငါရေးခဲ့တယ်။ ဒါပေမယ့် ရေတွေက အဲဒီနာမည်ကို ဖျက်ဆီးပစ်ခဲ့တယ်။
မင်းနာမည်ကို လေထဲမှာ ငါရေးခဲ့တယ်။ ဒါပေမယ့် လေနဲ့အတူ အဝေးကို လွင့်ပါပျောက်ကွယ်သွားခဲ့ရတယ်။
အဲဒါကြောင့်... မင်းနာမည်ကို ငါ့အသည်းနှလုံးမှာ ရေးထိုးလိုက်တယ်။
အခု ငါနှလုံးရောဂါရနေပြီလေ.....။

(၅)
ငါဗိုက်ဆာနေတာကို ဘုရားသခင်မြင်တယ်။ အဲဒီအတွက် ပီဆာတစ်ခု ဖန်ဆင်းပေးခဲ့တယ်။
ငါရေဆာနေတာကို ဘုရားသခင်မြင်တယ်။ အဲဒီအတွက် ပက်ပ်စီကို ဖန်ဆင်းပေးခဲ့တယ်။
ငါမှောင်မိုက်နေတာကို ဘုရားသခင်မြင်တယ်။ အဲဒီအတွက် အလင်းရောင်ကို ဖန်ဆင်းပေးခဲ့တယ်။
ငါအေးအေးချမ်းချမ်းနဲ့ အပူအပင်ကင်းနေတာကို ဘုရားသခင်မြင်တယ်။ အဲဒီအတွက် မင်းဆိုတဲ့ ချစ်သူတစ်ယောက်ကို ဖန်ဆင်းပေးခဲ့တယ်။
------------------------------------------------------
ဟာသတွေကို အားကြီးကြိုက်ပါတယ်ဆိုတဲ့ ကျွန်တော့်မိတ်ဆွေတွေအတွက် အင်တာနက်ပေါ်မှာတွေ့တဲ့ ဟာသတွေကို ဆီလျော်အောင် ဘာသာပြန်ပေးထားတာပါ။

ကျေနပ်ပျော်ရွှင်နိုင်ကြပါစေဗျာ။
ကိုဉာဏ် (ပန်းလောင်မြေ)
၂၀၀၉ ခုနှစ်၊ စက်တင်ဘာလ ၉ ရက်၊ ဗုဒ္ဓဟူးနေ့။
ည ၁၁ နာရီ ၃၄ မိနစ်တွင် ပြီး၏။