မိန်းမလှကဗျာ

အရင်ဆုံး ခင်ဗျားကို တစ်ခုမေးချင်တယ်။ ဖြေကြည့်ပါဦး။ ဇာတ်လမ်းအစ စာတန်းထိုးတဲ့အချိန်မှာ ၀တ္ထု - မောင်လှမျိုး (ချင်းချောင်းခြံ) ဆိုတာကို ခင်ဗျားဖတ်ရရင် ဘယ်လိုနေမလဲဗျ။ ခင်ဗျား ဘယ်လိုဖြေမလဲဆိုတာကို ကျွန်တော်မသိပါဘူး။ ခင်ဗျားရဲ့အဖြေကို ကိုယ့်ဘာသာကိုယ် မှတ်ထားလိုက်ပါ။ ကျွန်တော်ကတော့ စာတန်းထိုးတဲ့အချိန်မှာ ၀တ္ထု - မောင်လှမျိုး(ချင်းချောင်းခြံ) ဆိုတာကို တွေ့လိုက်ဖတ်လိုက်ရတဲ့အခါ အတော်လေးကို စိတ်ညစ်သွားပါတယ်။ သြော် မောင်လှမျိုးရဲ့ ဇာတ်လမ်းပါလားဆိုပြီး ကျွန်တော့်မှာလေ အလိုလို လွမ်းလာ၊ ဆွေးလာ၊ ငိုချင်လာ၊ ကြေကွဲလာရတော့တာပါပဲ။ အဲဒါတကယ်ပြောတာပါ။ အပိုပြောနေတာ မဟုတ်ပါဘူး။ မောင်လှမျိုးဝတ္ထုအတော်များများကလည်း ဖတ်ဖူးနေတော့ ပိုဆိုးတာပေါ့။ ခင်ဗျားသာ မောင်လှမျိုး ပရိသတ်ဆိုရင် ဒါမှမဟုတ် မောင်လှမျိုးစာအုပ် နှစ်အုပ်လောက် ဖတ်ဖူးရင်ကို ကျွန်တော့်ရဲ့ ခံစားချက်တွေကို နားလည်မိပါလိမ့်မယ်။

ဇာတ်ကားအမည် - မိန်းမလှကဗျာ
ဝတ္ထု - မောင်လှမျိုး (ချင်းချောင်းခြံ)
ဇာတ်ညွှန်း - သမီးမြတ်ကျော်
ဒါရိုက်တာ - ကိုဇော် (အရုဏ်ဦး)
သရုပ်ဆောင်များ - ထွန်းထွန်း၊ အိန္ဒြာကျော်ဇင်၊ သဇင်

အခြားဝတ္ထုတွေနဲ့ မတူဘဲ မောင်လှမျိုးဝတ္ထုတွေဟာ တစ်မူဆန်းပြားတာ အားလုံးအသိပါ။ ဒီဇာတ်ကားကို ကြည့်ပြီးတဲ့အချိန်မှာ နောက်ထပ်သိလာတာတစ်ခုကတော့ မောင်လှမျိုး ၀တ္ထုကို ပြန်ရိုက်ထားတာ ဖြစ်တဲ့အတွက် မျက်လုံးထဲမှာ ဘာပြီးရင် ဘာဖြစ်တော့မယ် ဘာလာတော့မယ်ဆိုတာကို အလိုလိုကို မြင်နေတာ ဖြစ်ပါတယ်။ အခြားသော ကျွန်တော်ဖတ်ပြီးသား ၀တ္ထုတွေကို ဇာတ်ကားတွေ ပြန်ရိုက်တာ အများကြီး ကြည့်ခဲ့ဖူးပါတယ်။ ဒါပေမယ့် ရုပ်ရှင်ဇာတ်လမ်းထဲမှာ မျောပါသွားတဲ့အချိန်မှာ ၀တ္ထုကို သတိမရတော့ဘဲ ဖြစ်ခဲ့တာပါပဲ။ မင်းသိင်္ခ၀တ္ထုတွေ၊ နေနွယ်ဇင်မြင့်ဝတ္ထုတွေ၊ ပုဏ္ဏမီဝတ္ထုတွေ၊ အကြည်တော် စတဲ့စာအုပ်တွေကို ဖတ်ဖူးခဲ့တာပါပဲ။ အဲဒီဇာတ်လမ်းတွေကို ပြန်ရိုက်တဲ့ ရုပ်ရှင်၊ ဗီဒီယိုတွေကိုကြည့်တဲ့အချိန်မှာ အဆင်ပြေတာပါပဲ။ ဒါပေမယ့် မောင်လှမျိုးဇာတ်လမ်းကို ပြန်ကြည့်ရတဲ့အချိန်မှာတော့ တစ်မျိုးထူးခြားနေမိတာ အမှန်ပါပဲ။

ထွန်းထွန်းရော၊ အိန္ဒြာကျော်ဇင်ရော၊ သဇင်ရော ကျရာဇာတ်ရုပ်တွေမှာ အကောင်းဆုံး သရုပ်ဆောင်သွားတာ တွေ့ရပါတယ်။ အထူးသဖြင့် အူဝဲကတော့ သူ့သမ္ဘာအရ အကောင်းဆုံး ပါးပါးနပ်နပ် သရုပ်ဆောင်သွားတာ တွေ့ရပါတယ်။ အူဝဲပရိသတ်တွေကတော့ အတော်လေးကို သဘောကျမယ့် ဇာတ်လမ်းလို့ ဆိုပါရစေ။

စစချင်း ပထမအခန်းမှာပဲ အိန္ဒြာကျော်ဇင်က ဒိုင်ယာရီစာအုပ်လိုပုံစံမျိုး မှတ်စုစာအုပ်တစ်အုပ်ကို ဖတ်နေတာကို ရိုက်ပြပါတယ်။ ဘေးမှာ ထွန်းထွန်းက ထိုင်နေပါတယ်။ သူတို့နှစ်ယောက်စကားပြောတဲ့အခန်း ဆိုပါတော့။ ဒါပေမယ့် အဲဒီလို စကားပြောနေရင်းနဲ့ အိန္ဒြာကျော်ဇင်က ဖတ်နေတဲ့ မှတ်စုစာအုပ်ကို အောက်ကိုချလိုက်ပါတယ်။ စကားဆက်ပြောကြပါတယ်။ ဟော… အဲဒီစကားပြောနေတာကိုပဲ အနီးကပ်မဟုတ်ဘဲ ဘေးကနေရိုက်ပြတဲ့အခါကျတော့ စောစောက အိန္ဒြာကျော်ဇင်ဖတ်နေတဲ့ မှတ်စုစာအုပ်ဟာ အလကားနေရင်း ခြေထောက်ပေါက်ပြီး ထွန်းထွန်းရဲ့ ညာဖက်လက်နားက စားပွဲစွန်းမှာ ရောက်သွားတာတွေ့ရသဗျ။ အိန္ဒြာကျော်ဇင် ထိုင်နေတာက ထွန်းထွန်းရဲ့ ဘယ်ဖက်မှာပါ။ ထွန်းထွန်းလက်ကြီးနှစ်ဖက်ကလည်း စားပွဲခုံအောက်ကို ချထားတာမှ အထင်အရှားကြီး။ ဘယ်သူမှလည်း အဲဒီစာအုပ်ကို ရွှေ့တာပြောင်းတာ မလုပ်သေးပါဘူး။ စကားပြောခန်းလေး တစ်မိနစ်တောင်မပြည့်သေးတဲ့ အချိန်မှာကိုပဲ စာအုပ်ဟာ ဘယ်လို တောင်ပံပေါက်၊ ဘယ်လိုခြေထောက်ပေါက်ပြီး အဲဒီလိုရောက်သွားရသလဲဆိုတာတော့ ကျွန်တော်လည်း မတွေးတတ်ကြောင်းပါ။

နောက်တစ်ခုက မောင်လှမျိုးဝတ္ထုတွေထဲမှာမှ ရှားရှားပါးပါး ဇာတ်ကောင်ဖိုနဲ့ ဇာတ်ကောင်မ (မင်းသားနဲ့ မင်းသမီးဆိုတဲ့ ခပ်ညံ့ညံ့ အသုံးအနှုန်းကို မသုံးချင်လို့ပါ) ဇာတ်ပေါင်းတဲ့ ဇာတ်လမ်းဆိုပါတော့ဗျာ။ ပျော်ရွှင်ဖွယ်၊ ကြည်နူးဖွယ်၊ ဆွတ်ပျံ့ဖွယ်၊ ကြေကွဲဖွယ် စတဲ့ ရသမျိုးစုံကို ခံစားချင်တဲ့ပရိသတ်တွေအတွက်တော့ ကြည့်ပျော်တဲ့ ဇာတ်ကားလေးတစ်ကားလို့ ညွှန်းလိုက်ပါရစေ။

မှတ်ချက်။ ဗီဒီယိုဇာတ်ကားတွေကို ကြော်ငြာရေးပေးနေတဲ့အတွက် ကြော်ငြာခတစ်ပြားမှ မရပါ။ အားလုံး အခမဲ့ ဖြစ်ပါကြောင်း။ မိတ်ဆွေများ၏ လုပ်ငန်းများကို ကြော်ငြာလိုပါက အလုပ်အပ်နှံနိုင်ပါသည်။ သို့သော် ဈေးကြီးပါသည်။ (ဟား ဟား ဟား ဟား) အခမဲ့ပါလို့ ပြောခဲ့ပါသကော။ သြော်.. ထပ်ပြောဦးမယ်။ ဒီပို့စ်တွေဖတ်ပြီး စလောင်းမှာလာနေတဲ့ အစီအစဉ်တစ်ခုဖြစ်တဲ့ Film Mistakes လိုမျိုး မြန်မာရုပ်ရှင်၊ ဗီဒီယိုဇာတ်ကားတွေရဲ့ ဇာတ်ဝင်ခန်းအမှားများ ရေးပါလားဆိုပြီး အဆင်းကို ဘီးလာတပ်မပေးနဲ့နော်။ (ဟား ဟား ဟား ဟား) ဇာတ်ကားလေးကြည့်ရတာက တစ်နာရီကျော်ကျော်၊ အဲဒီဇာတ်ကားကို အမှားရှာပြီးရေးရတာက စာမျက်နှာ ၅၀ လောက်တော့ ကျွန်တော်မရေးနိုင်ဘူးဗျ။

P.S. Special Thank to Nay Lwin

ကျေနပ်နိုင်ကြပါစေဟု
ကိုဉာဏ် (ပန်းလောင်မြေ)
၂၀၀၉ ခုနှစ်၊ စက်တင်ဘာလ ၂၄ ရက်၊ ကြာသပတေးနေ့။
နံနက် ၂ နာရီ ၉ မိနစ်တွင် ပြီး၏။