မှန်ဖြင့်ဆောက်မည့်အိမ်၊ စနစ်နှင့်လူများ

နယူးယောက်မြို့တော်တွင် မြန်မာနိုင်ငံ၏ ဒီမိုကရေစီရေးလိုလားသူဆိုသူများ အီရတ်နိုင်ငံတွင် သမ္မတဘွတ်ရ်ှကို ဆန္ဒပြခဲ့သူတစ်ဦးကို အတုယူ၍ အလားတူလုပ်ဆောင်ခဲ့ကြခြင်းသည် ကမ္ဘာ့အလယ်တွင် မြန်မာတို့သည် အီရတ်တို့ကဲ့သို့ပင် လူကြီးလူကောင်းမဆန်သော၊ မယဉ်ကျေးသော၊ Civilize မဖြစ်သော လူမျိုးအဖြစ် သက်သေထူခဲ့ခြင်းဖြစ်ရာ မြန်မာတစ်ဦးအနေဖြင့် များစွာအရှက်ရမိပါသည်။

"မှန်ဖြင့်ဆောက်လုပ်ထားသောအိမ်တွင် နေထိုင်လိုသောလူသည် သူတစ်ပါး၏ မှန်ကို ခဲဖြင့်မပေါက်ရ" ဆိုသော တရုတ်ပညာရှိကြီးတစ်ဦး၏ စကားကို ကိုးကားရမည်ဆိုပါက ထိုအပြုအမူမျိုးသည် မြန်မာတို့အနေဖြင့် ဒီမိုကရက်တစ်လူ့အဖွဲ့အစည်း ဖြစ်နိုင်ချေ ရှိ၊ မရှိ သက်သေထူနေခြင်းလည်း ဖြစ်ပေသည်။

Us Them ခွဲခြားမှုတွင် ပိတ်မိနေသော မြန်မာနိုင်ငံသား အများအပြားရှိနေကြောင်း သိရှိနေသူတစ်ဦးအနေဖြင့် The Voice Weekly သည် အဆိုပါ အပြုအမူမျိုးကို Us Them ရှုထောင့်မှနေ၍ အသိမဲ့ ထောက်ခံအားပေးမိသော မြန်မာများရှိနေမည်ကို များစွာရိပ်မိသောကြောင့် ယခုခေါင်းကြီးကို ရေးသားလိုက်ရပါသည်။

ကျွန်ုပ်တို့အားလုံးသည် စနစ်တစ်ခု၏ သားကောင်များ ဖြစ်ခဲ့ကြပြီး ထိုစနစ်ကို ယခုအခါ ပြင်ဆင်ရန် အခွင့်သာနေချိန်ဖြစ်ရာ စနစ်နှင့် စနစ်အတွင်း ကျရာကဏ္ဍမှ ၀င်ရောက်သရုပ်ဆောင် ကပြနေသူများကို ခွဲခြားနိုင်ရေးသည် များစွာအရေးကြီးပါကြောင်း ဖော်ပြလိုက်ရပါသည်။

အယ်ဒီတာ (၇-၁၀-၂၀၀၉)

( The Voice Weekly ဂျာနယ် အတွဲ ၅၊ အမှတ် ၄၉ မှ Editorial ကို ပြန်လည်ကူးယူဖော်ပြပါသည် )