ရှေးတိပ်ခွေ၊ အထာသစ်နှင့် ဒုတိယမြေပုံ - မောင်စူးစမ်း

ရှေးလူကြီးတိပ်ခွေ
ဖော်ပြမည့်အယူအဆက ဥရောပတွင် အရင်ပေါ်သည်။ နိုင်ငံရေးတွင် လူသစ်တန်းတို့ကို နေရာပေးရန် လိုအပ်ကြောင်း နှိုးဆော်ကြရင်း Zeitgeist Tape ဆိုသော အိုင်ဒီယာကို ဖော်ထုတ်သည်။ ရှေးလူကြီးဝါရင့်ကြီးတို့၏ သြ၀ါဒတိပ်ခွေတို့ကို လူသစ်တန်းသမားတို့က လေ့လာဆည်းပူးသင့်သည်ဟု ပြောခြင်းဖြစ်သည်။ ၂၀၁၀ ခုနှစ် မြန်မာ့ရွေးကောက်ပွဲသည် Novice လူသစ်တန်းတို့၏ပွဲ ဖြစ်ပုံရမည်။ ထို့ကြောင့် လူသစ်တန်းတို့၏ပွဲတွင် ၀ါရင့်ကြီးတို့၏ သြ၀ါဒ Zeitgeist Tape သည် ဘယ်လောက်ဆီလျော်နိုင်မည်နည်းဟု အငြင်းပွားစရာပေါ်သည်။

ဝါရင့်ရှေးလူကြီးတို့သည် ဘ၀အတွေ့အကြုံရှိသည်။ ဆင်ဆင်ခြင်ခြင်ရှိသည်။ ဉာဏ်ပညာရင့်သည်။ အရေထူသည်။ ဤဂုဏ်ပုဒ်တို့ထဲမှ အရေထူမှုသည် ၀ါနုသမားတို့အတွက်  အရေးကြီးဆုံး လိုအပ်သောအချက် ဖြစ်သည်ဟု နိုင်ငံရေးသိပ္ပံပညာရှင်တို့က ထောက်ပြသည်။ သူတို့က လစ်ဘရယ်ဒီမိုကရေစီ၏ သဘာဝကို ရည်ညွှန်းသည်။ လစ်ဘရယ်ဒီမိုကရေစီ၌ လွတ်လပ်စွာဝေဖန်ခွင့်ကို ခွင့်ပြုထားရာ ပလေရာတို့သည် အဝေဖန်ခံနိုင်ရန် အတော်အရေထူရသည်။ အရေမထူဘဲ နိုင်ငံရေးသမားမဖြစ်နိုင်ပေ။

စီးရီးအတိုင်းလား
ဖွဲ့စည်းအုပ်ချုပ်ပုံအခြေခံဥပဒေသစ်အရ ပေါ်ထွန်းမည့် ဒီမိုကရေစီသည် လမ်းညွှန်ဒီမိုကရေစီဖြစ်သည်။ စည်းကမ်းပြည့်ဝသော ဒီမိုကရေစီဟု ဆိုထားသောကြောင့် ဝေဖန်မှုတို့သည် မရိုင်းစိုင်းရပေ။ နူးညံ့သိမ်မွေ့ရမည်။ အစွန်းမရောက်ရပေ။ ထိုသို့ ထိန်းထိန်းသိမ်းသိမ်းရှိသဖြင့် အရေထူရန်မလိုပါဟု စောဒကတက်မည်ဆိုလျှင် စောဒကတက်နိုင်သည်။ လမ်းညွှန်ဒီမိုကရေစီတွင် ရှေးလူကြီးတိပ်ခွေ ဘယ်လောက်ဆီလျော်သနည်း။ ထိုတိပ်ခွေထဲမှ အရေထူမှု Thick Skin သည် ဘယ်လောက်ဆီလျော်သနည်း။ ဆွေးနွေးစရာပေါ်မည်။

ရှေးလူကြီးဝါရင့်တို့၏ တိပ်ခွေသည် ၂၀၁၀ ခုနှစ်၌ ကျင်းပမည့် ရွေးကောက်ပွဲနှင့် ရွေးကောက်ပွဲအပြီးကာလတို့အတွက် မဆီလျော်ပါဟု ပြောနိုင်သည်။ မြန်မာ့အနာဂတ်သည် ပို့စ်မော်ဒန်၊ ပို့စ်အိုင်ဒီအိုလိုဂျီဖြစ်မည်။ ပါရာဒိုင်းအသစ်၊ ဂိမ်းအသစ်ဖြစ်မည်။ တပ်မတော်ဦးစီးသော ဒီမိုကရေစီခေတ်ဖြစ်မည်။ ပလေရာအသစ်တွေ ကစားမည်။ နိုင်ငံရေးဖြစ်စဉ်သည် စီးရီးမဲ့မည်။ ဘ၀က Linear ဟု ပြောနိုင်သည်။

အထာသစ်ပေါ်
မြန်မာ့နိုင်ငံရေးသမိုင်းသည် မျဉ်းတစ်ပြေးတည်းပေါ်တွင် ဖြစ်သည်မရှိ။ အစီအစဉ်အတိုင်း စီးရီးဆွဲပြီးဖြစ်သည်မဟုတ်။ ထို့ကြောင့် ၂၀၁၀ ခုနှစ် ရွေးကောက်ပွဲအပြီးကာလ၌ အစီအစဉ်အတိုင်းဖြစ်ရန် စပွန်ဆာတို့က ကြိုးစားထိန်းသိမ်းကြမည်ဖြစ်သည်။ ဤသို့ ထိန်းသိမ်းရာ၌ ခေတ်ကာလ၏ အထာသစ်ကို နှလုံးမူထားရန် လိုလာသည်။ ဤအထာသစ်မှာ မမျှော်လင့်သောဖြစ်ရပ်တွေ အမှန်တကယ်ဖြစ်ပျက်လာခြင်း၊ ဖြစ်လိမ့်မည်ဟု မယူဆသောဖြစ်ရပ်တွေ တကယ်ဖြစ်ပျက်လာခြင်း Unexpected and Implausible Happen တို့ဟူ၍ ဖြစ်သည်။ ထို့ကြောင့် ပေါ်လစီချမှတ်သူတို့သည် သူတို့၏ ပေါ်လစီခွင်ထဲတွင် မမျှော်လင့်သောဖြစ်ရပ် ဖြစ်လိမ့်မည်မဟုတ်ဟု ယူဆသောဖြစ်ရပ်တို့ကို ထည့်သွင်းထားကြပြီး။

ဒုတိယမြေပုံ
ပထမလမ်းပြမြေပုံသည် ဖြစ်ရပ်တို့ကို အစီအစဉ်အတိုင်း ဇယားချဖန်တီးသည်။ ရွေးကောက်ပွဲအပြီး၌ ပေါ်မည့်ဖြစ်ရပ်တို့ကို ဒုတိယလမ်းပြမြေပုံဖြင့် ဖန်တီးရန် လက်ရှိခေါင်းဆောင်မှုတို့၌ တာဝန်ရှိ၊ မရှိ မေးခွန်းထုတ်ရန်လိုသည်။ ရွေးကောက်ပွဲအပြီး ဒုတိယလမ်းပြမြေပုံသည် ပေါ်ပေါက်မည့်လွှတ်တော်တို့၏ ပြဋ္ဌာန်းချက်အရသာ ဖြစ်ထိုက်သည်။

မောင်စူးစမ်း
အညွှန်း - The Economist

(The Voice Weekly ဂျာနယ် အတွဲ ၆၊ အမှတ် ၃ မှ ပြန်လည်ကူးယူဖော်ပြပါသည်)