အလွမ်းပုံပြင် - ကိုဉာဏ် (ပန်းလောင်မြေ)

ချစ်ဦးသူရေ…
နှင်းရည်သွန်းလောင်း၊ ဟေမာန်ဆောင်းဝယ်
အဟောင်းပုံရိပ်၊ ပိတ်ကားလိပ်တို့
တမှိတ်ခဏ၊ မြင်လိုက်ရ၀ယ်
ရင်ဝယ်ပူနွေးလာမိသည်။

ဟိုစဉ်ကာလ၊ သည်လိုည၀ယ်
ဖွဖွသက်ပြင်း၊ တင်းတင်းရွှေလက်
တွတ်တွတ်တီတာ၊ ခါခါရယ်မော
ကြည်နူးဇောဖြင့်
ရင်တွင်းနားခိုဖူးသည်လေ။

ခုတော့သည်မောင်၊ လွမ်းလှိုင်းဖောင်၍
ဘယ်ဆီတောင်မြောက်၊ ဘယ်ဝယ်ရောက်ဟု
စိတ်ဆောက်တည်ရာ၊ လွမ်းကမ္ဘာဖြင့်
မြင်ရာလွမ်းမော၊ ကြားရာမှန်းဆ
သတိရ၍
ရင်တွင်မိုးပြိုခဲ့ပါသည်။

ချစ်ဦးသူရေ…
အချိန်ကြာညောင်း၊ ရက်တွေပြောင်းပြီ
ရာသီတွေပြောင်း၊ နှစ်တွေဟောင်းပြီ
အတိတ်မြင်ကွင်း၊ ပျောက်ကွယ်ယွင်းပြီ
သို့နှင့်အမျှ၊ တစ်ခဏ၀ယ်
တစ်စလွမ်းမျှင်၊ ရင်ဝယ်ထင်က
သည်မောင်လွမ်းနေဆဲပါကွယ်။

အမှတ်တရ
ကိုဉာဏ် (ပန်းလောင်မြေ)
၂၀၀၉ ခုနှစ် နိုဝင်ဘာလ ၃၀ ရက်၊ တနင်္လာနေ့။
ညနေ ၅ နာရီ ၁၅ မိနစ်တွင်ပြီး၏။