တစ်ခုခု လုပ်ပေးသည့်အတွက် ကျေးဇူးတင်ပါတယ်ဟု ပြောခြင်းသည် ပြောသူ၊ နာသူ နှစ်ဦးလုံးအတွက် ကြည်နူးစရာ ဖြစ်ပါသည်။ ကျေးဇူးတင်ကြောင်း ပြောသူကို အပြောခံရသူက မမေ့ပါ။ နောက်တစ်ကြိမ် ပြန်တွေ့ကြသည့်အခါတွင် ၀မ်းမြောက်ဝမ်းသာ အကျိုးပြုတတ်ကြပါသည်။ ကျေးဇူးတင်ခံရသူသည် ကျေးဇူးစကားပြောသူကို တစ်ခုခု ပြုလုပ်ပေးရန် ရှိနေသည့်အလား ခံစားကြပါသည်။ ကျေးဇူးတင်ကြောင်း ပြောသောအခါ အပြောခံရသူမှာလည်း ၀မ်းသာပီတိ ဖြစ်ရပါသည်။ သူတို့၏အလုပ်ကို ပေါ့ပါးသွက်လက်စေပါသည်။ သူတို့သည် လုပ်နေကျအလုပ်ကို လုပ်နေသော်လည်း ကျေးဇူးတင်ကြောင်း ကြားရပြီးသည်၏ နောက်ပိုင်းတွင် လုပ်နေကျအလုပ်သည် ပိုမိုစိတ်ဝင်စားစရာကောင်းပြီး၊ လုပ်ရကိုင်ရ လွယ်ကူလာတတ်ပါသည်။
"ကျေးဇူးတင်ပါတယ်" ဟူသော စကားသည် ချက်ချင်း ကျေးဇူးပင်ပေါက်၍ ကျေးဇူးအကျိုး ဖြစ်ပေါ်စေတတ်ပါသည်။ ကျေးဇူးတင်ကြောင်း အပြောခံရသည့် လူတစ်ဦး၏ ပထမဆုံး လုပ်ဆောင်ချက်မှာ အခြားလူ တစ်ဦးဦးကို ကျေးဇူးတင်ကြောင်း ပြောဆိုဖို့ပင် ဖြစ်ပါသည်။ ဤနည်းဖြင့် ကျေးဇူးတရား ကွင်းဆက်သည် ဆက်တိုက် ဖြစ်ပေါ်လာပါတော့သည်။
အထူးသဖြင့် ကျေးဇူးစကားကို မိမိလေးစားသည့် မိမိ၏ အထက်အကြီးအကဲများထံမှ ကြားရသောအခါ ပို၍ အားတက်စရာ ဖြစ်ပါသည်။ မိဘက သားသမီးကို ကျေးဇူးတင်ကြောင်းပြောခြင်း၊ အလုပ်ရှင်က အလုပ်သမားများအား ကျေးဇူးတင်ကြောင်းပြောခြင်း၊ ဆရာက တပည့်တို့အား ကျေးဇူးတင်ကြောင်းပြောခြင်း တို့သည် ကျေးဇူးတင်စကား ကြားရသူများအတွက် အထူးကြည်နူးစရာ၊ အားတက်စရာ ဖြစ်စေပါသည်။ လူစိမ်းတွေကိုတော့ ကျေးဇူးတင်ပါတယ်လို့ ပြောကြပြီး နီးနီးကပ်ကပ်နေထိုင်သူ အချင်းချင်း ဘာကြောင့် ကျေးဇူးတင်ပါတယ်လို့ မပြောကြတာလဲ။
Thursday, January 21, 2010
ကျေးဇူးတင်ပါတယ်
Frank Mihalic
(ဒေါက်တာသိန်းလွင် ၏ စိတ်ကျန်းမာရေး အတွေးစာစုများ မှ ပြန်လည်ကူးယူဖော်ပြပါသည်)
Posted by Ko Nyan Posted Time 8:42 AM
Labels စာအုပ်မှတ်စုများ, အောင်မြင်ရေး-Success
Subscribe to:
Post Comments (Atom)
No comments:
Post a Comment