ကြိုးဖုန်း၊ မိုဘိုင်းဖုန်းများအားလုံး၏ ဖုန်းခေါ်ဆိုခနှုန်းထားများကို တပြေးညီတိုးမြှင့်၊ ၂၀၁၀ ပြည့်နှစ် ဇန်န၀ါရီလ ၁ ရက်နေ့မှစ၍ တစ်မိနစ်လျှင် ငွေကျပ် ၅၀ သို့ ပြောင်းလဲမည်
(Bi Weekly Eleven Vol 2, No 41 မှ)
MNL ပြိုင်ပွဲတွင် ကလပ်အသီးသီး၌ ကစားနေသည့် ၀န်ကြီးဌာနအသီးသီးမှ ဘောလုံးသမားများအနေဖြင့် ယခုအမှတ်ပေးပြိုင်ပွဲပြီးလျှင် သက်ဆိုင်ရာဝန်ကြီးဌာနများသို့ ပြန်လည်တာဝန်ထမ်းဆောင်မည်၊ သို့မဟုတ် ဘောလုံးကိုသာ ဆက်လက်ကစားမည်ကို ဆုံးဖြတ်အကြောင်းကြားရမည်ဟု သိရသည်။
(အပတ်စဉ်ထုတ် ဂျာနယ်များမှ)
ရတနာပုံတယ်လီပို့ကုမ္ပဏီ လုပ်ငန်းလေးမျိုး လုပ်ကိုင်ခွင့်ရရှိ
- တယ်လီဖုန်းဆက်သွယ်ရေး ၀န်ဆောင်မှုလုပ်ငန်း
- သတင်းအချက်အလက် ၀န်ဆောင်မှုလုပ်ငန်း
- စက်ပစ္စည်း တပ်ဆင်ထုတ်လုပ်မှုလုပ်ငန်း
- လူ့စွမ်းအားအရင်းအမြစ် လေ့ကျင့်ပျိုးထောင်ရေးလုပ်ငန်း
ထိုကုမ္ပဏီကို အစိုးရရှယ်ယာများအပါအ၀င် နာမည်ကျော်ကုမ္ပဏီကြီးအချို့၏ ရင်းနှီးမြှုပ်နှံမှုများဖြင့် ပြီးခဲ့သည့် ဇူလိုင်လ ၂၂ ရက်နေ့တွင် ဖွဲ့စည်းတည်ထောင်ခဲ့သည်။
(မြန်မာတိုင်းမ်ဂျာနယ် အတွဲ ၂၃၊ အမှတ် ၄၄၇ မှ)
၂၀၀၉ ခုနှစ် ဒီဇင်ဘာလ ၁၂ ရက်နေ့ထုတ် နိုင်ငံပိုင်သတင်းစာများတွင် ဖော်ပြပါရှိသည့် သီချင်းရေးဆရာများ၏ သတိပေးကြညာချက်
သီချင်းရေးဆရာများဖြစ်ကြသော စိုင်းခမ်းလိတ်၊ ကိုနေ၀င်း၊ သုခမိန်လှိုင်၊ မောင်သစ်မင်း၊ ၀င်းမင်းထွေး၊ မင်းချစ်သူ၊ သော်ဒီဝေ၊ ဆဲ(လ်)၊ အောင်နိုင်စန်း၊ ညီညီသွင်၊ စောခူဆဲ၊ ထူးအိမ်သင်၊ ရွှေဂျော်ဂျော်၊ မြင့်မိုးအောင်၊ ကေအေတီ၊ နိုင်နိုင်း၊ Rခိုင်၊ ဇ၀ါ၊ အရိုးအပါအ၀င်… တို့၏ သီချင်း [တေးစာသား(သို့) တေးစာသားနှင့်သံစဉ်] များအား (ပြည်တွင်း/ပြည်ပ) မည်သည့်နေရာတွင်မဆို စီးပွားရေးအသွင်ဆောင်သော ဖျော်ဖြေတင်ဆက်မှုများ ပြုလုပ်မည်ဆိုလျှင် တာဝန်ခံစီစဉ်သူများသည် အထက်ပါသီချင်းရေးဆရာများ၏ သဘောတူခွင့်ပြုချက်ကို ယနေ့မှစ၍ ၁-၁-၂၀၁၀ ရက်မတိုင်မီ (၁) စီစဉ်သူကိုယ်တိုင်သော်လည်းကောင်း၊ (၁) တီးဝိုင်းမန်နေဂျာများမှ တစ်ဆင့်သော်လည်းကောင်း၊ (၃) အဆိုတော်များမှ တစ်ဆင့်သော်လည်းကောင်း တရားဝင်ရယူထားကြရန် အလေးအနက်သတိပေးအပ်ပါသည်။
မှတ်ချက်။ စီးပွားရေးအသွင်ဆောင်သော ဖျော်ဖြေတင်ဆက်မှုဆိုသည်မှာ အခကြေးငွေယူ၍ သီဆိုကြသော စင်တင်ဂီတပွဲများ၊ သီချင်းဆိုပြိုင်ပွဲများ၊ မွေးနေ့၊ မင်္ဂလာဧည့်ခံပွဲများ၊ စားသောက်ဆိုင်၊ ကာရာအိုကေဖျော်ဖြေပွဲများနှင့် အလားတူဖျော်ဖြေတင်ဆက်မှု ပုံစံအမျိုးမျိုးအပြင် စီးပွားရေးအသွင်ဆောင်သော အသံလွှင့်ခြင်း၊ ရုပ်သံထုတ်လွှင့်ခြင်း၊ Online လွှင့်တင်ခြင်း အမျိုးမျိုးပါ အကျုံးဝင်ပါသည်။
ဆက်သွယ်ရန်
MCLC Co., Ltd. ဂီတအနုပညာထုတ်ဝေရေးနှင့် ထုတ်လုပ်ရေးလုပ်ငန်း
အမှတ် ၃၅၁၊ မြေညီထပ်၊ ဗိုလ်အောင်ကျော်လမ်း၊ ကျောက်တံတားမြို့နယ်၊
ရန်ကုန်မြို့၊ ဖုန်း ၀၁-၃၉၂၅၆၆။
No comments:
Post a Comment