နိဒါန်း
"အဲဒီလူကြီးက ပါဝါရှိတယ်ကွ"
"ဟုတ်လား"
"အေး… အဖေတို့ပြောတာ ကြားတာပဲကွ။ သူက တကယ့်ကို ပါဝါအပြည့်နဲ့ လူကြီးတစ်ယောက်တဲ့"
"သြော်… ဒီလိုဆိုရင်တော့ သူ့ကို သတိထားဆက်ဆံမှဖြစ်မယ်။ တော်ကြာ…"
စာကိုယ်
"ဟေ့ကောင်၊ မင်းပြောတော့ အဲဒီလူကြီးက တကယ့်ပါဝါမင်း(န)ဆို၊ ငါကြည့်နေတာကြာပြီ၊ သူ့ဘာသာသူ အေးအေးဆေးဆေးနေတာပါပဲကွ"
"အေး… ငါလည်း အဲဒါပြောမလို့၊ သူက ဘယ်လိုပါဝါရှိတာလဲ မသိဘူးနော်။ သူ့ကြည့်လိုက်ရင် စာအုပ်တစ်အုပ်နဲ့ အမြဲတမ်း အလုပ်ရှုပ်နေတာချည်းပဲ"
"ငါတို့တွေ သူ့အိမ်ကို သွားလည်ရင် မကောင်းဘူးလား"
"ဟေ… ဖြစ်ပါ့မလားကွ၊ တော်ကြာ…"
"မင်းကလည်းကွာ ကြောက်စရာမဟုတ်တာ ကြောက်နေပြန်ပြီ၊ သူ့ကြည့်ရတာ သဘောကောင်းဖော်ရွေမယ့်ပုံပါကွ"
"အေး… ဒါဆိုလည်း သွားကြတာပေါ့"
နိဂုံး
"ဦးလေး၊ ၀င်ခွင့်ပြုပါနော်"
"သြော်.. ငါတူတို့ လာကြလေကွယ်၊ ဒီလမ်းထိပ်က ကလေးတွေထင်တယ်။ ဘာအကူအညီပေးရမလဲကွယ့်"
"ဟို… ဟို… ကျွန်တော်တို့…."
"ခဏလေးနော်… ငါ့တူတို့အတွက် ကော်ဖီလေးဖျော်လိုက်ဦးမယ်၊ ပြီးမှပြောကြတာပေါ့"
သူငယ်ချင်းနှစ်ယောက် ဘာပြောရမှန်းမသိ၊ ဘာမှပြန်မပြောခင် အိမ်ရှင်ဦးလေးကြီးက မီးဖိုထဲသို့ ထွက်ခွာသွားသည်။ သူတို့နှစ်ဦးသာ တစ်ယောက်မျက်နှာတစ်ယောက်ကြည့်လျက် ဘာစကားမှ မဆိုမိ။ ဧည့်ခန်းအတွင်း မျက်စိကစားရင်း ဟိုကြည့်ဒီကြည့် လျှောက်ကြည့်နေမိသည်။ ဧည့်ခန်းတစ်ခုလုံးတွင် စာအုပ်ဗီရိုတွေအပြည့်ဖြစ်သည်။ ဖုံတက်နေခြင်းမရှိဘဲ အားလုံးက ပြောင်လက်နေသည်။ ပန်းချီကားအချို့ကိုလည်း နံရံထက်တွင် တွေ့ရသည်။ ထိုအထဲတွင် သူတို့နှစ်ယောက်လုံးကို ဖမ်းစားလိုက်သည်က ရွှေရောင်စာလုံးများဖြင့် နံရံတစ်ခြမ်းပြည့်နီးပါး ချိတ်ဆွဲထားသည့် ဆိုင်းဘုတ်တစ်ခု ဖြစ်သည်။ နှစ်ယောက်သား ထိုဆိုင်းဘုတ်ကို အသံထွက်၍ ပြိုင်တူဖတ်လိုက်မိသည်။
"Knowledge is Power"
ကိုဉာဏ် (ပန်းလောင်မြေ)
၂၀၁၀ ပြည့်နှစ် ဖေဖော်ဝါရီလ ၂၄ ရက်၊ ဗုဒ္ဓဟူးနေ့။
နေ့လည် ၁၂ နာရီ ၀၉ မိနစ်တွင်ပြီး၏။
ဘာကြီးလဲဟလို့ တွေးနေကြမလား မသိပါဘူး။ အစက ကလေးအတွေးလို့ ခေါင်းစဉ်ပေးမလို့ပါ။ ဒါပေမယ့် မပေးဖြစ်ပါဘူး။ အကြောင်းကြောင်းသော အကြောင်းကြောင်းတို့ကြောင့်ပေါ့။ ဆိုင်းဘုတ်က စာသားလေးတွေကိုလည်း ခေါင်းစဉ်အဖြစ် ပေးဖို့ဆုံးဖြတ်လိုက်ပါသေးတယ်။ အဲဒီလိုသာ ခေါင်းစဉ်တပ်လိုက်ရင် နိဒါန်းမှာကတည်းက ကျွန်တော့်စာကို ဆက်ဖတ်မှာ မဟုတ်တော့တာ သေချာနေတဲ့အတွက် အဲဒီခေါင်းစဉ်ကိုလည်း စွန့်လွှတ်လိုက်ရပါတယ်။ အခုတလော ဘာတွေရေးချင်နေမှန်းလည်း မသိပါဘူး။ စိတ်ကူးတွေကလည်း ကဘောက်တိကဘောက်ချာနဲ့။ ရေးချင်တာတွေများပြီး လူလည်း ဘယ်လိုကြီးဖြစ်နေမှန်းမသိဘူး။ မှတ်စုစာအုပ်ထဲမှာပဲ တို့ထားလိုက်တယ်။ ဖြည်းဖြည်းချင်း ရေးသွားပါ့မယ်။ အားလုံးကို ကျေးဇူးပါ။
No comments:
Post a Comment