MYANMARTHWAY BLOG

Thursday, March 04, 2010

မြန်မာ့ပင်မရေစီးကြောင်းအသစ်၏ ပုံသဏ္ဌာန် - မောင်စူးစမ်း

ဒေါင်လိုက် အလျားလိုက်
၂၀၁၀ ပြည့်နှစ်တွင် ကျင်းပမည့် ရွေးကောက်ပွဲသည် ပါတီစုံဒီမိုကရေစီ ရွေးကောက်ပွဲဖြစ်သည်။ ပါတီစုံရသည်မှာ အမြင်ချင်း၊ သဘာဝချင်း ကွဲပြားခြားနားသောကြောင့် ဖြစ်သည်။ နိုင်ငံရေးသိပ္ပံပညာစကား၌ Cleavage ဟု ခေါ်သည်။ ကွဲပြားခြားနားမှုကို ဒေါင်လိုက်နှင့် အလျားလိုက်ဟူ၍ နှစ်မျိုးခွဲကြည့်သည်။ ဒေါင်လိုက်ကွဲပြားခြားနားမှုသည် ဘာသာရေး၊ လူမျိုးရေး၊ လူမှုရေးသမိုင်း စသည့် ယဉ်ကျေးမှုစံညွှန်းတို့ကို အခြေခံသည်။ အလျားလိုက် ကွဲပြားခြားနားမှုဆိုသည်မှာ လူတန်းစား၊ ၀င်ငွေ၊ ပညာအဆင့်အတန်း၊ မြို့ပြနှင့် ကျေးလက်အလုပ်အကိုင် အမျိုးအစား စသည့် စီးပွားရေးနှင့် လူမှုရေးအလွှာတို့ကို အခြေခံသည်။

ပေါ်ပေါက်မည့် နိုင်ငံရေးပါတီတို့သည် ဒေါင်လိုက်နှင့် အလျားလိုက် ကွာခြားမှုအတိုင်းအတာအလိုက် ရွေးကောက်ပွဲနိုင်ငံရေးတွင် ဖြတ်သန်းလှုပ်ရှားရတော့မည် ဖြစ်သည်။ တစ်နည်းပြောရလျှင် ရွေးကောက်ပွဲတွင် ဖော်ပြပါ ဒေါင်လိုက်နှင့် အလျားလိုက်ကွဲပြားခြားနားမှုကို ယက်ဖောက်ကြရမည်ဖြစ်လေရာ ဤယက်ဖောက်မှု လက်ရာကိုကြည့်ပြီး ဒီမိုကရေစီ၏ ရင့်ကျက်ခိုင်မာမှုကို အကဲဖြတ်နိုင်သည်။

အကန့်အသတ်အခြေစိုက်
မြန်မာ့နိုင်ငံရေးသမိုင်း အထူးသဖြင့် ရွေးကောက်ပွဲသမိုင်းတွင် စံထားကြည့်အပ်သော အခြေအနေသုံးပါး ရှိခဲ့သည်။ ၎င်းတို့မှာ (၁) နိုင်ငံရေးအိုင်ဒီအိုလိုဂျီများ၊ (၂) အင်စတီကျူးရှင်းခေါ် အဖွဲ့အစည်းများနှင့် (၃) လူပုဂ္ဂိုလ် (Personalities) တို့ ဖြစ်ကြသည်။ နိုင်ငံရေးခေတ် ရွေးကောက်ပွဲတို့၌ လက်ဝဲလက်ယာ အိုင်ဒီအိုလိုဂျီတို့ဖြင့် ဆူညံခဲ့သည်။ လူပုဂ္ဂိုလ်တို့ကလည်း အရေးပါ အရာရောက်ခဲ့သည့် နောက်ပိုင်းရွေးကောက်ပွဲတို့၌ စစ်တပ်ကို အင်စတီကျူးရှင်းက ထူးထူးခြားခြား ပုံသဏ္ဌာန်ဆောင်လာသည့် ဖြစ်ရပ်တို့ကို ပုံလောင်းလာသည်။

သို့ဖြင့် မြန်မာ့ရွေးကောက်ပွဲနိုင်ငံရေးတွင် (၁) အိုင်ဒီအိုလိုဂျီ၊ (၂) အင်စတီကျူးရှင်း နှင့် (၃) လူပုဂ္ဂိုလ်တို့၏ အခန်းကဏ္ဍကို ပကတိအခြေအနေအတိုင်း အကဲခတ်နိုင်ကြရန် လိုသည်။ ဤသို့ အကဲခတ်ရာ၌ အကန့်အသတ် Limitations တို့အပေါ် အခြေခံထားကြည့်ရန် လိုလိမ့်မည်ဟု ယူဆသည်။

လေ့လာသုံးသပ်မှုတို့၌ စွမ်းပကားအလားအလာ Potentials တို့အပေါ် အခြေခံထားကြည့်ခြင်းနှင့် အကန့်အသတ်တို့အပေါ် အခြေခံထားကြည့်ခြင်းတို့ဟူ၍ နှစ်မျိုးရှိလေရာ ပေါ်ထွန်းမည့် မြန်မာ့ဒီမိုကရေစီသည် လမ်းညွှန်ခံဒီမိုကရေစီ (Guided Democracy) ဖြစ်သည့်အလျောက် အကန့်အသတ်တို့အပေါ် အခြေခံထား၍ သုံးသပ်ကြည့်ခြင်းက ပိုပြီး ယထာဘူတကျမည်ဟု ယူဆသည်။ အကန့်အသတ်တို့ကိုမြင်မှ အကန့်အသတ်တို့ကို ကျော်ဖြတ်သောနည်းတို့ကို သိမည်။

ပင်မရေစီးကြောင်း
အထက်တွင်ဖော်ပြသော အလျားလိုက်၊ ဒေါင်လိုက် ကွဲပြားခြားနားမှုတို့သည် ရွေးကောက်ပွဲနိုင်ငံရေး၌ လည်းကောင်း၊ ပေါ်ပေါက်မည့် လွှတ်တော်များ နိုင်ငံရေး၌လည်းကောင်း လမ်းဆုံကန့်လန့်ဖြတ်ကြရတော့မည်။ Intersection ဟု ခေါ်သည်။ ထို့ကြောင့် လွှတ်တော်တို့ကို "ညှိနှိုင်းစေ့စပ်ရာဖိုရမ်" Engagement Forums များအဖြစ် သတ်မှတ်နားလည်ကြသည်။ ကွဲပြားခြားနားမှုအမျိုးမျိုးကို လွှတ်တော်အတွင်း၌ ဖြေရှင်းကုစားနိုင်မည်ဟုဆိုလျှင် ဒီမိုကရေစီသည် အခြားနိုင်ငံရေးနည်းလမ်းတို့ကို ဖယ်ထုတ်ပစ်နိုင်သည်။

မြန်မာ့နိုင်ငံရေး၌ နိုင်ငံရေးနည်းလမ်းတွေ အစုံရှိနေသည်။ နိုင်ငံရေးလုပ်ငန်းတွေ အစုံရှိနေသည်။ (၁) ပြည်ပရောက် ပြည်ပအားကိုးလုပ်ငန်း၊ (၂) ပြည်ပမှ သူပုန်လုပ်ငန်း၊ (၃) ပြည်တွင်းသူပုန်လုပ်ငန်း (၄) လမ်းပေါ်နိုင်ငံရေးလုပ်ငန်း (၅) ပြည်တွင်းတရားဝင်လုပ်ငန်းတို့ဟူ၍ ဖြစ်သည်။ ဤသို့ မျိုးစုံရှိသော နိုင်ငံရေးလုပ်ငန်းနှင့် လုပ်နည်းတို့သည် ပေါ်ထွန်းမည့် ရွေးကောက်ပွဲနိုင်ငံရေး (၀ါ) လွှတ်တော်နိုင်ငံရေးမည်သော ပင်မရေစီးကြောင်းထဲ၌သာ စိုက်စိုက်မတ်မတ် ပျော်ဝင်ကြမည်ဟုဆိုလျှင် ဒီမိုကရေစီအတွက် အလားအလာကောင်းမည်ဟု ယူဆရသည်။ ရွေးကောက်ပွဲနှင့် လွှတ်တော်နိုင်ငံရေးသည် တစ်ခုတည်းသော ဗဟိုပင်မရေစီးကြောင်းဖြစ်၍ ဤရေစီးကြောင်းကိုသာ ဗဟိုထားကြရမည်။

စိစစ်သုံးသပ်မှုပါဝါ
ဤဗဟိုပင်မရေစီးကြောင်းသည် အသစ်ဖြစ်လို့ ပါရာဒိုင်းအသစ်လို့လည်း ခေါ်လို့ရသည်။ ခွင်သစ်ဟုပြောနိုင်သည်။ ယခုအခါ ဆန်းစစ်လေ့လာမှုသည် နည်းပြောင်းသွားသည်။ ယခုအချိန်အထိ ဖြစ်ရပ်တစ်ရပ်၊ အိုင်ဒီယာတစ်ပါးကိုကြည့်လျှင် ခိုင်လုံမှု Validity ကို ကြည့်သည်။ ယုတ္တိခိုင်လုံမှုကို အဓိကထားခြင်း ဖြစ်သည်။ ယခု အတွေးအခေါ်တစ်ခု သို့မဟုတ် ဖြစ်ထွန်းမှုတစ်ခုကိုကြည့်လျှင် ဆီလျော်မှု Relevancy ကိုကြည့်သည်။

အကျိုးအကြောင်း ခိုင်လုံသည်၊ မခိုင်လုံသည်ထက် ပကတိအခြေအနေနှင့် ဆီလျော်သည် မဆီလျော်သည်ဆိုသော အချက်ကို အခြေခံထားကြည့်သည်။

ပါရာဒိုင်းအသစ်တွင် အတိတ်သည် သိပ်ပြီးဆီလျော်ဖွယ် မရှိပေ။ ထို့ကြောင့် ဆီလျော်မှုရှိ၊ မရှိကို ပစ္စုပ္ပန်နှင့် အနာဂတ်တို့အပေါ် ပြောင်းပေးကြည့်ရတော့မည်။ ဤအလို့ငှာ တွေးခေါ်နည်းတစ်ရပ်ကို အဆိုပြုပြောဆိုသည်။ ဆီလျော်မှုကို တိုင်းဆနိုင်ရန်အလို့ငှာ ပကတိအစစ်အမှန်ကို နက်နက်နဲနဲ စိစစ်သုံးသပ်နိုင်ရန် လိုသည်။ အနာဂတ်ကို ကောင်းမွန်စွာ ခန့်မှန်းနိုင်ရန် လိုသည်။ Deeper analysis of reality and better prediction of future ဟု ဆိုသည်။ ၎င်းကို စိစစ်နိုင်မှုပါဝါဟု ခေါ်သည်။

ထို့ကြောင့် မြန်မာ့နိုင်ငံရေး၏ ရှေ့အလားအလာကို သုံးသပ်ရာ၌ အတိတ်ကို အညွှန်းအဖြစ် အသုံးမပြုဘဲ ပကတိအစစ်အမှန်ကို နက်နက်နဲနဲ သုံးသပ်ပြီး အမှန်နှင့် နီးစပ်သော အနာဂတ်ကို ကြိုတင်ခန့်မှန်းနိုင်ရန်လိုသည်။

ဤသုံးသပ်မှုသည် ကန့်သတ်ချက်တို့အပေါ် ဖိုးကပ်(စ်) လုပ်လိုက်သည်။ အကန့်အသတ်မရှိ အခြေခံလစ်ဘရယ် ဖြစ်ထွန်းမှုကို မှန်းဆလို့မရနိုင်သောကြောင့် ဖြစ်သည်။

ဖြစ်ထွန်းမည့် ဒီမိုကရေစီသည် လစ်ဘရယ်ဒီမိုကရေစီမဟုတ်။ လမ်းညွှန်ခံဒီမိုကရေစီ (Guided Democracy) ဖြစ်မည်ဖြစ်သောကြောင့် ဖြစ်သည်။

အညွှန်း - ISS Journal

ရန်ကုန်တိုင်းမ်ဂျာနယ်
အတွဲ (၅) အမှတ် (၂၄)

မောင်စူးစမ်း
ရွေးကောက်ပွဲနိုင်ငံရေး
စာမျက်နှာ - ၇၅ မှ ၈၃

အခုတလော…

(၁)
အခုတလော...
အပတ်စဉ်ထုတ်ဂျာနယ်တွေမှာ ဆရာမောင်စူးစမ်းရဲ့ ဆောင်းပါးတွေ မဖတ်ရတာ နှစ်ပတ်ရှိသွားပြီ။ အပတ်စဉ် ရန်ကုန်တိုင်းမ်နဲ့ The Voice ကို ရပြီဆိုတာနဲ့ အရင်ဆုံးလုပ်တဲ့အလုပ်က ဆရာမောင်စူးစမ်းရဲ့ ဆောင်းပါးကို ရှာဖတ်ခြင်းပါ။ တစ်ပတ်တစ်ပတ် ဆရာမောင်စူးစမ်းက ဦးနှောက်ကိုဘာတွေဆွမလဲလို့ စိတ်ဝင်တစားနဲ့ စောင့်စားရတာဟာ ထီဖွင့်မယ့်ရက်ကို စောင့်နေရသူတစ်ဦးရဲ့ မျှော်လင့်မှုမျိုးနဲ့ပါ။ အသက်ကကြီးပြီဆိုတော့ ဆရာမောင်စူးစမ်း နေထိုင်မကောင်း ဖြစ်နေသလားဆိုတဲ့ အတွေးမျိုးလည်း တွေးမိပါတယ်။ မဟုတ်ပါစေနဲ့ပေါ့။ စာဖတ်သူတွေရဲ့ ဦးနှောက်တွေကို ဆွနိုင်ဖို့အတွက် အသစ်အသစ်တွေကို အချိန်ယူပြီး စဉ်းစားတွေးတော ရေးသားနေတာ ဖြစ်ပါစေလို့ပဲ ဆုတောင်းမိပါတယ်။

(၂)
အခုတလော...
မန္တလေးFM ကို အရမ်းကို သဘောကျနေမိတယ်။ အခန်းထဲမှာ ရှိနေချိန်ဆိုရင် ရေဒီယိုကို အမြဲတမ်းဖွင့်ထားဖြစ်တယ်။ သီချင်းတွေကတော့ FM လိုင်းတိုင်းမှာ လွှင့်နေတာဆိုတော့ သိပ်ပြီးမထူးပါဘူး။ အစီအစဉ်တွေကတော့ အခြားFM တွေထက် နည်းနည်းပိုထူးသလိုပါပဲ။ အမြဲတမ်းလည်း ဆန်းစစ်နေအောင် ဖန်တီးနေတာကို တွေ့နေကြားနေရတယ်။ သုမောင်ရဲ့ သြော်.. ဒါနဲ့ စကားမစပ်၊ သန်းမြတ်စိုးရဲ့ သီချင်းဟောင်းတွေကို ပြန်တင်ဆက်တဲ့အစီအစဉ်၊ ကလေးတွေအတွက် ကဗျာရွတ်၊ ပုံပြင်ပြော၊ ဘုရားစာရွတ် လုပ်ပေးတဲ့အစီအစဉ်၊ ပရိသတ်တွေက လေလှိုင်းကတစ်ဆင့် တိုက်ရိုက်သီချင်းတောင်းတဲ့ အစီအစဉ်၊ အဆိုတော်တစ်ဦးချင်းစီရဲ့ အကြိုက်ဆုံးသီချင်းတွေကို မေးမြန်းပြီး ထုတ်လွှင့်ပေးတဲ့ အစီအစဉ်တွေကို သဘောကျနေမိတယ်။ နောက်တစ်ခု မန္တလေးအက်ဖ်အမ်မှာ ကျွန်တော်စိတ်အ၀င်စားဆုံးနဲ့ သဘောအကျဆုံးတစ်ခုက အစီအစဉ်တင်ဆက်သူတစ်ယောက်ရဲ့ "ကျေးဇူးတင်ပါတယ်ရှင့်" ဆိုတဲ့ လေယူလေသိမ်းနဲ့ ပြောဟန်ဆိုဟန်ကိုပါ။ ဘယ်သူမှန်းမသိပေမယ့် အဲဒီအမျိုးသမီးပြောတဲ့ "ကျေးဇူးတင်ပါတယ်ရှင့်" ဟာ အခြားလူတွေ ပြောသလိုမျိုး မဟုတ်ဘူးဆိုတာကတော့ အသေအချာပါပဲ။

(၃)
အခုတလော...
ရာသီဥတုက ပူစပ်ပူလောင်နဲ့ နေရထိုင်ရတာ အတော်ခက်ပါတယ်။ ပူတာလည်းမဟုတ်၊ အေးတာလည်းမဟုတ်တဲ့ အဲဒီအရသာဟာ အတော်ကိုဆိုးပါတယ်။ လူကိုလည်း အလကားနေရင်း ဒေါသထွက်စေတယ်လို့ ထင်မိတယ်။ နည်းနည်းပူလာတော့ ချွေးလေးတွေကလည်း မစို့တစို့ ဖြစ်လာတော့တာပေါ့။ အဲဒီတော့ အင်္ကျီတွေမှာ ချွေးနံ့တွေစွဲချင်လာပါတယ်။ သစ်ရွက်ကလေးတွေ အပင်ပေါ်ကနေ အလုအယက်ကြွေကျလာတဲ့ ရှုခင်းတွေကို မြင်ရတော့ လွမ်းရမလို၊ ဆွေးရမလို၊ ငိုရမလို၊ ရယ်ရမလိုပါပဲ။ သြော်... ဆယ်ကျော်သက်လည်း မဟုတ်တော့ပါဘဲလျက်နဲ့လေ။ ခက်ပါနဲ့နော်။

(၄)
အခုတလော...
ဘီးနှစ်လုံးနဲ့ စီးတော်ယာဉ်တွေအတွက် ဆီသွားထည့်တော့ ဆီဈေးတက်သွားပြီတဲ့။ အရင်ထက် ၂၀၀ ကျပ်တောင် ပိုပေးလိုက်ရတယ်။ တော်တော်လည်း အံ့သြသွားတယ်။ "ဟာ... ဆီဈေးတွေကျနေတာ မဟုတ်ဖူးလား" လို့ ပြန်မေးမိတော့ မဟုတ်ပါဘူးတဲ့။ ဘာကြောင့်ပါ၊ ဘယ်ဈေးက ဘယ်လိုတက်သွားလို့ စသဖြင့် အလွတ်ကျက်ထားတဲ့ စကားလုံးတွေကို ပြန်ရွတ်ပြပါတယ်။ ကျွန်တော့်မှာ မကျေမနပ်နဲ့ "မနေ့ကပဲ ဂျာနယ်ထဲမှာ ဆီဈေးတွေ ထိုးကျသွားတဲ့အကြောင်း ဖတ်လိုက်ရသေးတယ်၊ မဟုတ်သေးပါဘူးကွာ" လို့ ရေရွတ်မိတော့ အတူပါလာတဲ့ သူငယ်ချင်းက "အဲဒါ ဂျာနယ်ပေါ်မှာ ကျတာလေ၊ အပြင်မှာ ကျချင်မှ ကျမှာပေါ့ကွ" တဲ့။ အစာမကြေပေမယ့် ငြိမ်နေလိုက်ပါတယ်။ "ဘယ်သူသေသေ ငတေမာပြီးရော" ဆိုတဲ့စကားက ခေါင်းထဲကနေ ပြူတစ်ပြူတစ်နဲ့ ထွက်လာလို့ အတင်းမောင်းလွှတ်လိုက်ရတယ်။

(၅)
အခုတလော...
ဘလော့ဂ်အတွက် ပို့စ်တွေကိုပဲ ထိုင်ရေးဖြစ်နေတယ်။ အရင်ကဆို စာသင်ချိန်မပါတဲ့နေ့တွေမှာ စာဖတ်လိုက်၊ ဗီဒီယိုလေးကြည့်လိုက်၊ သီချင်းလေးနားထောင်လိုက်နဲ့။ ပြီးခဲ့တဲ့ နှစ်ရက်-သုံးရက်ကတော့ ကွန်ပျူတာရှေ့မှာ အချိန်ပြည့်ထိုင်ပြီးတော့ကို မထတမ်း စိတ်ကူးပေါ်သမျှကို ချရေးဖြစ်ခဲ့တယ်။ တစ်ခုရေးပြီးလို့ ပြီးမလားအောက်မေ့တယ်၊ နောက်တစ်ခုက ရေးချင်လာပြန်ရော။ "အတွေးဆိုတာမျိုးက မဆုံးနိုင်ပါလား" လို့ တွေးမိသွားတယ်။

အမှတ်တရ
ကိုဉာဏ် (ပန်းလောင်မြေ)
၂၀၁၀ ပြည့်နှစ် မတ်လ ၄ ရက်၊ ကြာသပတေးနေ့။
နေ့လည် ၁ နာရီ ၅၂ မိနစ်တွင်ပြီး၏။

Wednesday, March 03, 2010

မြန်မာအခေါ်ခံရဖို့ မထိုက်တန်တဲ့သူတွေ - လူထုစိန်ဝင်း

ဖေဖော်ဝါရီ ၂၃ ရက်နေ့က ကျောင်းသူဟောင်းသုံးယောက် ရောက်လာတယ်။ တစ်ယောက်က တိုကျိုက၊ တစ်ယောက်က တိုင်ပေက၊ နောက်တစ်ယောက်ကတော့ တိုင်ပေမှာ လေး၊ ငါး၊ ခြောက်နှစ် သွားနေပြီးမှ ရန်ကုန်ပြန်လာနေသူဖြစ်တယ်။ တိုင်ပေကတစ်ယောက်ကတော့ တရုတ်နှစ်သစ်ကူး အချိန်ရောက်တိုင်း ပြန်လာနေကျဖြစ်ပေမယ့် ဂျပန်ကတစ်ယောက်ကတော့ ထွက်သွားပြီးကတည်းက အခုမှ ပထမဆုံးအကြိမ် ပြန်တွေ့ရတာဖြစ်တယ်။

ဗမာစကားပီသတဲ့လူတွေ
သုံးယောက်သားချိန်းပြီး အတူရောက်လာကြတာဆိုတော့ စကားတွေပြောလို့ မကုန်အောင်ဖြစ်နေကြတယ်။ အဲဒီလိုစကားပြောကြရင်းက တစ်ခုသတိထားလိုက်မိတယ်။ ဂျပန်ကလာတဲ့ တပည့်မက ဗမာစကားကို ဘာသံမှမ၀ဲဘဲ ပီပီသသကြီး ပြောနေတဲ့အချက်ဖြစ်တယ်။ အခုတလော ရေဒီယိုကနေ ကြားကြားနေရတဲ့ ဂျပန်ရောက်ဗမာတွေရဲ့ စကားပြောသံတွေဟာ ဂျပန်သံ ၀ဲဝဲနေကြတာတွေ့ရတယ်။ စကားပြောရင်း နောက်ဆုံးစကားလုံးကျရင် အသံကို သံရှည်ဆွဲသွားပြီးမှ ရုတ်တရက် ရပ်ပစ်လိုက်ကြတယ်။ ဂျပန်စကားပြောနေကျမို့ နေမှာပဲလို့ မှတ်ထင်နေတယ်။ ဟော အခုတစ်ယောက်ကတော့ ဘာသံမှမ၀ဲဘဲ ဗမာစကားကို ဗမာလိုပဲ ပီပီသသကြီးကို ပြောနေလိုက်တာ အံ့သြတောင်သွားရတယ်။ တကယ်တော့ သူက ဗမာတောင်မဟုတ်ပါဘူး။ လားရှိုးဇာတိ မြန်မာပြည်ပေါက် တရုတ်မလေးပါ။ စက်မှုတက္ကသိုလ်က ဗိသုကာဘွဲ့ရပြီး ၁၉၈၈ ခုနှစ် မတိုင်မီကတည်းက ဂျပန်ကို ထွက်သွားတာဖြစ်ပါတယ်။ အခုရောက်လာတဲ့ သုံးယောက်စလုံး တရုတ်မလေးတွေပါ။ တိုင်ပေမှာနေသူကလည်း ဟိုမှာ နှစ်ပေါင်းနှစ်ဆယ်ကျော်ပါပြီ။ ဘာသံမှ မ၀ဲပါဘူး။

ဗမာစကားမပီသတဲ့ဗမာတွေ
အသံမ၀ဲရုံတင်မဟုတ်ဘူး။ သူက မြန်မာပြည်ကိုလည်း ချစ်ပါတယ်။ နှစ်ကူးချိန်ရောက်တိုင်း တစ်နှစ်တစ်ခေါက် ရောက်အောင်ပြန်ပါတယ်။ ရောက်တာနဲ့ သူ့ဇာတိ ဇီးကုန်းကိုပြန်ပြီး ငယ်စဉ်က ဆရာသမားတွေကို လိုက်လံတွေ့ဆုံပြီး ကန်တော့ပါတယ်။ ဘုန်းကြီးကျောင်းတွေ ဘာတွေကိုလည်း လှူဒါန်းမှုတွေ လုပ်ပါတယ်။ သူက တိုင်ပေက အဆင့်မြင့် နိုင်ငံတကာဟိုတယ်ကြီးတစ်ခုမှာ မန်နေဂျာအဆင့် ရာထူးရထားပါတယ်။ ဒါပေမဲ့ သူများတကာတွေလို မိဘဆွေမျိုးတွေပါခေါ်ပြီး ဟိုမှာမနေပါဘူး။ တစ်ယောက်တည်းပဲ နေပါတယ်။ သူတို့တစ်တွေလို နှစ်ပေါင်းနှစ်ဆယ်၊ အစိတ် နိုင်ငံခြားသွားနေတဲ့ မြန်မာပြည်ပေါက် တရုတ်မလေးတွေက ဗမာစကား ပီပီသသပြောပြီး မြန်မာပြည်ကို ချစ်နေကြပေမယ့်၊ လွန်ခဲ့တဲ့ လေးငါးနှစ်ကမှ နိုင်ငံခြားရောက်သွားတဲ့ ဗမာစစ်စစ်တွေက ဗမာစကားကို နိုင်ငံခြားသံဝဲပြီး ပြောနေကြတာကိုတော့ ဘယ်လိုမှ နားမလည်နိုင်တာ အမှန်ပါပဲ။

မြန်မာပြည်နဲ့မတန်ဘူးတဲ့
တချို့များ ဗမာစကားကို နိုင်ငံခြားသံဝဲပြီး ပြောရုံတောင်မကပါဘူး။ သူတို့တတ်ထားတဲ့ ပညာတွေဟာ မြန်မာပြည်နဲ့ မတန်အောင် မြင့်နေတဲ့အတွက် ပြန်လာလည်း အချည်းနှီးပဲလို့တောင် ပြောတတ်ကြသေးတယ်။ တတ်ထားတဲ့ပညာနဲ့ လူသားတွေကို အကျိုးပြုနေဖို့ပဲလိုတယ်။ ဘယ်နိုင်ငံသားဖြစ်ရမယ်ဆိုတဲ့ ကျဉ်းမြောင်းတဲ့အမြင်မျိုး မထားသင့်ဘူး။ ဂလိုဘယ်လိုက်ဇေးရှင်းခေတ်မှာ ဂလိုဘယ်အမြင် ရှိဖို့လိုတယ်။ ဟိုနိုင်ငံသား၊ ဒီနိုင်ငံသားဆိုတဲ့ သတ်မှတ်ချက်တွေဟာ ခေတ်နဲ့မညီတော့ဘူး။ လူသားအားလုံးဟာ ကမ္ဘာသူ၊ ကမ္ဘာသားတွေပဲလို့ ကြည့်တတ်မြင်တတ်ရမယ်လို့လည်း ပြောလေ့ရှိကြတယ်။ အရှက်မရှိလို့ မျက်နှာပြောင်တိုက်ပြီး ပြောနေကြတာပါ။ ကိုယ့်ရပ်ကိုယ့်ရွာက ကိုယ့်ဆွေမျိုး အသိုင်းအ၀ိုင်းကိုတောင် အကျိုးပြုချင်တဲ့ စေတနာမရှိတဲ့သူမျိုးက ကမ္ဘာ့လူသားတွေကို အကျိုးပြုမယ်လို့ ပြောနေတာကို ဘယ်သူက ယုံမှာလဲ။

သူများတွေပါ အမြီးပြတ်စေချင်လို့
လူပုဂ္ဂိုလ်တစ်ဦးတစ်ယောက်ချင်း ကိုယ်နေချင်ရာနေ၊ ကိုယ်လုပ်ချင်တာလုပ်၊ ကိုယ့်အပူမဟုတ်လို့ ဘာမှပြောစရာမရှိပါဘူး။ ဒါပေမဲ့ ကိုယ့်ဟာကိုယ် အမြီးပြတ်တာကို ဆိတ်ဆိတ်မနေဘဲ သူများတွေပါ အမြီးလိုက်ဖြတ်ဖို့ တောင်ပြောမြောက်ပြော လျှောက်ပြောနေတာတွေတော့ သည်းမခံနိုင်ဘူး။ ဒါပေမဲ့ တော်ပါသေးတယ်။ အဲဒီလို အမြီးပြတ်တွေက လက်တစ်ဆုပ်စာလောက်သာရှိလို့။ နိုင်ငံခြားရောက် မြန်မာလူငယ်တွေ အများစုကတော့ သူတို့လိုမဟုတ်ကြဘူး။ ကြိုးစားပမ်းစား အလုပ်တွေလုပ်ပြီး မိဘတွေကို ကျေးဇူးဆပ်နေကြရှာတာပါ။ တချို့များ အလုပ်နှစ်မျိုးပြောင်းပြီး တစ်နေ့ကို ၁၆ နာရီလောက်အထိကို လုပ်ကြရရှာတာ။ တချို့ကျတော့လည်း အလုပ်တစ်ဖက်လုပ်ရင်းနဲ့ ကျောင်းတက် ပညာသင်လိုက်ကြသေးတယ်။ ဒီကြားထဲကတောင် မိဘတွေဆီ လစဉ်မပျက်မကွက် လှမ်းပြီးကန်တော့နေကြတာ ချီးကျူးစရာကောင်းလှတယ်။

တွံတေးသိန်းတန်ကြိုက်ကြလွန်းလို့
အနှစ်နှစ်ဆယ်၊ အစိတ် နိုင်ငံခြားသွားမယ့်သူတွေကို အင်္ဂလိပ်စကားပြောသင်တဲ့ ဆရာလုပ်ခဲ့တာဆိုတော့ ကမ္ဘာ့နိုင်ငံအတော်များများမှာ ကျောင်းသူကျောင်းသားတွေ ထောင်နဲ့ချီပြီး ရှိနေကြပါတယ်။ မြန်မာပြည်ဟာ သူတို့ပညာနဲ့ မထိုက်တန်သေးလို့ ပြန်မလာဘူးလို့ ပြောတဲ့သူ ကိုယ့်ကျောင်းသူ ကျောင်းသားထဲက လေးငါးယောက်ထက် မပိုပါဘူး။ အများစုက မြန်မာပြည်ကို လွမ်းတသသနဲ့ နေ,နေကြတာချည်းပါ။ တွံတေးသိန်းတန်နဲ့ ဟင်္သာတထွန်းရင် သီချင်းခွေတွေဆို ကိုယ်ကသာ နားမထောင်တာ တပည့်တွေမှာလို့ ခဏခဏ ၀ယ်ပို့နေရတယ်။ တချို့များ ကြံကြံဖန်ဖန် ကျောက်ငရုတ်ဆုံနဲ့ လဲမှို့ခေါင်းအုံးတောင် မှာလို့ပို့ရတယ်။ အမေရိကန်မှာမွေးပြီး ဟိုမှာပဲကြီးတဲ့ တစ်ဦးတည်းသော မြေးယောက်ျားလေးကတောင် မြန်မာပြည်က အချဉ်ထုပ်တွေနဲ့ လက်ဖက်သုပ်ကို သိပ်ကြိုက်တာ။ ''များများနဲ့ မြန်မြန်ပို့ပါ ဖိုးဖိုး'' လို့ ဖုန်းဆက်တိုင်း ပြောလေ့ရှိပါတယ်။

သူတို့ပြန်လာကြမှာပါ
အဖေဗမာ၊ အမေဗမာဆိုတော့ မြေးကလေးရဲ့ကိုယ်ထဲမှာ စီးဆင်းနေတဲ့သွေးတွေက ဗမာ့သွေးတွေချည်း မဟုတ်လား။ ဇာတိသွေးဆိုတာ ပျောက်ခဲပါတယ်။ ဗမာသွေးမနှောတဲ့ တပည့်မလေးတွေတောင် မြန်မာ့မြေမှာမွေး၊ မြန်မာ့လေကိုရှူ၊ မြန်မာ့ရေကိုသောက်ပြီး မြန်မာ့ဆန်ကို စားခဲ့ကြတာ ဖြစ်လေတော့ မြန်မာပြည်ကိုပဲ လွမ်းတသသ ဖြစ်နေကြတာပါ။ အခွင့်သာတိုင်း မြန်မာပြည်ကို ပြန်လာကြပါတယ်။ ကိုယ့်နိုင်ငံအပြင်ထွက်ပြီး နိုင်ငံစုံရောက်ဖူးလေလေ မြန်မာပြည်လောက် နေချင်စရာကောင်းတဲ့ ပျော်စရာကောင်းတဲ့နိုင်ငံ မရှိဘူးဆိုတာ သိလေလေဖြစ်တာကြောင့် တစ်နေ့မှာ သူတို့ပြန်လာကြမှာပါ။ မြန်မာပြည်ဟာ သူတို့ပညာနဲ့ မထိုက်တန်သေးဘူးဆိုတဲ့ လူတွေကိုလည်း စကားတစ်ခွန်း ပြောချင်ပါတယ်။ သူတို့ရဲ့ စိတ်ဓာတ်မျိုးတွေဟာ မြန်မာလူမျိုး ဖြစ်ဖို့ထိုက်တန်တဲ့ အဆင့်မဟုတ်ဘူး ဆိုတာပဲဖြစ်ပါတယ်။

အနတ္တကို ဦးထိပ်ထား
မြန်မာလူမျိုးဖြစ်ဖို့ဆိုတာ လွယ်တယ်ထင်သလား။ ဗြဟ္မစိုရ်တရားနဲ့ ဟီရိသြတပ္ပတရားတွေကို နားလည်သဘောပေါက်ပြီး လိုက်နာကျင့်သုံးမှ မြန်မာလူမျိုးစစ်တာ။ နိုင်ငံခြားမှာ ဘယ်လောက်အကြာကြီးနေနေ ဒီတရားတွေကို လိုက်နာကျင့်ကြံနေသရွေ့ မြန်မာလူမျိုးလို့ ခေါ်နိုင်တယ်။ ဒီတရားတွေကို လုံးဝပစ်ပယ်ပြီး 'ဘယ်သူသေသေ ငတေမာပြီးရော' ဆိုတဲ့ စိတ်ဓာတ်မျိုး ထားသူဆိုရင်တော့ မြန်မာနိုင်ငံတွင်းမှာနေလည်း မြန်မာလူမျိုးလို့ အခေါ်ခံရဖို့ မထိုက်တန်ပါဘူး။ မြန်မာစိတ်၊ မြန်မာစရိုက်ရဲ့ အနှစ်သာရက 'အတ္တ' ကို ပယ်ခွာခြင်းဖြစ်တယ်။ ဗုဒ္ဓဆုံးမခဲ့တဲ့ 'အနတ္တ' တရားကို ဦးထိပ်ထားကြတယ်။ ''ဘယ်သူသေသေ ငတေမာပြီးရော'' စိတ်က 'အတ္တ' လွန်ကဲမှု ဖြစ်တယ်။ လူအများဘာဖြစ်ဖြစ် 'ငါ' ကောင်းစားဖို့သာအဓိက ဆိုတဲ့စိတ်ဖြစ်တယ်။ ဒီလူမျိုးတွေက မျောက်ပြဆန်တောင်း လုပ်တာမျိုးကိုလည်း ရှက်ရကောင်းမှန်း မသိဘူး၊ ကြောက်ရကောင်းမှန်းလည်း မသိဘူး။ မေတ္တာ၊ ကရုဏာ၊ စေတနာ ဆိုတာတွေလည်း နားမလည်ပါဘူး။ ဒီလူမျိုးတွေဟာ မြန်မာလို့အခေါ်ခံရဖို့ မထိုက်တန်သူတွေပါ။

Weekly Eleven News Journal
အတွဲ (၅) အမှတ် (၂၁)၊ March 3, Wednesday, 2010
စာမျက်နှာ-၂၂

Gtalk အတွေးစာသားများ စုစည်းမှု (၄)

ဂျီတော့ခ်က စာသားလေးတွေ မတင်သေးဘူးလားလို့ ခဏခဏမေးနေကြတဲ့ မိတ်ဆွေတွေအတွက် ထပ်မံစုစည်းလို့ ရသမျှကို တင်ပေးလိုက်ပါတယ်နော်။ ဖတ်ဖူးပြီးရင်လည်း ထပ်ဖတ်လိုက်ပေါ့ဗျာ။ ခင်ဗျားရေးထားတဲ့ စာသားတွေပါနေရင်လည်း မသိချင်ယောင်ဆောင်ပြီးသာ ဖတ်လိုက်။း)

မြန်မာပြည်သည် အလွန်ပျော်စရာကောင်းသော နိုင်ငံတစ်ခုဖြစ်ပါသည်။
မီးလာလျှင် ပျော်ရသည်။
ရေလာလျှင် ပျော်ရသည်။
အင်တာနက်ကွန်နက်ရှင်း ကောင်းလျှင်လည်း ပျော်ရသည်။

ချောတာတွေ လိုချင်ရင်
မင်းသားတွေ ရှိတယ်.....
ပိုက်ဆံရှိတာ လိုချင်ရင်
သူဌေးသားတွေ ရှိတယ်.....
အပြောချိုတာ လိုချင်ရင်
ပွဲစားတွေရှိတယ်.....
ချစ်တာကိုမှ လိုချင်ရင်
ငါပဲ ရှိလိမ့်မယ်ချစ်သူ.....။

နောက်ထပ် ထပ်မဆုံချင်သူများကို block ပါမည် ..
ဆုံဆည်းသည့်ကံ ကုန်သည်ဟု သဘောထားပေးပါ ....။

Money grows on tree.
(လိုက်ဆို... အကြိမ် ၃၀၀၀၊ ကျွန်န်ုပ်တို့သည် မြန်မာပြည်တွင်နေသည့် မြန်မာများပီပီ... မြန်မာပြည်အင်တာနက်ကို သည်းခံ၍သုံးစွဲပါမည်)

အခြားတစ်ယောက်နဲ့ Q နေလို့ Busy ပြထားတာကို မသိဘူးမှတ်မနေနဲ့။း(

ချစ်တယ်လို့ ပြောတာကို စိတ်ဆိုးသလား။
အဲဒါဆိုလည်း နင့်ကို မုန်းတယ်... မုန်းတယ်.... မုန်းတယ်။ အကြိမ်တစ်ထောင် မုန်းတယ်။
အခုတော့ နင်ပျော်သွားပြီလား။း)

မျှော်နေသူမောလှပါတယ်။ ဘာမှာလဲ ချစ်တဲ့သူရယ်... အမြဲတမ်းစောင့်နေတယ်... မင်းသိရဲ့လား။

မိန်းမဖျက်တော့ ပြည်ပျက်တယ်တဲ့။
ဘယ်သူ့ကြောင့်လဲတော့ မသိဘူး။ ပျက်တော့ပျက်နေပြီ။

အချို့က ချစ်လျက်နဲ့ ကွဲကြတယ်... ဒါပေမယ့်.... မုသားတွေပါတယ် ...။
အချို့က ကွဲလျက်နဲ့ ချစ်ကြတယ်... ဒါပေမယ့်.... မာနတွေပါတယ် ....။
အချို့က ဝေးလျက်နဲ့ နားလည်ကြတယ်... ဒါပေမယ့်.... အချစ်ဆိုတာပါတယ် ...။

ကောင်းတဲ့စာသားလေးတွေဖတ်မိတဲ့အခါ သတိတရနဲ့ ကျွန်တော့်ဆီကို အော့ဖ်လိုင်းမက်ဆေ့ခ်ျ ပို့ပေးထားတတ်သူတွေ၊ အီးမေးလ်ကို ပို့ပေးသူတွေ၊ အတင်းကာရော လက်ဆွဲခေါ်ပြီး စာအုပ်ထဲမှာ ကူးရေးခိုင်းသူတွေ စသည်ဖြင့် ကူညီကြသူ၊ အားပေးကြသူအားလုံးကို ကျေးဇူးတင်ရှိပါကြောင်း။

အမှတ်တရ
ကိုဉာဏ် (ပန်းလောင်မြေ)
၂၀၁၀ ပြည့်နှစ် မတ်လ ၃ ရက်၊ ဗုဒ္ဓဟူးနေ့။
ည ၈ နာရီ ၄၀ မိနစ်တွင်ပြီး၏။

အပြစ်မြင်တတ်တဲ့ ကျွန်တော် ???

သူငယ်ချင်းတွေကတော့ ပြောကြတယ်။ မင်းကတဖြည်းဖြည်းနဲ့ ဂျာနယ်လစ်တွေနဲ့ တူလာပြီတဲ့။ တကယ်တမ်း သူတို့ပြောတာက ပိုပြင်းထန်တယ်။ ကျွန်တော်အမြဲဖတ်နေကျ ဂျာနယ်တစ်ခုရဲ့ နာမည်တပ်ပြီးတော့ကို ပြောကြတာ။ တွေ့ကရာကို အပြစ်လိုက်မြင်နေပုံမျိုးနဲ့ ခေါင်းစဉ်တပ်ကြတယ်။ တကယ်တမ်းပြောရရင် ဂျာနယ်လစ်တွေဟာ သူများအမှားကိုပဲ လိုက်ရှာပြီး ရေးနေကြသူတွေလို့ ကျွန်တော်က မယူဆပါဘူး။ သူတို့မှာလည်း သူတို့အလုပ်နဲ့ ပတ်သက်ပြီး စောင့်ထိန်းရမယ့် ကျင့်ဝတ်တွေ ရှိကြပါတယ်။ ဂျာနယ်လစ်တစ်ယောက် ဖြစ်ဖို့ဆိုတာ လွယ်တာမှမဟုတ်တာ။ ထားပါတော့လေ။ ဂျာနယ်လစ်အကြောင်း ပြောဖို့မဟုတ်ပါဘူး။ တစ်ခုခုဆိုရင် အပြစ်မြင်တတ်လွန်းတယ်လို့ ပြောတတ်ကြတဲ့ ကျွန်တော့်သူငယ်ချင်းတွေအတွက် ပိုပြီးတော့ ပြောစရာဖြစ်အောင် လုပ်လိုက်ပါဦးမယ်။ တခြားတော့ မဟုတ်ပါဘူး။ မနေ့က သတင်းစာဖတ်နေရင်းနဲ့ အမှတ်တမဲ့ တွေ့လိုက်မိတဲ့ အမှားလေးတွေပါ။ မပြောတော့ဘူးလို့ နေတာပါပဲ။ ဒါပေမယ့် စိတ်ထဲမှာ တနုံ့နုံ့ကြီးဖြစ်နေလို့ တင်ပေးလိုက်တာပါ။ အရာရာကို တကူးတက အပြစ်ရှာပြီး လိုက်ကြည့်တာမျိုး မဟုတ်တာတော့ အသေအချာပါပဲ။ ဒါပေမယ့်ဗျာ... ကျွန်တော့်ကျမှပဲ အမှားတွေက လာလာတွေ့နေရတာ အတော်ဆိုးတယ်။ အချို့သူငယ်ချင်းတွေကဆို ကျွန်တော့်ကို မင်္ဂလာဆောင်ဖိတ်စာတွေ၊ အလှူဖိတ်စာတွေ၊ ကလေးမွေးနေ့ဖိတ်စာတွေ ပေးဖို့အတွက် လက်တွန့်နေကြတယ်။ သူတို့ဘာသာ လုပ်ထားတုန်းက အကောင်းသား၊ ကျွန်တော့်ကိုဖိတ်လိုက်မိကာမှ ဘယ်နားမှာ စာလုံးပေါင်းမှားနေတယ်၊ ခုနှစ်ကို အဲလိုမရေးရဘူး၊ ရေးထားတာ သဒ္ဒါမမှန်ဘူး စသဖြင့် ထောက်ပြပြောဆိုမိတာကိုး။ အချို့က ဘာမှမပြောဘူး၊ အချို့က ကျေးဇူးတင်စကား ဆိုကြတယ်၊ အချို့ကတော့ ကျွန်တော့်ကို တစ်ခါတည်း စလံသသွားတဲ့ ပုံစံမျိုးနဲ့ ကြည့်ကြတယ်။ အခင်မင်တွေတောင် ပျက်ကုန်ပါရောလား။ မှန်တာကိုတော့ မှန်တဲ့အတိုင်း ပြောရမှာပါပဲလေ။ အခင်မင်ပျက်တာလောက်ကို အရေးလုပ်မနေနိုင်ပါဘူး။ ဟိုတုန်းက ပုဂ္ဂိုလ်ကြီးတွေလိုမျိုး အမှန်တရားအတွက် အသက်ကို စွန့်ရဲတဲ့သူလည်း မဟုတ်ရပါဘူး။ ဒါပေမယ့် အမှန်တရားအတွက် အခင်မင်ပျက်တာ၊ စိတ်ဆိုးသွားတာလောက်တော့ ရင်းရဲတဲ့သတ္တိလေး ရှိပါသေးတယ်။ အဲဒါကြောင့်လည်း တွေ့မိတဲ့ အမှားလေးတွေကို ထောက်ပြပြောဆိုမိတာပါနော်။

(၁)

ပုံမှာမြင်ရတဲ့အတိုင်းပါပဲ... [ရုရှားရူပီးငွေ]လို့ သုံးနှုန်းထားတာကို ကျွန်တော့်မျက်စိကလည်း ပေါက်ပေါက်ရှာရှာကို မြင်ဖြစ်အောင် မြင်လိုက်မိပါသေးတယ်။ အင်တာနက်မှာ ရှာကြည့်တော့လည်း ရုရှားငွေကို ရူပီးလို့ ဘယ်လိုမှကို အသံထွက်လို့ မရပါဘူး။ အိန္ဒိယငွေဆိုရင်လည်း အကောင်းသား။ အနီးစပ်ဆုံး ကျွန်တော်ထွက်လို့ရတာကတော့ ရုရှားငွေကို [ရူဘယ်လ်]လို့ပဲ အသံထွက်ရပါတယ်။ Ruble ဆိုတဲ့ စကားလုံးကို ရူပီးလို့ အသံထွက်လို့ရတယ်ဆိုရင်လည်း ကျွန်တော့်အမှားပဲ ဖြစ်ပါစေတော့။
[၂-၃-၂၀၁၀ ရက်နေ့ထုတ် မြန်မာ့အလင်းသတင်းစာ၊ စာမျက်နှာ-၆]

(၂)

၂၀၁၀ ကာလင်းဖလားပြိုင်ပွဲ ဗိုလ်လုပွဲမှာ မန်ချက်စတာ ယူနိုက်တက်အသင်းက အက်စတွန်ဗီလာအသင်းကို [နှစ်ဂိုး-တစ်ဂိုး] နဲ့ အနိုင်ရသွားတယ်ဆိုတာကို အားလုံးနီးပါးလောက် သိကြပါတယ်။ ဒါပေမယ့်ဗျာ ကျွန်တော်တို့ မန်ယူခမြာလည်း ဖလားသာ ရသွားရှာတယ်။ အက်စတွန်ဗီလာကို အနိုင်မကန်သွားနိုင်ရှာဘူးကိုး။ နှစ်ဂိုးသွင်းနိုင်ခဲ့တဲ့ အေဗီလာက အနိုင်မရဘဲ တစ်ဂိုးပဲရခဲ့တဲ့ မန်ယူက ဘာကိစ္စ ဖလားရသွားသလဲဆိုတာကို ဒီသတင်းကိုပဲ ဖတ်တဲ့လူတွေအတွက်တော့ ပုစ္ဆာတစ်ပုဒ် ဖြစ်သွားနိုင်ပါတယ်။
[၁-၃-၂၀၁၀ ရက်နေ့ထုတ် The New Light of Myanmar၊ စာမျက်နှာ-၁၄]

(၃)

နောက်တစ်ခုကတော့ Eleven Journal မှာ ဖတ်လိုက်ရတဲ့ ကြော်ငြာတစ်ခုပါ။ လူမင်းကို ကိုယ်စားလှယ်ဆိုလား၊ သူတို့ရဲ့ သံတမန်ဆိုလား ခန့်အပ်ထားတယ်ဆိုတဲ့ အသိပေးကြေညာချက်ပါ။ အဲဒီကြော်ငြာရဲ့ ခေါင်းစဉ်မှာ စာလုံးကြီးတွေပြူးနေအောင် ရေးထားတာလေးကို ပြောချင်တာပါ။ မြန်မာစာရေးတဲ့နေရာမှာ "ကြော်ငြာ" ဆိုတာနဲ့ "ကြေညာ" ဆိုတာကို နေရာမှန်အောင် မသုံးကြဘဲ အရောရောအထွေးထွေး သုံးတတ်ကြပါတယ်။ တီဗီမှာ၊ မဂ္ဂဇင်းမှာ ကြော်ငြာတာဟာ ကြော်ငြာပါ။ ထုတ်ပြန်ချက်တွေ၊ အသိပေးချက်တွေကိုတော့ ကြေညာရပါတယ်။ ဟော... အခုတော့ သူတို့က အခန့်သား ရေးထားလိုက်ပုံများက "အသိပေး ကြေငြာချက်" တဲ့။ အင်တာနက်ကွန်နက်ရှင်းကြောင့် အဲဒီဂျာနယ်ကို ဒေါင်းလုဒ်မချနိုင်သေးတဲ့အတွက် လောလောဆယ် သည်းခံလိုက်ကြပါဦး။ ကျွန်တော့်မှာရှိတဲ့ ဂျာနယ်ကိုပဲ စကင်ဖတ်ပြီး တင်ပေးနိုင်ဖို့ ကြိုးစားလိုက်ပါဦးမယ်။

ကွန်နက်ရှင်းက စိတ်ကောင်းဝင်နေတဲ့အတွက် ဂျာနယ်ကို ဒေါင်းလုဒ်ချလို့ရပါပြီ။ နေရာချန်ခဲ့တဲ့ ပုံနေရာကို တင်ပေးလိုက်ပါပြီနော်

[၁၇-၂-၂၀၁၀ ရက်နေ့ထုတ် Weekly Eleven Journal အတွဲ ၅ အမှတ် ၁၉၊ စာမျက်နှာ-၃၇]

ကဲ... ဒီလောက်နဲ့ပဲ တော်ပါပြီဗျာ။ ကျွန်တော်ကပဲ အပြစ်မြင်နေတယ်ပဲ ဆိုလိုက်ကြပါစို့။ မြင်တယ်ဆိုတာကလည်း မရှိရင် ဘယ်မြင်လိမ့်မလဲနော်။ ရှိနေတဲ့အမှားကို မြင်မိတယ်ဆိုတာ မြင်တဲ့လူရဲ့ အမှားတော့ ဟုတ်ဟန်မတူဘူးလို့ ကျွန်တော်က ယုံကြည်မိတာပါပဲ။

အမှတ်တရ
ကိုဉာဏ် (ပန်းလောင်မြေ)
၂၀၁၀ ပြည့်နှစ် မတ်လ ၃ ရက်၊ ဗုဒ္ဓဟူးနေ့။
နေ့လည် ၂ နာရီ ၅၂ မိနစ်တွင်ပြီး၏။

Golden Words For Us

သင့်ရဲ့အလုပ်ကို ချစ်မြတ်နိုးပါ။ ဒါပေမယ့် သင့်လုပ်နေတဲ့ ကုမ္ပဏီကိုတော့ မချစ်ပါနဲ့။
ဘာကြောင့်လဲဆိုတော့.....
သင်လုပ်နေတဲ့ကုမ္ပဏီဟာ ဘယ်အချိန်မှာ သင့်ကိုချစ်နေတာတွေ ရပ်သွားမယ်ဆိုတာ မသိနိုင်လို့ပါပဲ။
===============================================(ဒေါက်တာ အဗ္ဗဒူကလန်)

အောင်မြင်မှုရဲ့ လျှို့ဝှက်ချက်က ဘာလဲ?
မှန်ကန်တဲ့ ဆုံးဖြတ်ချက်တွေပေါ့။
မှန်ကန်တဲ့ ဆုံးဖြတ်ချက်တွေကို သင်ဘယ်လို ချမှတ်နိုင်ခဲ့သလဲ?
အတွေ့အကြုံအရပေါ့။
အတွေ့အကြုံတွေကိုရော သင်ဘယ်လိုရခဲ့သလဲ?
မှားယွင်းတဲ့ ဆုံးဖြတ်ချက်တွေဆီကပေါ့။
===============================================(ဒေါက်တာ အဗ္ဗဒူကလန်)

ဘယ်သူတွေ မင်းအကြောင်းတွေးနေသလဲဆိုတာ မင်းအတွက် အရေးမကြီးဘူး။
ဒါပေမယ့်.....
သူတို့တွေ မင်းအကြောင်းတွေးနေဖို့အတွက် မင်းဘာတွေ လုပ်ခဲ့သလဲဆိုတာကတော့ မင်းအတွက် အရေးကြီးတယ်။
===============================================(စတန်လေ ဖားရက်ဒ်)

မိန်းမတစ်ယောက်ရဲ့ အချစ်ဦး ဖြစ်ခွင့်ရတဲ့ ယောက်ျားဟာ ကံထူးသူကြီးပေါ့။
ယောက်ျားတစ်ယောက်ရဲ့ နောက်ဆုံးချစ်သူ ဖြစ်ခွင့်ရတဲ့ မိန်းမကတော့ မဟာကံထူးရှင်ပါ။
===============================================(ချားလ် ဒစ်ကင်းစ်)

သင့်ရဲ့ စိတ်ပျက်ဝမ်းနည်းဖွယ်ရာ အချိန်တွေကို သဲသောင်ပြင်မှာ မှတ်တမ်းတင်ပြီး၊ ပျော်ရွှင်ကြည်နူးဖွယ်ရာ အချိန်တွေကိုတော့ ကျောက်တုံးထက်မှာ ကမ္ဗည်းရေးထိုးလိုက်ပါ။
===============================================(ဂျော့ ဘားနတ်ရှော)

အောင်မြင်တဲ့လူတစ်ဦးရဲ့ နှလုံးသားထဲမှာ မပြောပြဖြစ်တဲ့ နာကျင်မှုတစ်ခု ရှိနေတတ်တယ်။
===============================================(ဘီလ် ဂျက်ကော့စ်)

မင်းရဲ့ အတ္တတွေအတွက် မင်းချစ်တဲ့လူတစ်ယောက်ကို ဆုံးရှုံးရတာထက်
မင်းချစ်တဲ့လူတစ်ယောက်အတွက် မင်းရဲ့အတ္တတွေကို အရှုံးပေးလိုက်ရတာက ပိုကောင်းပါတယ်။
===============================================(ဂျွန် ကိစ်)

ပျော်ရွှင်နေတဲ့အချိန်မှာ ကတိမပေးမိပါစေနဲ့။
ဝမ်းနည်းနေတဲ့အချိန်မှာ ဘာမှပြန်မပြောမိပါစေနဲ့။
စိတ်တိုနေတဲ့အချိန်မှာ ဘာဆုံးဖြတ်ချက်မှ မချမိပါစေနဲ့။
ဘာကိုပဲဖြစ်ဖြစ် နှစ်ကြိမ်နှစ်ခါ ပြန်စဉ်းစားပါ။ ဉာဏ်အမြော်အမြင်နဲ့ ဆုံးဖြတ်ပါ။

**************************
အင်တာနက်ပေါ်မှာ တွေ့တာလေးတွေကို ကောင်းနိုးရာရာ ဘာသာပြန်ပေးထားတာပါ။ ကျေနပ်ပျော်ရွှင်နိုင်ကြပါစေနော်။

အမှတ်တရ
ကိုဉာဏ် (ပန်းလောင်မြေ)
၂၀၁၀ ပြည့်နှစ် မတ်လ ၃ ရက်၊ ဗုဒ္ဓဟူးနေ့။
နေ့လည် ၁၂ နာရီ ၃၆ မိနစ်တွင်ပြီး၏။

အို...လူသား ဘာလဲ၊ ဘယ်လဲ - ကိုဉာဏ် (ပန်းလောင်မြေ)

ခေါင်းစဉ်ကိုဖတ်ပြီးတဲ့အချိန်မှာ စာဖတ်သူအနေနဲ့ တစ်မျိုးတော့ ဖြစ်သွားမလားမသိပါဘူး။ ဟုတ်ကဲ့... အဲဒီခေါင်းစဉ်ကိုပေးမိတဲ့ ကျွန်တော်တောင် ချီတုံချတုံနဲ့ ဒီခေါင်းစဉ်အတိုင်းပဲ ထားရမလား၊ ဒါမှမဟုတ် အခြားခေါင်းစဉ်တစ်ခုကို ပြောင်းရမလားဆိုတဲ့ အတွေးတွေနဲ့ပေါ့။ ပြောချင်နေတဲ့အကြောင်းအရာက နောက်ဆုံးမှာ ဒီခေါင်းစဉ်ကိုပဲ လာနွယ်နေတာမို့ ဒီအတိုင်းပဲ ထားလိုက်ပါတယ်နော်။ ဆုံးအောင်ဖတ်ပြီးသွားရင်တော့ ဒီခေါင်းစဉ်ကို နားလည်သွားမယ်လို့ မျှော်လင့်ရတာပါပဲလေ။

ဒီပို့စ်ရဲ့ ကုန်ကြမ်းက ဒီလို၊ ဒီလို
တစ်ရက်က လ္ဘက်ရည်ဆိုင်ထိုင်ရင်း ဆိုင်ရှင်အစ်ကိုကြီးက လက်အိတ်အသစ်ကြီး ၀တ်ထားတဲ့အတွက် စကြ၊ နောက်ကြတာပေါ့။ အဲဒီမှာ အစ်ကိုကြီးက သူ့လက်အိတ်နဲ့ပတ်သက်ပြီး ဘာပြန်ပြောလဲဆိုတော့ "ဒီမှာတွေ့လား၊ ကျားရုပ်ဗျ၊ ကျားနှစ်ရောက်သွားပြီလေ" ဆိုပြီး လက်အိတ်ပေါ်က ကျားရုပ်ကြီးကို ဂုဏ်ယူဝံ့ကြွားစွာ ပြပါတယ်။ တကယ့်ကို စိတ်တူကိုယ်တူ အပေါင်းအသင်းတွေဆိုရင်တော့ အချေအတင် ဆွေးနွေးငြင်းခုန်ဖြစ်မှာ အသေအချာပါပဲ။ ဒါပေမယ့် အသက်အားဖြင့်ရော၊ အတွေ့အကြုံအားဖြင့်ပါ ကိုယ့်ထက်အများကြီး ပိုကြီးရင့်တဲ့ လူတစ်ယောက်ကို အတိုက်အခံလုပ်ပြီး ပြန်မပြောဖြစ်ခဲ့ပါဘူး။ စိတ်ထဲမှာတော့ ပြောချင်စိတ်တွေ တဖွားဖွား ဖြစ်မိတာပေါ့ဗျာ။ အဲဒီတဖွားဖွားစိတ်ကလေးတွေကို အခုလို ပို့စ်တစ်ခုရေးပြီး ဖွင့်အံထုတ်လိုက်ခြင်း ဖြစ်ကြောင်းပါခင်ဗျား။

တစ်ခုတော့ ကြိုတင်ပြောကြားပါရစေ။ ကျွန်တော့်အယူအဆ၊ ကျွန်တော့်ခံယူချက်သက်သက်သာ ဖြစ်တဲ့အတွက် အများစုနဲ့ လုံးဝကို အယူအဆတူနိုင်မှာ မဟုတ်ဘူးဆိုတာကို ကျွန်တော်သိတယ်ဆိုတာပါ။ အချို့အတွက်ဆိုရင် သူတို့ကို စော်ကားသလိုတောင် ဖြစ်နေမယ်ဆိုတာ တွေးမိပါတယ်။ ဒါပေမယ့် ဘယ်သူ့ကိုမှ စော်ကားပုတ်ခတ်လိုခြင်းမရှိဘဲ ကျွန်တော်ယုံကြည်ရာ အတွေးသက်သက်ကိုသာ ရေးသားခြင်းဖြစ်ပါတယ်။

အရုပ်များ နှင့်လူသား
အားလုံးသိပြီးသား အကြောင်းအရာတစ်ခုပါ။ ကိုယ့်ဝန်းကျင်မှာလည်း မကြာခဏဆိုသလို မြင်ဖူး၊ တွေ့ဖူး၊ ကြုံဖူး၊ ကြားဖူး နေမှာပါ။ အချို့ဆိုရင် ကိုယ်တိုင်တောင် အဲဒီအဖြစ်အပျက်တွေထဲမှာ ပါဝင်နေမှာ အသေအချာပါ။ အခြားတော့ မဟုတ်ပါဘူး။ အရုပ်တွေကိစ္စပါ။ ဘာအရုပ်တွေလည်းလို့မေးရင် အစုံလို့ပဲ ဖြေရမှာပါပဲ။ လက်တစ်ဆစ်ခန့် ဘုရားဆင်းတုတော်တွေကစပြီး အကောင်မျိုးစုံ၊ ပုံသဏ္ဌာန်မျိုးစုံ၊ စုံမှစုံပါပဲ။ အားလုံးရဲ့ ရည်ရွယ်ချက်က တစ်ခုတည်းပါ။ ယုံကြည်မှုတစ်ခုအရ ဆောင်ထားခြင်း ဖြစ်ပါတယ်။ အချို့က ကျန်းမာရေးအတွက်၊ အချို့က အောင်မြင်မှုအတွက်၊ အချို့က စီးပွားလာဘ်လာဘအတွက်၊ အချို့က ပီယအတွက်၊ အချို့က ကံကောင်းမှုအတွက် စသည်စသည်ဖြင့်ပေါ့ဗျာ။ ယုံကြည်မှုအမျိုးမျိုးနဲ့ပေါ့။ သူတို့ကို အပြစ်တင်နေတာ မဟုတ်ပါဘူး။ လူဆိုတာ ကိုယ်ယုံကြည်ရာကို ကိုယ့်စိတ်ကြိုက် လုပ်ခွင့်ရှိတာပဲ မဟုတ်လား။ ဒါပေမယ့်လည်း ဘာမှအသက်မရှိတဲ့ ကျားရုပ်ကလေးတွေ၊ နဂါးအရုပ်ကလေးတွေ၊ ဂဠုန်အရုပ်ကလေးတွေ၊ ခြင်္သေ့ရုပ်ကလေးတွေ၊ စတဲ့အရုပ်ကလေးတွေက ကျွန်တော်တို့ရဲ့ ကံကြမ္မာကို ပြုပြင်ပြောင်းလဲနိုင်မယ်လို့ ယုံကြည်ကြတာဟာ နည်းနည်းများ စဉ်းစားဉာဏ်မဲ့ရာ ရောက်နေမလားလို့ပါ။

ကိန်းဂဏန်း နှင့် လူသား
နောက်တစ်မျိုးကတော့ ကိန်းဂဏန်းတွေနဲ့ ပတ်သက်လို့ပါ။ လူတွေကလည်း လူတွေပါပဲဗျာ။ ဘာတွေမှန်းလည်း မသိပါဘူး။ အတော်လည်း ရယ်စရာကောင်းတယ်။ နံပါတ် ၇ ကိုကျတော့ Lucky Seven တဲ့။ နံပါတ် ၁၃ ကျပြန်တော့ Unlucky Number ဆိုပြီး ဂဏန်းတန်းစားခွဲခြားမှု လုပ်ကြပြန်ပါရောလား။ တစ်ချို့ကျတော့လည်း စုံဂဏန်းမှတို့၊ မဂဏန်းမှတို့ ဆိုတဲ့လူတွေလည်း ရှိသေးတယ်။ သုညဆိုတာ ဘာမှမရှိတဲ့အရာမို့ သုညပါတာတွေကို ရှောင်တဲ့လူတွေလည်း မနည်းဘူး။ ဘယ်လောက်အထိလဲဆိုရင် ကြက်ဥ၊ ဘဲဥ၊ ငုံးဥဟာ သုညနဲ့တူလို့ စာမေးပွဲဖြေဖို့သွားခါနီး၊ အင်တာဗျူးဖြေဖို့သွားခါနီးတွေမှာ အဲဒီဥတွေကို မစားရဘူးဆိုတဲ့ လူတွေက ရှိသေးသဗျ။ ဘယ်နှယ့်ဗျာ ကမ္ဘာဦးကတည်းက ကြက်တွေ၊ ဘဲတွေ၊ ငုံးတွေက အဲဒီလိုပဲ ဥလာကြတာပဲ။ လူသားတွေအတွက် လေးထောင့်တွေ၊ ချွန်ချွန်တွေပဲ ဥပေးရဦးမလိုလိုပဲ။ အခုလည်း ကြည့်ပါဦး… နောက်ဆုံးပေါ် ရူးသွပ်မှုတစ်ခုက ဘာလဲဆိုတော့ [၁၀-၁၀-၁၀] တဲ့။ ကဲ… ဘယ်လောက်တောင်များ တွေးတတ်လိုက်ကြသလဲနော်။ ၂၀၁၀ ပြည့်နှစ် အောက်တိုဘာလ ၁၀ ရက်နေ့ကို ရေးတဲ့အခါ ၁၀-၁၀-၁၀ (10-10-10) လို့ ရေးကြမှာပဲလေဗျာ။ ဘာများထူးဆန်းလို့လဲ။ ဒါပေမယ့် အမှတ်တရတို့၊ ကြုံတောင့်ကြုံခဲတို့၊ တစ်သက်မှာ တစ်ခါပဲ ကြုံရတာတို့ ဆိုတဲ့စကားတွေက လာသေးတယ်။ ဘယ်ရက်ကများ ကျွန်တော်တို့ဘ၀မှာ နှစ်ခါပြန်ထပ်ဖူးတာ ရှိလို့လည်းဗျာ။ ဥပမာ- ခင်ဗျားမွေးနေ့ဟာ [00-00-0000] ဆိုပါတော့။ အဲဒီနေ့ဟာ သေသွားတဲ့အထိ ဘယ်နှစ်ခါများ ပြန်ထပ်ဖူးလို့လဲ။ ကြုံတောင့်ကြုံခဲမှ တကယ့်ကို ကြုံတောင့်ကြုံခဲပါဗျာ။ ကုန်လွန်သွားတဲ့အချိန်ဆိုတာ ဘယ်တုန်းကမှ ပြန်ရရိုးထုံးစံမရှိပါဘူးဗျ။ တစ်ခုမေးချင်တာက အခု ကျွန်တော်တို့လူသားတွေ အရေးတယူလုပ်နေတဲ့ ကိန်းဂဏန်းတွေဆိုတာ မိုးပေါ်ကကျလာတာ မဟုတ်ပါဘူး။

အရောင်များ နှင့် လူသား
လာပြန်ပြီ နောက်တစ်မျိုး၊ အရောင်တွေပါတဲ့ခင်ဗျား။ အာလုံးသိကြတဲ့အတိုင်းပါပဲ… ဘယ်အရောင်က ဘာဖြစ်စေတယ်၊ ဘယ်အရောင်က နိမိတ်မကောင်းဘူး၊ ဘယ်အရောင်က လူနဲ့မတည့်ဘူး စသည်ဖြင့် လူတွေကဲကြ၊ သဲကြတာကို ကြုံဖူးကြမှာ မလွဲမသွေပါပဲ။ စိတ်ပညာသဘောအရ အရောင်တွေဟာ လူတွေအပေါ် လွှမ်းမိုးမှုရှိတယ်ဆိုတာကို ကျွန်တော်လုံးဝကို လက်ခံပါတယ်။ အစိမ်းရောင်ဟာ လူတွေရဲ့ အမြင်အာရုံကို ငြိမ်းချမ်းစေတယ်တို့၊ အဖြူရောင်ဟာ လူတွေရဲ့စိတ်ကို ကြည်လင်စေတယ်တို့ စသည်ဖြင့်ပေါ့။ ဒါပေမယ့် အရောင်တွေကို အဆောင်တစ်ခုလို၊ ယုံကြည်ကိုးကွယ်မှုတစ်ခုလို သတ်မှတ်ကြတာမျိုးကိုတော့ ကျွန်တော် လက်မခံချင်ပါဘူး။ အလှူပွဲအခမ်းအနားတစ်ခုခုကို အနက်ရောင်ဝတ်သွားမိတဲ့အခါ ၀ိုင်းကြည့်ကြတဲ့ လူတွေရဲ့ မျက်လုံးတွေကို ကျွန်တော်မုန်းတယ်။ သူတို့က လူကိုဖိတ်တာလား၊ အ၀တ်အစားအရောင်ကို ဖိတ်တာလား။ အနက်ရောင်ဝတ်လာတဲ့အတွက် သူတို့အလှူပွဲက ပျက်သွားမှာမို့လား။ နာရေးအခမ်းအနားတစ်ခုခုကို အရောင်လွင်လွင်လေးတွေ၊ အထူးသဖြင့် အဖြူရောင်ဝတ်သွားမိတဲ့အခါ ရှုံ့ချတဲ့အကြည့်နဲ့ ကြည့်ကြတဲ့ လူတွေရဲကအကြည့်တွေကို ကျွန်တော်မုန်းတယ်။ အဖြူရောင်ဝတ်ထားတဲ့အတွက် သေနေတဲ့လူအပေါ် ဘာတွေများ ထိခိုက်စရာ ရှိလို့လဲ။ သေတယ်ဆိုတာထက် ဆိုးတဲ့အဖြစ် ရှိသေးလို့လား။ အများစု လက်ခံနေကြသလို အမည်းရောင်ဝတ်သွားရင်ရော သေတဲ့လူက ပြန်ရှင်လာမှာမို့လား။ နောက်တစ်ခုက အမည်းရောင်ကို ဘာကိစ္စနဲ့ အမင်္ဂလာအရောင်အဖြစ် သတ်မှတ်ကြသလဲဆိုတာကို နားမလည်နိုင်ဘူး။ ကျွန်တော်ကတော့ အမည်းရောင်၊ အနက်ရောင်ကို လုံးဝကိုကြိုက်တယ်။ လူတွေသတ်မှတ်ထားကြတဲ့ အရောင်တွေက ကျွန်တော်တို့တွေရဲ့ အဆိုးအကောင်းကို ပြုပြင်ပြောင်းလဲနိုင်မယ်ဆိုတာ မယုံကြည်တဲ့အတွက် ကျွန်တော့်ကို အပြစ်တင်ကြမယ်ဆိုရင်လည်း ရှိစေတော့ပေါ့ဗျာ။

ပိုက်ဆံ နှင့် လူသား
ဒီအကြောင်းအရာကို ပြောဖို့ကတော့ နည်းနည်းလက်တွန့်မိတယ်။ လူပြောများသလို အငြင်းအခုန်လည်း များနိုင်တဲ့ကိစ္စမို့ပါ။ ပိုက်ဆံဆိုတာ ဘာညာဆိုတာတွေ မပြောတော့ပါဘူး။ ပြောချင်တာကိုပဲ ရောက်အောင်ပြောတော့မယ်။ ပိုက်ဆံဆိုတာ လူသားတွေ ဖန်တီးထားတဲ့ အရာတစ်ခုပါ။ ဘယ်တန်ခိုးရှင်ကမှ ဖန်ဆင်းပေးထားတာမဟုတ်ပါဘူး။ လူသားတွေရဲ့ သတ်မှတ်ချက်သက်သက်ပါ။ အဲဒီပိုက်ဆံကပဲ လူသားတွေရဲ့ ဘ၀ကို ဖျက်ဆီးနိုင်တာ၊ မြှင့်တင်နိုင်တာတွေ လုပ်နိုင်တယ်လို့ လူတွေက ဆိုလာကြတဲ့အခါ ကျွန်တော်မကျေမနပ် ဖြစ်မိတယ်။ Money makes everything! လို့ ဆိုတဲ့လူတွေတောင် ရှိသေးသည်။ မှန်သလား၊ မှားသလား ကျွန်တော်မပြောချင်။ ပြောချင်သည်က ပိုက်ဆံက လူသားတွေကို ဘာမှမလုပ်နိုင်ပါ။ အဲဒီပိုက်ဆံကို ဖန်တီးထားသော လူသားတွေကသာ၊ တစ်နည်း ပိုက်ဆံနောက်က လူသားတွေကသာ လူသားအချင်းချင်း၏ ကံကြမ္မာတွေကို ဖန်တီးနေခြင်း ဖြစ်သည်။ ပိုက်ဆံနောက်ကလူတွေဆိုတော့ သူတို့ချည်းပဲ မဟုတ်ပါ။ ပိုက်ဆံရှေ့ကလူတွေလည်း ထိုအဖြစ်အပျက်မှာ ပါဝင်ကပြ အသုံးတော်ခံနေကြပါသည်။ ပိုက်ဆံဆိုတာ သတ်မှတ်ထားတဲ့ စာရွက်တစ်ရွက်ပါကွာလို့ ကျွန်တော်မပြောချင်ပါ၊ အခြားသူများကိုလည်း ထိုသို့ပြောရန် မတိုက်တွန်းပါ။ သို့သော် ပိုက်ဆံကို ပိုက်ဆံလိုသာ မြင်ကြစေလိုပါသည်။ ပိုက်ဆံသည် ကိုးကွယ်ရာမဟုတ်ပါ။ အသုံးချစရာပစ္စည်းတစ်ခုမျှသာ ဖြစ်ပါသည်။

လူသား နှင့် လူသား
ကျွန်တော်အဓိက ပြောချင်သည်က တဖြည်းဖြည်းနှင့် ပုံပေါ်လာပါပြီ။ ပြောခဲ့သလို လူသားတွေသည် အရုပ်တွေအပေါ်မှာ၊ အရောင်တွေအပေါ်မှာ၊ ကိန်းဂဏန်းတွေအပေါ်မှာ၊ ပိုက်ဆံတွေအပေါ်မှာ၊ အခြားသော အရာတွေအပေါ်မှာ ယုံကြည်နေကြသည်၊ ကိုးကွယ်နေကြသည်။ အပြစ်မတင်ပါ၊ တကယ်ကို အပြစ်မတင်ပါ။ လူသားသည် လူသားပီသမည်သာ ဖြစ်ပါသည်။ ကိုယ့်အသက်ရှင်ရပ်တည်မှုအတွက် မြက်တစ်ပင်ပဲဖြစ်စေ အားကိုးအားထားရှာကြမည်၊ လက်ဆုပ်လက်ကိုင်ပြုကြမည်သာ ဖြစ်ပါသည်။ နားလည်ပါသည်၊ တကယ့်ကို နားလည်ပါသည်။ သို့သော် နားမလည်နိုင်သည်များလည်း များစွာရှိနေပါသည်။ စာဖတ်သူများကလည်း ၀ိုင်းဝန်းအဖြေရှာပေးကြစေလိုပါသည်။ ကိုယ့်ဘာသာကိုယ် ဖြေကြည့်ကြစေလိုပါသည်။

အဘယ့်ကြောင့် လူအချင်းချင်း တွေ့ဆုံကြသည့်အခါ ခွန်းချိုသံသာစကားများဖြင့် ပြုံးပြနှုတ်ဆက်ဖို့ ၀န်လေးနေကြပါသနည်း။
အဘယ့်ကြောင့် လူအချင်းချင်း တစ်ဦးအပေါ်တစ်ဦး လက်ကမ်းကြိုဆိုဖို့၊ ဖေးဖကူညီဖို့ ၀န်လေးနေကြပါသနည်း။
အဘယ့်ကြောင့် လူအချင်းချင်း သံသယမျက်စိဖြင့်မကြည့်ဘဲ ယုံကြည်ရင်းနှီးဖို့ ၀န်လေးနေကြပါသနည်း။
အဘယ့်ကြောင့် လူအချင်းချင်း အငြိုးအတေးကြီးစွာ ပစ်ခတ်သတ်ဖြတ်နေကြပါသနည်း။
အဘယ့်ကြောင့် လူအချင်းချင်း မေတ္တာမထားနိုင်၊ မုဒိတာမပွားနိုင် ဖြစ်နေကြပါသနည်း။
အဘယ့်ကြောင့် လူအချင်းချင်း …………?
အဘယ့်ကြောင့် လူအချင်းချင်း …………?
အဘယ့်ကြောင့် …………………………..?
အဘယ့်ကြောင့် …………………………..?

ခေါင်းစဉ်လေးကို ပြန်ပြောပါရစေ။ အို…လူသား ဘာလဲ၊ ဘယ်လဲ?

အမှတ်တရ
ကိုဉာဏ် (ပန်းလောင်မြေ)
၂၀၁၀ ပြည့်နှစ် မတ်လ ၃ ရက်၊ ဗုဒ္ဓဟူးနေ့။
နံနက် ၁၀ နာရီ ၀၅ မိနစ်တွင်ပြီး၏။

Tuesday, March 02, 2010

News from Photos, Photos from News

(၁)
ပြောစရာဖြစ်ခဲ့တဲ့ အင်ဒိုနီးရှားက ရုပ်တု

သိပြီးတဲ့လူတွေအတွက်တော့ ထားလိုက်ပါတော့။ မသိသေးတဲ့လူတွေအတွက် မိတ်ဆက်ပေးရရင် အပေါ်ကရုပ်တုဟာ အမေရိကန်သမ္မတကြီး ဘားရက်အိုဘားမားရဲ့ ငယ်စဉ်ကလေးဘ၀ရုပ်ပုံကို ထုလုပ်ထားတာဖြစ်ပါတယ်။ အမေရိကန်မှာလို့တော့ မထင်လိုက်ပါနဲ့။ အိုဘားမား ငယ်ငယ်တုန်းက နေခဲ့ဖူးတဲ့ အင်ဒိုနီးရှားနိုင်ငံမှာ ဖြစ်ပါတယ်။ အင်း... တရားကျစရာကောင်းလိုက်တာနော်။ အိုးဘားမားသာ အမေရိကန်သမ္မတမဖြစ်ဘဲ ဘင်လာဒင်နဲ့ ပေါင်းပြီး အယ်လ်ကိုင်ဒါးမှာ ခေါင်းဆောင်လုပ်နေရင် ဒီရုပ်တုကို အင်ဒိုနီးရှားကလူတွေ ဘယ်ကလာပြီး ထုလိမ့်မလဲနော်။ အခုတော့ သူက ငြိမ်းချမ်းရေးနိုဘယ်လ်ဆုရ ကမ္ဘာသိ နိုင်ငံခေါင်းဆောင်ကြီးတစ်ဦး ဖြစ်သွားတာကိုး။ ထားလိုက်ပါတော့လေ။ အစကတော့ အဲဒီရုပ်တုကို မြို့တော်မှာ ထားဖို့အတွက် စီစဉ်နေရာချထားကြတာပါ။ ဒါပေမယ့် ၀ိုင်းဝန်းကန့်ကွက်မှုတွေကြောင့် အိုးဘားမားငယ်စဉ်က စာသင်ခဲ့တဲ့ မူလတန်းကျောင်းလေး အနီးမှာ ထားဖို့အတွက် ဆုံးဖြတ်ခဲ့ကြရပါတယ်။

ကျွန်တော်ကတော့ အဲဒီရုပ်တုအကြောင်းကို တွေးမိတိုင်း တစ်ခုခုကို အလိုမကျသလိုကြီး ဖြစ်မိတယ်ဗျ။ ဘာကိုမှန်းတော့ မသိပါဘူး။ ကိုယ်နဲ့လည်း ဘာမှဆိုင်တာလည်း မဟုတ်ဘဲနဲ့ အလကားနေရင်း သူများနိုင်ငံအကြောင်း တွေးနေမိတာ မနိပ်လှပါဘူးဗျာ။ ကျွန်တော်တို့ မြန်မာနိုင်ငံမှာဆိုရင်ကော... ဆိုတဲ့မေးခွန်းလေးကိုတော့ စာဖတ်သူကိုယ်တိုင်သာ ဖြေကြည့်စေချင်ပါတယ်။ ဘယ်လိုအဖြေဖြစ်နိုင်တယ်ဆိုတာကို ကျွန်တော်သိနေသလိုပါပဲ။

(၂)
နည်းပညာအောင်ပွဲလား၊ လူသားတွေရဲ့ လိုအင်လား

အပေါ်ကပုံကတော့ အသစ်တီထွင်ထုတ်လုပ်ထားတဲ့ Roxxxy ဆိုတဲ့ ကမ္ဘာ့ပထမဆုံး အမျိုးသမီး ဖျော်ဖြေရေးစက်ရုပ်ဖြစ်ပါတယ်။ နယူးဂျာစီအခြေစိုက် ကုမ္ပဏီတစ်ခုက အင်ဂျင်နီယာ Douglas Hines ဆိုသူက အချိန် ၂ နှစ်ခွဲခန့်ကြာအောင် သုတေသနပြု ဖန်တီးထုတ်လုပ်ခဲ့တာ ဖြစ်ပါတယ်။ အရပ် ၅ ပေ ၇ လက်မ အမြင့်ရှိပြီး ကိုယ်အလေးချိန် ပေါင် ၁၂၀ ရှိတဲ့ Roxxxy ဟာ သာမန်မိန်းကလေးတစ်ဦးနဲ့မခြား သာယာကျေနပ်မှုပေးနိုင်တယ်လို့ ပြောထားကြပါတယ်။ ဒီအရုပ်တစ်ခုရဲ့ တန်ဖိုးဟာ ဒေါ်လာ ၇၀၀၀ နဲ့ ၉၀၀၀ ကြားမှာ ကျသင့်မှာ ဖြစ်ပါတယ်။ အမှာစာများစွာ လက်ခံရရှိနေတာကြောင့် ထုတ်လုပ်တဲ့ ကုမ္ပဏီအနေနဲ့ မှာကြားမှုတွေကို ပြည့်မီအောင် ထုတ်လုပ်ပေးနိုင်ပါ့မလားဆိုတာတောင် စိတ်ပူနေကြရတဲ့အထိ အောင်မြင်နေပါသတဲ့။ နောက်တစ်ခုက အဲဒီလိုအရုပ်တွေကို မှာကြားတဲ့အခါမှာ ကိုယ်လိုချင်တဲ့ ဆံပင်အရောင်၊ မျက်လုံးအရောင်၊ အသားအရေအရောင်၊ ကိုယ်ခန္ဓာအစိတ်အပိုင်း တစ်ခုချင်းစီရဲ့ အရွယ်အစား စသည်ဖြင့် တောင်းဆိုလို့ရပါသေးသတဲ့။

အချို့ကတော့ ဒါကို နည်းပညာအောင်ပွဲလို့ မြင်နေကြပါတယ်။ လူသားတွေဟာ အရာအားလုံးကို ဖန်ဆင်းချင်သလိုကို ဖန်ဆင်းနေကြပြီလို့ ကျွန်တော်က တွေးနေမိပါတယ်။ ကျွန်တော့်ရဲ့လေသံမှာ ဒေါသသံတွေစွက်နေခဲ့ရင် သေချာတာပေါ့ဗျာ။ လူတွေဟာ သဘာဝတရားဆိုတာကြီးကို နည်းလမ်းမျိုးစုံနဲ့ ဆန့်ကျင်ကြဖို့ ကြိုးစားနေကြသလား ဆိုတဲ့မေးခွန်းကို စာဖတ်သူက တစ်ချက်လောက် ဖြေကြည့်ပေးစမ်းပါ။

(၃)

ပေးပေမယ့် မယူကြဘူးတဲ့လား

ပိုက်ဆံဆိုတာလောက်တော့ အားလုံးသိကြပါတယ်။ ပိုက်ဆံမှာမြင်ရတဲ့ လူပုဂ္ဂိုလ်ကလည်း မြန်မာတွေနဲ့ မစိမ်းလှတဲ့ အိန္ဒိယရဲ့ ခေါင်းဆောင်ကြီးတစ်ဦးပါပဲ။ ဒါပေမယ့် သတိထားကြည့်မိတဲ့လူတွေကတော့ ပိုက်ဆံပေါ်မှာ [သုညရူပီး]လို့ ရေးထားတာကို မြင်ကြရမှာပါ။ ပိုက်ဆံကလည်း သုညရူပီးဆိုတော့ ဘယ်လိုကြီးလဲမသိဘူးလို့ ဖြစ်ကြမှာပေါ့နော်။ ဟုတ်ကဲ့ ဖြစ်ချင်စရာပါ။ ဒါပေမယ့် မဖြစ်ကြပါနဲ့။ အိန္ဒိယနိုင်ငံမှာ ရုံးလုပ်ငန်းတွေ ဆောင်ရွက်တဲ့အခါ လာဘ်ပေးလာဘ်ယူမှုတွေ များလွန်းတဲ့အတွက် အဲဒီလိုလူတွေကို ပညာပေးဖို့၊ တားဆီးဖို့အတွက် အဲဒီပိုက်ဆံကို တီထွင်ထားတာပါတဲ့။ သတင်းအနေနဲ့ကတော့ အဲဒါပါပဲ။ စိတ်ဝင်စားစရာကောင်းသလို တွေးလည်းတွေးလို့ကောင်းတာပေါ့နော်။

တွေးကြည့်ပါတယ်။ ကျွန်တော်တို့နိုင်ငံမှာရော အဲဒီလိုမျိုး [သုညကျပ်] ဆိုတဲ့ပိုက်ဆံ တီထွင်လိုက်ရင် ဘယ်လိုနေမလဲလို့။ စာဖတ်သူလည်း တွေးကြည့်စမ်းပါ။ ကျွန်တော်ကတော့ တွေးရင်းနဲ့ ရယ်နေမိပါတယ်။ စော်ကားတာမဟုတ်ပေမယ့် မျက်စိထဲကို ချက်ချင်းပြေးမြင်မိတာက ဦးထုပ်အဖြူဆောင်းထားတဲ့ လူကြီးတွေကိုပါ။ ဘဲဥလို့လည်း ခေါ်တတ်ကြပါတယ်။ သူတို့ခမြာ မိတ်ဟောင်းဆွေဟောင်းတွေ တွေ့တဲ့အခါတိုင်း လက်ဝါးချင်းရိုက်ပြီး နှုတ်ဆက်ကြရတာ မဟုတ်လား။ အဲဒီလိုနှုတ်ဆက်တဲ့အခါ ..............။ ကိုယ့်ဘာသာကိုယ်သာ တွေးကြည့်ပါတော့ဗျာ။ ကျွန်တော်ကတော့ အိမ်ပြန်ရောက်ပြီး ဘောင်းဘီအိတ်ကပ်ကြီးတစ်ခုလုံးကို အိမ်ကမဟေသီထံ အပြုံးပွင့်တွေနဲ့ အပ်နှံလိုက်တဲ့အထိ တွေးမိလိုက်တယ်ဗျ။း)

****************************************************

တော်ပါပြီဗျာ။ နောက်မှပဲ အခြားသော စိတ်ဝင်စားဖွယ်ရာ ရယ်ရမခက်၊ ပြုံးရမခက် ပေါက်တတ်ကရ သတင်းဓာတ်ပုံလေးတွေကို တင်ပေးပါဦးမယ်။ အခုတော့ နားကြပါဦးစို့နော်။

အမှတ်တရ
ကိုဉာဏ် (ပန်းလောင်မြေ)
၂၀၁၀ ပြည့်နှစ် မတ်လ ၂ ရက်၊ အင်္ဂါနေ့။
ည ၁၁ နာရီ ၀၇ မိနစ်တွင်ပြီး၏။